ພ້ອມກັນສ້າງສາອະນຸພາກພື້ນແມ່ນ້ຳຂອງທີ່ເປີດກວ້າງປ່ຽນແປງໃໝ່, ມີຫົວຄິດປະດິດສ້າງ, ຂະຫຍັນຂັນເຄື່ອນ ແລະມີການພັດທະນາແບບຍືນຍົງ

ຍສໝ - ຕອນເຊົ້າວັນທີ 7 ພະຈິກ, ກອງປະຊຸມສຸດຍອດການຮ່ວມມືອະນຸພາກພື້ນແມ່ນ້ຳຂອງເປີດກວ້າງ (GMS) ຄັ້ງທີ 8 ໄດ້ໄຂຂຶ້ນຢ່າງສົມມີກຽດຢູ່ນະຄອນຄຸນມີງ, ແຂວງຢຸນນານ (ຈີນ).

	ບັນດານະໂຍບາຍໃຫມ່ຂອງກາຊັກສະຖານ ມຸ່ງໄປເຖິງການພັດທະນາແບບຍືນຍົງ
	ສະມາຄົມມິດຕະພາບ ຫວຽດນາມ, ໄທ: ເປີດກວ້າງການຮ່ວມມື, ເຊື່ອມຕໍ່ແບບຍືນຍົງ

ທ່ານ ຟ້າມມິງຈິ໊ງ ນາຍົກລັດຖະມົນຕີ ໄດ້ນຳໜ້າຄະນະຜູ້ແທນຂັ້ນສູງຫວຽດນາມ ເຂົ້າຮ່ວມກອງປະຊຸມຕາມຄຳເຊີນຂອງທ່ານ ຫຼີສຽງ ນາຍົກລັດຖະມົນຕີຈີນ. ເຂົ້າຮ່ວມກອງປະຊຸມມີຫົວໜ້າລັດຖະບານ/ຫົວໜ້າຄະນະຜູ້ແທນຂອງບັນດາປະເທດ ກຳປູເຈຍ, ລາວ, ມຽນມາ, ໄທ, ແລະຈີນ; ປະທານທະນາຄານພັດທະນາອາຊີ (ADB) ແລະຜູ້ຕາງໜ້າອົງການຈັດຕັ້ງສາກົນ ແລະພາກພື້ນ.

GMS ຕ້ອງສືບຕໍ່ປ່ຽນແປງໃໝ່ປະດິດຄິດສ້າງ

ດ້ວຍຄວາມຮັບຮູ້ຢ່າງເລິກເຊິ່ງກ່ຽວກັບຜົນກະທົບສະທ້ອນອັນເລິກເຊິ່ງກວ້າງຂວາງ, ຫຼາຍດ້ານຂອງການປະຕິວັດເຕັກໂນໂລຊີ, ກອງປະຊຸມໄດ້ເລືອກເອົາຫົວຂໍ້ວ່າ “ມຸ່ງໄປເຖິງປະຊາຄົມອັນດີງາມກວ່າຜ່ານການພັດທະນາຕາມທິດປ່ຽນແປງໃໝ່ປະດິດຄິດສ້າງ”.

ບັນດາການນຳໄດ້ເນັ້ນໜັກເຖິງຄວາມຮຽກຮ້ອງຕ້ອງການໃນການເພີ່ມທະວີການຮ່ວມມືເພື່ອຂຸດຄົ້ນຄວາມຄືບໜ້າອັນພົ້ນເດັ່ນຂອງວິທະຍາສາດ-ເຕັກໂນໂລຊີ ຮັບໃຊ້ຂະບວນການຫັນເປັນສີຂຽວ, ຫັນເປັນດີຈີຕອນໃນອະນຸພາກພື້ນແມ່ນ້ຳຂອງ. ຕາມນັ້ນແລ້ວ, ບັນດາການນຳໄດ້ເຫັນດີເປັນເອກະພາບສ້າງລະບົບປ່ຽນແປງໃໝ່ GMS ດ້ວຍ 3 ເສົາຄ້ຳຕົ້ນຕໍ, ຄື: ການຫັນເປັນດີຈີຕອນ, ການຫັນເປັນສີຂຽວ ແລະການເຊື່ອມຕໍ່.

ພ້ອມກັນສ້າງສາອະນຸພາກພື້ນແມ່ນ້ຳຂອງທີ່ເປີດກວ້າງປ່ຽນແປງໃໝ່, ມີຫົວຄິດປະດິດສ້າງ, ຂະຫຍັນຂັນເຄື່ອນ ແລະມີການພັດທະນາແບບຍືນຍົງ

ທ່ານນາຍົກລັດຖະມົນຕີຫວຽດນາມ ຟ້າມມິງຈິ໊ງ ກ່າວຄຳປາໄສທີ່ກອງປະຊຸມສຸດຍອດການຮ່ວມມືອະນຸພາກພື້ນແມ່ນ້ຳຂອງ ຄັ້ງທີ 8 (GMS). ພາບ: baochinhphu.vn

ທີ່ກອງປະຊຸມ, ທ່ານນາຍົກລັດຖະມົນຕີຫວຽດນາມ ຟ້າມມິງຈິ໊ງ ໄດ້ກ່າວຄຳປາໄສທີ່ສຳຄັນ, ທັງສະຫຼຸບຖອດຖອນບົດຮຽນໃນ 32 ປີແຫ່ງການຮ່ວມມື GMS, ທັງຊີ້ອອກທິດເດີນທາງທີ່ເໝາະສົມໃຫ້ແກ່ກົນໄກໃນໄລຍະພັດທະນາໃໝ່. ທ່ານນາຍົກລັດຖະມົນຕີ ຢືນຢັນບົດບາດຍຸດທະສາດຂອງ GMS ໃນຂະບວນການເຊື່ອມໂຍງເຂົ້າກັບສາກົນ ແລະການພັດທະນາຂອງອະນຸພາກພື້ນແມ່ນ້ຳຂອງ. ທ່ານນາຍົກລັດຖະມົນຕີ ຢັ້ງຢືນວ່າ ຫວຽດນາມ ຈະສືບຕໍ່ຮ່ວມມືຢ່າງແໜ້ນແຟ້ນກັບບັນດາປະເທດສະມາຊິກ ແລະບັນດາຄູ່ຮ່ວມມືພັດທະນາເພື່ອພ້ອມກັນກໍ່ສ້າງອະນຸພາກພື້ນແມ່ນ້ຳຂອງເປີດກວ້າງ, ປ່ຽນແປງໃໝ່ປະດິດຄິດສ້າງ, ຂະຫຍັນຂັນເຂື່ອນ ແລະພັດທະນາແບບຍືນຍົງ, ວັດທະນາຖາວອນ.

ກອງປະຊຸມໄດ້ສິ້ນສຸດລົງດ້ວຍຜົນສຳເລັດໂດຍບັນດາສະມາຊິກ GMS ໄດ້ເຫັນດີເປັນເອກະພາບຮັບຮອງເອົາຖະແຫຼງການຮ່ວມ ແລະຍຸດທະສາດປ່ຽນແປງໃໝ່ປະດິດຄິດສ້າງເພື່ອການພັດທະນາ GMS ຮອດປີ 2030. ກອງປະຊຸມຍັງໄດ້ຮັບຮູ້ 6 ເອກະສານກ່ຽວກັບດິນຟ້າອາກາດ ແລະສິ່ງແວດລ້ອມ, ການຫັນເປັນດີິຈີິຕອນ, ການລົງທຶນ, ຄວາມສະເໝີພາບລະຫວ່າງຍິງ-ຊາຍ, ສາທາລະນະສຸກ, ການຫັນເປັນດີິຈີິຕອນຂອງເອກະສານການຄ້າ ເພື່ອຜັນຂະຫຍາຍໃນໄລຍະຈະມາເຖິງ.

ນຳການພົວພັນລະຫວ່າງ ຫວຽດນາມ - ຈີນ ເຂົ້າສູ່ລວງເລິກ, ແທດຈິງຢ່າງບໍ່ຢຸດຢັ້ງ

ຕອນບ່າຍວັນທີ 7 ພະຈິກ, ທ່ານ ຟ້າມມິງຈິ໊ງ ນາຍົກລັດຖະມົນຕີຫວຽດນາມ ໄດ້ມີການພົບປະກັບທ່ານ ຫຼີສຽງ ນາຍົກລັດຖະມົນຕີຈີນ.

ນາຍົກລັດຖະມົນຕີ ສອງທ່ານ ໄດ້ຊົມເຊີຍບັນດາໝາກຜົນແຫ່ງການພັດທະນາອັນສຳຄັນເຊິ່ງແຕ່ລະພັກ, ແຕ່ລະປະເທດບັນລຸໄດ້ໃນໄລຍະຜ່ານມາ, ພິເສດແມ່ນບັນດາຜົນສຳເລັດອັນສຳຄັນໃນການພັດທະນາເສດຖະກິດ - ສັງຄົມ ຂອງແຕ່ລະປະເທດ, ສະແດງຄວາມປິຕິຊົມຊື່ນຕໍ່ກ່ອນທ່າພັດທະນາຢ່າງດີງາມ ແລະບັນດາຄວາມຄືບໜ້າຢ່າງແທດຈິງໃນການພົວພັນມິດຕະພາບ, ການຮ່ວມມືທີ່ຕ່າງຝ່າຍຕ່າງມີຄວາມສົນໃຈລະຫວ່າງຫວຽດນາມ ແລະຈີນ.

ທ່ານ ຟ້າມມີງຈິ໊ງ ນາຍົກລັດຖະມົນຕີຫວຽດນາມ ແລະທ່ານ ຫຼີສຽງ ນາຍົກລັດຖະມົນຕີຈີນ. ພາບ: ພາບ: baochinhphu.vn

ທ່ານນາຍົກລັດຖະມົນຕີຫວຽດນາມ ຟ້າມມິງຈິ໊ງ ຢືນຢັນວ່າ ການພັດທະນາການພົວພັນກັບ ຈີນ ແມ່ນແຜນນະໂຍບາຍທີ່ສະເໝີຕົ້ນສະເໝີປ່າຍ, ແມ່ນຄວາມຮຽກຮ້ອງຕ້ອງການພາວະວິໄສຈຸດປະສົງ, ແມ່ນການຄັດເລືອກຍຸດທະສາດ ແລະການໃຫ້ບຸລິມະສິດສູງສຸດໃນນະໂຍບາຍການພົວພັນຕ່າງປະເທດຂອງຫວຽດນາມ. ທ່ານນາຍົກລັດຖະມົນຕີ ໄດ້ຕີລາຄາສູງຕໍ່ບັນດາໝາກຜົນ ແລະບົດບາດຂອງ ຈີນ ຕໍ່ກັບຜົນສຳເລັດຂອງກອງປະຊຸມ GMS ຄັ້ງທີ 8. ກ່ຽວກັບທິດທາງການຮ່ວມມືໃນໄລຍະຈະມາເຖິງ, ທ່ານນາຍົກລັດຖະມົນຕີ ຟ້າມມິງຈິ໊ງ ສະເໜີໃຫ້ສອງຝ່າຍສືບຕໍ່ຜັນຂະຫຍາຍຄວາມຮັບຮູ້ລວມລະຫວ່າງການນຳຂັ້ນສູງຂອງສອງພັກ, ສອງລັດ, ຮັກສາການພົບປະຂັ້ນສູງ ແລະທຸກຂັ້ນ ເພື່ອແລກປ່ຽນກ່ຽວກັບການພົວພັນສອງຝ່າຍ ແລະບັນຫາທີ່ຕ່າງຝ່າຍຕ່າງມີຄວາມສົນໃຈ.

ທ່ານນາຍົກລັດຖະມົນຕີ ຟ້າມມິງຈິ໊ງ ກໍ່ສະເໜີໃຫ້ສອງຝ່າຍມານະພະຍາຍາມປັບປຸງພື້ນຖານສັງຄົມຂອງການພົວພັນສອງຝ່າຍ, ຜັນຂະຫຍາຍປີພົບປະແລກປ່ຽນມະນຸດສະທໍາ ຫວຽດນາມ - ຈີນ 2025 ໃຫ້ເປັນຢ່າງດີ, ຖືວ່ານີ້ແມ່ນກາລະໂອກາດ ເພື່ອຍູ້ແຮງການພົບປະແລກປ່ຽນປະຊາຊົນ ແລະໂຄສະນາມິດຕະພາບ; ຊຸກຍູ້ການຟື້ນຟູການທ່ອງທ່ຽວ, ບັນລຸໄດ້ ແລະກາຍກ້າວເຂົ້າສູ່ລະດັບກ່ອນພະຍາດໂຄວິດ-19 ແຜ່ລະບາດ. ທ່ານນາຍົກລັດຖະມົນຕີ ຖືວ່າ, ສອງຝ່າຍຕ້ອງເອົາໃຈໃສ່ເຖິງການຄວບຄຸມຄວາມບໍ່ລົງລອຍກັນຢູ່ທະເລໃຫ້ເປັນຢ່າງດີ, ບໍ່ປະໃຫ້ບັນດາບັນຫາຢູ່ທາງທະເລກະທົບເຖິງການພົວພັນມິດຕະພາບອັນດີງາມລະຫວ່າງສອງປະເທດ.

ທ່ານ ຫຼີສຽງ ນາຍົກລັດຖະມົນຕີຈີນ ໄດ້ຕີລາຄາສູງການປະຕິບັດງານຂອງທ່ານ ຟ້າມມິງຈິ໊ງ ນາຍົກລັດຖະມົນຕີຫວຽດນາມ ຢູ່ໄປຍັງຢຸນນານ ແລະ Chongqing. ກ່ຽວກັບຂໍ້ສະເໜີການຮ່ວມມືຂອງຫວຽດນາມ, ທ່ານ ຫຼີສຽງ ນາຍົກລັດຖະມົນຕີຈີນ ຢືນຢັນວ່າ ພັກ, ລັດຖະບານຈີນ ຍາມໃດກໍ່ຖືການພົວພັນກັບຫວຽດນາມ ແມ່ນບຸລິມະສິດໃນນະໂຍບາຍການທູດບ້ານໃກ້ເຮືອນຄຽງ; ເນັ້ນໜັກວ່າ ຈີນ ພ້ອມແລ້ວທີ່ຈະພ້ອມກັບຫວຽດນາມ ຮັກສາການແລກປ່ຽນຍຸດທະສາດ, ເຮັດໃຫ້ການຮ່ວມມືທີ່ແທດຈິງໃຫ້ເລິກເຊິ່ງຂຶ້ນກວ່າອີກ, ນໍາການພົວພັນຄູ່ຮ່ວມມືຍຸດທະສາດຮອບດ້ານ, ປະຊາຄົມແບ່ງປັນອະນາຄົດຫວຽດນາມ-ຈີນ ມີຄວາມໝາຍຍຸດທະສາດເຂົ້າສູ່ລວງເລິກ, ແທດຈິງຢ່າງບໍ່ຢຸດຢັ້ງ.

ຫວຽດນາມ ເຂົ້າຮ່ວມຢ່າງຕັ້ງໜ້າ, ເປັນເຈົ້າການ ແລະມີຫົວຄິດປະດິດສ້າງໃນຂະບວນການພັດທະນາ ACMECS

ຕອນບ່າຍວັນທີ 7 ພະຈິກ, ກອງປະຊຸມສຸດຍອດຂອບຍຸດທະສາດການຮ່ວມມືດ້ານເສດຖະກິດ ແມ່ນໍ້າອິຣະວະດີ-ແມ່ນ້ຳເຈົ້າພະຍາ-ແມ່ນ້ຳຂອງ (ACMECS) ຄັ້ງທີ 10 ໄດ້ໄຂຂຶ້ນດ້ວຍໂດຍມີການເຂົ້າຮ່ວມຂອງບັນດາຫົວໜ້າຄະນະລັດຖະບານ/ຫົວໜ້າຄະນະຜູ້ແທນຂອງບັນດາປະເທດ ກຳປູເຈຍ, ລາວ, ມຽນມາ, ໄທ ແລະຫວຽດນາມ. ກອງປະຊຸມມີຫົວຂໍ້ວ່າ “ມຸ່ງໄປເຖິງການເຊື່ອມຕໍ່ ເພື່ອອະນຸພາກພື້ນແມ່ນ້ຳຂອງເຊື່ອມໂຍງ”. ໂດຍໄດ້ຮັບຄຳເຊີນຂອງທ່ານ ສອນໄຊ ສີພັນດອນ ປະທານກອງປະຊຸມ - ນາຍົກລັດຖະມົນຕີລາວ, ທ່ານ ຟ້າມມິງຈິ໊ງ ນາຍົກລັດຖະມົນຕີ ໄດ້ນຳໜ້າຄະນະຜູ້ແທນຂັ້ນສູງຫວຽດນາມ ເດີນທາງໄປເຂົ້າຮ່ວມກອງປະຊຸມ.

ທ່ານ ຟ້າມມີງຈິ໊ງ ນາຍົກລັດຖະມົນຕີຫວຽດນາມ ແລະຫົວໜ້າຄະນະຜູ້ແທນເຂົ້າຮ່ວມກອງປະຊຸມ ACMECS ຄັ້ງທີ 10. ພາບ: ສໍານັກຂ່າວສານຫວຽດນາມ

ທີ່ກອງປະຊຸມ, ເພື່ອຮັບມືກັບບັນດາສິ່ງທ້າທາຍຢ່າງມີປະສິດທິຜົນ ແລະຍາດແຍ່ງກາລະໂອກາດໃໝ່, ບັນດາການນຳໄດ້ເຫັນດີສືບຕໍ່ຊຸກຍູ້ການພັດທະນາແບບດຸ່ນດ່ຽງ, ກວມລວມເອົາ ແລະຍືນຍົງ, ເພີ່ມທະວີການຮ່ວມມືກັບບັນດາກົນໄກຮ່ວມມືແບບຍືນຍົງ, ເພີ່ມທະວີການຮ່ວມມືກັບບັນດາກົນໄກຮ່ວມມືອະນຸພາກພື້ນແມ່ນ້ຳຂອງ ເພື່ອສົມທົບກັນກໍ່ສ້າງປະຊາຄົມ ACMECS “ສາມັກຄີ, ເຂັ້ມແຂງ ແລະຍືນຍົງ”. ກອງປະຊຸມໄດ້ຮັບຮອງເອົາເອກະສານນິຍາມແນວຄວາມຄິດກ່ຽວກັບການຄຸ້ມຄອງແຫຼ່ງຊັບພະຍາກອນນ້ຳໃນອະນຸພາກພື້ນແມ່ນ້ຳຂອງ ໂດຍມີເປົ້າໝາຍເພີ່ມທະວີການສົມທົບປະສານງານຍຸດທະສາດລະຫວ່າງບັນດາສະມາຊິກໃນການຮັບມືກັບບັນດາສິ່ງທ້າທາຍໃນໄລຍະສັ້ນ ແລະຍາວນານ.

ກ່າວຄຳເຫັນທີ່ກອງປະຊຸມ, ທ່ານນາຍົກລັດຖະມົນຕີຫວຽດນາມ ຟ້າມມິງຈິ໊ງ ເນັ້ນໜັກເຖິງບົດບາດໃຈກາງຂອງ ACMECS ໃນການຮ່ວມມືອະນຸພາກພື້ນແມ່ນ້ຳຂອງ, ໂດຍແມ່ນພາກສ່ວນທີ່ຂາດບໍ່ໄດ້ຂອງປະຊາຄົມອາຊຽນ, ແມ່ນປະຕູເຊື່ອມຕໍ່ອາຊຽນ ກັບອາຊີຕາເວັນອອກສ່ຽງເໜືອ, ອາຊີຕາເວັນອອກສ່ຽງໃຕ້ ແລະແມ່ນຂົວຕໍ່ລະຫວ່າງປາຊີຟິກ ແລະ ມະຫາສະໝຸດອິນເດຍ. ທ່ານນາຍົກລັດຖະມົນຕີ ຢືນຢັນວ່າ ຫວຽດນາມ ສືບຕໍ່ເຂົ້າຮ່ວມຢ່າງຕັ້ງໜ້າ, ເປັນເຈົ້າການ ແລະມີຫົວຄິດປະດິດສ້າງເຂົ້າໃນຂະບວນການພັດທະນາ ACMECS, ສູ້ຊົນມານະພະຍາຍາມສ້າງ “ACMECS ໃຫ້ເຂັ້ມແຂງ ເພື່ອອາຊຽນ ແຫ່ງຄວາມສາມັກຄີ, ເປັນເອກະພາບໃນຫຼາຍຮູບຫຼາຍແບບ ແລະພັດທະນາຢ່າງສະເໝີພາບ”.

ບັນດາຄໍາໃຫ້ຂໍ້ສັງເກດ ແລະຄຳສະເໜີຂອງທ່ານນາຍົກລັດຖະມົນຕີຫວຽດນາມ ຟ້າມມິງຈິ໊ງ ໄດ້ຮັບການຕີລາຄາສູງຈາກກອງປະຊຸມ ແລະໄດ້ສະແດງອອກໃຫ້ເຫັນໃນເອກະສານກອງປະຊຸມ. ສິ້ນສຸດກອງປະຊຸມ, ບັນດາການນຳໄດ້ຮັບຮອງເອົາຖະແຫຼງການວຽງຈັນ ແລະເປັນສັກຂີພິຍານການມອບ-ຮັບບົດບາດເປັນປະທານ ACMECS ລະຫວ່າງ ລາວ-ມຽນມາ.

ກອງປະຊຸມສຸດຍອດການຮ່ວມມືກຳປູເຈຍ-ລາວ-ມຽນມາ-ຫວຽດນາມ (CLMV) ຄັ້ງທີ 11

ຕອນບ່າຍວັນທີ 7 ພະຈິກ, ກອງປະຊຸມສຸດຍອດການຮ່ວມມື ກຳປູເຈຍ-ລາວ-ມຽນມາ-ຫວຽດນາມ (CLMV) ຄັ້ງທີ 11 ໄດ້ໄຂຂຶ້ນໂດຍມີການເຂົ້າຮ່ວມຂອງຫົວໜ້າລັດຖະບານ/ຫົວໜ້າຄະນະຜູ້ແທນບັນດາປະເທດ CLMV ແລະທ່ານເລຂາທິການໃຫຍ່ອາຊຽນ. ທ່ານ ຟ້າມມິງຈິ໊ງ ນາຍົກລັດຖະມົນຕີຫວຽດນາມ ໄດ້ນຳໜ້າຄະນະຜູ້ແທນຂັ້ນສູງຫວຽດນາມ ເຂົ້າຮ່ວມກອງປະຊຸມ.

ທ່ານ ຟ້າມມີງຈິ໊ງ ນາຍົກລັດຖະມົນຕີຫວຽດນາມ ເຂົ້າຮ່ວມກອງປະຊຸມ CLMV ຄັ້ງທີ 11. ພາບ: ສໍານັກຂ່າວສານຫວຽດນາມ

ດ້ວຍຫົວຂໍ້ “ຊຸກຍູ້ນນ້ຳໃຈມິດຕະພາບ ແລະຄວາມສາມັກຄີເພື່ອປະຊາຄົມສ້າງຄວາມເຂັ້ມແຂງດ້ວຍຕົນເອງ ແລະວັດທະນາຖາວອນ”, ກອງປະຊຸມໄດ້ເຫັນດີເປັນເອກະພາບຊຸກຍູ້ການຮ່ວມມືໃນຂົງເຂດເຊື່ອມຕໍ່ພື້ນຖານໂຄງລ່າງທີ່ແຂງແກ່ນ ແລະນີ້ມນວນ, ສ້າງຄວາມສະດວກໃຫ້ແກ່ການຄ້າ ແລະການລົງທຶນ, ການທ່ອງທ່ຽວ, ພັດທະນາແຫຼ່ງຊັບພະຍາກອນມະນຸດ ແລະພັດທະນາຕະຫຼາດພະລັງງານພາຍໃນກຸ່ມ. ກອງປະຊຸມຍັງໄດ້ເຫັນດີເປັນເອກະພາບເພີ່ມທະວີການຮ່ວມມືໃນການຄຸ້ມຄອງແຫຼ່ງນ້ຳແບບຍືນຍົງ ແລະມີປະສິດທິຜົນ, ຍົກສູງກໍາລັງຄວາມສາມາດຜະລິດກະສິກຳສະຫຼາດ ແລະການຫັນປ່ຽນພະລັງງານແບບຍືນຍົງ.

ກ່າວຄຳເຫັນທີ່ກອງປະຊຸມ, ທ່ານນາຍົກລັດຖະມົນຕີ ໄດ້ໃຫ້ຂໍ້ສັງເກດວ່າ ໂລກພວມມີການເຄື່ອນໄຫວຢ່າງເລິກເຊິ່ງ, ມີລັກສະນະຍຸກສະໄໝ, ເປີດໂອກາດພັດທະນາທີ່ບໍ່ເຄີຍມີມາກ່ອນໃຫ້ 4 ປະເທດ, ກາລະໂອກາດຂອງຍຸກແຫ່ງການເຊື່ອມຕໍ່ ແລະປ່ຽນແປງໃໝ່ປະດິດຄິດສ້າງ. ນີ້ແມ່ນຈຸດເວລາທີ່ດີເພື່ອສ້າງບາດກ້າວບຸກທະລຸໃຫ້ແກ່ການຮ່ວມມື CLMV ເພື່ອແນໃສ່ນຳທັນ, ກ້າວໄປໜ້າ ແລະບືນຕົວຂຶ້ນ. ເພື່ອເຮັດສິ່ງດັ່ງກ່າວນີ້ໃຫ້ໄດ້, ບັນດາປະເທດ CLMV ຕ້ອງມີວິທີເຂົ້າເຖິງແບບໃໝ່, ບົນພື້ນຖານການເສີມຂະຫຍາຍກຳລັງແຮງພາຍໃນ ແລະກຳລັງແຮງພາຍນອກ.

ທ່ານນາຍົກລັດຖະມົນຕີ ຢັ້ງຢືນວ່າ ຫວຽດນາມ ຍາມໃດກໍ່ຖືເປັນສຳຄັນການຮ່ວມມື CLMV ແລະຈະສືບຕໍ່ປະກອບສ່ວນຈົນສຸດຄວາມສາມາດຂອງຕົນ ເພື່ອເຮັດໃຫ້ການພົວພັນມິດຕະພາບທີ່ເປັນມູນເຊື້ອ, ບ້ານໃກ້ເຮືອນຄຽງອັນເປັນມິດ, ຕ່າງຝ່າຍຕ່າງມີຜົນປະໂຫຍດໃຫ້ເລິກເຊິ່ງກວ່າອີກ, ເພື່ອໃຫ້ 4 ປະເທດນໍາທັນ, ກ້າວໄປໜ້າ ແລະບືນຕົວຂຶ້ນໃນສັງກາດພັດທະນາໃໝ່.

ສິ້ນສຸດກອງປະຊຸມ, ບັນດາການນຳໄດ້ຮັບຮອງເອົາຖະແຫຼງການຮ່ວມ ແລະເປັນສັກຂີພິຍານການມອບ-ຮັບບົດບາດເປັນປະທານຮ່ວມມື CLMV ລະຫວ່າງມຽນມາ ແລະຫວຽດນາມ.

ປຸກລະດົມການແຂ່ງຂັນທີ່ມີຫົວຄິດປະດິດສ້າງ ດ້ວຍຫົວຂໍ້ "ຫວຽດນາມໃນໃຈຂ້ອຍ!" ທີ່ຮຸງກາຣີ

ຍສໝ - ຕອບສະໜອງວັນເຊີດຊູພາສາຫວຽດນາມ ໃນວົງຄະນາຍາດຄົນຫວຽດນາມຢູ່ຕ່າງປະເທດ ປີ2024, ສູນພາສາຫວຽດນາມ Budapest ໄດ້ຈັດການປຖກລະດົມການແຂ່ງຂັນທີ່ມີຫົວຄິດປະດິດສ້າງ ດ້ວຍຫົວຂໍ້ "ຫວຽດນາມໃນໃຈຂ້ອຍ!" ໃນພິທີເປີດສົກຮຽນ 2024-2025 ທີ່ຫ້ອງວົງຄະນາຍາດຄົນຫວຽດນາມ, AsiaCenter Budapest.