| ໂຮ້ຍອານ ໄດ້ຈັດອັນດັບທີ 4 ໃນບັນຊີລາຍຊື່ 25 ນະຄອນທີ່ນິຍົມທີ່ສຸດໃນໂລກ | |
| 5 ນະຄອນຂອງຫວຽດນາມ ທີ່ນັກທ່ອງທ່ຽວອົດສະຕາລີ ໄດ້ເຂົ້າຄົ້ນຫາໃນສື່ສັງຄົມອອນລາຍຫຼາຍທີ່ສຸດ |
 |
| ມູກາງຈາຍ ໄດ້ຮັບການຕີລາຄາເປັນຈຸດຫມາຍປາຍທາງທີ່ມີຄວາມງາມທີ່ມະຫັດສະຈັນ (ຮູບພາບປະກອບ). |
ນໍາໜ້າຢູ່ໃນລາຍຊື່ 25 ຈຸດໝາຍທ່ອງທ່ຽວທີ່ມີຄວາມງາມມະຫັດສະຈັນນັ້ນແມ່ນ ມູກາງຈາຍ, ໂດຍໄດ້ຮັບການຕີລາຄາເປັນໜຶ່ງໃນບັນດາສະຖານທີ່ທີ່ສວຍງາມທີ່ສຸດຂອງຫວຽດນາມ. ມີຊື່ສຽງໂດ່ງດັງຍ້ອນທົ່ງນາຂັ້ນໄດທີ່ສວຍສົດງົດງາມທີ່ສຸດ, ມູກາງຈາຍ ຄືຍ້ອມດ້ວຍສີຂຽວຂອງຕົ້ນເຂົ້າໃໝ່ ແລະ ເມື່ອລະດູເຂົ້າສຸກຈະເປັນສີເຫຼືອງງາມຕາ. ໂດຍຜ່ານສອງຝາມືທີ່ມີຄວາມຊໍານິຊໍານານ ແລະ ຄວາມຄິດປະດິດສ້າງ, ຄວາມພາກພຽນຂອງຊາວກະສິກອນ, ພວກເຂົາເຈົ້າໄດ້ສ້າງຮູບພາບທີ່ມີຊີວິດຊີວາທີ່ມີການປ່ຽນແປງຕາມການເວລາ, ສະແດງໃຫ້ເຫັນຄວາມກົມກຽວລະຫວ່າງທໍາມະຊາດ ແລະ ມວນມະນຸດ.
“ມູກາງຈາຍ ແມ່ນໜຶ່ງໃນບັນດາສະຖານທີ່ທີ່ເບິ່ງຄືວ່າບໍ່ມີຢູ່ໃນໂລກ ຍ້ອນຄວາມສວຍສົດງາມທີ່ຫາຍາກ. ນີ້ແມ່ນໜຶ່ງໃນຈຸດໝາຍປາຍທາງທີ່ເປັນທີ່ນິຍົມຂອງພວກເຮົາ ແລະ ຈະກາຍເປັນຈຸດໝາຍປາຍທາງທີ່ທ່ານມັກຢ່າງແນ່ນອນ!”, ເວັບໄຊທ່ອງທ່ຽວນີ້ຍົກໃຫ້ຮູ້.
ມູກາງຈາຍ ເປັນເມືອງພູດອຍທາງທິດຕາເວັນຕົກຂອງແຂວງອຽນບ້າຍ, ຫ່າງຈາກໃຈກາງນະຄອນອຽນບ້າຍ180 ກິໂລແມັດ, ຫ່າງຈາກນະຄອນຫຼວງຮ່າໂນ້ຍ ໄປທາງທິດຕາເວັນຕົກສຽງເໜືອ 300 ກວ່າ ກມ. ດິນແດນແຫ່ງນີ້ຕັ້ງຢູ່ຕີນພູ ຮວ່າງລຽນເຊີນ, ໃນລະດັບຄວາມສູງກ່ວາ 2.000 ແມັດຈາກໜ້ານໍ້າທະເລ.
ມາຮອດເມືອງ ມູກາງຈາຍ, ນັກທ່ອງທ່ຽວຈະໄດ້ຊົມຄວາມງາມຂອງເຂດທັດສະນີຍະພາບແຫ່ງຊາດ ທົ່ງນາຂັ້ນໄດ ມູກາງຈາຍ ດ້ວຍເນື້ອທີ່ທັງໝົດ 330 ເຮັກຕາ, ຕົ້ນຕໍແມ່ນຢູ່ 3 ຕາແສງ ເຈ້ກູ່ຍາ, ລາປ້ານເຕີນ ແລະ ເຊ້ຊູ່ຟິ່ງ, ບ່ອນທີ່ໄດ້ຮັບການຮັບຮອງຈາກກະຊວງວັດທະນະທໍາ, ກິລາ ແລະ ທ່ອງທ່ຽວ ເປັນແຫລ່ງທ່ອງທ່ຽວແຫ່ງຊາດໂດຍ ຕັ້ງແຕ່ປີ 2007. ທົ່ງນາຂັ້ນໄດຢູ່ທີ່ນີ້ສວຍງາມຄືກັບດັ່ງລາຍມືຂອງທ້ອງຟ້າ, ເປັນກິດຈະກຳສະຖາປັດຕະຍະກຳທີ່ເຕັມໄປດ້ວຍຄວາມຄິດສ້າງສັນຈາກມືຜູ້ຊຳນານຂອງຊາວເຜົ່າມົ້ງ.
ທົ່ງນາຂັ້ນໄດງາມທີ່ສຸດແມ່ນໃນເດືອນພຶດສະພາ ຫາ ມິຖຸນາ ເມື່ອມີນ້ຳເຂົ້າທົ່ງນາ ແລະ ໃນເດືອນກັນຍາ-ຕຸລາ ເມື່ອເຂົ້າສຸກແລ້ວ ມີສີເຫຼືອງເຫຼື້ອມທົ່ວເນີນພູ. ນັກທ່ອງທ່ຽວມາ ມູກາງຈາຍ ໃນສອງໄລຍະນີ້ຈະໄດ້ເຫັນຕົ້ນເຂົ້າສີຂຽວ ແລະ ເຂົ້າສຸກເຫຼືອງຢູ່ບັນດາເນີນພູທີ່ກວ້າງໃຫຍ່ໄພສານ.
ເມື່ອມາຮອດ ມູກາງຈາຍ, ນັກທ່ອງທ່ຽວສາມາດໄປຢ້ຽມຢາມບັນດາໝູ່ບ້ານຊາວເຜົ່າມົ້ງ ແລະ ເຜົ່າຜູ້ໄທ ເພື່ອຊອກຮູ້ວັດທະນະທຳ ແລະ ຮີດຄອງປະເພນີຢູ່ເຂດພູດອຍຕາເວັນຕົກສ່ຽງເໜືອ ດ້ວຍບັນດາຄຸນຄ່າວັດທະນະທຳ, ສິລະປະພື້ນເມືອງທີ່ເປັນເອກະລັກສະເພາະ ແລະ ມີຊື່ສຽງ.
 | ໂຮ້ຍອານ ໄດ້ຈັດອັນດັບທີ 4 ໃນບັນຊີລາຍຊື່ 25 ນະຄອນທີ່ນິຍົມທີ່ສຸດໃນໂລກ |
| 5 ນະຄອນຂອງຫວຽດນາມ ທີ່ນັກທ່ອງທ່ຽວອົດສະຕາລີ ໄດ້ເຂົ້າຄົ້ນຫາໃນສື່ສັງຄົມອອນລາຍຫຼາຍທີ່ສຸດ |
ອ.ສະຫວັດ
