 |
| ທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ ໄດ້ເຂົ້າພົບປະກັບທ່ານເລຂາທິການໃຫຍ່, ປະທານປະເທດ ລາວ ທອງລຸນ ສີສຸລິດ. |
ທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ ໄດ້ສະແດງຄວາມຊົມເຊີຍລາວໃນຖານະເປັນປະທານ ອາຊຽນ 2024, ໄດ້ປະສົບຜົນສຳເລັດໃນການຈັດຕັ້ງບັນດາກອງປະຊຸມສຳຄັນຂອງອາຊຽນ ແລະ ສົ່ງຄຳຊົມເຊີຍຂອງທ່ານເລຂາທິການໃຫຍ່, ປະທານປະເທດ ຫວຽດນາມ ໂຕເລີມ, ທ່ານປະທານສະພາແຫ່ງຊາດ ເຈີ່ນແທ່ງເໝີນ ເຖິງປະເທດລາວ, ໂດຍມີການກະກຽມຢ່າງຮອບຄອບ, ເປັນມືອາຊີບດ້ວຍປະສົບການທີ່ມີໃນຖານະເປັນປະທານອາຊຽນ ໃນປີ 2004 ແລະ 2016, ຈະຈັດຕັ້ງກອງປະຊຸມສຸດຍອດອາຊຽນ ແລະ AIPA 45 ຢ່າງສຳເລັດຜົນ, ໂດຍຜ່ານນັ້ນ ກໍ່ໄດ້ປະກອບສ່ວນຢ່າງແທດຈິງໃຫ້ແກ່ການພັດທະນາຢ່າງໝັ້ນຄົງ, ຍືນຍົງ ແລະ ການເຕີບໂຕຂອງພາກພື້ນ, ພ້ອມທັງຍົກສູງບົດບາດ, ທີ່ຕັ້ງຂອງລາວໃນເວທີສາກົນ.
ທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ ໄດ້ຢືນຢັນວ່າ ພັກ, ລັດ ແລະ ປະຊາຊົນຫວຽດນາມ ຍາມໃດກໍ່ຖືເປັນສຳຄັນ ແລະ ບຸລິມະສິດສູງສຸດໃຫ້ແກ່ສາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄີແບບພິເສດ ແລະ ການຮ່ວມມືຮອບດ້ານລະຫວ່າງ ຫວຽດນາມ - ລາວ, ຖືວ່ານີ້ແມ່ນຊັບສິນອັນລ້ຳຄ່າ, ຄວາມຮຽກຮ້ອງພາວະວິໄສ, ບຸລິມະສິດແຖວໜ້າ, ທາງເລືອກອັນດັບໜຶ່ງ ແລະ ແມ່ນປັດໄຈເປັນຕາຍກັບພາລະກິດປະຕິວັດຂອງສອງປະເທດ, ເຊິ່ງຕ້ອງຮັກສາໃຫ້ຄົນລຸ້ນຫຼັງ; ຢືນຢັນຈະຊີ້ນຳບັນດາກະຊວງ, ຂະແໜງການ, ທ້ອງຖິ່ນຂອງຫວຽດນາມ ສົມທົບກັນຢ່າງແໜ້ນແຟ້ນກັບບັນດາກະຊວງ, ຂະແໜງການ, ທ້ອງຖິ່ນຂອງລາວ ເພື່ອຜັນຂະຫຍາຍບັນດາຂໍ້ຕົກລົງຂັ້ນສູງລະຫວ່າງສອງປະເທດໃຫ້ເປັນຢ່າງດີ, ໃນນັ້ນມີຖະແຫຼງການຮ່ວມ ຫວຽດນາມ - ລາວ ເນື່ອງໃນໂອກາດການໄປຢ້ຽມຢາມມທາງລັດຖະກິດ ຫວຽດນາມ ຂອງທ່ານເລຂາທິການໃຫຍ່, ປະທານປະເທດ ລາວ ທອງລຸນ ສີສຸລິດ ແຕ່ວັນທີ 10-13 ກັນຍາ 2024 ທີ່ຜ່ານມາ.
 |
| ທ່ານເລຂາທິການໃຫຍ່, ປະທານປະເທດ ລາວ ທອງລຸນ ສີສຸລິດ ແລະ ທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ ໄດ້ເຫັນດີເປັນເອກະພາບໃນໄລຍະຈະມາເຖິງ, 2 ຝ່າຍຕ້ອງສຸມໃສ່ປະຕິບັດບັນດາຂໍ້ຕົກລົງ, ສັນຍາຮ່ວມມືລະຫວ່າງ 2 ປະເທດຢ່າງມີປະສິດທິຜົນ. |
ທ່ານເລຂາທິການໃຫຍ່, ປະທານປະເທດ ລາວ ທອງລຸນ ສີສຸລິດ ໄດ້ສະແດງຄວາມຂອບໃຈທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ ທີ່ໄດ້ນຳໜ້າຄະນະຜູ້ແທນຂັ້ນສູງຫວຽດນາມ ໄປເຂົ້າຮ່ວມກອງປະຊຸມສຸດຍອດ ອາຊຽນ ຢູ່ ລາວ. ທ່ານເລຂາທິການໃຫຍ່, ປະທານປະເທດ ລາວ ສະແດງຄວາມຂອບໃຈມາຍັງທ່ານເລຂາທິການໃຫຍ່, ປະທານປະເທດ ຫວຽດນາມ ໂຕເລີມ ພ້ອມກັນກັບການນຳຂັ້ນສູງ ຫວຽດນາມ ທີ່ໄດ້ຕ້ອນຮັບຢ່າງສົມກຽດ, ມີຄວາມຮັກແພງແບບອ້າຍນ້ອງຕໍ່ກັບຄະນະຜູ້ແທນຂັ້ນສູງ ສປປ ລາວ ໃນການໄປຢ້ຽມຢາມທາງລັດຖະກິດເມື່ອບໍ່ດົນມານີ້.
ທ່ານເລຂາທິການໃຫຍ່, ປະທານປະເທດ ລາວ ໄດ້ສະແດງຄວາມເຄົາລົບຢ່າງຈິງໃຈຕໍ່ການຊ່ວຍເຫຼືອອັນລ້ຳຄ່າຂອງຫວຽດນາມ ທັງທາງດ້ານວັດຖຸ ແລະ ຈິດໃຈ ດ້ວຍຈິດໃຈ “ໃບໄມ້ຂາດຫນ້ອຍຕຸ້ມຫໍ່ໃບໄມ້ຂາດຫຼາຍ” ເພື່ອຊ່ວຍໃຫ້ລາວ ຜ່ານຜ່າຜົນຮ້າຍຈາກໄພນໍ້າຖ້ວມຢ່າງໄວວາ; ຕີລາຄາສູງການສະໜັບສະໜູນຢ່າງຕັ້ງໜ້າຂອງຫວຽດນາມ ທີ່ມີຕໍ່ລາວ ໃນໄລຍະດຳລົງຕຳແໜ່ງເປັນປະທານອາຊຽນ 2024, ຢືນຢັນວ່າ ລາວ ປະສົບຜົນສຳເລັດໃນບົດບາດເປັນປະທານອາຊຽນ ແມ່ນມີການປະກອບສ່ວນສຳຄັນຂອງຫວຽດນາມ.
ທ່ານເລຂາທິການໃຫຍ່, ປະທານປະເທດ ລາວ ທອງລຸນ ສີສຸລິດ ແລະ ທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ ໄດ້ເຫັນດີເປັນເອກະພາບໃນໄລຍະຈະມາເຖິງ, 2 ຝ່າຍຕ້ອງສຸມໃສ່ປະຕິບັດບັນດາຂໍ້ຕົກລົງ, ສັນຍາຮ່ວມມືລະຫວ່າງ 2 ປະເທດຢ່າງມີປະສິດທິຜົນ, ພິເສດແມ່ນໝາກຜົນການພົບປະລະຫວ່າງ 2 ກົມການເມືອງ ຫວຽດນາມ - ລາວ ຢູ່ ຮ່າໂນ້ຍ ໃນໄລຍະມໍ່ໆມານີ້; ເພີ່ມທະວີການເຊື່ອມຕໍ່ລະຫວ່າງສອງພື້ນຖານເສດຖະກິດຫວຽດນາມ - ລາວ ແລະ ລະຫວ່າງ 3 ພື້ນຖານເສດຖະກິດຫວຽດນາມ - ລາວ - ກຳປູເຈຍ; ສືບຕໍ່ແລກປ່ຽນປະສົບການ, ແຈ້ງຂໍ້ມູນເປັນປະຈຳ, ສົມທົບກັນຢ່າງແໜ້ນແຟ້ນ ແລະ ສະໜັບສະໜູນເຊິ່ງກັນ ແລະ ກັນຢູ່ບັນດາເວທີປາໄສສາກົນ ແລະ ພາກພື້ນ, ພິເສດແມ່ນໃນອາຊຽນ, ສະຫະປະຊາຊາດ ແລະ ບັນດາກົນໄກອະນຸພາກພື້ນ.
ໃນສະພາບທີ່ໂລກ, ພາກພື້ນພວມຜັນແປຢ່າງສັບສົນ, 2 ຝ່າຍຢືນຢັນຈະສືບຕໍ່ເພີ່ມພູນຄູນສ້າງການພົວພັນ ຫວຽດນາມ - ລາວ “ໃຫ້ຂຽວສົດງົດງາມຕະຫຼອດໄປ, ໝັ້ນຄົງຂະໜົງແກ່ນຈົນຊົ່ວກາລະນານ”, ນຳການພົວພັນຮ່ວມມືດ້ານເສດຖະກິດໃຫ້ນັບມື້ນັບພັດທະນາຢ່າງແທດຈິງ, ມີປະສິດທິຜົນ, ສົມກັບການພົວພັນດ້ານການເມືອງ ເພື່ອຕອບສະໜອງຜົນປະໂຫຍດທີ່ແທດຈິງຂອງແຕ່ລະປະເທດໃຫ້ເປັນຢ່າງດີກ່ວາ ແລະ ເໝາະສົມກັບຄວາມຕ້ອງການໃນການພັດທະນາໃນໄລຍະໃຫມ່.
 | ການຮ່ວມມືທ້ອງຖິ່ນແມ່ນຈຸດທີ່ປະກາຍແຈ້ງໃນການພົວພັນ ຫວຽດນາມ - ຝຣັ່ງ ຍສໝ - ແຂວງບິ່ງດິ້ງ ແລະ ນະຄອນໂຮ່ຈິມິນ ຫາກໍ່ຈັດຕັ້ງການພົບປະເນື່ອງໃນໂອກາດສະເຫຼີມສະຫຼອງ 235 ປີແຫ່ງວັນຊາດ ສາທາລະນະລັດ ຝຣັ່ງ. ຂໍ້ມູນໃນບັນດາເຫດການດັ່ງກ່າວສະແດງໃຫ້ເຫັນວ່າ ການຮ່ວມມືລະຫວ່າງແຂວງ ບິ່ງດິ້ງ, ນະຄອນໂຮ່ຈິມິນ ກັບບັນດາທ້ອງຖິ່ນຂອງ ຝຣັ່ງ ນັບມື້ນັບພັດທະນາໃນຫຼາຍຂົງເຂດ. |
 | ຂີດໝາຍເພີ່ມທະວີການພົວພັນຮ່ວມມືລະຫວ່າງແຂວງ ຮວ່າບິ່ງ ແລະ ຫົວພັນ ຍສໝ - ດ້ວຍຫຼາຍຈຸດທີ່ຄ້າຍຄືກັນ, ສອງແຂວງຮວ່າບິ່ງ ແລະຫົວພັນ ພວມເພີ່ມທະວີ, ເປີດກວ້າງການພົວພັນຮ່ວມມືຮອບດ້ານໃນທຸກຂົງເຂດຕາມລວງເລິກ ແລະບັນລຸໄດ້ປະສິດທິຜົນ. ເຖິງວ່າຍັງບໍ່ທັນເປັນ ແຂວງທີ່ເຂັ້ມແຂງ ທາງດ້ານເສດຖະກິດ, ແຕ່ດ້ວຍສາຍພົວພັນແບບພິເສດ ແລະສາຍໃຈອັນສະໜິດສະໜົມຂອງອ້າຍນ້ອງ, ສະຫາຍ, ຮວ່າບິ່ງ ຈະສະ ຫງວນບຸລິມະສິດ ແລະການໜູນຊ່ວຍ ຢ່າງສຸດຂີດ, ພິເສດແມ່ນໃນ ສັນຍາຮ່ວມມື ໃນຂົງເຂດການສຶກສາ ແລະບຳລຸງສ້າງ. |
ມີງດຶກ
