ກອງປະຊຸມໄດ້ເປີດເຊື່ອມຕໍ່ທາງອອນໄລນ໌ຈາກສໍານັກງານລັດຖະບານໄປເຖິງ 26 ທ້ອງຖິ່ນ ນັບແຕ່ ແທງຮ່ວາຂຶ້ນໄປທາງພາກເຫນືອ. ເຂົ້າຮ່ວມກອງປະຊຸມມີ ທ່ານ ຫງວຽນຮ່ວາບິງ ຮອງນາຍົກລັດຖະມົນຕີຜູ້ປະຈໍາການລັດຖະບານ, ທ່ານຮອງນາຍົກລັດຖະມົນຕີ ໂຮ່ດຶກເຟືອກ; ມີການນຳບັນດາກະຊວງ, ຂະແໜງການ, ອົງການສູນກາງ; ເລຂາພັກ, ປະທານຄະນະກຳມະການປະຊາຊົນ 26 ແຂວງ, ນະຄອນ.
 |
| ກອງປະຊຸມໄດ້ເຊື່ອມຕໍ່ທາງອອນໄລນ໌ຈາກສໍານັກງານລັດຖະບານໄປເຖິງ 26 ທ້ອງຖິ່ນ ນັບແຕ່ ແທງຮ່ວາຂຶ້ນໄປທາງພາກເຫນືອ. (ພາບ: ໜັງສືພິມລັດຖະບານ) |
ກ່າວຄຳເຫັນທີ່ກອງປະຊຸມ, ທ່ານນາຍົກລັດຖະມົນຕີ ໄດ້ຕີລາຄາພາຍຸລູກທີ 3 ມີລະດັບຄວາມແຮງເພີ່ມຂຶ້ນຢ່າງໄວວາ; ແຮງທີ່ສຸດໃນຮອບ 30 ປີຜ່ານມາ; ເພີ່ມລະດັບຂຶ້ນຜິດປົກກະຕິຕາມຫຼັກເກນ; ມີລົມພະຍຸພັດເປັນເວລາດົນຢູ່ເທິງໜ້າດິນ; ເກີດຂື້ນໃນບໍລິເວນກວ້າງ.
ວຽກງານພະຍາກອນອາກາດ, ການປະຈຳການ, ຊີ້ນໍາການຮັບມື, ການແຈ້ງຂໍ້ມູນຂ່າວສານພື້ນຖານຕອບສະຫນອງໄດ້ຕາມການຮຽກຮ້ອງ; ບັນດາກະຊວງ, ຂະແໜງການ, ອົງການ ແລະ ທ້ອງຖິ່ນພວມຕັດສິນໃຈຕາມບົດບາດ, ໜ້າທີ່ຂອງຕົນຢ່າງຂຸ້ນຂ້ຽວ. ເຖິງຢ່າງໃດກໍຕາມ, ຄວາມເສຍຫາຍແມ່ນໜັກໜ່ວງທີ່ສຸດ.
ທ່ານນາຍົກລັດຖະມົນຕີ ຍົກອອກ 5 ເປົ້າໝາຍໃນຕໍ່ໜ້າ ລວມມີ:
ສຸມໃສ່ຢູ່ໃນລະດັບສູງໃຫ້ແກ່ການກູ້ຊີບ, ກວດກາ ແລະ ຊອກຫາຜູ້ສູນຫາຍ; ປິ່ນປົວຜູ້ບາດເຈັບ ໂດຍສະເພາະຜູ້ບາດເຈັບສາຫັດ; ດູແລເບົາເທົາທຸກໃຫ້ຜູ້ໂຊກຮ້າຍ.
ບໍ່ໃຫ້ປະຊາຊົນຄົນໃດຂາດອາຫານ, ຂາດເຄື່ອງນຸ່ງຫົ່ມ, ທີ່ພັກອາໄສ, ຫຼືບ່ອນເພິ່ງພາອາໄສ; ບໍ່ປະໃຫ້ນັກຮຽນບໍ່ມີຫ້ອງຮຽນ ຫຼື ໂຮງຮຽນ; ບໍ່ປະໃຫ້ຄົນເຈັບ ບໍ່ມີບ່ອນກວດ ແລະ ປິ່ນປົວພະຍາດ.
ແກ້ໄຂບັນຫາໄຟຟ້າ, ນ້ຳປະປາ, ໂທລະຄົມມະນາຄົມ ແລະ ດ້ານອື່ນໆ ເພື່ອຮັບໃຊ້ການນຳພາ, ຊີ້ນໍາ, ການຜະລິດ, ທຸລະກິດ ແລະ ຊີວິດການເປັນຢູ່ຂອງປະຊາຊົນ.
ສະຖິຕິຄວາມເສຍຫາຍທີ່ແນ່ນອນ, ພາວະວິໄສເພື່ອໃຫ້ມີການຟື້ນຟູແກ້ໄຂທີ່ເຫມາະສົມ, ມີປະສິດທິພາບ ແລະ ທັນເວລາ.
ຮັບມືກັບຜົນຮ້າຍທີ່ຈະຕາມມາຫຼັງຈາກພະຍຸເຊັ່ນ ນ້ຳນອງ, ນ້ຳແກວ່ງ, ດິນເຊາະເຈື່ອນ...
 |
| ຖະໜົນຫົນທາງຢູ່ ຮ່າໂນ້ຍ ໄດ້ຮັບຄວາມເສຍຫາຍຍ້ອນພະຍຸລູກທີ 3. (ພາບ: KT) |
ກ່ຽວກັບວິທີການແກ້ໄຂ, ທ່ານນາຍົກລັດຖະມົນຕີ ໄດ້ຮຽກຮ້ອງໃຫ້ບັນດາຄະນະພັກ, ອຳນາດການປົກຄອງທຸກຂັ້ນ, ບັນດາກະຊວງ, ຂະແໜງການທີ່ກ່ຽວຂ້ອງ ຕັ້ງໜ້າຜັນຂະຫຍາຍການປະຕິບັດວຽກງານແກ້ໄຂຜົນຮ້າຍທີ່ຈະຕາມມາພາຍຫຼັງທີ່ພາຍຸພັດເຂົ້າ ຕາມສິດ ແລະ ໜ້າທີ່ທີ່ໄດ້ຮັບການມອບໝາຍ; ບັນດາກະຊວງອຸດສາຫະກຳການຄ້າ, ຖະແຫຼງຂ່າວ ແລະ ສື່ສານ, ຄົມມະນາຄົມຂົນສົ່ງ, ກະສິກຳ ແລະ ພັດທະນາຊົນນະບົດ, ຊັບພະຍາກອນ ແລະ ສິ່ງແວດລ້ອມ, ແຮງງານ, ທະຫານເສຍອົງຄະ ແລະ ສັງຄົມ ຕ້ອງປະຕິບັດວຽກງານຢ່າງເຄັ່ງຄັດ ໃນການຄຸ້ມຄອງລັດຕາມສິດອໍານາດ (ກ່ຽວກັບຄຳແນະນຳ, ຂໍ້ກໍານົດ, ມາດຕະຖານ, ລະບຽບການ.. .), ຖ້າເກີນສິດອຳນາດ, ແມ່ນລາຍງານໃຫ້ຂັ້ນທີ່ມີອຳນາດພິຈາລະນາ ແລະ ຕັດສິນ.
ກະຊວງປ້ອງກັນປະເທດ, ກະຊວງປ້ອງກັນຄວາມສະຫງົບ ແລະ ເຈົ້າໜ້າທີ່ກູ້ໄພສືບຕໍ່ປະຕິບັດໜ້າທີ່ຮັບມື, ແກ້ໄຂຜົນຮ້າຍຢ້ອນຫຼັງ, ຮັບມືກັບໄພທຳມະຊາດຢ່າງທັນການ. ບັນດາອົງການທີ່ກ່ຽວຂ້ອງສືບຕໍ່ວຽກງານພະຍາກອນອາກາດ ແລະ ສື່ສານ; ເອົາໃຈໃສ່ໃນການແຈ້ງຂໍ້ມູນແນະນໍາເຕັກນິກກ່ຽວກັບການກະກຽມຮັບມືກັບໄພພິບັດທໍາມະຊາດ.
ອຳນາດການປົກຄອງທ້ອງຖິ່ນ, ບັນດາກະຊວງ, ຂະແໜງການທີ່ມີສິດອຳນາດ ນຳໃຊ້ຄັງສຳຮອງເພື່ອປ້ອງກັນໄພທຳມະຊາດ (ການເງິນ, ພາຫະນະ, ວັດຖຸອຖປະກອນ...) ເພື່ອຟື້ນຟູການເຄື່ອນໄຫວໃຫ້ກັບມາເປັນເປັນປົກກະຕິ.
ບັນດາທ້ອງຖິ່ນສະໜອງຢ່າງຮີບດ່ວນເພື່ອແກ້ໄຂບັນຫາກ່ຽວກັບສະບຽງອາຫານ, ເຄື່ອງນຸ່ງຫົ່ມ, ທີ່ພັກອາໄສ, ການສຶກສາ, ການປິ່ນປົວພະຍາດຂອງປະຊາຊົນ, ສະເໜີການຊ່ວຍເຫຼືອຂອງສູນກາງຈາກງົບປະມານສໍາຮອງ, ທ່ານນາຍົກລັດຖະມົນຕີ ມອບໝາຍໃຫ້ທ່ານຮອງນາຍົກລັດຖະມົນຕີ ໂຮດຶກເຟືອກ ເປັນປະທານໃນການແກ້ໄຂຕັດສິນ, ວຽກງານນີ້ຕ້ອງເຮັດທັນທີ, ສໍາເລັດກ່ອນເວລາ 18:00 ໂມງຂອງວັນທີ 8 ກັນຍານີ້, ຫຼັງຈາກນັ້ນ ກໍ່ສືບຕໍ່ເພີ່ມເຕີມຖ້າມີຄວາມຈໍາເປັນ.
"ພິເສດ, ບັນດາທ້ອງຖິ່ນຕ້ອງເກັບກໍາສະຖິຕິທັນທີ ແລະ ສະໜອງເຂົ້າສານສຳຮອງຢ່າງທັນການ, ຕ້ອງການເທົ່າໃດແມ່ນນຳອອກໄປເທົ່ານັ້ນ, ສິ່ງສໍາຄັນແມ່ນສະຖິຕິໃຫ້ຖືກຕ້ອງ ແລະ ໂປ່ງໃສ, ເພື່ອຫຼີກລ່ຽງບັນຫາທາງລົບທີ່ອາດຈະເກີດຂື້ນ” ທ່ານນາຍົກເນັ້ນໜັກ. ພ້ອມກັນນັ້ນ, ກໍ່ສຸມໃສ່ສ້ອມແປງໂຮງຮຽນ ແລະ ຫ້ອງຮຽນ.
ພິເສດ, ທ່ານນາຍົກລັດຖະມົນຕີ ໄດ້ຮຽກຮ້ອງໃຫ້ປະຊາຊົນ, ວິສາຫະກິດ, ອົງການ, ທ້ອງຖິ່ນ, ບັນດາວິສາຫະກິດທີ່ບໍ່ໄດ້ຮັບຄວາມເສຍຫາຍ ຊ່ວຍເຫຼືອປະຊາຊົນ, ວິສາຫະກິດ, ອົງການ, ທ້ອງຖິ່ນ, ວິສາຫະກິດທີ່ໄດ້ຮັບຄວາມເສຍຫາຍ, “ມີໜ້ອຍກໍ່ປະກອບສ່ວນໜ້ອຍ, ມີຫຼາຍກໍ່ປະກອບສ່ວນຫຼາຍ, ມີສິ່ງຂອງປະກອບສິ່ງຂອງ, ມີແຮງງານກໍ່ປະກອບແຮງງານ, ສົ່ງເສີມມູນເຊື້ອຄວາມຮັກແພງ, ຊ່ວຍເຫຼືອເຊິ່ງກັນ ແລະກັນຂອງປະຊາຊົນພວກເຮົາ.
ທ່ານນາຍົກລັດຖະມົນຕີ ຊີ້ອອກບາງບົດຮຽນທີ່ສຳຄັນຄື: ການນຳ, ອຳນາດການປົກຄອງ, ໂດຍສະເພາະແມ່ນບັນດາເລຂາພັກ, ປະທານອົງການທ້ອງຖິ່ນ ຕ້ອງຕິດຕາມສະພາບການຢ່າງແໜ້ນແຟ້ນ, ເຂັ້ມງວດ, ເດັດດ່ຽວ, ຮັດກຸມ, ມີຈຸດສຸມ; ບັນດາກະຊວງ, ຂະແໜງການ, ທ້ອງຖິ່ນ, ອົງການ, ຫົວໜ່ວຍ, ໂດຍອີງໃສ່ໜ້າທີ່, ຄວາມຮັບຜິດຊອບ ແລະ ສິດອຳນາດຂອງຕົນ ຕ້ອງປະຕິບັດຕາມຄຳສັ່ງແນະນຳຂອງອຳນາດການປົກຄອງບັນດາຂັ້ນຢ່າງເຂັ້ມງວດ, ຕັ້ງໜ້າ, ມີຫົວຄິດປະດິດສ້າງ, ສະກັດກັ້ນ ແລະ ຕ້ານໄພທຳມະຊາດ; ເຊື່ອມຊຶມ “4 ກັບທີ່” ຢ່າງລະອຽດ, ດຳເນີນການເປັນປະຈຳ, ຕິດຕາມສະພາບການຢ່າງໃກ້ຊິດ ແລະ ກະກຽມແຫຼ່ງກຳລັງໃຫ້ພຽງພໍ; ເຮັດວຽກການສື່ສານໃຫ້ເປັນຢ່້າງດີ ແລະ ມີການຍ້ອງຍໍ, ລົົງວິໄນ, ຈັດການການແກ້ໄຊຢ່າງທັນການ.
ຕອນບ່າຍວັນດຽວກັນ, ທ່ານນາຍົກລັດຖະມົນຕີ ຟາມມິງຈິ້ງ ໄດ້ລົງກວດກາສະພາບຄວາມເສຍຫາຍ ແລະ ຊີ້ນຳຜັນຂະຫຍາຍບັນດາມາດຕະການຮີບດ່ວນເພື່ອແກ້ໄຂຜົນຮ້າຍທີ່ຕາມມາພາຍຫຼັງພະຍຸເລູກທີ 3 ຢູ່ ກວາງນິງ ແລະ ຫາຍຟ່ອງ - ເຊິ່ງພາຍຸໄດ້ພັດເຂົ້າດ້ວຍລົມແຮງ, ຕາມການສະຖິຕິມາຮອດຕອນເຊົ້າວັນທີ 8 ກັນຍາ ແມ່ນມີຜົນເສຍຫາຍຫຼາຍທີ່ສຸດ.
ທ່ານນາຍົກລັດຖະມົນຕີ ໄດ້ລົງຢ້ຽມຢາມປະຊາຊົນທີ່ຖືກຜົນເສຍຫາຍ ແລະ ລະດົມກຳລັງໃຈໃຫ້ບັນດາທະຫານ, ຕຳຫຼວດ, ເຍົາວະຊົນ, ພະນັກງານສິ່ງແວດລ້ອມຕົວເມືອງທີ່ພວມປະຕິບັດໜ້າທີ່ຮັກສາຄວາມສະອາດພາຍຫຼັງພາຍຸ.
ກ່ອນໜ້ານີ້, ທ່ານນາຍົກລັດຖະມົນຕີກໍ່ໄດ້ຊີ້ນຳຊ່ວຍເຫຼືອຈຳນວນ 100 ຕື້ດົ່ງໃຫ້ແຕ່ລະທ້ອງຖິ່ນຢູ່ແຂວງ ກວາງນິງ ແລະ ຫາຍຟ່ອງ ເພື່ອຟື້ນຟູແກ້ໄຂຜົນເສຍຫາຍຈາກພະຍຸ.
ອ.ສະຫວັດ
