 | ງານແຂ່ງຂັນເທັນນິດ ມິດຕະພາບ 2024: ກິລາເຊື່ອມຕໍ່ຊາວຮ່າໂນ້ຍ ກັບເພື່ອນມິດສາກົນ |
| ຍູ້ແຮງການຮ່ວມມືມິດຕະພາບ ຫວຽດນາມ - ໄທ ຜ່ານບັນດາການເຄື່ອນໄຫວທາງການທູດປະຊາຊົນ |
ກອງປະຊຸມໄດ້ມີການເຂົ້າຮ່ວມຂອງຄະນະຜູ້ແທນຂັ້ນສູງ 35 ຄະນະທີ່ມາຈາກບັນດາທ້ອງຖິ່ນສາກົນທີ່ມີການພົວພັນຮ່ວມມືມິດຕະພາບກັບ ນະຄອນໂຮ່ຈິມິນ.
 |
| ພາບເປີດກອງປະຊຸມສົນທະນາມິດຕະພາບ ນະຄອນໂຮ່ຈິມິນ 2024. |
ກ່າວຄຳປາໄສທີ່ພິທີເປີດ, ທ່ານປະທານຄະນະກຳມະການປະຊາຊົນ ນະຄອນໂຮ່ຈີມິນ ຟ່ານວັນໝາຍ ໃຫ້ຮູ້ວ່າ ຫົວຂໍ້ຂອງການສົນທະນາມິດຕະພາບປີ 2024 ໄດ້ເຕື້ອງເຖິງບັນຫາທີ່ຈຳເປັນ ແລະ ຮີບດ່ວນຂອງປະຈຸບັນ.ໃນໄລຍະແຫ່ງການຫັນເປັນອຸດສາຫະກຳຢ່າງເລິກເຊິ່ງກ້ວາງຂວາງ, ນະວັດຕະກຳ ແລະ ການພັດທະນາແບບຍືນຍົງ ກາຍເປັນປັດໄຈຕັດສິນໃຫ້ຄວາມສຳເລັດ. ຕໍ່ກັບຄວາມກົດດັນຄວບຄູ່ຈາກການຮັກສາການເຕີບໂຕເສດຖະກິດໃນຂະນະທີ່ຕອບສະຫນອງບັນດາມາດຕະຖານສິ່ງແວດລ້ອມ ແລະ ຄວາມຮັບຜິດຊອບສັງຄົມທີ່ນັບມືນັບເຂັ້ມງວດ, ພວກເຮົາຕ້ອງມີການປະດິດສ້າງ ແລະ ປັບຕົວ. ການເດີນທາງຫັນເປັນອຸດສາຫະກຳຂອງ ນະຄອນໂຮ່ຈິມິນ ໄດ້ຊຸກຍູ້ດ້ວຍທັງກຳລັງໜູນພາຍໃນ ແລະ ທ່າອ່ຽງຂອງໂລກ”.
ທ່ານປະທານຄະນະກຳມະການປະຊາຊົນນະຄອນ ໃຫ້ຮູ້ວ່າ ໃນດ້ານພາຍໃນ, ເພື່ອຮັກສາຄວາມສາມາດແກ່ງແຍ້ງ ແລະ ພັດທະນາແບບຍືນຍົງ, ນະຄອນໂຮ່ຈິມິນ ຕ້ອງຫັນປ່ຽນຈາກບັນດາຂະແໜງການອຸດສາຫະກຳດັ້ງເດີມໄປສູ່ບັນດາຂະຂະແໜງການອຸດສາຫະກຳເຕັກໂນໂລຢີສູງ ແລະ ມີມູນຄ່າເພີ່ມທີ່ສູງ...
ເປົ້າໝາຍຂອງນະຄອນແມ່ນຍົກອັດຕາສ່ວນຖ່ວງບັນດາຂະແໜງການອຸດສາຫະກຳເຕັກໂນໂລຢີສູງໃນຍອດ GDP ຂອງນະຄອນຈາກ 23% ໃນປະຈຸບັນເປັນ 40% ໃນປີ 2030, ບໍ່ພຽງແຕ່ຊ່ວຍຮັກສາການປະກອບສ່ວນເຂົ້າໃນພື້ນຖານເສດຖະກິດແຫ່ງຊາດເທົ່ານັ້ນ, ຫາກຍັງປັບປຸບທີ່ຕັ້ງນຳໜ້າຂອງນະຄອນໃນທົ່ວປະເທດ ແລະ ພາກພື້ນ. ນອກຈາກນັ້ນ, ທ່າອ່ຽງທົ່ວໂລກ ພວມມີການຫັນປ່ຽນຢ່າງໃຫຍ່ຫຼວງໃນທ້ອງຕະຫຼາດສາກົນ, ມຸ່ງໄປເຖິງບັນດາວິທີການຜະລິດແບບຍືນຍົງ ແລະ ມີຄວາມຮັບຜິດຊອບຫຼາຍຂຶ້ນ. ບັນດາສັນຍາການຄ້າເສລີລຸ້ນໃໝ່ໄດ້ວາງອອກບັນດາມາດຕະຖານສູງກວ່າ, ຕິດພັນກັບການຄ້າກັບການພັດທະນາແບບຍືນຍົງ.
ເພື່ອຮັກສາການມີໜ້າທີ່ໝັ້ນຄົງໃນທ້ອງຕະຫຼາດໂລກ, ນະຄອນໂຮ່ຈິມິນ ຕ້ອງຕອບສະໜອງບັນດາມາດຕະຖານເຫຼົ່ານີ້. ນະຄອນໂຮ່ຈິມິນ ໄດ້ນຳໃຊ້ຍຸດທະສາດຄວບຄູ່, ສົມທົບການຫັນເປັນສີຂຽວ ແລະ ຫັນເປັນດິຈິຕອນ ເພື່ອກໍ່ສ້າງພື້ນຖານເສດຖະກິດແບບຍືນຍົງ, ກວມລວມ ແລະ ມີຄວາມອາດສາມາດຟື້ນຟູ, ກາຍເປັນຮູບແບບທີ່ສາມາດທາບທາມສຳລັບບັນດາຖ້ອງຖິ່ນ. ນະຄອນໂຮ່ຈິມິນ ກໍ່ສຸມໃສ່ພັດທະນາບັນດາຂະແໜງການອຸດສາຫະກຳເຕັກໂນໂລຢີສູງ, ລົງທຶນເຂົ້າໃນການຫັນເປັນອັດຕະໂນມັດ, ໂຮງງານອັດສະລິຍະ, ເຕັກໂນໂລຢີການຜະລິດທີ່ກ້າວໜ້າ ເພື່ອຍົກລະດັບບັນດາຕ່ອງໂສ້ລະບົບມູນຄ່າ. ນະຄອນໃຫ້ຄຳໝັ້ນສັນຍາຈະສືບຕໍ່ເປັນຄູ່ຮ່ວມມືທີ່ຂະຫຍັນຂັນເຄື່ອນ, ເປີດອົກເປີດໃຈ ແລະ ຈິງໃຈກັບບັນດາທ້ອງຖິ່ນໃນທົ່ວໂລກ.
ທີ່ກອງປະຊຸມ, ບັນດາຜູ້ແທນໄດ້ຮັບຟັງບົດລາຍງານໂດຍສັງເຂບກ່ຽວກັບການຫັນເປັນອຸດສາຫະກຳຢູ່ນະຄອນ ໂຮ່ຈີມິນ. ຫຼັງຈາກນັ້ນ, ບັນດາຜູ້ແທນໄດ້ປຶກສາຫາລືກ່ຽວກັບຂະບວນການຫັນເປັນອຸດສາຫະກຳຂອງບັນດາທ້ອງຖິ່ນສາກົນ, ລວມມີ ບົດຮຽນປະສົບການໃນການສ້າງນະໂຍບາຍຊຸກຍູ້ການເຕີບໂຕອຸດສາຫະກຳຢູ່ທ້ອງຖິ່ນ; ບັນດາການປ່ຽນແປງໃໝ່ກ່ຽວກັບເຕັກໂນໂລຢີ; ລະດົມແຫຼ່ງກຳລັງ (PPP, ການເງິນ, ຊັບພະຍາກອນມະນຸດ...). ບັນດາຜູ້ແທນ ກໍ່ຕີລາຄາບັນດາຄວາມຫຍຸ້ງຍາກ, ສິ່ງທ້າທາຍຂອງນະຄອນ ໂຮ່ຈີມິນ ໃນຂະບວນການຫັນເປັນອຸດສາຫະກຳ ແລະ ສະເໜີບັນດາກຸ່ມຂົງເຂດທີ່ສາມາດຮ່ວມມືກັບ ນະຄອນ ໂຮ່ຈີມິນ.
ຕອນບ່າຍວັນທີ 24 ກັນຍາ, ໃນຂອບເຂດເຫດການສົນທະນາມິດຕະພາບ ນະຄອນໂຮ່ຈິມິນ ຄັ້ງທີ 2 ປີ 2024, ຄະນະກຳມະການປະຊາຊົນນະຄອນໂຮ່ຈິມິນ ໄດ້ຈັດຕັ້ງພິທີປະກາດສັນຍາລັກມິດຕະພາບສາກົນ ນະຄອນໂຮ່ຈິມິນ, ເຊິ່ງເປັນຂີດໝາຍການພົວພັນຮ່ວມມືທີ່ໝັ້ນຄົງ ລະຫວ່າງນະຄອນໂຮ່ຈີມິນ ກັບບັນດາທ້ອງຖິ່ນ, ຄູ່ຮ່ວມມືສາກົນ.
ສັນຍາລັກມິດຕະພາບສາກົນ ໄດ້ຕັ້ງຢູ່ສວນສາທາລະນະ ເບັ໋ນແບັກດັ່ງ, ພື້ນທີ່ແຫ່ງສັນຕິພາບຢູ່ໃຈກາງນະຄອນໂຮ່ຈິມິນ ເປັນຫຼັກຖານພະຍານທີ່ມີຊີວິດຊີວາໃຫ້ວິໄສທັດຂອງນະຄອນໃນການຍົກລະດັບການວຽກງານການພົວພັນຕ່າງປະເທດ, ພ້ອມກັນນັ້ນ ກໍ່ສົ່ງສານເຖິງເພື່ອນມິດສາກົນກ່ຽວກັບຄວາມຍິນດີຕ້ອນຮັບ, ເປີດອົກເປີດໃຈ ແລະ ຄວາມປາຖະຫນາທີ່ຈະບືນຕົວອອກໄປສູ່ໂລກ, ພ້ອມກັນສ້າງອະນາຄົດທີ່ສັນຕິພາບ, ວັດທະນາຖາວອນ.
 |
| ສັນຍາລັກມິດຕະພາບສາກົນ ໄດ້ຕັ້ງຢູ່ສວນສາທາລະນະ ເບັ໋ນແບັກດັ່ງ. |
ສ່ວນທີ່ໂດດເດັ່ນຢູ່ເທິງຂອງສັນຍາລັກແມ່ນວົນກົມ Mobius - ສັນຍາລັກຂອງຄວາມບໍ່ມີຂອບເຂດ, ເປັນສັນຍາລັກຂອງການພັດທະນາຢ່າງຕໍ່ເນື່ອງ, ຍືນຍົງ ແລະ ບໍ່ມີຈຸດຢຸດ. ນີ້ແມ່ນປະຕູເຊື່ອມຕໍ່ນະຄອນໂຮ່ຈິມິນ ກັບໂລກ, ລະຫວ່າງໂລກກັບນະຄອນ. ດ້ວຍເຕັກໂນໂລຢີ 3D Mapping ທີ່ກ້າວໜ້າ ແລະ Water slide Deca, ວົນກົມ Mobius ບໍ່ພຽງແຕ່ແມ່ນສັນຍາລັກແຫ່ງການເຊື່ອມໂຍງເທົ່ານັ້ນ, ຫາກຍັງແມ່ນພາຫະນະເພື່ອສະແດງບັນດາຮູບພາບວັດທະນະທຳ, ສິລະປະ, ເພື່ອແນະນຳຄວາມງາມ, ແຜ່ກະຈາຍຄວາມຮັກແພງແຂກຄົນເຖິງເພື່ອນມິດສາກົນ. ວົງກົມຂອງສັນຍາລັກແມ່ນຄວັດຊື່ບັນດາທ້ອງຖິ່ນທີ່ໄດ້ສ້າງຕັ້ງການພົວພັນມິດຕະພາບການຮ່ວມມືກັບ ນະຄອນໂຮ່ຈິມິນ.
ໃນຂອບເຂດການສົນທະນາມິດຕະພາບ ນະຄອນໂຮ່ຈິມິນ ຄັ້ງທີ 2 ໃນປີ 2024 ຈະດຳເນີນບັນດາການເຄື່ອນໄຫວການທູດມະຫາຊົນອື່ນໆ ເຊັ່ນ: ການສະແດງຈ້ອງເວີ່ນ, ບາລູນ, ການແນະນຳອາຫານ ຫວຽດນາມ...
 | ນະຄອນ ໂຮ່ຈິມິນ: ແຈ້ງຂໍ້ມູນກ່ຽວກັບມະຕິເລກທີ 98 ໃຫ້ຊາວຫວຽດນາມ ທີ່ອາໄສຢູ່ ແຟງລັງ ຍສໝ - ແຕ່ວັນທີ 13-14 ກັນຍາ (ຕາມເວລາທ້ອງຖິ່ນ), ສະຖານທູດ ຫວຽດນາມ ປະຈຳ ແຟງລັງ ແລະ ຄະນະກຳມະການກ່ຽວກັບຊາວຫວຽດນາມ ອາໄສຢູ່ຕ່າງປະເທດ ນະຄອນ ໂຮ່ຈີມິນ (HCMC) ໄດ້ຈັດຕັ້ງກອງປະຊຸມແຈ້ງຂໍ້ມູນເຜີຍແຜ່ກ່ຽວກັບມະຕິເລກທີ 98/2023/QH15 ຂອງສະພາແຫ່ງຊາດ ແລະ ໂຄງການນະໂຍບາຍເສີມຂະຫຍາຍຢ່າງມີສິດທິຜົນແຫຼ່ງກຳລັງການສົ່ງເງິນຕາຕ່າງປະເທດກັບຄືນມາປະເທດ ຂອງຊາວຫວຽດນາມ ທີ່ອາໄສຢູ່ຕ່າງປະເທດ ບົນບໍລິເວນນະຄອນ ໂຮ່ຈິມິນ ... |
 | ເກີນເທີ ໄດ້ຈັດຕັ້ງຄະນະຜູ້ແທນພົບປະແລກປ່ຽນມິດຕະພາບຢູ່ ຝຣັ່ງ ຍສໝ - ສະຫະພັນບັນດາອົງການມິດຕະພາບນະຄອນ ເກີນເທີ ແລະ ສະມາຄົມມິດຕະພາບ ຫວຽດນາມ - ຝຣັ່ງ ນະຄອນ ເກີນເທີ ຫາກໍ່ຈັດຕັ້ງຄະນະຜູ້ແທນພົບປະແລກປ່ຽນມິດຕະພາບຢູ່ ຝຣັ່ງ. |
ມີງດຶກ
