| ຊາວຫວຽດນາມ ອາໄສຢູ່ຕ່າງປະເທດ 70 ຄົນ ໄປຢ້ຽມຢາມ ເຈື່ອງຊາ, ເຮືອນຍາມ DK-I ເນື່ອງໃນໂອກາດວັນທີ 30 ເມສາ | |
| ນັກຮຽນຮູ້ ອາກຊັງຕິນ ຍ້ອງຍໍຊົມເຊີຍໄຊນະນະວັນທີ 30 ເມສາ ຂອງ ຫວຽດນາມ |
ວັນທີ 2 ກັນຍາ ແມ່ນວັນມໍລະດົກມິດຕະພາບ ຫວຽດນາມ - ອາເມລິກາ ຢູ່ນະຄອນ ຊານຟານຊິດສໂກ
 |
| ທ່ານນາງຮອງລັດຖະມົນຕີ ເລທິທູຮັ່ງ ຮັບຄຳຖະແຫຼງການຂອງເຈົ້າຄອງນະຄອນ ຊານຟານຊິດສໂກ ທີ່ໄດ້ລົງນາມກ່ຽວກັບເນື້ອໃນປະກາດ ວັນທີ 2 ກັນຍາ 2024 ເປັນວັນມໍລະດົກມິດຕະພາບ ຫວຽດນາມ - ອາເມລິກາ. |
ທີ່ການພົບປະ ທ່ານນາງ ເລທິທູຮັ່ງ ໄດ້ສະແດງຄວາມຂອບໃຈຕໍ່ອໍານາດການປົກຄອງຂອງນະຄອນ ຊານຟານຊິດສໂກ ທີ່ໄດ້ປະກອບສ່ວນສຳຄັນເຂົ້າໃນຂະບວນການຊຸກຍູ້ການພົວພັນສອງຝ່າຍ ຫວຽດນາມ - ອາເມລິກາ, ພິເສດແມ່ນຄວາມຕັດສິນໃຈສ້າງຕັ້ງການພົວພັນຄູ່ຮ່ວມມືແຮກສ່ຽວກັບນະຄອນ ໂຮ່ຈີມິນ ນັບແຕ່ກ່ອນທີ່ສອງປະເທດຫັນການພົວພັນທາງການທູດເປັນປົກກະຕິ.
ທ່ານ ນາງ ເລທິທູຮັ່ງ ໄດ້ສະແດງຄວາມປິຕິຊົມຊື່ນທີ່ເຫັນປະຈັກຕາເວລານາທີທີ່ທຸງຊາດຫວຽດນາມ ໄດ້ຊັກຂຶ້ນຢູ່ສະໜາມຫຼວງ ຊານຟານຊິດສໂກ ທີ່ພິທີເຄົາລົບທຸງຊາດເພື່ອສະເຫຼີມສະຫຼອງວັນຊາດຫວຽດນາມ ເຊິ່ງຈັດຂຶ້ນໃນວັນທີ 30 ສິງຫາ. ພິທີເຄົາລົບທຸງຊາດຫວຽດນາມ ແມ່ນເຫດການການເມືອງປະຈຳປີທີ່ອົງການປົກຄອງນະຄອນ ຊານຟານຊິດສໂກ ສົມທົບກັບສະຖານກົງສຸນໃຫຍ່ ຫວຽດນາມ ປະຈຳ ຊານຟານຊິດສໂກ ແລະ ຜູ້ຕາງໜ້າລັດຫວຽດນາມ ປະຈຳເຂດຕາເວັນຕົກຂອງ ອາເມລິກາ ຈັດຂື້ນ. ຕາມທ່ານ ນາງ ເລທິທູຮັ່ງ ແລ້ວ, ນີ້ແມ່ນໜຶ່ງໃນບັນດາການສະແດງໃຫ້ເຫັນຢ່າງຈະແຈ້ງກ່ຽວກັບການພົວພັນມິດຕະພາບ ແລະ ການຮ່ວມມືລະຫວ່າງ ຫວຽດນາມ - ອາເມລິກາ ເວົ້າລວມ, ເວົ້າສະເພາະນະຄອນ ຊານຟານຊິດສໂກ.
 |
| ຄະນະຜູ້ແທນໄດ້ມີການພົບປະກັບກຸ່ມນັກຊ່ຽວຊານຊາວໜຸ່ມຫວຽດນາມ ຢູ່ຕ່າງປະເທດ. |
ໃນຂອບເຂດຂອງການຢ້ຽມຢາມທີ່ ຮູດສຕັນ ແລະ ຊານຟານຊິດສໂກ, ຄະນະຜູ້ແທນໄດ້ພົບປະ ແລະ ຢ້ຽມຢາມຊາວຫວຽດນາມ ອາໄສຢູ່ຕ່າງປະເທດ ມາເປັນເວລາຫຼາຍປີ ແລະ ໄດ້ປະກອບສ່ວນຢ່າງຫຼວງຫຼາຍເຂົ້າໃນການພັດທະນາການພົວພັນ ຫວຽດນາມ - ອາເມລິກາ. ທ່ານຮອງລັດຖະມົນຕີ ນາງ ເລທິທູຮັ່ງ ໄດ້ຕີລາຄາສູງການພັດທະນາຂອງປະຊາຄົມຊາວຫວຽດນາມ ຢູ່ ອາເມລິກາ ແລະ ສະແດງຄວາມດີໃຈຕໍ່ການເຊື່ອມໂຍງ, ຜົນສຳເລັດ ແລະ ການປະກອບສ່ວນອັນພົ້ນເດັ່ນຂອງປະຊາຄົມໃຫ້ແກ່ສັງຄົມປະເທດເຈົ້າພາບ; ພ້ອມດຽວກັນນີ້, ກໍ່ສະແດງຄວາມຂອບໃຈຕໍ່ຄວາມຮັກແພງ ແລະ ການປະກອບສ່ວນຂອງພໍ່ແມ່ປະຊາຊົນທີ່ມີໃຫ້ກັບບ້ານເກີດເມືອງນອນ ແລະ ປະເທດຊາດ.
ທ່ານນາງ ເລທິທູຮັ່ງ ສະແດງຄວາມເຊື່ອໝັ້ນວ່າ ປະຊາຄົມຈະສືບຕໍ່ພັດທະນາຢ່າງເຂັ້ມແຂງ ແລະ ດ້ວຍນໍ້າໃຈສາມັກຄີຂອງເພື່ອນມິດ ອາເມລິກາ ແລະ ປະຊາຄົມຊາວຫວຽດນາມ ຢູ່ອາເມລິກາ, ຫວຽດນາມ ຈະກ້າວຂຶ້ນສູ່ລະດັບສູງໃໝ່.
ໃນໂອກາດນີ້, ທ່ານ ນາງ ເລທິທູຮັ່ງ ໄດ້ມອບປຶ້ມອ່ານກ່ຽວກັບວັດທະນະທຳ ແລະ ພູມສາດ ຫວຽດນາມ ເປັນຈຳນວນຫຼວງຫຼາຍໃຫ້ປະຊາຄົມຊາວຫວຽດນາມ ຢູ່ອາເມລິກາ, ພ້ອມກັບປຶ້ມນິທານຂອງຫວຽດນາມ ໃຫ້ເດັກນ້ອຍ; ທ່ານໃຫ້ຮູ້ວ່າ ກະຊວງການຕ່າງປະເທດພ້ອມແລ້ວທີ່ຈະຊ່ວຍເຫຼືອປະຊາຄົມໃນການກໍ່ສ້າງຕູ້ປຶ້ມຫວຽດນາມ, ປາດຖະໜາຢາກເຜີຍແຜ່ຄວາມຮັກມັກພາສາຫວຽດນາມ ໃນປະຊາຄົມຊາວຫວຽດນາມຢູ່ຕ່າງປະເທດ.
ໃນການຢ້ຽມຢາມ, ຄະນະຜູ້ແທນໄດ້ພົບປະ ແລະ ປຶກສາຫາລືກັບບັນດາຜູ້ມີຍົດສັກທາງສາສະໜາຫວຽດນາມ ຢູ່ລັດ ເທັກຊັດ ແລະ ລັດ ກາລີຟໍເນຍ. ທ່ານ ນາງ ເລທິທູຮັ່ງ ໄດ້ຕີລາຄາສູງບັນດາຜູ້ນໍາສາສະໜາທີ່ໄດ້ມີຄວາມພະຍາຍາມເອົາໃຈໃສ່ເບິ່ງແຍງການດຳເນີນຊີວິດຕາມຄວາມເຊື່ອຂອງປະຊາຄົມຊາວຫວຽດນາມ ຢູ່ອາເມລິກາ, ປະກອບສ່ວນອະນຸລັກຮັກສາ ແລະ ໂຄສະນາຄວາມງາມຂອງວັດທະນະທຳ ຫວຽດນາມ ໃຫ້ມວນຊົນຊາວຫວຽດນາມ ຢູ່ຕ່າງປະເທດ ແລະ ປະຊາຊົນທ້ອງຖິ່ນ.
ທ່ານ ນາງ ເລທິທູຮັ່ງ ເນັ້ນໜັກວ່າ ບັນດາສະຖານທີ່ທາງສາສະໜາ ທັງແມ່ນສະຖານທີ່ເຄື່ອນໄຫວວັດທະນະທຳ, ຄວາມເຊື່ອຖື, ທັງແມ່ນສະຖານທີ່ຊາວຫວຽດນາມ ອາໄສຢູ່ຕ່າງປະເທດ ສະແດງຄວາມຮູ້ສຶກຮັກແພງຕໍ່ບ້ານເກີດເມືອງນອນ, ຮັກສາຮີດຄອງປະເພນີທີ່ມີມາແຕ່ດົນນານ, ຕິດພັນກັບກັບວົງຄະນາຍາດ, ສຶກສາຊາວຫວຽດນາມຮຸ້ນໜຸ່ມ ຢູ່ຕ່າງປະເທດກ່ຽວກັບກົກເຄົ້ສເຫງົ້າກໍ ແລະ ຈຸດຄວາມງາມດ້ານວັດທະນະທຳຂອງຊາດ. ພ້ອມກັນນັ້ນ, ກໍ່ປາດຖະໜາວ່າ ບັນດາອົງການສາສະໜາຈະເອົາໃຈໃສ່ໃນການຮັກສາພາສາຫວຽດນາມ ແລະ ວັດທະນະທຳຫວຽດນາມ ໃຫ້ແກ່ລຸ້ນໜຸ່ມກວ່າອີກ, ໂດຍຜ່ານບັນດາການເຄື່ອນໄຫວໃນວັນບຸນ ແລະ ປີໃໝ່; ຈັດຕັ້ງຫ້ອງຮຽນພາສາຫວຽດນາມ, ສ້າງຕູ້ປຶ້ມພາສາຫວຽດ ໃຫ້ຊຸມຊົນ.
 | ການທູດປະຊາຊົນແມ່ນຈຸດພົ້ນເດັ່ນໃນການພົວພັນຄູ່ຮ່ວມມື ຫວຽດນາມ - ອາເມລິກາ |
| ສະຖານທູດ ຫວຽດນາມ ປະຈຳ ອາເມລິກາ ຈັດຕັ້ງການໂອ້ລົມເຈລະຈາ ແລະ ການເຊື່ອມຕໍ່ວິສາຫະກິດ |
ອ.ສະຫວັດ
