 | ມູກາງຈາຍ ໄດ້ຈັດອັນດັບໜື່ງໃນຈໍານວນ 25 ຈຸດຫມາຍປາຍທາງທີ່ມີຄວາມງາມທີ່ໜ້າມະຫັດສະຈັນ |
| ໂຮ້ຍອານ ໄດ້ຈັດອັນດັບທີ 4 ໃນບັນຊີລາຍຊື່ 25 ນະຄອນທີ່ນິຍົມທີ່ສຸດໃນໂລກ |
ໂດຍເຂົ້າຮ່ວມພິທີສະເຫຼີມສະຫຼອງມີບັນດາພະນັກງານ, ພາລະກອນຂອງສະຖານທູດ ແລະ ບັນດາອົງການຜູ້ຕາງໜ້າ ຫວຽດນາມ ປະຈຳ ອີຢິບ; ເອກອັກຄະລັດຖະທູດຂອງຫຼາຍປະເທດຢູ່ Cairo; ບັນດາຜູ້ຕາງໜ້າອົງການການທູດ; ຜູ້ຕາງຫນ້າຂອງກະຊວງ, ຂະແໜງການຈໍານວນຫນຶ່ງຂອງ ອີຢິບ; ເພື່ອນມິດສາກົນ ແລະ ຊາວຫວຽດນາມ ອາໄສຢູ່ຕ່າງປະເທດເປັນຈຳນວນຫຼວງຫຼາຍທີ່ດຳລົງຊີວິດ ແລະ ເຮັດວຽກຢູ່ ອີຢິບ.
 |
| ທ່ານເອກອັກຄະລັດຖະທູດ ຫວຽດນາມ ປະຈຳ ອີຢິບ ຫງວຽນຮຸຍຢຸ້ງ. (ພາບ: TTXVN) |
ກ່າວຄຳປາໄສທີ່ພິທີສະເຫຼີມສະຫຼອງ, ທ່ານເອກອັກຄະລັດຖະທູດ ຫວຽດນາມ ປະຈຳ ອີຢິບ ຫງວຽນຮຸຍຢຸ້ງ ໄດ້ຍົກໃຫ້ເຫັນຄວາມໝາຍອັນໃຫຍ່ຫຼວງຂອງວັນບຸນເອກະລາດ, ຫວນຄືນບັນດາຂີດໝາຍທີ່ສະຫງ່າອົງອາດໃນພາລະກິດ 79 ປີແຫ່ງຕໍ່ສູ້ຍາດເອົາເອກະລາດແຫ່ງຊາດ, ການສ້າງສາ ແລະ ປົກປັກຮັກສາປະເທດຊາດ, ກໍ່ຄືບັນດາຜົນງານທີ່ດີເດັ່ນພາຍຫຼັງເກືອບ 40 ປີແຫ່ງການປ່ຽນແປງໃໝ່ ແລະ ການເຊື່ອມໂຍງສາກົນຂອງ ຫວຽດນາມ.
ຕາມທ່ານເອກອັກຄະລັດຖະທູດແລ້ວ, ພາຍໃຕ້ການຊີ້ນຳຂອງພັກກອມມູນິດ ຫວຽດນາມ, ປະຈຸບັນ, ປະເທດຫວຽດນາມ ໄດ້ສືບຕໍ່ພັດທະນາ ແລະ ບັນລຸໄດ້ບັນດາຜົນງານອັນໃຫຍ່ຫຼວງຄື: GDP ເພີ່ມຂຶ້ນ 6,42% ເມື່ອທຽບໃສ່ໄລຍະດຽວກັນຂອງປີກາຍ; ເສດຖະກິດມະຫາພາກສືບຕໍ່ມີຄວາມເປັນປົກກະຕິ; ອັດຕາເງິນເຟີ້ຖືກຄວບຄຸມ; ວົງເງິນສົ່ງອອກ, ຍອດຈຳນວນທຶນ FDI, ຈຳນວນນັກທ່ອງທ່ຽວສາກົນມາຫວຽດນາມ... ລ້ວນແຕ່ສືບຕໍ່ເພີ່ມຂຶ້ນຢ່າງວ່ອງໄວ.
ກ່ຽວກັບການພົວພັນລະຫວ່າງສອງປະເທດ, ທ່ານເອກອັກຄະລັດຖະທູດ ໄດ້ຢືນຢັນວ່າ ການພົວພັນລະຫວ່າງ ຫວຽດນາມ - ອີຢິບ ນັບມື້ນັບໄດ້ຮັບການພັດທະນານັບແຕ່ສ້າງຕັ້ງການທູດເມື່ອປີ 1963. ອີຢິບ ແມ່ນໜຶ່ງໃນບັນດາປະເທດທຳອິດຢູ່ຕາເວັນອອກກາງ ແລະ ອາຟຼິກາເໜືອ ທີ່ມີການພົວພັນທາງການທູດກັບ ຫວຽດນາມ. ບັນດາການຢ້ຽມຢາມຂັ້ນສູງໃນປີ 2017 ແລະ 2018 ໄດ້ຍົກສູງລະດັບການພົວພັນສອງຝ່າຍ, ພິເສດແມ່ນການລົງນາມໃນເອກະສານຮ່ວມມືຫລາຍຢ່າງ. ໃນປີ 2023, 2 ປະເທດສືບຕໍ່ເພີ່ມທະວີການແລກປ່ຽນຄະນະຜູ້ແທນຂັ້ນສູງ, ໃນນັ້ນ ມີການຢ້ຽມຢາມຂອງອະດີດລັດຖະມົນຕີວ່າການກະຊວງຕຳຫຼວດ, ປະຈຸບັນ ແມ່ນທ່ານເລຂາທິການໃຫຍ່, ປະທານປະເທດ ໂຕເລີມ ແລະ ທ່ານຮອງນາຍົກລັດຖະມົນຕີ ເຈີ່ນລິວກວາງ.
ກ່ຽວກັບດ້ານເສດຖະກິດ, ການພົວພັນດ້ານການຄ້າລະຫວ່າງສອງປະເທດ ໄດ້ມີບາດກ້າວພັດທະນາຢ່າງຕັ້ງໜ້າ. ໃນ 6 ເດືອນຕົ້ນປີ 2024, ວົງເງິນສົ່ງອອກຂອງ ຫວຽດນາມ ໄປ ອີຢິບ ບັນລຸ 246 ລ້ານ USD, ເພີ່ມຂຶ້ນ 4,1% ເມື່ອທຽບໃສ່ໄລຍະດຽວກັນຂອງປີກາຍ, ດ້ວຍບັນດາຜະລິດຕະພັນຕົ້ນຕໍຄື ກາເຟ, ໝາກພິກໄທ, ໝາກມ່ວງຫິມະພານ, ເຄື່ອງຈັກ, ອຸປະກອນ ແລະ ເຄື່ອງອາໄຫຼ່, ຄອມພິວເຕີ, ຜະລິດຕະພັນເອເລັກໂຕຣນິກ ແລະ ເຄື່ອງອາໄຫຼ່, ເຄື່ອງຕ່ຳແຜ່ນຕັດຫຍິບ… ມີວິສາຫະກິດຫວຽດນາມ ຫຼາຍແຫ່ງນັບມື້ນັບມີຄວາມສົນໃຈເຖິງທ້ອງຕະຫຼາດ ອີຢິບ.
ທ່ານເອກອັກຄະລັດຖະທູດຢືນຢັນວ່າ ຫວຽດນາມ ໄດ້ຕີລາຄາສູງບົດບາດສຳຄັນຂອງ ອີຢິບ ໃນການຊຸກຍູ້ຄວາມໝັ້ນຄົງ ແລະ ຄວາມປອດໄພໃນພາກພື້ນ. ຫວຽດນາມ ຈະຢືນຄຽງຂ້າງກັບ ອີຢິບ ແລະ ບັນດາປະເທດອື່ນໆ, ສະໜັບສະໜູນ ແລະ ພ້ອມແລ້ວທີ່ຈະເຂົ້າຮ່ວມບັນດາຄວາມມານະພະຍາຍາມລວມຂອງປະຊາຄົມສາກົນ ເພື່ອຊຸກຍູ້ການເຈລະຈາ ແລະ ສະໜອງການໜູນຊ່ວຍມະນຸດສະທຳໃຫ້ແກ່ປະຊາຊົນຢູ່ບັນດາພາກພື້ນທີ່ໄດ້ຮັບຜົນກະທົບຈາກການປະທະກັນ, ປະກອບສ່ວນເຂົ້າໃນສັນຕິພາບ, ຄວາມໝັ້ນຄົງ ແລະ ສະຖຽນລະພາບໃນພາກພື້ນ ແລະ ໃນໂລກ.
ເນື່ອງໃນໂອກາດສະເຫຼີມສະຫຼອງວັນບຸນເອກະລາດຂອງ ຫວຽດນາມ, ທ່ານ Ahmed Shaheen, ຜູ້ຊ່ວຍລັດຖະມົນຕີການຕ່າງປະເທດ ອີຢິບ ຮັບຜິດຊອບບັນດາບັນຫາ ອາຊີ ແລະ ປາຊີຟິກ ໄດ້ທວນຄືນບັນດາຂີດໝາຍທີ່ສຳຄັນຂອງການພົວພັນ ຫວຽດນາມ - ອີຢິບ ນັບຕັ້ງແຕ່ການສ້າງຕັ້ງການພົວພັນທາງການທູດມາຮອດປະຈຸປັນ. ທ່ານກ່າວວ່າ ການພົວພັນລະຫວ່າງສອງປະເທດນັບມື້ນັບພັດທະນາໃນຫຼາຍຂົງເຂດ. ໃນໄລຍະຈະມາເຖິງ, ນອກຈາກຈະສືບຕໍ່ແລກປ່ຽນຄະນະຜູ້ແທນຂັ້ນສູງ, 2 ປະເທດຕ້ອງຍູ້ແຮງການຮ່ວມມືໃນທຸກຂົງເຂດກ່ວາອີກ, ພິເສດແມ່ນດ້ານເສດຖະກິດ, ການຄ້າ, ວິທະຍາສາດເຕັກໂນໂລຢີ, ການສຶກສາ, ວັດທະນະທຳ ແລະ ທ່ອງທ່ຽວ.
 |
| ແຂກຮັບເຊີນ ໄດ້ຊິມອາຫານຫວຽດນາມ. (ພາບ: VOV) |
“ກຳລັງຄວາມສາມາດຮ່ວມມືລະຫວ່າງສອງປະເທດ ຍັງບໍ່ທັນໄດ້ຮັບການຂຸດຄົ້ນຢ່າງເຕັມທີ່. 2 ຝ່າຍຕ້ອງສືບຕໍ່ສົມທົບກັນເພື່ອປັບປຸງບັນດາກອບການຮ່ວມມືສອງຝ່າຍ, ໂດຍຜ່ານການອັບເດດ ແລະ ເຮັດໃໝ່ບັນດາຂໍ້ຕົກລົງທີ່ມີຢູ່ແລ້ວ, ພ້ອມກັນນັ້ນ ກກ້າວໄປສູ່ການລົງນາມໃນສັນຍາສະບັບໃໝ່ໃນໄລຍະຈະມາເຖິງ. ຂ້າພະເຈົ້າປາດຖະໜາວ່າ ບັນດາວິສາຫະກິດ ຫວຽດນາມ ນັບມື້ນັບຈະມີຫຼາຍແຫ່ງມາລົງທຶນ ແລະ ສ້າງຕັ້ງຮາກຖານທຸລະກິດຢູ່ທ້ອງຕະຫຼາດ ອີຢິບ”, ທ່ານເອກອັກຄະລັດຖະທູດ Ahmed Shaheen ກ່າວ.
ທີ່ພິທີ, ແຂກຮັບເຊີນ ແລະ ຊາວຫວຽດນາມ ອາໄສຢູ່ຕ່າງປະເທດ ໄດ້ພ້ອມກັນຊິມອາຫານພື້ນເມືອງລົດຊາດຫວຽດນາມ ຄື: ເຝີງົວ, ຢໍ່ຈືນ...
 | ຍສໝ - ພາຍຫຼັງໄດ້ຮັບຂ່າວທ່ານເລຂາທິການໃຫຍ່ ຫງວຽນຟູ໋ຈ້ອງ ເຖິງແກ່ມໍລະນະກຳ, ສະພາສັນຕິພາບໂລກ, ສະຖາບັນກູບາມິດຕະພາບກັບບັນດາເຜົ່າ, ບັນດາອົງການມິດຕະພາບຂອງຫຼາຍປະເທດ, ບັນດາອົງການບໍ່ຂຶ້ນກັບລັດຖະບານຕ່າງປະເທດ ກໍ່ໄດ້ສົ່ງໂທລະເລກ, ຈົດໝາຍ, ສະແດງຄວາມເສຍໃຈເຖິງສະຫະພັນອົງການມິດຕະພາບ, ບັນດາອົງການສະມາຊິກ, ປະຊາຊົນ ຫວຽດນາມ ແລະ ຄອບຄົວຂອງທ່ານເລຂາທິການໃຫຍ່ ຫງວຽນຟູ໋ຈ້ອງ. |
 | ຍສໝ - ວັນທີ 24 ກໍລະກົດ, ສະຖານທູດ ຫວຽດນາມ ປະຈໍາ ຕ່າງປະເທດຄື: ກູບາ, Algeria, ອາຟະລິກາໃຕ້ ໄດ້ເອົາທຸງລົງເຄິ່ງເສົາ, ປະກາດເປີດປຶ້ມໄຫວ້ອາໄລ ແລະ ຈັດພິທີໄຫວ້ອາໄລທ່ານເລຂາທິການໃຫຍ່ ຫງວຽນຟູ໋ຈ້ອງ. |
ມີງດຶກ
