 | ອາເມລິກາ ຈະໜູນຊ່ວຍສຸກເສີນ 1 ລ້ານ USD ໃຫ້ ຫວຽດນາມ ເພື່ອແກ້ໄຂຄວາມເສຍຫາຍຈາກພະຍຸລູກທີ 3 |
| ວັນທີ 2 ກັນຍາ ແມ່ນວັນມໍລະດົກມິດຕະພາບ ຫວຽດນາມ - ອາເມລິກາ ຢູ່ນະຄອນ ຊານຟານຊິດສໂກ |
ທ່ານເລຂາທິການໃຫຍ່, ປະທານປະເທດ ຫວຽດນາມ ໂຕເລີມ ໄດ້ເຕື້ອງເຖິງບາງບັນຫາບົນເສັ້ນທາງກ້າວໄປເຖິງຍຸກແຫ່ງຄວາມກ້າວໜ້າຂອງຊາດ, ກ່ຽວກັບການພົວພັນ ຫວຽດນາມ - ອາເມລິກາ ແລະ ວິໄສທັດເພື່ອກໍ່ສ້າງອະນາຄົດອັນດີງາມໃຫ້ແກ່ມວນມະນຸດຕໍ່ໜ້າບັນດາການຜັນແປຢ່າງໃຫຍ່ຫຼວງ, ທັງມີລັກສະນະຮອບວຽນ, ໂຄງປະກອບ, ທັງມີບັນດາບຸກທະລຸທີ່ບໍ່ເຄີຍມີມາກ່ອນພາຍໃຕ້ການກະທົບຂອງການປະຕິວັດວິທະຍາສາດ-ເຕັກໂນໂລຢີ, ໂດຍສະເພາະແມ່ນປັນຍາປະດິດ ແລະ ເຕັກໂນໂລຢີດິຈິຕອນ.
ທ່ານເລຂາທິການໃຫຍ່, ປະທານປະເທດ ຫວຽດນາມ ໄດ້ເນັ້ນໜັກເຖິງຄວາມຮັບຜິດຊອບສູງສຸດຕໍ່ກັບປະຊາຄົມສາກົນ. ຜ່ານຂອບເຂດສອງຝ່າຍ, ການຮ່ວມມືລະຫວ່າງ ຫວຽດນາມ - ອາເມລິກາ ໄດ້ກ້າວຂຶ້ນສູ່ລະດັບພາກພື້ນ ແລະ ທົ່ວໂລກ, ໂດຍສະເພາະແມ່ນການຮັບມືການປ່ຽນແປງຂອງດິນຟ້າອາກາດ, ສະກັດກັ້ນການແຜ່ລາມຂອງອາວຸດທຳລາຍລ້າງ... ເມື່ອເຕື້ອງເຖິງບັນຫາສາມັກຄີ ແລະ ມຸ່ງໄປເຖິງອານາຄົດ, ທ່ານເລຂາທິການໃຫຍ່, ປະທານປະເທດ ຢືນຢັນວ່າ ໃນສະພາບທີ່ໂລກພວມຢູ່ໃນໄລຍະແຫ່ງການປ່ຽນແປງທີ່ມີລັກສະນະຍຸກສະໄໝ, ມວນມະນຸດຕ້ອງມີວິໄສທັດໄກ ແລະ ຄວາມສາມັກຄີກ່ວາເວລາໃດໝົດ. ບໍ່ມີປະເທດດຽວໃດ, ເຖິງມີຄວາມເຂັ້ມແຂງພຽງໃດກໍຕາມ, ກໍ່ບໍ່ສາມາດແກ້ໄຂບັນຫາລວມຂອງຍຸກສະໄໝພຽງຜູ້ດຽວໄດ້ ແລະ ນັ້ນແມ່ນວິທີການເຂົ້າເຖິງ ແລະ ກຳນົດທິດເຊິ່ງກອງປະຊຸມສຸດຍອດອະນາຄົດຂອງສະຫະປະຊາຊາດໄດ້ຍົກອອກຢ່າງຈະແຈ້ງ.
 |
| ທ່ານເລຂາທິການໃຫຍ່, ປະທານປະເທດ ຫວຽດນາມ ໂຕເລີມ ແລະ ພັນລະຍາ ພ້ອມກັນກັບບັນດາຜູ້ແທນເຂົ້າຮ່ວມພິທີສະເຫຼີມສະຫຼອງ 1 ປີແຫ່ງວັນສ້າງຕັ້ງການພົວພັນຄູ່ຮ່ວມມືຍຸດທະສາດຮອບດ້ານ ຫວຽດນາມ - ອາເມລິກາ. (ພາບ: TTXVN) |
ທ່ານເລຂາທິການໃຫຍ່, ປະທານປະເທດ ຫວຽດນາມ ຫວັງວ່າ ເພື່ອນມິດ, ຄູ່ຮ່ວມມື, ບັນດາວົງການຢູ່ ອາເມລິກາ ຈະສືບຕໍ່ສະໜັບສະໜູນຢ່າງເຂັ້ມແຂງໃນການຊຸກຍູ້ການພົວພັນຄູ່ຮ່ວມມືຍຸດທະສາດຮອບດ້ານ ຫວຽດນາມ - ອາເມລິກາ, ສືບຕໍ່ເລຶ່ອງລາວຢ່າງສຳເລັດຜົນ, ສົ່ງແຮງບັນດານໃຈໃຫ້ຄົນລຸ້ນຫຼັງ ແລະ ຜົນສຳເລັດນັ້ນບໍ່ພຽງແຕ່ຮັບໃຊ້ໃຫ້ແກ່ຜົນປະໂຫຍດຂອງປະຊາຊົນສອງປະເທດເປັນຢ່າງດີເທົ່ານັ້ນ, ຫາກຍັງປະກອບສ່ວນນັບມື້ນັບແທດຈິງ ແລະ ມີປະສິດທິຜົນໃຫ້ແກ່ສັນຕິພາບ, ເອກະລາດຊົນຊາດ, ປະຊາທິປະໄຕ, ຄວາມກ້າວໜ້າຂອງສັງຄົມ ແລະ ການພັດທະນາທີ່ຈະເລີນຮຸ່ງເຮືອງຂອງບັນດາຊາດໃນພາກພື້ນ ແລະ ໃນໂລກ.
ມຸ່ງໄປເຖິງການສະເຫຼີມສະຫຼອງ 30 ປີແຫ່ງວັນສ້າງຕັ້ງການພົວພັນທາງການທູດລະຫວ່າງ ຫວຽດນາມ ແລະ ອາເມລິກາ ໃນປີ 2025, ທ່ານເລຂາທິການໃຫຍ່, ປະທານປະເທດ ຫວຽດນາມ ໂຕເລີມ ໄດ້ສະເໜີໃຫ້ 2 ຝ່າຍຕ້ອງສືບຕໍ່ເພີ່ມທະວີການສົມທົບກັນຢ່າງແໜ້ນແຟ້ນ ເພື່ອຜັນຂະຫຍາຍຖະແຫຼງການຮ່ວມ ຫວຽດນາມ - ອາເມລິກາ ໃນປີ 2023 ຢ່າງມີປະສິດທິຜົນ; ພິເສດແມ່ນເພີ່ມທະວີການພົບປະ, ແລກປ່ຽນຄະນະຜູ້ແທນຂັ້ນສູງ; ນຳການຮ່ວມມືດ້ານວິທະຍາສາດ-ເຕັກໂນໂລຢີສູງ (ເຄິ່ງຊັກນຳໄຟຟ້າ, ປັນຍາປະດິດ - AI), ການບຳລຸງສ້າງຊັບພະຍາກອນມະນຸດທີ່ມີຄຸນນະພາບສູງ ກາຍເປັນການບຸກທະລຸຍຸດທະສາດໃນການພົວພັນລະຫວ່າງ 2 ປະເທດ; ສືບຕໍ່ໃຫ້ບຸລິມະສິດໃຫ້ການຮ່ວມມືແກ້ໄຂຜົນສະທ້ອນຈາກສົງຄາມ ປະກອບສ່ວນສ້າງສາ ແລະ ປັບປຸງຄວາມໄວ້ເນື້ອເຊື່ອໃຈລະຫວ່າງ 2 ຝ່າຍ; ເພີ່ມທະວີການໂອ້ລົມເຈລະຈາບົນຈິດໃຈສັດຊື່, ສ້າງສັນ, ແບ່ງປັນຜົນປະໂຫຍດ ແລະ ຄວາມສົນໃຈອັນຊອບທຳຂອງກັນ; ແລະ ເພີ່ມທະວີການສົມທົບກັນ, ປະກອບສ່ວນຫຼາຍກ່ວາໃຫ້ແກ່ສັນຕິພາບ, ສະຖຽນລະພາບ, ຄວາມຈະເລີນຮຸ່ງເຮືອງຢູ່ພາກພື້ນ ແລະ ໃນໂລກ.
ທ່ານນາງ Rossana Cambron, ປະທານຮ່ວມພັກກອມມູນິດ ອາເມລິກາ ໄດ້ສະແດງຄວາມປະທັບໃຈຢ່າງເລິກເຊິ່ງ ແລະ ໄດ້ສົ່ງແຮງໃຈກ່ຽວກັບປະເທດ ຫວຽດນາມ ທີ່ທັນສະໄໝ, ວັດທະນາຖາວອນດ້ວຍພື້ນຖານເສດຖະກິດທ້ອງຕະຫຼາດກຳນົດທິດສັງຄົມນິຍົມ, ຖືວ່າ ນີ້ແມ່ນຮູບແບບໃນການເຕີບໂຕແບບຍືນຍົງ, ຍົກສູງຊີວິດການເປັນຢູ່ຂອງປະຊາຊົນ ແລະ ເປັນແບບຢ່າງໃນການນຳທິດສະດີກ່ຽວກັບສັງຄົມນິຍົມເຂົ້າສູ່ການປະຕິບັດຕົວຈິງ; ຢືນຢັນຄວາມປາດຖະໜາຢາກເພີ່ມທະວີການພົວພັນລະຫວ່າງສອງພັກຂອງສອງປະເທດໃນໄລຍະຈະມາເຖິງ.
ທ່ານເລຂາທິການໃຫຍ່, ປະທານປະເທດ ຫວຽດນາມ ໂຕເລີມ ຢືນຢັນວ່າ ຄວາມສາມາດບົ່ມຊ້ອນການຮ່ວມມືຂອງບັນດາບັນດາຄູ່ຮ່ວມມື ຫວຽດນາມ ແລະ ອາເມລິກາ ໃນຂົງເຂດເຕັກໂນໂລຢີສູງຄື ເຄິ່ງຊັກນຳໄຟຟ້າ ແລະ AI ແມ່ນໃຫຍ່ຫຼວງ ແລະ ມີຄວາມໝາຍຫຼາຍຢ່າງໃນຍຸກສະໄໝໃໝ່, ພິເສດແມ່ນພາຍຫຼັງ ຫວຽດນາມ ແລະ ອາເມລິກາ ຍົກລະດັບການພົວພັນຂຶ້ນເປັນຄູ່ຮ່ວມມືຍຸດທະສາດຮອບດ້ານກັບ 2 ເສົາຄ້ຳແຫ່ງການຮ່ວມມືບຸກທະລຸແມ່ນ ນະວັດຕະກຳ ແລະ ອຸດສາຫະກຳເຄິ່ງຊັກນຳໄຟຟ້າ. ທ່ານເລຂາທິການໃຫຍ່, ປະທານປະເທດ ຫວຽດນາມ ກໍ່ໄດ້ສະແດງຄວາມເຊື່ອໝັ້ນວ່າ ການຮ່ວມມືໃນຂົງເຂດເຄິ່ງຊັກນຳໄຟຟ້າ ແລະ ປັນຍາປະດິດຈະເປີດກາລະໂອກາດຫຼາຍຢ່າງໃຫ້ບັນດາວິສາຫະກິດຂອງສອງຝ່າຍໄດ້ພ້ອມກັນເສີມຂະຫຍາຍ, ຂຸດຄົ້ນບັນດາທ່າໄດ້ປຽບຂອງແຕ່ລະຝ່າຍ...
 | ຍສໝ - ຫວ່າງແລ້ວນີ້, ຄະນະກໍາມະການປະຊາຊົນແຂວງ ກວາງຫງ້າຍ ໄດ້ອອກຂໍ້ຕົກລົງເລກທີ 926 ອະນຸມັດການຮັບເງິນກວ່າ 1,7 ຕື້ດົ່ງ, ເທົ່າກັບ 72.653 USD ຈາກໂຄງການ: ຊ່ວຍເຫຼືອການປະຕິບັດບັນດາມາດຕະການສະກັດກັ້ນ ແລະ ຕ້ານການຈົມນໍ້າຢ່າງມີປະສິດທິຜົນ ແລະ ຍືນຍົງ ໃຫ້ເດັກນ້ອຍ 1.800 ຄົນຢູ່ 02 ເມືອງຂອງເມືອງ ເງ້ຍແຮງ ... |
 | ຍສໝ - 2 ຝ່າຍໄດ້ປຶກສາຫາລືກ່ຽວກັບວຽກງານການທູດປະຊາຊົນ ແລະ ບົດບາດຂອງຊາວຫວຽດນາມ ອາໄສຢູ່ຕ່າງປະເທດໃນການເຊື່ອມຕໍ່ນະຄອນ ໂຮ່ຈີມິນ ກັບບັນດາທ້ອງຖິ່ນຂອງ ສ.ເກົາຫຼີ. |
ມີງດຶກ
