ຫວ່າງແລ້ວນີ້, ຄະນະກໍາມະການກ່ຽວກັບຄົນຫວຽດນາມຢູ່ຕ່າງປະເທດ (NVNONN) ນະຄອນ ໂຮ່ຈີມິນ (TP.HCM) ໄດ້ຈັດກອງປະຊຸມສໍາມະນາ “ສະຖານທີ່ນັດພົບກັນຂອງພີ່ນ້ອງຊາວຫວຽດນາມທີ່ຢູ່ຕ່າງປະເທດ ເລກທີ 1” ປີ 2024 ດ້ວຍຫົວຂໍ້ “ບົດບາດຂອງປະຊາຄົມນັກທຸລະກິດຫວຽດນາມຢູ່ຕ່າງປະເທດ ໃນການຊຸກຍູສົ່ງເສີມການຄ້າ, ເຊື່ອມຕໍ່ການບໍລິໂພກ, ແນະນຳ ແລະ ເຜີຍແຜ່ຜະລິດຕະພັນ, ສິນຄ້າຢູ່ເຂດນະຄອນໂຮ່ຈີມິນ ເຂົ້າຮ່ວມການຕິດຕາມກວດກາແຫຼ່ງທີ່ມາ ຕາມຂໍ້ຕົກລົງ 1039/QD - UBND”.
 |
| ພາບທີ່ກອງປະຊຸມສໍາມະນາ. |
ທ່ານ ເຈີ່ນດຶກຫຽນ ຮອງຫົວໜ້າຄະນະກໍາມະການຄົນຫວຽດນາມ ອາໄສຢູ່ຕ່າງປະເທດ ນະຄອນ ໂຮ່ຈີມິນ ມີຄໍາເຫັນທີ່ກອງປະຊຸມສໍາມະນາວ່າ: ປະຈຸບັນ, ຜູ້ບໍລິໂພກເອົາໃຈໃສ່ໃນຜະລິດຕະພັນບໍ່ພຽງແຕ່ດ້ານຄຸນນະພາບ ແລະ ການອອກແບບເທົ່ານັ້ນ, ແຕ່ຫາກຍັງເອົາໃຈໃສ່ເຖິງຂໍ້ມູນທີ່ກ່ຽວຂ້ອງເຖິງຂະບວນການຜະລິດອີກດ້ວຍ ໂດຍສະເພາະແມ່ນສິນຄ້າທີ່ສົ່ງຜົນກະທົບໂດຍກົງຕໍ່ສຸຂະພາບເຊັ່ນ: ອາຫານ, ເຄື່ອງດື່ມ, ຢາປົວພະຍາດ... ສະນັ້ນ, ການເຂົ້າເຖິງແຫຼ່ງທີ່ມາຂອງສິນຄ້າຈິ່ງໄດ້ ແລະ ກໍາລັງກາຍເປັນມາດຕະຖານບັງຄັບໃນທົ່ວໂລກ.
ສະນັ້ນ, ຄະນະກຳມະການກ່ຽວກັບຄົນຫວຽດນາມ ທີ່ອາໄສຢູ່ນະຄອນ ໂຮ່ຈີມິນ ເປັນເຈົ້າການປະສານສົມທົບຜັນຂະຫຍາຍດໍາເນີນການ, ແຈ້ງຂ່າວ ແລະ ເຜີຍແຜ່ກ່ຽວກັບແຜນການຜັນຂະຫຍາຍການຄຸ້ມຄອງ ແລະ ການຕິດຕາມກວດກາແຫຼ່ງທີ່ມາຂອງຜະລິດຕະພັນສິນຄ້າຢູ່ເຂດຕົວເມືອງຕິດພັນກັບການເຄື່ອນໄຫວຢູ່ “ພື້ນທີ່ວັນນະຄະດີ ໂຮ່ຈີມິນ - ສະຖານທີ່ນັດພົບ ພີ່ນ້ອງຊາວຫວຽດນາມທີ່ຢູ່ຕ່າງປະເທດ”.
 |
| ບັນຍາກາດທີ່ກອງປະຊຸມສໍາມະນາ. |
ທີ່ກອງປະຊຸມສໍາມະນາ, ບັນດາພີ່ນ້ອງຊາວຫວຽດນາມທີ່ຢູ່ຕ່າງປະເທດໄດ້ປຶກສາຫາລືເຮັດແຈ້ງ: ຂໍ້ມູນກ່ຽວກັບຂໍ້ກຳນົດການກວດກາແຫຼ່ງທີ່ມາຂອງສິນຄ້າຂອງຫວຽດນາມ ຕໍ່ກັບຂໍ້ກໍານົດຂອງສາກົນ; ຄວາມສະດວກຂອງບັນດາວິສາຫະກິດທີ່ໄດ້ລົງທະບຽນເພື່ອຕິດຕາມກວດກາສິນຄ້າເມື່ອເຂົ້າຮ່ວມຕະຫຼາດສາກົນ; ບົດບາດຂອງວົງການວິສາຫະກິດຫວຽດນາມ ຢູ່ຕ່າງປະເທດໃນວຽກຊຸກຍູ້ການນໍາສິນຄ້າທີ່ໄດ້ຮັບການກວດກາໃນການສົ່ງອອກ ແລະ ຄວາມຫຍຸ້ງຍາກອື່ນໆ, ຂໍ້ຄົງຄ້າງ, ປະສົບການໃນການກວດກາແຫຼ່ງທີ່ມາຂອງຜະລິດຕະພັນ ເວົ້າລວມ ແລະ ຜະລິດຕະພັນກະເສດ ເວົ້າສະເພາະ.
ຜົນສະຫຼຸບຂອງກອງປະຊຸມສໍາມະນາ, ທ່ານນາງ ຫວູທິຮວິ່ງມາຍ ຫົວໜ້າຄະນະກຳມະການກ່ຽວກັບຄົນຫວຽດນາມຢູ່ຕ່າງປະເທດ ນະຄອນ ໂຮ່ຈີມິນ ໄດ້ຂອບໃຈທຸກການປະກອບຄວາມຄິດຄວາມເຫັນທີ່ແທດເໝາະກັບສະພາບຕົວຈິງຂອງຜູ້ແທນ. ທ່ານນາງ ມາຍ ກ່າວວ່າ ຈະຈັດສົ່ງທຸກຄວາມຄິດຄວາມເຫັນນີ້ ໄປເຖິງການນຳຄະນະກຳມະການປະຊາຊົນນະຄອນເພື່ອໃຫ້ມີບັນດາລັດຖະນະໂຍບາຍທີ່ເໝາະສົມ, ມີປະໂຫຍດຕໍ່ວຽກການສົ່ງອອກສິນຄ້າຂອງນະຄອນໄປຍັງຕະຫຼາດຕ່າງປະເທດ, ໂດຍສະເພາະແມ່ນຕະຫຼາດທີ່ເອົາໃຈຍາກຄື ອາເມລິກາ, ເອີລົບ ແລະ ຍີ່ປຸ່ນ…
ນະຄອນໂຮ່ຈິມິນ ໄດ້ຕິດຕາມກວດກາແຫຼ່ງທີ່ມາຂອງວິສາຫະກິດຫຼາຍກວ່າ 500 ແຫ່ງ
ຢູ່ນະຄອນໂຮ່ຈິມິນ, ພາຍຫຼັງກວ່າ 2 ປີແຫ່ງການນຳໃຊ້ ແລະ ຄຸ້ມຄອງລະບົບຕິດຕາມກວດກາແຫຼ່ງທີ່ມາຕາມແຜນຮ່າງ 100, ນະຄອນໄດ້ປະຕິບັດການຕິດຕາມກວດກາແຫຼ່ງທີ່ມາຂອງວິສາຫະກິດທຳການຜະລິດ, ທຸລະກິດ ແລະ ການບໍລິການທີ່ມີຄວາມຕ້ອງການກໍ່ສ້າງ ແລະ ນຳໃຊ້ລະບົບຕິດຕາມກວດກາແຫຼ່ງທີ່ມາຢູ່ເຂດຕົວເມືອງ 500 ກວ່າເທື່ອຄັ້ງ ໂດຍພະແນກການ, ຄະນະ, ຂະແໜງການສະຫນອງໃຫ້.
ມາຮອດປະຈຸບັນ, ມີ 61 ຫົວໜ່ວຍເຂົ້າຮ່ວມແຜນຮ່າງການຄຸ້ມຄອງ, ຮັບຮູ້ ແລະ ຕິດຕາມກວດກາແຫຼ່ງທີ່ມາ. ສໍາລັບຜະລິດຕະພັນຊີ້ນຫມູ, ເນື້ອສັດປີກ ແລະ ໄຂ່ສັດປີກ, ມີ 47 ສະຖານທີ່ທີ່ຂຶ້ນກັບກຸ່ມສະໜອງໃນຕົວເມືອງເຂົ້າຮ່ວມ; ສຳລັບຜະລິດຕະພັນໝາກໄມ້ສົດ, ພືດຜັກ ແລະ ອາຫານທະເລ, ມີ 14 ສະຖານທີ່ນຳໃຊ້ລະຫັດຕິດຕາມກວດກາແຫຼ່ງທີ່ມາຕາມບັນດາມາດຖານ ຫວຽດນາມ.
ທອງມີ ສີຫາວົງ
