ເຊື່ອມຕໍ່ບັນດາວິສາຫະກິດລັດເຊຍ ແລະ ເຫງ້ອານ ຢ່າງຕັ້ງໜ້າ

	ເຊີນລາ: ກະກຽມໃຫ້ວັນບຸນທ່ອງທ່ຽວວັດທະນະທຳ ເຊີນລາ-ຫົວພັນ ຢ່າງຕັ້ງໜ້າ
	ເປັນຄັ້ງທຳອິດ, ແຂວງ ເຫງ້ອານ ໄດ້ຈັດຕັ້ງການບຳລຸງສ້າງໃຫ້ນັກສຶກສາລາວ ທີ່ຮຽນຢູ່ໂຮງຮຽນມັດທະຍົມປາຍ

ທີ່​ກອງ​ປະຊຸມ, ບັນດາ​ສະມາຊິກສະມາຄົມ​ໄດ້ທົບທວນຄືນປະຫວັດສາດອັນ​ສະຫງ່າ, ຄວາມ​ໝາຍ​ອັນ​ສຳຄັນຍິ່ງ​ຂອງ​ການ​ປະຕິວັດ​ເດືອນ​ຕຸລາ​ ​ລັດ​ເຊຍ. ເມື່ອ 107 ປີກ່ອນ, ວັນທີ 7 ພະຈິກ 1917, ພາຍໃຕ້ການນຳພາຂອງພັກກອມມູນິດ ລັດເຊຍ, ນຳໜ້າໂດຍ ທ່ານ V.I.Lenin, ການປະຕິວັດເດືອນຕຸລາ ລັດເຊຍ ໄດ້ຮັບໄຊຊະນະ ແລະ ເຂົ້າໄປໃນປະຫວັດສາດຂອງມວນມະນຸດຄືເປັນເຫດການທີ່ຍິ່ງໃຫຍ່ທີ່ສຸດຂອງສະຕະວັດທີ XX. ການ​ປະ​ຕິ​ວັດ​ເດືອນ​ຕຸ​ລາ ​ໄດ້​ປຸກຊາດ​ທີ່​ຖືກ​ກົດ​ຂີ່, ເຍືອງ​ທາງ​ແຫ່ງ​ການ​ພັດ​ທະ​ນາ​ ແລະ​ ກ້າວຂຶ້ນ​​ສູ່​ການກໍ່​ສ້າງລັດທິສັງຄົມນິຍົມ.

ການ​ປະຕິວັດ​ເດືອນ​ຕຸລາ​ ລັດ​ເຊຍ ກໍ່​ໄດ້ສ້າງ​ພື້ນຖານ​ໃຫ້​ແກ່​ການ​ພົວພັນ​ມິດຕະພາບ​ທີ່​ເປັນ​ມູນ​ເຊື້ອ​ອັນ​ລ້ຳ​ຄ່າ​ລະຫວ່າງ​ສອງ​ຊາດ ຫວຽດນາມ ​ແລະ ລັດ​ເຊຍ. ຜ່ານ​ການ​ທົດ​ສອບ​ຂອງ​ເວລາ ​ແລະ ການຂຶ້ນລົງຂອງ​ປະຫວັດສາດ, ການ​ພົວພັນ​ລະຫວ່າງ​ສອງ​ປະ​ເທດຊາດກໍ່​ຍັງພັດທະນາ ​ແລະ ໄດຮັບການປັບປຸງ​ຢ່າງບໍ່ຢຸດຢັ້ງ.

ສະມາຄົມມິດຕະພາບ ຫວຽດນາມ - ລັດເຊຍ ແຂວງ ເຫງ້ອານ ຖວາຍດອກໄມ້ຢູ່ອະນຸສາວະລີ V.I.Lenin.

​ເພື່ອປັບປຸງການ​ພົວພັນ​ມິດຕະພາບ​ອັນສະໜິດແໜ້ນນັ້ນ, ​ໃນ​ປີ 2024, ສະມາຄົມ​ມິດຕະພາບ​ ຫວຽດນາມ - ລັດ​ເຊຍ ​ແຂວງ ​ເຫງ້ອານ ກໍ່ໄດ້​ມີ​ການ​ເຄື່ອນ​ໄຫວ​ທາງການທູດ​ປະ​ຊາ​ຊົນ. ສະມາຄົມ​ຍົກສູງ​ຄຸນ​ນະພາ​ບວຽກ​ງານ​ຂໍ້​ມູນ​ຂ່າວສານ ​ແລະ ເຜີຍແພ່ກ່ຽວກັບຄວາມ​ສາມັກຄີມິດຕະພາບ ​ແລະ ການ​ຮ່ວມ​ມື​ທີ່ເປັນມູນເຊື້ອ ​ລະຫວ່າງ​ລັດ ​ແລະ ປະຊາຊົນ ຫວຽດນາມ - ລັດ​ເຊຍ ຢ່າງຕັ້ງໜ້າ.

ມາ​ຮອດ​ປະຈຸ​ບັນ, ສະມາຄົມ​ມິດຕະພາບ​ ຫວຽດນາມ - ລັດ​ເຊຍ ​ແຂວງ ​ເຫງ້ອານ ໄດ້ມີ 13 ສາຂາສະມາຄົມຮາກ​ຖານ, ​ໃນ​ນັ້ນ​ມີສາຂາ 1 ​ຢູ່​ຕ່າງປະ​ເທດ (ນະຄອນ Ulyanovsk), 2 ສາຂາ​ຢູ່​ຂັ້ນ​ເມືອງ (ອຽນແທັງ, ຢຽນເຈົາ).

ຢູ່ Ulyanovsk - ບ້ານເກີດຂອງທ່ານຜູ້ນຳ V.I. Lenin, ສະມາຄົມສາມັກຄີຊາວ ຫວຽດນາມ ແລະ ສະມາຄົມມິດຕະພາບ ຫວຽດນາມ - ລັດເຊຍ ແຂວງ ເຫງ້ອານ ກໍ່ໄດ້ສົມທົບກັນຢ່າງແໜ້ນແຟ້ນໃນການຈັດຕັ້ງການກໍ່ສ້າງຫ້ອງອະນຸສອນປະທານ ໂຮ່ຈິມິນ ຢູ່ບໍລິເວນໂຮງຮຽນມັດທະຍົມຕອນປາຍເລກທີ 76 (ປະຈຸບັນໄດ້ປ່ຽນຊື່ເປັນໂຮງຮຽນມັດທະຍົມຕອນປາຍ ໂຮ່ຈີມິນ) ມີການປະກອບສ່ວນດ້ານຄຸນຄ່າ ແລະ ວັດຖຸຸພັນຂອງສະມາຊິກສະມາຄົມສອງແຂວງບໍ່ແມ່ນໜ້ອຍ. ປະຈຸ​ບັນ, ຫ້ອງອະນຸສອນ​ໄດ້​ກາຍ​ເປັນ​ສູນເຜີຍແພ່ກ່ຽວກັບປະ​ເທດ​ຊາດ ​ແລະ ປະຊາຊົນ​ນະຄອນ ເຫງ້ອານ ໃນ​ບ້ານ​ເກີດ​ເມືອງ​ນອນ​ຂອງທ່ານ V.I.Lenin. ນີ້​ກໍ​ແມ່ນ​ບ່ອນພົບປະແລກປ່ຽນ​ວັດທະນະທຳ​ຂອງຊຸມຊົນຊາວ ​ຫວຽດນາມ ​ແລະ ຊາວ ​ລັດ​ເຊຍ ທີ່​ຮັກ​ແພງ​ຫວຽດນາມ.

ຢ້ຽມຊົມຫໍວາງສະແດງກ່ຽວກັບການປະຕິວັດເດືອນຕຸລາ ລັດເຊຍ.

ທີ່​ກອງ​ປະຊຸມ, ບັນດາ​ສະມາຊິກ​ສະມາຄົມ​ມິດຕະພາບ ​ຫວຽດນາມ - ລັດ​ເຊຍ ​ແຂວງ ເຫງ້ອານ ​ໄດ້​ປຶກສາ​ຫາລື ວາງອອກ​ບັນດາ​ທິດ​ທາງ, ໜ້າ​ທີ່​ເພື່ອ​​ເພີ່ມ​ທະວີ ​ແລະ ພັດທະນາ​ວຽກ​ງານ​ການ​ທູດປະຊາຊົນ​ຂອງສະມາຄົມ​​, ຜ່ານນັ້ນ ກໍ່ຍົກສູງຄູນນະພາບວຽກງານຂອງສະມາຄົມ​ໃນ​ປີ 2025.

ກ່າວ​ຄຳປາໄສ​ຊີ້ນຳ​ທີ່​ກອງ​ປະຊຸມ, ທ່ານ ຫງວຽນຮົ່ງກີ ​ຮອງ​ປະທານ​ສະຫະພັນ​ບັນດາ​ອົງການ​ມິດຕະພາບ​ແຂວງ ເຫງ້ອານ ​ໄດ້​ຮອງຮູ້ບັນດາ​ໝາກຜົນ​ທີ່​ສະມາຄົມ​ມິດຕະພາບ ຫວຽດນາມ - ​ລັດ​ເຊຍ ​​ບັນລຸ​ໄດ້ໃນ​ປີ 2024. ທ່ານປາຖະຫນາໃນອາຍຸການຈະ​ມາ​ເຖິງ, ​ສະມາຄົມມິດຕະພາບ ຫວຽດນາມ - ລັດ​ເຊຍ ແຂວງ ເຫງ້ອານ ​ຈະກໍ່ສ້າງ​ໂຄງການ​ດ້ວຍບັນດາເນື້ອ​ໃນ​ຊຸກຍູ້​ຕະຫຼາດ​ຕ່າງປະ​ເທດ​ໂດຍ​ຜ່ານ​ການ​ເຄື່ອນ​ໄຫວ​ທາງ​ວຽກງານການ​ທູດປະຊາຊົນເພື່ອ​ໂຄສະນາ​ວັດທະນະທຳ​ທ້ອງ​ຖິ່ນ ກໍ່ຄືບັນດາ​ຜະລິດ​ຕະພັນ​ທ້ອງ​ຖິ່ນສົ່ງ​ໄປຕ່າງປະເທດ.

ພ້ອມ​ກັນ​ນັ້ນ, ກໍ່ຕັ້ງໜ້າເຮັດ​ບົດບາດ​ຂອງ “ຂົວເຊື່ອມຕໍ່” ​ເພື່ອ​ເຊື່ອມ​ຕໍ່​ບັນດາ​ວິ​ສາ​ຫະກິດ ​ລັດ​ເຊຍ ​ແລະ ບັນດາ​ວິ​ສາ​ຫະກິດ ເຫງ້ອານ ໃຫ້ເປັນຢ່າງດີ. ການ​ເຄື່ອນ​ໄຫວ​ນີ້ ​ປະກອບສ່ວນ​ເຂົ້າ​ໃນ​ການ​ພັດທະນາ​ເສດຖະກິດ, ວັດທະນະທຳ, ສັງຄົມ​ຂອງ​ແຂວງ. ສະມາຄົມ​ກໍ່​ສຸມ​ໃສ່ຮັບເພີ່ມ​ສະມາຊິກ​ໜຸ່ມ, ​ ມີຄວາມສຸດຈິດສຸດໃຈ ​ແລະ ຈິງໃຈ​ເຂົ້າ​ໃນສະມາຄົມ ​ເພື່ອ​ເສີມຂະຫຍາຍ​ກຳລັງແຮງ ​ແລະ ສືບ​ຕໍ່​ປະຕິບັດ​ພາລະກິດ​ເພີ່ມພູນຄູນສ້າງ​ມິດຕະພາບ​ ຫວຽດນາມ - ລັດ​ເຊຍ.

ມອບຂອງຂວັນຫຼາຍອັນ ໃຫ້ເດັກນ້ອຍພິການຢູ່ແຂວງ ເຫງ້ອານ ຍສໝ - ເນື່ອງ​ໃນ​ໂອກາດ​ວັນ​ເດັກນ້ອຍ​ສາກົນ 1 ມິຖຸນາ ​ແລະ ​ສະ​ເຫຼີ​ມສະຫຼອງ 98 ປີ​ແຫ່ງ​ວັນ​ນັກ​ຂ່າວ​ປະຕິວັດ​ຫວຽດນາມ, ຕອນ​ເຊົ້າ​ວັນ​ທີ 24 ພຶດສະພາ, ສະໂມສອນເຕັນນິດ​ນັກ​ຂ່າວເຫງ້ອານ ​ໄດ້​ມອບ​ຂອງຂວັນ​ຫຼາຍ​ຢ່າງ​ໃຫ້​ເດັກ​ພິການ ທີ່​ສູນ​ການ​ສຶກ​ສາ ແລະ ​ຝຶກ​ອົບ​ຮົມ​ອາ​ຊີບ​ຄົນ​ພິ​ການແຂວງ ເຫງ້ອານ.

ຫວຽດນາມ ສືບຕໍ່ປະກອບສ່ວນໃຫ້ແກ່ວຽກງານຂອງ UNDP ຢ່າງຕັ້ງໜ້າ ນອກຈາກການນຳໃຊ້ບັນດາແຫຼ່ງກຳລັງທີ່ມີຢູ່ແລ້ວ, ເພື່ອຮັບປະກັນປະສິດທິຜົນດ້ານລາຍຈ່າຍ, UNDP ຄວນມີຫົວຄິດປະດິດສ້າງໃນການຊອກຫາວິທີລະດົມແຫຼ່ງກຳລັງຈາກບັນດາຝ່າຍທີ່ກ່ຽວຂ້ອງ.