ໂດຍນອນໃນຂອບເຂດການເຄື່ອນໄຫວຊ້ອມຮົບ ສົມທົບກັບການປ້ອງກັນ, ຕ້ານໄພທໍາມະຊາດ, ຊອກຫາກູ້ໄພລະຫວ່າງເມືອງໄຕຢາງ, ແຂວງກວ໋າງນາມ, ຫວຽດນາມ ແລະເມືອງກາລຶມ, ແຂວງເຊກອງ, ສປປ ລາວ, ຕອນບ່າຍວັນທີ 4 ຕຸລາ, ກອງບັນຊາການທະຫານແຂວງກວ໋າງນາມ ໄດ້ສົມທົບກັບເມືອງໄຕຢາງ ຈັດຕັ້ງພິທີ ເປີດສະຫຼອງ ແລະມອບ-ຮັບໂຄງການກໍ່ສ້າງແສງໄຟເຍືອງທາງໃຫ້ປະຊາຊົນບ້ານຕາວາງ, ເມືອງ ກະລຶມ, ແຂວງເຊກອງ (ລາວ).
 |
| ພິທີມອບ-ຮັບໂຄງການກໍ່ສ້າງແສງໄຟເຍືອງທາງໃຫ້ບ້ານຕາວາງ, ເມືອງກະລຶມ, ແຂວງເຊກອງ, ປະເທດລາວ. ພາບ: baoxaydung.com.vn |
ຕາມນັ້ນແລ້ວ, ໂຄງການກໍ່ສ້າງແສງໄຟເຍືອງທາງ ດ້ວຍການໃຊ້ພະລັງງານໄຟຟ້າແສງຕາເວັນ ລວມມີ ເສົາໄຟເຫຼັກ 15 ຕົ້ນ ແລະດອກໄຟແສງຕາເວັນ 31 ດອກ ດ້ວຍຍອດມູນຄ່າເກືອບ 100 ລ້ານດົ່ງ. ເພື່ອກໍ່ສ້າງໂຄງການໃຫ້ສຳເລັດຕາມກຳນົດເວລາ, ກອງບັນຊາການທະຫານເມືອງໄຕຢາງ ໄດ້ລະດົມກໍາລັງທະຫານລາດທີ່ປະຈຳຢູ່ຕາມຕາແສງຊາຍແດນຕິດກັບລາວ ຂົນສົ່ງວັດຖຸອຸປະກອນດ້ວຍທາງບົກ ແລະຈັດຕັ້ງການກໍ່ສ້າງໃຫ້ໄດ້ຕາມມາດຖານເຕັກນິກ.
ເມື່ອກໍ່ສ້າງສຳເລັດ ແລະຈັດພິທີມອບ-ຮັບໃຫ້ນຳໃຊ້, ໂຄງການດັ່ງກ່າວໄດ້ປະກອບສ່ວນປັບປຸງຊີວິດການເປັນຢູ່ຂອງປະຊາຊົນຢູ່ບ້ານຕາວາງ. ຜ່ານນັ້ນໄດ້ຮັດແໜ້ນສາຍພົວພັນມິດຕະພາບແບບພິເສດລະຫວ່າງສອງປະເທດ ຫວຽດນາມ - ລາວ ເວົ້າລວມ ແລະສອງແຂວງກວ໋າງນາມ - ເຊກອງ ເວົ້າສະເພາະ.
ບູນມີ
