 | ສ້າງພື້ນທີ່ເປີດເພື່ອໃຫ້ ຊາວຫວຽດນາມ ອາໄສຢູ່ຕ່າງປະເທດຮ່ວມມືກັນປະຕິບັດຄວາມຕັ້ງຫວັງພັດທະນາປະເທດຊາດໃຫ້ປະກົດຜົນເປັນຈິງ |
| ຊາວໜຸ່ມຊາວຫວຽດນາມ ອາໄສຢູ່ຕ່າງປະເທດ 120 ຄົນຊອກຮູ້ວັດທະນະທຳ ຊາວເຜົ່າຈຳ |
ທີ່ການພົບປະ, ຜູ້ຕາງໜ້າຂອງບັນດາ ຊາວຫວຽດນາມ ອາໄສຢູ່ຕ່າງປະເທດ ລ້ວນແຕ່ໄດ້ສະແດງຄວາມເປັນກຽດ ແລະ ຂອບໃຈທ່ານເລຂາທິການໃຫຍ່, ປະທານປະເທດ ທີ່ໄດ້ສະຫຼະເວລາມາຕ້ອນຮັບຄະນະ, ສະແດງໃຫ້ເຫັນຄວາມເອົາໃຈໃສ່ຂອງພັກ, ລັດ ແລະ ທ່ານເລຂາທິການໃຫຍ່, ປະທານປະເທດ ສຳລັບ ຊາວຫວຽດນາມ ຢູ່ຕ່າງປະເທດ.
ຜູ້ຕາງໜ້າຂອງບັນດາ ຊາວຫວຽດນາມ ອາໄສຢູ່ຕ່າງປະເທດ ກໍ່ສະແດງຄວາມຄິດເຫັນ, ຕີລາຄາ, ພິຈາລະນາ, ສະເໜີແນະບາງບັນຫາທີ່ກ່ຽວພັນກັບ ຊາວຫວຽດນາມ ອາໄສຢູ່ຕ່າງປະເທດ.
ໂດຍການລາຍງານຕໍ່ທ່ານເລຂາທິການໃຫຍ່, ປະທານປະເທດ ກ່ຽວກັບໝາກຜົນຂອງກອງປະຊຸມ ຊາວຫວຽດນາມ ຢູ່ຕ່າງປະເທດທົ່ວໂລກ ຄັ້ງທີ 4, ທ່ານລັດຖະມົນຕີການຕ່າງປະເທດ ຫວຽດນາມ ບຸ່ຍແທງເຊີນ ໃຫ້ຮູ້ວ່າ ນີ້ແມ່ນເຫດການທີ່ມີຄວາມໝາຍສຳຄັນຫຼາຍ, ໄດ້ດຳເນີນໄປໃນຈຸດເວລາຫຼັກແຫຼ່ງທີ່ທົ່ວປວງຊົນຂອງ ຫວຽດນາມ ພວມມານະພະຍາຍາມ ແລະ ເພີ່ມຄວາມໄວໃນການປະຕິບັດບັນດາໜ້າທີ່ທີ່ໄດ້ລະບຸໄວ້ໃນມະຕິກອງປະຊຸມໃຫຍ່ ຄັ້ງທີ 8 ຂອງພັກ; ພ້ອມກັນນັ້ນ, ນີ້ກໍ່ແມ່ນວັນຄົບຮອບ 20 ປີແຫ່ງການປະຕິບັດມະຕິ 36-NQ/TW ຂອງກົມການເມືອງກ່ຽວກັບວຽກງານ ຊາວຫວຽດນາມ ຢູ່ຕ່າງປະເທດ.
 |
| ທ່ານເລຂາທິການໃຫຍ່, ປະທານປະເທດ ຫວຽດນາມ ໂຕເລີມ ໂອ້ລົມກັບ ຊາວຫວຽດນາມ ອາໄສຢູ່ຕ່າງປະເທດ. |
ທ່ານລັດຖະມົນຕີ ບຸ່ຍແທງເຊີນ ຢືນຢັນວ່າ ບັນດາສະມາຄົມ ຊາວຫວຽດນາມ ອາໄສຢູ່ຕ່າງປະເທດ ຍາມໃດກໍ່ໄດ້ຮັບຄວາມເອົາໃຈໃສ່ ແລະ ຄວາມຮັກແພງເປັນພິເສດຈາກການນຳຂອງພັກ, ລັດ, ບັນດາກະຊວງ, ຄະນະ, ຂະແໜງການ, ທ້ອງຖິ່ນ ແລະ ປະຊາຊົນພາຍໃນປະເທດ ກໍ່ຄືປະຊາຄົມ ຊາວຫວຽດນາມ ອາໄສຢູ່ຕ່າງປະເທດ.
ທີ່ການຕ້ອນຮັບ, ທ່ານເລຂາທິການໃຫຍ່, ປະທານປະເທດ ໂຕເລີມ ຢືນຢັນວ່າ ປະເທດຊາດ ຫວຽດນາມ ຍາມໃດກໍ່ເປີດກວ້າງອ້ອມແຂນຮັບເອົາບັນດາການປະກອບສ່ວນອັນລ້ຳຄ່າຈາກປະຊາຊົນ, ໂດຍຜ່ານນັ້ນ ຈະສ້າງສາປະເທດ ຫວຽດນາມ ໃຫ້ມີຄວາມຈະເລີນຮຸ່ງເຮືອງຂອງທຸກສາຍເລືອດ ຫວຽດນາມ.
ທ່ານເລຂາທິການໃຫຍ່, ປະທານປະເທດ ກໍ່ໄດ້ຮັບຮູ້ ແລະ ຕີລາຄາສູງບັນດາຄຳເຫັນທີ່ປຶກສາ, ເປັນເສນາທິການທີ່ຈິງໃຈ ແລະ ມີຄຸນຄ່າຂອງ ຊາວຫວຽດນາມ ອາໄສຢູ່ຕ່າງປະເທດ ກ່ຽວກັບການພັດທະນາເຕັກໂນໂລຊີສູງ, ການພັດທະນາສີຂຽວ, ຍືນຍົງ, ອະນຸລັກຮັກສາ ແລະ ໂຄສະນາເຜີຍແຜ່ວັດທະນະທຳ, ພາສາຂອງຊາດ ຫວຽດນາມ, ເສີມຂະຫຍາຍມູນເຊື້ອມະຫາສາມັກຄີທົ່ວປວງຊົນ... ທີ່ກອງປະຊຸມ ຊາວຫວຽດນາມ ອາໄສຢູ່ຕ່າງປະເທດທົ່ວໂລກ ຄັ້ງທີ 4.
ທ່ານເລຂາທິການໃຫຍ່, ປະທານປະເທດ ປາດຖະໜາວ່າ ພົນລະເມືອງຢູ່ຕ່າງປະເທດ 6 ລ້ານຄົນຈະເປັນອັນໜຶ່ງອັນດຽວ, ດ້ວຍຄວາມເຊື່ອໝັ້ນ, ເຈດຈຳນົງ ແລະ ຄວາມມານະພະຍາຍາມຮ່ວມກັນ ເພື່ອມຸ່ງໄປເຖິງການປະຕິບັດຄວາມປາດຖະໜາຂອງການສ້າງສາປະເທດຊາດເຂັ້ມແຂງແຮງກ້າ, ຈະເລີນຮຸ່ງເຮືອງ, ມີຄວາມຜາສຸກ ດັ່ງທີ່ລຸງ ໂຮ່ ໄດ້ກ່າວຕໍ່ ຊາວຫວຽດນາມ ຢູ່ຕ່າງປະເທດເມື່ອໄປຢ້ຽມຢາມ ຝລັ່ງ ເມື່ອປີ 1946: “ຊາວຫວຽດນາມ ຢູ່ຕ່າງປະເທດແຕ່ລະຄົນ ຕ້ອງເປັນເອກອັກຄະລັດຖະທູດປະຊາຊົນຂອງ ຫວຽດນາມ, ແຂ່ງຂັນສູ້ຊົນ ແລະ ພະຍາຍາມຮ່ວມກັນປະກອບສ່ວນເຂົ້າໃນພາລະກິດຂອງທົ່ວປວງຊົນທັງຊາດ”.
ທ່ານເລຂາທິການໃຫຍ່, ປະທານປະເທດ ໄດ້ຮຽກຮ້ອງບັນດານັກຊ່ຽວຊານ, ປັນຍາຊົນ, ນັກວິທະຍາສາດ ຫວຽດນາມ ຢູ່ຕ່າງປະເທດທີ່ມີເງື່ອນໄຂເຂົ້າເຖິງເຕັກໂນໂລຢີທີ່ທັນສະໄໝ ແລະ ຄວາມຮູ້ທີ່ກ້າວໜ້ານັ້ນ, ສືບຕໍ່ນຳເອົາສະຕິປັນຍາ, ປະສົບການ ແລະ ຄວາມຮູ້ຂອງຕົນເພື່ອສະເໜີຄວາມເຫັນເຂົ້າໃນການສ້າງສາ ແລະ ພັດທະນາບ້ານເກີດເມືອງນອນ; ຫວັງວ່າ ປະຊາຊົນບໍ່ພຽງແຕ່ກັບເມືອບ້ານເພື່ອລົງທຶນເທົ່ານັ້ນ, ຫາກຍັງເສີມຂະຫຍາຍບົດບາດເປັນຂົວເຊື່ອມຕໍ່ນຳສິນຄ້າ, ເຄື່ອງໝາຍການຄ້າຂອງ ຫວຽດນາມ ອອກສູ່ທົ່ວໂລກຢ່າງແຮງ; ໂຄສະນາສີສັນວັດທະນະທຳຂອງ ຫວຽດນາມ ແລະ ມູນເຊື້ອອັນດີງາມຂອງຊາດໄປສູ່ເພື່ອນມິດສາກົນ.
 |
| ທ່ານເລຂາທິການໃຫຍ່, ປະທານປະເທດ ໂຕເລີມ ພ້ອມກັບຄະນະຜູ້ແທນ ຊາວຫວຽດນາມ ຢູ່ຕ່າງປະເທດ ດີເດັ່ນເຂົ້າຮ່ວມກອງປະຊຸມ ຊາວຫວຽດນາມ ຢູ່ຕ່າງປະເທດທົ່ວໂລກຄັ້ງທີ 4 ແລະ ເວທີປາໄສປັນຍາຊົນ ແລະ ນັກຊ່ຽວຊານ ຫວຽດນາມ ຢູ່ຕ່າງປະເທດ. |
ທ່ານເລຂາທິການໃຫຍ່, ປະທານປະເທດ ເຊື່ອໝັ້ນວ່າ ບໍ່ວ່າປະຊາຊົນ ຫວຽດນາມ ຈະຢູ່ໃສ, ຊີວິດຈະສະດວກ ຫຼື ລຳບາກກໍ່ຕາມ ແຕ່ໃນຫົວໃຈຍາມໃດກໍ່ເຕັມໄປດ້ວຍຄວາມຮັກບ້ານເກີດເມືອງນອນ ແລະ ປະເທດຊາດ ແລະ ຍັງຈື່ສະເໝີວ່າ: “ພາສາຫວຽດນາມ ແມ່ນຈິດວິນຍານຂອງປະເທດຊາດ. ເຖິງວ່າຢູ່ຫ່າງໄກກັບບ້ານເກີດເມືອງນອນກໍ່ຕາມ, ແຕ່ພີ່ນ້ອງຕ້ອງຮັກສາພາສາຫວຽດນາມ ແລະ ມູນເຊື້ອວັດທະນະທຳຂອງຊາດ ເພື່ອໃຫ້ລູກຫຼານບໍ່ຫຼົງລືມກົກເຄົ້າເຫງົ້າກໍ” ດັ່ງທີ່ລຸງ ໂຮ່ ເຄີຍຕັກເຕືອນ.
ທ່ານເລຂາທິການໃຫຍ່, ປະທານປະເທດ ຢືນຢັນວ່າ ພັກ, ລັດ ແລະ ປະຊາຊົນທົ່ວປະເທດຍາມໃດກໍ່ຕ້ອນຮັບ ແລະ ສ້າງເງື່ອນໄຂສະດວກເພື່ອໃຫ້ ຊາວຫວຽດນາມ ຢູ່ຕ່າງປະເທດກັບເມືອບ້ານໄປຢາມພີ່ນ້ອງ, ທ່ອງທ່ຽວ, ລົງທຶນທຳການຜະລິດ ແລະ ດຳເນີນທຸລະກິດ; ຂໍຮ້ອງຢ່າງສຸດກຳລັງ, ຮັບຟັງແນວຄິດຈິດໃຈ, ຮັບເອົາຄຳເຫັນປະກອບສ່ວນ ແລະ ແຜນການສ້າງສາປະເທດຊາດຈາກປະຊາຊົນ.
ທ່ານເລຂາທິການໃຫຍ່, ປະທານປະເທດ ເນັ້ນໜັກວ່າ ໃນໄລຍະຈະມາເຖິງ, ພັກ ແລະ ລັດ ຈະສືບຕໍ່ກໍ່ສ້າງ ແລະ ເຮັດໃຫ້ບັນດາແນວທາງນະໂຍບາຍ ສົມບູນແບບ ເພື່ອດຶງດູດ ແລະ ນຳໃຊ້ບັນດາຜູ້ເກັ່ງກ້າ, ເສີມຂະຫຍາຍຄວາມສາມາດບົ່ມຊ້ອນ, ທ່າແຮງ ແລະ ແຫຼ່ງກຳລັງອັນລ້ຳຄ່າຂອງ ຊາວຫວຽດນາມ ທີ່ອາໄສຢູ່ຕ່າງປະເທດ ໃນພາລະກິດສ້າງສາ ແລະ ປົກປັກຮັກສາປະເທດຊາດ.
 | ຊາວຫວຽດນາມ ອາໄສຢູ່ຕ່າງປະເທດ ປະກອບຄໍາເຫັນກ່ຽວກັບການກວດກາແຫຼ່ງທີ່ມາຂອງຜະລິດຕະພັນໃນການສົ່ງອອກ ຍສໝ - “ສະຖານທີ່ນັດພົບກັນຂອງພີ່ນ້ອງຊາວຫວຽດນາມ ອາໄສຢູ່ຕ່າງປະເທດ ເລກທີ 1” ໃນປີ 2024 ດ້ວຍການປະກອບຄໍາເຫັນຫຼາຍຢ່າງຂອງບັນດາພີ່ນ້ອງຊາວຫວຽດນາມທີ່ຢູ່ຕ່າງປະເທດປິ່ນອ້ອມບັນຫາການຕິດຕາມກວດກາແຫຼ່ງທີ່ມາຂອງຜະລິດຕະພັນ, ຮັບປະກັນຄວາມສະອາດປອດໄພຂອງອາຫານເພື່ອສົ່ງອອກ. |
 | ຍສໝ - ນີ້ແມ່ນການແບ່ງປັນຂອງທ່ານ Peter ຮົ່ງ, ກຳມະການສູນກາງແນວໂຮມປະເທດຊາດ ຫວຽດນາມ, ປະທານສະມາຄົມນັກທຸລະກິດຊາວຫວຽດນາມ ອາໄສຢູ່ຕ່າງປະເທດ ກ່ຽວກັບທີ່ຕັ້ງຂອງປະເທດຊາດພາຍໃຕ້ການນຳພາຂອງ ສະຫາຍເລຂາທິການໃຫຍ່ ຫງວຽນຟູ໋ຈ້ອງ. |
ມິງດຶກ
