ກຽນ​ຢາງພັດ​ທະ​ນາ ແລະ ເຊື່ອມ​ຕໍ່​ພື້ນ​ຖານ​ໂຄງ​ລ່າງ​ທາງ​ການ​ຄ້າ ເຂດ​ຊາຍ​ແດນ​ກັບ​ກຳ​ປູ​ເຈຍ
	EVFTA ສ້າງ​ແງ່​ຫວັງ​ໃຫ້​ແກ່​ບັນດາ​ພື້ນຖານ​ເສດຖະກິດ ​ເອີຣົບ

ລາວ ພວມ​ຕັ້ງໜ້າ​ຄົ້ນຄວ້າ ​ແລະ ພັດທະນາ​ເສັ້ນທາງ​ຄົມມະນາຄົມ ​ແລະ ​ເສັ້ນທາງ​ລົດ​ໄຟ ​ເພື່ອ​ເຊື່ອມ​ຕໍ່​ກັບ​ພາກ​ພື້ນ ​ແລະ ​ສາກົນ, ​ໃນ​ນັ້ນ​ມີ ຫວຽດນາມ, ແນໃສ່ປະຕິບັດ​ຍຸດ​ທະ​ສາດ​ ຫັນໃຫ້​ລາວ​ຈາກ​ປະ​ເທດ​ບໍ່​ມີ​ທາງ​ອອກ​ສູ່​ທະ​ເລ ກາຍເປັນປະເທດທີ່​ເຊື່ອມ​ໂຍງ​ເຂົ້າ​ກັບ​ການ​ບໍລິການ​ຄົມມະນາຄົມ​ໃນ​ພາກ​ພື້ນ ​ແລະ ສາກົນ.

Các đại biểu tham dự Kỳ họp thường kỳ lần thứ 7, Quốc hội Lào khóa IX. Ảnh: Báo Pasaxon ບັນດາຜູ້ແທນເຂົ້າຮ່ວມກອງປະຊຸມສະໄໝສາມັນເທື່ອທີ 7 ຂອງສະພາແຫ່ງຊາດລາວ ຊຸດທີ 9. ພາບ: ໜັງສືພິມ ປະຊາຊົນ

ໃນກອງປະຊຸມສະໄໝສາມັນເທື່ອທີ 7 ຂອງສະພາແຫ່ງຊາດ ຊຸດທີ 9 ທີ່ນະຄອນຫຼວງ ວຽງຈັນ, ທ່ານ ລັດຖະມົນຕີ ກະຊວງໂຍທາທິການ ແລະ ຂົນສົ່ງ, ທ່ານ ງາມປະສົງ ເມືອງມະນີ ໄດ້ສະເໜີບົດລາຍງານກ່ຽວກັບແຜນພັດທະນາພື້ນຖານໂຄງລ່າງກັບແລວເສດຖະກິດ, ການເຊື່ອມຈອດກັບສາກົນ ແລະ ພາກພື້ນ ເພື່ອບໍລິການການຂົນສົ່ງສິນຄ້າຂ້າມຊາຍແດນ ແລະ ການທ່ອງທ່ຽວ.

ຕາມ​ທ່ານ​ລັດຖະມົນຕີ​ກະຊວງ​ໂຍທາ​ທິການ ​ແລະ ຂົນ​ສົ່ງ​ລາວ​ແລ້ວ, ​ແນໃສ່ຈັດຕັ້ງ​ປະຕິບັດ​ຍຸດ​ທະ​ສາດ​ ຫັນ​ປະ​ເທດ​ລາວ​ຈາກ​ປະ​ເທດ​ບໍ່​ມີ​ທາງ​ອອກ​ສູ່​ທະ​ເລ ​ເປັນ​ປະ​ເທດ​ເຊື່ອມ​ຕໍ່​ການ​ບໍລິການ​ຂົນ​ສົ່ງ​ໃນ​ພາກ​ພື້ນ ​ແລະ ສາກົນ, ກະຊວງ​ໂຍທາ​ທິການ ​ແລະ ຂົນ​ສົ່ງ​ລາວ​ໄດ້​ສຸມ​ໃສ່​ພັດທະນາ. ພື້ນຖານໂຄງລ່າງທີ່ສຳຄັນເພື່ອເຊື່ອມຕໍ່ກັບພາກພື້ນ ແລະ ໃນໂລກ.

ບູລິມະສິດໜຶ່ງໃນແຜນພັດທະນາຂອງກະຊວງໂຍທາທິການ ແລະ ຂົນສົ່ງຂອງລາວ ແມ່ນການພັດທະນາພື້ນຖານໂຄງລ່າງດ້ານຄົມມະນາຄົມໃນຫຼາຍຮູບຫຼາຍແບບເພື່ອເຊື່ອມຕໍ່ພາກພື້ນ, ເຊື່ອມຕໍ່ປະເທດເພື່ອນບ້ານ ກໍ່ຄືຢູ່ພາຍໃນປະເທດ. ພ້ອມ​ນັ້ນ​, ​ໄດ້​ສຸມ​ໃສ່​ຈັດ​ຕັ້ງ ​ແລະ ຜັນ​ຂະຫຍາຍ​ການ​ພັດທະນາ​ຕາໜ່າງ​ເສັ້ນທາງ ​ເຊັ່ນ: ​ໄດ້​ສຸມ​ໃສ່​ຍົກ​ລະດັບ ​ແລະ ປັບປຸງ​ທາງ​ຫຼວງ​​ແຫ່ງ​ຊາດ ​ເຊັ່ນ: ​ເສັ້ນທາງ 13 ​ເໜືອ (AH12), ​ເສັ້ນທາງ 13 ​ໃຕ້ (AH11), ​ເສັ້ນທາງ 2E ​ແລະ 2W (AH13), ​ເສັ້ນທາງ​ເລກ 12 (AH131), ​ໃນ​ນັ້ນ​ມີ​ເສັ້ນທາງ​ເລກ 8 ​ເຊື່ອມ​ຕໍ່​ກັບ​ດ່ານ​ຊາຍ​ແດນ​ສາກົນ​ເກົາແຈ່ວ ​ແລະ ​ເສັ້ນທາງ​ເລກ 12 (AH131) ​ເຊື່ອມ​ຕໍ່​ກັບ​ດ່ານ​ຊາຍ​ແດນ​ສາກົນ​ຈ່າ​ລໍ່​ຂອງ​ຫວຽດນາມ...

ນອກຈາກນັ້ນ, ລັດຖະບານລາວ ຍັງຊຸກຍູ້ໃຫ້ພາກເອກະຊົນພາຍໃນ ແລະ ຕ່າງປະເທດ ສຶກສາຄວາມເປັນໄປໄດ້ຂອງທາງດ່ວນ ແລະ ພັດທະນາຕາໜ່າງທາງລົດໄຟ ໄປຄຽງຄູ່ກັບການສືບຕໍ່ກໍ່ສ້າງພື້ນຖານໂຄງລ່າງ ແລະ ການບໍລິການທາງລົດໄຟລາວ-ຈີນ. ພ້ອມ​ກັນ​ນັ້ນ, ສືບ​ຕໍ່​ສຸມ​ໃສ່​ພັດ​ທະ​ນາ​ທາງ​ລົດ​ໄຟ​ລາວ-ໄທ ຈາກ​ນະ​ຄອນຫຼວງວຽງ​ຈັນ (ລາວ) ຫາ ແຂວງ​ໜອງ​ຄາຍ (ໄທ).

ໃນ​ແຜນການ​ຂະຫຍາຍ​ຕາ​ໜ່າງ​ທາງ​ລົດ​ໄຟ​, ລັດຖະບານ​ລາວ​ພວມ​ສຶກສາ​ຄວາມ​ເປັນ​ໄປ​ໄດ້​ຂອງ​ເສັ້ນທາງ​ລົດ​ໄຟ​ຈາກ​ນະຄອນຫຼວງ​ວຽງ​ຈັນ-ທ່າ​ແຂກ-​ມູຊ່າ (ຫວຽດນາມ) ​ແລະ ​ເສັ້ນທາງ​ລົດ​ໄຟ​ຈາກ​ສະ​ຫວັນ​ນະ​ເຂດ-ລາວ​ບາວ, ພ້ອມດຽວກັນນັ້ນ ກໍ່ໄດ້ສຶກສາຄົ້ນຄວ້າຄວາມເປັນໄປໄດ້ ຂອງເສັ້ນທາງລົດໄຟ ລາວ-ກຳປູເຈຍ.

​ຫວຽດນາມ ​ແລະ ລາວ ມີ​ຊາຍ​ແດນ​ຮ່ວມກັນ. ການ​ເຄື່ອນ​ໄຫວ​ສ້ອມ​ແປງ​ແລະ​ຍົກ​ລະດັບ​ທາງ​ຫຼວງ​ແຫ່ງ​ຊາດ​ລາວ​ທີ່​ເຊື່ອມ​ຕໍ່​ກັບ​ດ່ານ​ຊາຍ​ແດນ​ສາກົນ​ລາວ-ຫວຽດນາມ ​ຈະ​ຊ່ວຍ​ປັບປຸງ​ຄວາມ​ສາມາດ​ຂົນ​ສົ່ງ, ​ເຮັດ​ໃຫ້​ໄລຍະ​ຫ່າງ ​ລະຫວ່າງ​ດ່ານ​ຊາຍ​ແດນ​ ແລະ​ທ່າ​ກຳ​ປັ່ນ​ຫຼຸດ​ຜ່ອນ​ເວລາ​ຂັບ​ຂີ່, ຫຼຸດຜ່ອນ​ຄ່າ​ຂົນ​ສົ່ງ, ຫຼຸດຜ່ອນ​ມົນ​ລະ​ພິດ​ສິ່ງ​ແວດ​ລ້ອມ, ຫຼຸດຜ່ອນ​ອຸປະຕິ​ເຫດ​ຈະລາຈອນ. ​ເພີ່ມ​ທະວີ​ການ​ເຊື່ອມ​ຕໍ່​ແລວ​ທາງ​ທິດຕາ​ເວັນ​ອອກ-ຕາ​ເວັນ​ຕົກ, ຊຸກຍູ້​ການ​ຄ້າ​ລະຫວ່າງ​ຫວຽດນາມ - ລາວ ​ແລະ ພາກ​ຕາ​ເວັນ​ອອກ​ສ່ຽງ​ເໜືອ, ຮັບ​ໃຊ້​ການ​ພັດທະນາ​ເສດຖະກິດ - ສັງຄົມ​ຂອງ​ແຕ່ລະ​ປະ​ເທດ.

ຫວຽດນາມ - ລາວ ​ເພີ່ມ​ທະວີ​ການ​ຮ່ວມ​ມື ​ແລະ ​ແລກປ່ຽນ​ບົດຮຽນ​ໃນ​ການ​ຄຸ້ມ​ຄອງ​ລັດ​ດ້ານ​ສາສະໜາ ໃນ​ຂອບ​ເຂດ​ການ​ຢ້ຽມຢາມ, ເຮັດວຽກຢູ່ຫວຽດນາມ ແຕ່ວັນທີ 5-9 ມິຖຸນາ ຂອງຄະນະກຳມະການສູນກາງແນວລາວສ້າງຊາດ, ຕອນເຊົ້າ 6 ມິຖຸນາ, ທ່ານຮອງລັດຖະມົນຕີກະຊວງພາຍໃນ ວຸຈຽນທັງ ໄດ້ພົບປະເຈລະຈາກັບ ທ່ານຮອງປະທານຄະນະກຳມະການສູນກາງແນວລາວສ້າງຊາດ ຈັນເພັງ ສຸດທິວົງ, ຫົວໜ້າຄະນະ. Trong khuôn khổ chuyến thăm, làm việc tại Việt Nam ...

ການ​ພົວພັນ​ແບບ​ພິ​ເສດ ​ຫວຽດນາມ - ລາວ ​ແມ່ນ​ຊັບ​ສິນ​ອັນ​ລ້ຳ​ຄ່າ​ໃນ​ປະຫວັດສາດ​ໂລກ ຍ​ສ​ໝ - ກ່າວ​ຄຳ​ເຫັນ​ທີ່​ພິທີ​ສະ​ເຫຼີ​ມສະຫຼອງ 60 ປີ​ແຫ່ງ​ວັນ​ສ້າງ​ຕັ້ງ​ການ​ພົວພັນ​ທາງ​ການ​ທູດ ​ແລະ 45 ປີ​ແຫ່ງ​ວັນ​ເຊັນ​ສົນທິສັນຍາ​ມິດຕະພາບ ​ແລະ ການ​ຮ່ວມ​ມື ຫວຽດນາມ - ລາວ, ທ່ານ​ເລຂາທິການ​ໃຫຍ່ ຫງວຽນ​ຟູຈ້ອງ ​ເນັ້ນ​ໜັກ​ວ່າ ການ​ພົວພັນ​ແບບ​ພິ​ເສດ ຫວຽດນາມ - ລາວ ​ໄດ້​ຮັບ​ການ​ຈັດ​ຕັ້ງ​ຢ່າງສົມ​ກຽດ​ຈ​າກການ​ນຳ​ປະ​ຕິ​ວັດ​ຂອງ​ຫວຽດ​ນາມ ແລະ ລາວ; ​ໄດ້​ຮັບ​ການ​ກໍ່ສ້າງ, ຮັກສາ ...