ກໍ່ສ້າງເສັ້ນທາງ, ຕະຫຼາດ... ຢູ່ຊາຍແດນ
ພາຍຫຼັງການກໍ່ສ້າງມາເປັນເວລາຫຼາຍປີ, ມາຮອດປະຈຸບັນ, ບັນດາລາຍການສຸດທ້າຍຂອງໂຄງການປັບປຸງ, ຍົກລະດັບເສັ້ນທາງຫຼວງແຫ່ງຊາດເລກທີ 8A - ເສັ້ນທາງສັ້ນທີ່ສຸດຈາກ ຮ່າຕິ້ງ ໄປຍັງລາວ ພວມປະຕິບັດໃຫ້ສຳເລັດຢ່າງຮີບດ່ວນ. ໂຄງການດັ່ງກ່າວມີຄວາມຍາວກວ່າ 85 ກິໂລແມັດຈາກສາມແຍກຕາແສງ ຮົ່ງລິ້ງ ເຖິງດ່ານຊາຍແດນສາກົນ ເກົາເເຈ່ວ (ເຮືອງເຊີນ). ໂຄງການລວມມີ 12 ບ້ວງຮັບເໝົາກໍ່ສ້າງ, ໃນນັ້ນ ແກ້ໄຂ 17 ຈຸດທີ່ເກີດດິນເຈື່ອນເລື້ອຍໆ ແລະ ມີຄວາມສ່ຽງທີ່ຈະເກີດດິນເຈື່ອນ. ນອກຈາກນັ້ນ, ໂຄງການຍັງໄດ້ປັບປຸງ, ເປີດກ້ວາງຂົວທີ່ເກົ່າ, ແຄບ, ຊຸດໂຊມ ຈໍານວນ 13 ແຫ່ງ.
ນີ້ແມ່ນເສັ້ນທາງທາງບົກໄປສູ່ທະເລທີ່ສັ້ນທີ່ສຸດໃນປະເທດລາວ ຜ່ານແຂວງຮ່າຕິ້ງ. ປະຈຸບັນ, ບັນດາຫົວໜ່ວຍກໍ່ສ້າງພວມເລັ່ງລັດປະຕິບັດບັນດາລາຍການສຸດທ້າຍຂອງໂຄງການ. ຄາດວ່າຮອດທ້າຍປີ 2024, ໂຄງການດັ່ງກ່າວຈະໄດ້ຮັບການເປີດສະຫຼອງ ເພື່ອນຳເຂົ້າໃຊ້ການ.
 |
| ການສ້າງສຳເລັດເສັ້ນທາງຫຼວງແຫ່ງຊາດເລກທີ 8A ກໍ່ເປັນການສ້າງກຳລັງຜັກດັນໃໝ່, ຊຸກຍູ້ການເຄື່ອນໄຫວການຄ້າລະຫວ່າງຫວຽດນາມ, ລາວ ແລະ ໄທ ຜ່ານດ່ານຊາຍແດນສາກົນ ເກົາແຈ່ວ. ພາບ Hoai Nam |
ຕາມການຄິດໄລ່, ຫຼັງຈາກເສັ້ນທາງຫຼວງແຫ່ງຊາດເລກທີ 8A ຖືກຍົກລະດັບແລ້ວ, ຈະຊ່ວຍໃຫ້ການຄົມມະນາຄົມຈາກເທດສະບານ ໂຟ໋ເຈົາ ຂຶ້ນໄປດ່ານຊາຍແດນ ເກົາແຈ່ວ ຈະສະດວກກວ່າ, ໂດຍໃຊ້ເວລາເດີນທາງພຽງ 1,5 ຊົ່ວໂມງໂດຍເວລາປົກກະຕິແມ່ນເກືອບ 3 ຊົ່ວໂມງ. ການສ້າງສຳເລັດເສັ້ນທາງຫຼວງແຫ່ງຊາດເລກທີ 8A ກໍ່ສ້າງກຳລັງຜັກດັນໃໝ່, ຊຸກຍູ້ການເຄື່ອນໄຫວການຄ້າລະຫວ່າງຫວຽດນາມ, ລາວ ແລະ ໄທ ຜ່ານດ່ານຊາຍແດນສາກົນ ເກົາແຈ່ວ.
ໂດຍໄດ້ຮູ້ວ່າ ໃນໄລຍະມໍ່ໆມານີ້, ແຂວງ ຮ່າຕິ້ງ ໄດ້ຜັນຂະຫຍາຍຫຼາຍມາດຕະການ ເພື່ອພັດທະນາຢ່າງເປັນຈັງຫວະພ້ອມພຽງສະໝ່ຳສະເໝີກັນ ແລະ ຍົກລະດັບລະບົບຄົມມະນາຄົມ ໃນນັ້ນສຸມໃສ່ການເຊື່ອມຕໍ່ຄົມມະນາຄົມລະຫວ່າງພາກພື້ນ. ສໍາເລັດບັນດາການວາງແຜນຜັງທີ່ກ່ຽວຂ້ອງກັບໂຄງລ່າງຊາຍແດນ ແລະ ພັດທະນາການເຄື່ອນໄຫວການຄ້າຊາຍແດນ ເຊັ່ນ ໂຄງການເດີ່ນກວດກາສານເຄມີ, ສູນ logistics, ສາງ, ສູນການຄ້າ ແລະ ການບໍລິການ.
ແຂວງກໍ່ໄດ້ປະຕິບັດການຫັນການລົງທຶນກໍ່ສ້າງບັນດາໂຄງການ Logistics, ທ່າເຮືອແຫ້ງ (ທ່າເຮືອບົກ) ຢູ່ເຂດເສດຖະກິດດ່ານຊາຍແດນສາກົນ ເກົາແຈ່ວ ໃຫ້ມີລັກສະນະສັງຄົມ; ກວດກາ, ຊຸກຍູ້ການຜັນຂະຫຍາຍບັນດາກົນໄກ, ນະໂຍບາຍ ເພື່ອສ້າງເງື່ອນໄຂດຶງດູດສິນຄ້າຂາອອກຂາເຂົ້າ ໂດຍຜ່ານດ່ານຊາຍແດນສາກົນ ເກົາແຈ່ວ, ທ່າກຳປັ່ນ ຫວູງອ໋າງ. ຕາມແຜນການແລ້ວ, ຈະດຶງດູດການລົງທຶນກໍ່ສ້າງຕະຫຼາດຊາຍແດນໃໝ່ 2 ແຫ່ງ, ລະອຽດ: ຕະຫຼາດຊາຍແດນ ເຊີນຮົ່ງ, ຕັ້ງຢູ່ຕາແສງ ເຊີນຮົ່ງ, ເມືອງ ເຮືອງເຊີນ ດ້ວຍການຈັດປະເພດຕະຫຼາດຂັ້ນ 3, ເນື້ອທີ່ແຜນຜັງ 3.000 ຕາແມັດ; ຕະຫຼາດຊາຍແດນ ເຊີນກິມ, ທີ່ຕັ້ງຢູ່ຕາແສງ ເຊີນກິມ 1, ເມືອງ ເຮືອງເຊີນ ດ້ວຍການຈັດປະເພດຕະຫຼາດຂັ້ນ3, ເນື້ອທີ່ແຜນການ 6.800 ຕາແມັດ.
ແຂວງ ກວາງບິ່ງ ພວມຍູ້ແຮງການຮ່ວມມືພັດທະນາ ແລະ ເຊື່ອມຕໍ່ພື້ນຖານໂຄງລ່າງດ້ານການຄ້າຢູ່ເຂດຊາຍແດນກັບແຂວງຄໍາມ່ວນ; ສະຫວັນນະເຂດ (ລາວ). ພ້ອມກັນນັ້ນ, ກໍ່ສົ່ງເສີມການຫັນເປັນສັງຄົມໃນການລົງທຶນກໍ່ສ້າງ ແລະ ພັດທະນາພື້ນຖານໂຄງລ່າງການຄ້າຊາຍແດນ ລວມມີ ຕະຫຼາດຊາຍແດນ, ຊຸບເປີ້ມາເກັດ, ສູນການຄ້າ, ສູນຊື້ເຄື່ອງ, ສູນ logicstic, ສາງສິນຄ້າ, ສາງຄ່ຽນຖ່າຍສິນຄ້າ... ຕາມທິດສີວິໄລ, ທັນສະໄໝ ເໝາະສົມກັບເງື່ອນໄຂພັດທະນາຂອງແຕ່ລະເຂດຊາຍແດນຂອງແຂວງ. ສ້າງເປັນບັນດາສູນ logistics ເພື່ອຕອບສະໜອງຄວາມຕ້ອງການຂອງການໄຫຼວຽນຂອງສິນຄ້າ, ຊຸກຍູ້ການເຄື່ອນໄຫວຄ່ຽນຖ່າຍສິນຄ້າ, ການນຳເຂົ້າ ແລະ ສົ່ງອອກສິນຄ້າໄປຍັງດ່ານຊາຍແດນສົ່ງອອກຂ້າມຊາຍແດນໃຫ້ເໝາະສົມຕາມແຜນຜັງເຂດ, ແຂວງ...
ການພັດທະນາໂຄງລ່າງການຄ້າຊາຍແດນ ໄດ້ຮັບຄວາມເອົາໃຈໃສ່ ແລະ ຖືເປັນສຳຄັນຈາກແຂວງ ກວາງຈີ້ ໃນຊຸມປີຜ່ານມາ. ພິເສດ, ແຂວງ ກວາງຈີ້ ພວມສົມທົບກັບແຂວງສະຫວັນນະເຂດ ເພື່ອສະເໜີໂຄງການກໍ່ສ້າງເຂດເສດຖະກິດ-ການຄ້າ ຂ້າມຊາຍແດນລວມ ລາວບາວ-ແດນສະຫວັນ. ແຂວງ ກວາງຈີ້ ໄດ້ຈັດຕັ້ງການສຳມະນາເພື່ອຮັບເອົາຄຳເຫັນຈາກບັນດານັກຊ່ຽວຊານ, ນັກວິທະຍາສາດ, ອົງການທີ່ກ່ຽວຂ້ອງ, ການປະກອບຄຳເຫັນຈາກປະຊາຄົມວິສາຫະກິດ ຫວຽດນາມ ແລະ ລາວ. ແຂວງ ກວາງຈີ້ ຫວັງວ່າ ໂຄງການຈະກໍ່ສ້າງເຂດຊາຍແດນ ລາວບາວ-ແດນສະຫວັນ ໃຫ້ກາຍເປັນຈຸດພົ້ນເດັ່ນຢູ່ຫົວຂົວຂອງແລວເສດຖະກິດຕາເວັນອອກ-ຕາເວັນຕົກ ໄປທາງຫວຽດນາມ, ເປັນແບບຢ່າງກ່ຽວກັບການຄ້າຂ້າມຊາຍແດນ.
ຕາມແຜນການປະຕິບັດໂຄງການພັດທະນາພື້ນຖານໂຄງລ່າງການຄ້າຊາຍແດນຮອດປີ 2025, ດ້ວຍວິໄສທັດຮອດປີ 2030 ໂດຍຄະນະກຳມະການປະຊາຊົນແຂວງ ເຊີນລາ ໄດ້ປະກາດໃຊ້, ເປົ້າໝາຍທີ່ວາງອອກແມ່ນຊຸກຍູ້ການຮ່ວມມື, ພັດທະນາ ແລະ ການເຊື່ອມຕໍ່ພື້ນຖານໂຄງລ່າງການຄ້າຊາຍແດນລະຫວ່າງແຂວງ ເຊີນລາ ແລະ ບັນດາແຂວງຕິດກັບຊາຍແດນຂອງລາວ; ດຶງດູດ ແລະ ຫັນການລົງທຶນກໍ່ສ້າງ ແລະ ພັດທະນາພື້ນຖານໂຄງລ່າງການຄ້າຊາຍແດນໃຫ້ມີລັກສະນະສັງຄົມ.
ໃນນັ້ນ ກໍ່ສຸມໃສ່ດຶງດູດການລົງທຶນບັນດາສູນ, ເຂດການບໍລິການປະສົມປະສານ logistics ຢູ່ເຂດດ່ານຊາຍແດນ ລ໋ອງເຊິບ, ຈຽງເຄືອງ ເພື່ອເຮັດສຳເລັດພື້ນຖານໂຄງລ່າງຢູ່ບັນດາເຂດຊາຍແດນ; ສົ່ງເສີມການພັດທະນາຖັນແຖວນັກຄ້າທີ່ເຂົ້າຮ່ວມການເຄື່ອນໄຫວທຸລະກິດ; ຍົກສູງຄຸນນະພາບຂອງແຫຼ່ງຊັບພະຍາກອນມະນຸດ ທີ່ເຮັດວຽກງານພັດທະນາການຄ້າຊາຍແດນ; ກໍ່ສ້າງພື້ນຖານຂໍ້ມູນກ່ຽວກັບການພັດທະນາການຄ້າຊາຍແດນ.
ຂີດໝາຍໃນການພັດທະນາພື້ນຖານໂຄງລ່າງການຄ້າຊາຍແດນ
ໃນເດືອນມັງກອນ 2024, ກະຊວງອຸດສາຫະກຳ ແລະ ການຄ້າ ຫວຽດນາມ ແລະ ກະຊວງອຸດສາຫະກຳ ແລະ ການຄ້າ ລາວ ໄດ້ລົງນາມໃນບົດບັນທຶກຊ່ວຍຈຳກ່ຽວກັບການພັດທະນາ ແລະ ເຊື່ອມຕໍ່ພື້ນຖານໂຄງລ່າງການຄ້າຊາຍແດນ ຫວຽດນາມ - ລາວ. ນີ້ແມ່ນຂໍ້ຕົກລົງຂັ້ນລັດຖະບານຄັ້ງທຳອິດໃນຂົງເຂດການຮ່ວມມືພັດທະນາພື້ນຖານໂຄງລ່າງການຄ້າຊາຍແດນລະຫວ່າງຫວຽດນາມ - ລາວ.
ບົດບັນທຶກຊ່ວຍຈຳໄດ້ຮັບການຜັນຂະຫຍາຍຢູ່ 10 ແຂວງຊາຍແດນຂອງຫວຽດນາມ ຄື: ດ້ຽນບຽນ, ເຊີນລາ, ແທງຮວ໋າ, ເງ້ອານ, ຮ່າຕິ້ງ, ກວາງບິ່ງ, ກວາງຈີ້, ເທື່ອທຽນເຫ້ວ, ກວາງນາມ ແລະ ກອນຕູມ ແລະ 10 ແຂວງຊາຍແດນຂອງລາວ ຄື: ຜົ້ງສາລີ, ຫຼວງພະບາງ, ຫົວພັນ, ຊຽງຂວາງ, ບໍລິຄຳໄຊ, ຄຳມ່ວນ, ສາຫວັນນະເຂດ, ສາລະວັນ, ເຊກອງ, ອັດຕະປື.
ເພື່ອໃຫ້ບົດບັນທຶກຊ່ວຍຈຳກ້າວເຂົ້າສູ່ຕົວຈິງ, ໃນເດືອນຕຸລາ 2024, ທ່ານນາຍົກລັດຖະມົນຕີ ຫວຽດນາມ ໄດ້ຮັບຮອງເອົາແຜນການປະຕິບັດບົດບັນທຶກຊ່ວຍຈຳກ່ຽວກັບການພັດທະນາ ແລະ ເຊື່ອມຕໍ່ພື້ນຖານໂຄງລ່າງການຄ້າຊາຍແດນຫວຽດນາມ - ລາວ.
 |
| ຫວຽດນາມ ແລະ ລາວ ໄດ້ລົງນາມຂໍ້ຕົກລົງຂັ້ນລັດຖະບານຄັ້ງທຳອິດໃນຂົງເຂດການຮ່ວມມືພັດທະນາພື້ນຖານໂຄງລ່າງການຄ້າຊາຍແດນລະຫວ່າງ 2 ປະເທດ. ພາບ: ອຸດສາຫະກຳ ແລະ ການຄ້າ |
ຕາມນັ້ນແລ້ວ, 2 ອົງການຜູ້ປະສານສອງຝ່າຍຂອງ ຫວຽດນາມ ແລະ ລາວ ໄດ້ປຶກສາຫາລື ແລະ ເຫັນດີເປັນເອກະພາບກ່ຽວກັບບັນຊີລາຍຊື່ພື້ນຖານໂຄງລ່າງການຄ້າຊາຍແດນທີ່ຕ້ອງໄດ້ຮັບບຸລິມະສິດເພື່ອກໍ່ສ້າງຕາມແຜນການຂອງແຕ່ລະທ້ອງຖິ່ນຊາຍແດນໃນແຕ່ລະໄລຍະ; ເລືອກເຟັ້ນໂຄງລ່າງການຄ້າຊາຍແດນຢ່າງໜ້ອຍ 1 ປະເພດ ເພື່ອໃຫ້ບຸລິມະສິດການລົງທຶນກໍ່ສ້າງເພື່ອລາຍງານໃຫ້ລັດຖະບານຕັດສິນ; ຍູ້ແຮງການພັດທະນາພື້ນຖານໂຄງລ່າງການຄ້າຊາຍແດນຫຼາຍປະເພດຢູ່ບັນດາແຂວງຊາຍແດນຫວຽດນາມ - ລາວ.
ຄົ້ນຄວ້າຂໍ້ສະເໜີນະໂຍບາຍພັດທະນາພື້ນຖານໂຄງລ່າງການຄ້າຊາຍແດນໃຫ້ເໝາະສົມກັບຄວາມສາມາດບົ່ມຊ້ອນຂອງບັນດາແຂວງຊາຍແດນຫວຽດນາມ-ລາວ; ໜູນຊ່ວຍນັກທຸລະກິດນຳສິນຄ້າເຂົ້າສູ່ລະບົບການຈຳໜ່າຍຕາມຮູບແບບການຄ້າຊາຍແດນ.
ກວດກາຄືນບັນດາປະເພດໂຄງລ່າງການຄ້າຊາຍແດນທີ່ຕ້ອງໄດ້ຮັບການຍົກລະດັບ, ປັບປຸງ ແລະ ບັນຊີລາຍຊື່ພື້ນຖານໂຄງລ່າງການຄ້າຊາຍແດນທີ່ໃຫ້ບຸລິມະສິດການລົງທຶນກໍ່ສ້າງ. ຊຸກຍູ້ການພັດທະນາພື້ນຖານໂຄງລ່າງການຄ້າຊາຍແດນບັນດາປະເພດຢູ່ບັນດາແຂວງຊາຍແດນຫວຽດນາມ - ລາວ.
ສົ່ງເສີມບັນດາການເຄື່ອນໄຫວນັກທຸລະກິດຫວຽດນາມ ແລະ ລາວ ເຂົ້າຮ່ວມການລົງທຶນກໍ່ສ້າງພື້ນຖານໂຄງລ່າງການຄ້າຊາຍແດນຕາມລະບຽບການໃນປະຈຸບັນ; ສອງຝ່າຍໄດ້ປຶກສາຫາລື, ເຫັນດີເປັນເອກະພາບເພີ່ມທະວີການເຄື່ອນໄຫວຈັດຕັ້ງ ແລະ ສົ່ງເສີມການລົງທຶນກໍ່ສ້າງພື້ນຖານໂຄງລ່າງການຄ້າຊາຍແດນຢູ່ເຂດຊາຍແດນຫວຽດນາມ - ລາວ ເປັນແຕ່ລະໄລຍະຢ່າງໜ້ອຍປີລະ 1 ຄັ້ງ.
ຫຼາຍທ້ອງຖິ່ນ ແລະ ຂະແໜງການທີ່ມີໜ້າທີ່ ພວມສືບຕໍ່ປະຕິບັດສຳເລັດແລວທາງນິຕິກຳ ເພື່ອເພີ່ມທະວີການເຄື່ອນໄຫວສົ່ງອອກຂອງບັນດາແຂວງຊາຍແດນໄປຍັງລາວ. ບໍ່ພຽງແຕ່ແມ່ນການປະຕິຮູບເສດຖະກິດເທົ່ານັ້ນ, ຫາກຍັງແມ່ນປັດໄຈສຳຄັນທີ່ສຸດໃນການຮັກສາຄວາມສາມັກຄີ, ສະຖຽນລະພາບ ແລະ ຄວາມປອດໄພດ້ານການເມືອງຢູ່ເຂດຊາຍແດນ.
 | ນ້ຳໃຈມິດຕະພາບລະຫວ່າງປະຊາຊົນ ຫວຽດນາມ-ນິກາຣາກວາ ແມ່ນພື້ນຖານຊຸກຍູ້ການພົວພັນສອງຝ່າຍ ຍສໝ - ນີ້ແມ່ນເນື້ອໃນຂອງການພົບປະແລກປ່ຽນລະຫວ່າງທ່ານ ຟານແອງເຊີນ, ປະທານສະຫະພັນບັນດາອົງການມິດຕະພາບ ຫວຽດນາມ ແລະ ທ່ານ Mario José Armengol Campos, ເອກອັກຄະລັດຖະທູດຜູ້ມີອຳນາດເຕັມ ແຫ່ງ ສາທາລະນະລັດ ນິກາຣາກວາ ປະຈຳ ຫວຽດນາມ ໃນວັນທີ 18 ກໍລະກົດ ຢູ່ ຮ່າໂນ້ຍ. |
 | ລາວເອົາໃຈໃສ່ພັດທະນາພື້ນຖານໂຄງລ່າງເພື່ອເຊື່ອມຕໍ່ກັບພາກພື້ນ ແລະ ສາກົນ ຍສໝ - ລາວ ພວມຕັ້ງໜ້າຄົ້ນຄວ້າ ແລະ ພັດທະນາເສັ້ນທາງຄົມມະນາຄົມ ແລະ ເສັ້ນທາງລົດໄຟ ເພື່ອເຊື່ອມຕໍ່ກັບພາກພື້ນ ແລະ ສາກົນ, ໃນນັ້ນມີ ຫວຽດນາມ, ແນໃສ່ປະຕິບັດຍຸດທະສາດ ຫັນໃຫ້ລາວຈາກປະເທດບໍ່ມີທາງອອກສູ່ທະເລ ກາຍເປັນປະເທດທີ່ເຊື່ອມໂຍງເຂົ້າກັບການບໍລິການຄົມມະນາຄົມໃນພາກພື້ນ ແລະ ສາກົນ. |
ມີງດຶກ
