ຂົວເຊື່ອມຕໍ່ການທູດປະຊາຊົນ

ຍສໝ - ຄຽງຄູ່ກັບວຽກງານການພົວພັນຕ່າງປະເທດຂອງພັກ, ການທູດຂອງລັດ, ການທູດປະຊາຊົນແມ່ນໜຶ່ງໃນສາມເສົາຄ້ຳຂອງວຽກງານການທູດ. ໃນອາຍຸການທີ່ຜ່ານມາ, ແນວໂຮມປະເທດຊາດ ຫວຽດນາມ ບັນດາຂັ້ນໃນແຂວງ ແລະ ບັນດາອົງການສະມາຊິກໄດ້ສຸມໃສ່ປະຕິບັດວຽກງານການທູດປະຊາຊົນ ຕິດພັນກັບການເພີ່ມທະວີຄວາມສາມັກຄີສາກົນ ແລະ ເປີດກວ້າງການເຄື່ອນໄຫວການທູດປະຊາຊົນຢູ່ບໍລິເວນແຂວງ.

	ສະມາຄົມມິດຕະພາບ ຫວຽດນາມ - ອິນເດຍ: ເປັນຂົວເຊື່ອມຕໍ່ອັນໜັກແໜ້ນໃຫ້ແກ່ການພົວພັນລະຫວ່າງ 2 ປະເທດ
	ບັນດາລຸ້ນນັກສຶກສາ ຫວຽດນາມ ຢູ່ ລັດເຊຍ - ຂົວເຊື່ອມຕໍ່ມິດຕະພາບ

ຜ່ານນັ້ນ, ກໍ່ມີແບບຢ່າງ ແລະ ວິທີການປະຕິບັດທີ່ດີຫຼາຍຢ່າງໃນການເຄື່ອນໄຫວການທູດປະຊາຊົນຂອງແຂວງ ໄດ້ຮັບການຕີລາຄາສູງຈາກສູນກາງ. 4 ປີລຽນຕິດ (2020 ຫາ 2023), ແຂວງ ດົ່ງນາຍ ໄດ້ຮັບການຮັບຮູ້ວ່າແມ່ນຫົວໜ່ວຍນຳໜ້າໃນການປະຕິບັດວຽກງານການທູດປະຊາຊົນ.

ນັກຮຽນໄດ້ຮັບລາງວັນໃນງານແຂ່ງຂັນແຕ້ມຮູບມິດຕະພາບ ຫວຽດນາມ - ຝລັ່ງ ແລະ ການປະກວດເວົ້າເກັ່ງພາສາ ຝລັ່ງ, ໂດຍສະມາຄົມມິດຕະພາບ ຫວຽດນາມ - ຝລັ່ງ ຈັດຕັ້ງ.

ເປັນເຈົ້າການໃນການເຊື່ອມໂຍງກັບບັນດາອົງການຈັດຕັ້ງສາກົນ

ປະຈຸບັນ, ແຂວງ ດົ່ງນາຍ ໄດ້ສ້າງສາຍພົວພັນກັບ 60 ອົງການບໍ່ຂຶ້ນກັບລັດຖະບານຕ່າງປະເທດ ພ້ອມກັບບັນດາວິສາຫະກິດລົງທຶນໂດຍກົງຈາກຕ່າງປະເທດ (FDI) ແລະ ສະມາຄົມຕ່າງປະເທດ. ສະຫະພັນບັນດາອົງການມິດຕະພາບແຂວງ (ສະມາຊິກຄະນະກຳມະການແນວໂຮມປະເທດຊາດ ຫວຽດນາມ ປະຈຳແຂວງ) ໄດ້ສ້າງຕັ້ງ 10 ອົງການສະມາຄົມມິດຕະພາບທີ່ເປັນສະມາຊິກດ້ວຍສະມາຊິກສະມາຄົມ 11.000 ຄົນ ແລະ ສ້າງສາຍພົວພັນອັນດີງາມກັບສະຖານທູດບັນດາປະເທດຢູ່ນະຄອນ ໂຮ່ຈີມິນ.

ຕາມທ່ານກຳມະການຄະນະປະຈຳຄະນະພັກແຂວງ, ປະທານຄະນະກຳມະການແນວໂຮມປະເທດຊາດ ຫວຽດນາມ ແຂວງ ກ່າວວັນກວາງ ແລ້ວ, ຄະນະກຳມະການແນວໂຮມປະເທດຊາດ ຫວຽດນາມ ທຸກຂັ້ນ ແລະ ບັນດາອົງການສະມາຊິກ, ເຊິ່ງຫຼັກແຫຼ່ງແມ່ນສະຫະພັນບັນດາອົງການມິດຕະພາບແຂວງ ໄດ້ເປັນເຈົ້າການໃນການກໍ່ສ້າງແຜນການ ແລະ ປະສານສົມທົບວຽກງານໂຄສະນາເຜີຍແຜ່, ຂົນຂວາຍປະຊາຊົນປະຕິບັດແຜນນະໂຍບາຍ, ແນວທາງການພົວພັນຕ່າງປະເທດຂອງພັກ ແລະ ການທູດຂອງລັດ.

ແຕ່ລະປີ, ແຂວງກໍ່ຈັດຕັ້ງລາຍການພົບປະ ຊາວຫວຽດນາມ ຢູ່ຕ່າງປະເທດ. ໂດຍຜ່ານການເຄື່ອນໄຫວດັ່ງກ່າວ, ການນຳແຂວງໄດ້ແຈ້ງໃຫ້ຊາບກ່ຽວກັບສະພາບການພັດທະນາຂອງແຂວງ, ໃຫ້ກຳລັງໃຈແກ່ ຊາວຫວຽດນາມ ອາໄສຢູ່ຕ່າງປະເທດ ແລະ ບັນດາຍາດຕິພີ່ນ້ອງມານະພະຍາຍາມເຮັດວຽກ, ຮ່ຳຮຽນ, ປະກອບສ່ວນກໍ່ສ້າງສາບ້ານເກີດເມືອງນອນໃນຫຼາຍຮູບຫຼາຍແບບ.

ຄຽງຂ້າງນັ້ນ, ແຂວງ ດົ່ງນາຍ ກໍ່ໄດ້ຈັດຕັ້ງການພົບປະກັບບັນດາອົງການບໍ່ຂຶ້ນກັບລັດຖະບານຕ່າງປະເທດ ແລະ ບັນດາຜູ້ອຸປະຖຳໃນແຂວງ ເພື່ອແຈ້ງໃຫ້ບັນດາຄູ່ຮ່ວມມືຊາບກ່ຽວກັບໝາກຜົນແຫ່ງການນຳໃຊ້ຊັບພະຍາກອນເຂົ້າໃນການປະຕິບັດບັນດາໂຄງການ, ບໍ່ເປັນໂຄງການ ໂດຍບັນດາອົງການບໍ່ຂຶ້ນກັບລັດຖະບານຕ່າງປະເທດ, ສະມາຄົມຕ່າງປະເທດ, ວິສາຫະກິດ FDI ທີ່ໃຫ້ການອຸປະຖຳ. ພ້ອມກັນນັ້ນ, ກໍ່ແນະນຳບັນດາອົງການບໍ່ຂຶ້ນກັບລັດຖະບານຕ່າງປະເທດ ແລະ ສະມາຄົມຕ່າງປະເທດ ເຄື່ອນໄຫວຕາມກົດໝາຍ ຫວຽດນາມ.

ໂດຍໄດ້ຮ່ວມມືຫຼາຍຄັ້ງກັບແຂວງ ດົ່ງນາຍ ເພື່ອຜັນຂະຫຍາຍບັນດາໂຄງການຮັບປະກັນຊີວິດສັງຄົມ, ທ່ານຫົວໜ້າຜູ້ຕາງໜ້າອົງການ COPION ປະຈຳ ຫວຽດນາມ Kim Jae Chul ໃຫ້ຮູ້ວ່າ: ໃນໄລຍະມໍ່ໆມານີ້, ແຂວງໄດ້ສົມທົບກັນຢ່າງຕັ້ງໜ້າ, ສ້າງເງື່ອນໄຂສະດວກໃຫ້ອົງການ COPION ດຳເນີນບັນດາການເຄື່ອນໄຫວທີ່ກ່ຽວຂ້ອງ.

ຕາມທ່ານປະທານສະຫະພັນບັນດາອົງການມິດຕະພາບແຂວງ ຫງວຽນແທ່ງຈິ໋ ແລ້ວ, ເມື່ອໂລກລະບາດ ໂຄວິດ – 19 ໄດ້ແຜ່ລະບາດ, ແຂວງໄດ້ສ້າງເງື່ອນໄຂໃຫ້ພະນັກງານຂອງບັນດາອົງການດັ່ງກ່າວໄດ້ຮັບການສັກຢາປ້ອງກັນ ໂຄວິດ-19 ແລະ ມອບອຸປະກອນການແພດໃຫ້ບັນດາອົງການການທູດຢູ່ນະຄອນ ໂຮ່ຈີມິນ. ໃນທາງກົງກັນຂ້າມ, ບັນດາວິສາຫະກິດ FDI ແລະ ສະມາຄົມຕ່າງປະເທດ ໂດຍຜ່ານຄະນະກຳມະການແນວໂຮມປະເທດຊາດ ຫວຽດນາມ ແຂວງ ກໍ່ໄດ້ໜູນຊ່ວຍຂອງຂວັນໃຫ້ບັນດາສະພາບການທີ່ຫຍຸ້ງຍາກໃນຊີວິດ.

ໂດຍຜ່ານນັ້ນ, ໃນຊຸມປີຜ່ານມາ, ບັນດາອົງການບໍ່ຂຶ້ນກັບລັດຖະບານຕ່າງປະເທດກໍ່ໄດ້ໃຫ້ຄຳໝັ້ນໝາຍຈະອຸປະຖຳປະມານ 600 ຕື້ດົ່ງ ເພື່ອປະກອບສ່ວນປັບປຸງ ແລະ ຍົກສູງຄຸນນະພາບຊີວິດຂອງປະຊາຊົນຢູ່ບໍລິເວນ.

ຮ່ວມເດີນທາງກັບຄົນຕ່າງປະເທດຢູ່ ດົ່ງນາຍ

ຄຽງຄູ່ກັບການຮັກສາ ແລະ ສ້າງສາຍພົວພັນກັບບັນດາອົງການບໍ່ຂຶ້ນກັບລັດຖະບານຕ່າງປະເທດ, ສະມາຄົມຕ່າງປະເທດ, ບັນດາວິສາຫະກິດ FDI, ແຂວງຍັງເອົາໃຈໃສ່ ແລະ ຮ່ວມເດີນທາງກັບຊາວຕ່າງປະເທດຢູ່ ດົ່ງນາຍ.

ທ່ານ ກ່າວວັນກວາງ ໃຫ້ຮູ້ວ່າ: ໃນແຕ່ລະປີ, ແຂວງລ້ວນແຕ່ຈັດຕັ້ງລາຍການພົບປະຕ້ອນຮັບບຸນປີໃໝ່ ແລະ Chol Chnam Thmay ໃຫ້ແກ່ນັກສຶກສາລາວ ແລະ ກຳປູເຈຍ ທີ່ພວມຮ່ຳຮຽນຢູ່ແຂວງ. ແຂວງຮັກສາການມອບທຶນການສຶກສາຢ່າງເຕັມສ່ວນສໍາລັບນັກສຶກສາຕ່າງປະເທດບັນດາປະເທດ. ໃນໄລຍະຮ່ຳຮຽນຢູ່ ດົ່ງນາຍ, ນັກສຶກສາຕ່າງປະເທດໄດ້ຮັບເງື່ອນໄຂສະດວກທີ່ສຸດໃນການຮ່ຳຮຽນ.

ທ່ານ Yin Bunsat, ຮອງຫົວໜ້າຫ້ອງການບໍລິຫານ ຫ້ອງວ່າການອຳນາດການປົກຄອງແຂວງ Kampong Thom, ຫົວໜ້າຄະນະນຳແຂວງ Kampong Thom ພານັກຮຽນມາຮ່ຳຮຽນຢູ່ ຫວຽດນາມ ໃຫ້ຮູ້ວ່າ: ໃນໄລຍະທີ່ຜ່ານມາ ແຂວງ Kampong Thom ຍາມໃດກໍ່ໄດ້ຮັບຄວາມເອົາໃຈໃສ່ ແລະ ໜູນຊ່ວຍຈາກແຂວງ ດົ່ງນາຍ, ໃນນັ້ນ ມີການຝຶກອົບຮົມຊັບພະຍາກອນມະນຸດ. ແຂວງ Kampong Thom ຂໍສະແດງຄວາມຮູ້ບຸນຄຸນຢ່າງຍິ່ງທີ່ແຂວງໄດ້ເອົາໃຈໃສ່ ແລະ ໜູນຊ່ວຍຕໍ່ນັກສຶກສາ ກຳປູເຈຍ.

ຕາມທ່ານ ຫງວຽນແທ່ງຈິ໋ ແລ້ວ, ແຂວງໄດ້ດຶງດູດເກືອບ 1.600 ໂຄງການຈາກ 45 ປະເທດ ແລະ ເຂດແຄວ້ນໃນໂລກ. ຄຽງຄູ່ກັບບັນດາໂຄງການນີ້ແມ່ນບັນດານັກຊ່ຽວຊານຕ່າງປະເທດ ແລະ ຊາວຫວຽດນາມ ຈຳນວນຫຼວງຫຼາຍທີ່ພວມເຮັດວຽກຢູ່ບັນດາວິສາຫະກິດ FDI. ດັ່ງນັ້ນ, ແຂວງຈຶ່ງເປັນເຈົ້າການເຊື່ອມຕໍ່ບັນດາວິສາຫະກິດ FDI ທີ່ກ່ຽວຂ້ອງກັບແຕ່ລະສະມາຄົມມິດຕະພາບທີ່ເປັນສະມາຊິກ ເພື່ອສ້າງຕັ້ງສາຂາສະມາຄົມ ແລະ ພັດທະນາສະມາຊິກ.

ພ້ອມກັນນັ້ນ, ເພື່ອເພີ່ມທະວີປະສິດທິຜົນວຽກງານການພົບປະແລກປ່ຽນປະຊາຊົນ, ຍູ້ແຮງຂະບວນການຮ່ຳຮຽນພາສາຕ່າງປະເທດຂອງບັນດາສະມາຊິກ, ໃນແຕ່ລະປີ, ບັນດາສະມາຄົມມິດຕະພາບທີ່ເປັນສະມາຊິກ ລ້ວນແຕ່ໄດ້ດຳເນີນການແຂ່ງຂັນເວົ້າເກັ່ງພາສາຕ່າງປະເທດ ແລະ ຈັດຕັ້ງໂຄງການໃຫ້ຄຳປຶກສາກ່ຍວກັບການສຶກສາຢູ່ຕ່າງປະເທດໃຫ້ຜູ້ປົກຄອງນັກຮຽນ , ນັກຮຽນ ແລະ ນັກສຶກສາ. ຄຽງຄູ່ກັນນັ້ນ, ເພື່ອສ້າງເວທີປາໄສໃຫ້ບັນດາສະມາຊິກ, ສະຫະພັນບັນດາອົງການມິດຕະພາບແຂວງ ຍັງໄດ້ຮັກສາການຈັດຕັ້ງບັນດາງານບຸນ ແລະ ງານແຂ່ງຂັນສິລະປະປະຈຳປີ...

ສື່ມວນຊົນສືບຕໍ່ແມ່ນຂົວເຊື່ອມຕໍ່ ຫວຽດນາມ ແລະ ອິນໂດເນເຊຍ

ຍສໝ - ຕອນບ່າຍວັນທີ 4 ມັງກອນ, ທ່ານເອກອັກຄະລັດຖະທູດ ຫວຽດນາມ ປະຈຳ ອິນໂດເນເຊຍ ຕະວັນທົງ ໄດ້ຈັດຕັ້ງການພົບປະສື່ມວນຊົນເນື່ອງໃນໂອກາດປີໃໝ່ 2024. ເຂົ້າຮ່ວມການພົບປະຄັ້ງນີ້ ມີຜູ້ແທນຂອງຫຼາຍສຳນັກໜັງສືພິມ ອິນໂດເນເຊຍ ແລະ ຫວຽດນາມ.

50 ປີແຫ່ງການພົວພັນຫວຽດນາມ - ອີຕາລີ: ຂົວເຊື່ອມຕໍ່ວັດທະນະທຳຂອງປະຊາຊົນສອງປະເທດ

ຍສໝ - ໃນຂອບເຂດລາຍການສະເຫຼີມສະຫຼອງ 50 ປີແຫ່ງວັນສ້າງສາຍພົວພັນທາງການທູດລະຫວ່າງ 2 ປະເທດ ຫວຽດນາມ - ອີຕາລີ 2023, ຕອນຄ່ຳວັນທີ 11 ພະຈິກ ໄດ້ຈັດຕັ້ງພິທີສາຍຮູບເງົາດອກມະລິ ຂອງກຳກັບການສະແດງ ດັ້ງເຍີດມິງ ໃຫ້ມະຫາຊົນຊົມຢ່າງກວ້າງຂວາງ.

ມິງດຶກ