| ກະຊວງຕຳຫຼວດຫວຽດນາມ ແລະ ອີຕາລີ ເພີ່ມທະວີການຮ່ວມມືດ້ານຕຸລາການ, ຕ້ານອາດຊະຍາກຳ | |
| ຫວຽດນາມ ແລະ ອີຕາລີ ເພີ່ມທະວີການຮ່ວມມືດ້ານຕຸລາການ, ປ້ອງກັນ ຕ້ານອາດຊະຍາກຳ |
ໂຄງການໂດຍສະຖານທູດຫວຽດນາມ ປະຈຳ ອີຕາລີ ສົມທົບກັບອຳນາດການປົກຄອງນະຄອນ Rimini (ເຂດ Emilia Romagna), ມູນນິທິອີຕາລີ - ຫວຽດນາມ, ໂຮງຮູບເງົາ Fulgor, ຫໍສະໝຸດຮູບເງົາ ແລະ ພິພິທະພັນ Fellini, ບັນດາສະໂມສອນ Rotary ຢູ່ Romagna, Rimini, Rimini Riviera ແລະ Cervia Cesenatico ຈັດຕັ້ງ.
ເຂົ້າຮ່ວມພິທີ ມີຜູ້ຕາງໜ້າສະຖານທູດຫວຽດນາມ ປະຈຳ ອີຕາລີ, ຜູ້ຕາງໜ້າສະພານະຄອນ Rimini, ທ່ານ Francesco Bragagni; ຜູ້ອໍານວຍການ Fulgor Cinema, ທ່ານນາງ Elena Zanni, ຜູ້ອໍານວຍການຫໍສະໝຸດຮູບເງົາ ແລະ ພິພິທະພັນ Fellini, ທ່ານ Marco Leonetti; ບັນດາການນຳສະໂມສອນ Rotary, ປະທານມູນນິທິອີຕາລີ - ຫວຽດນາມ, ທ່ານນາງ Maily Anna Maria ຫງວຽນ, ເລຂາທິການສະຫະພັນ ປະທານບັນດາສະມາຄົມຊາວຫວຽດນາມ ຢູ່ ອີຕາລີ ທັງເປັນ ປະທານສະມາຄົມຂົວຕໍ່ວັດທະນະທຳ ອີຕາລີ - ຫວຽດນາມ, ທ່ານນາງເລບີກເຮືອງ, ພ້ອມກັບຜູ້ຊົມເປັນຈຳນວນຫຼວງຫຼາຍທີ່ຮັກຮູບເງົາອີຕາລີ ແລະ ປະຊາຄົມຊາວຫວຽດນາມ.
 |
| ບັນດາຜູ້ແທນຫວຽດນາມ ແລະ ອີຕາລີ ທີ່ເຂົ້າຮ່ວມພິທີສາຍຮູບເງົາ “ດອກມະລິ” ຂອງຜູ້ກຳກັບ ດັ້ງເຍິດມິງ. (ທີ່ມາ: VNA) |
ກ່າວຄຳປາໄສທີ່ເຫດການນີ້, ທ່ານ Francesco Bragagni, ຮອງປະທານສະພານະຄອນ Rimini ໃຫ້ຮູ້ວ່າ: ນີ້ແມ່ນການເຄື່ອນໄຫວສະເຫຼີມສະຫຼອງ 50 ປີແຫ່ງວັນສ້າງຕັ້ງການພົວພັນທາງການທູດ ຫວຽດນາມ - ອີຕາລີ. ນະຄອນ Rimini ຮູ້ສຶກເປັນກຽດຢ່າງຍິ່ງທີ່ໄດ້ເປັນສະຖານທີ່ໜຶ່ງທີ່ຮັດແໜ້ນສາຍພົວພັນມິດຕະພາບແບບພິເສດລະຫວ່າງສອງປະເທດ ຫຼາຍກ່ວາເກົ່າ.
ທ່ານ Marco Leonetti, ຜູ້ຮັບຜິດຊອບຫໍສະໝຸດ ແລະ ພິພິທະພັນຮູບເງົາ Rimini ເນັ້ນໜັກວ່າ ນີ້ແມ່ນໜຶ່ງໃນບັນດາການເຄື່ອນໄຫວພິເສດທີ່ຫົວໜ່ວຍນີ້ໄດ້ຂົນຂວາຍຈັດຕັ້ງ ເພື່ອແນໃສ່ຊຸກຍູ້ການພົວພັນລະຫວ່າງ 2 ຝ່າຍ, ພິເສດແມ່ນການຮ່ວມມືດ້ານວັດທະນະທຳ, ສິລະປະໃນໄລຍະຈະມາເຖິງ.
ທ່ານນາງ Elena Zanni, ຜູ້ອຳນວຍການ Fulgor Cinema, ບ່ອນທີ່ໄດ້ຈັດຕັ້ງເຫດການຄັ້ງນີ້ ກໍ່ໄດ້ສະແດງຄວາມດີໃຈທີ່ໄດ້ເປັນຫົວໜ່ວຍທຳອິດທີ່ໄດ້ສາຍຮູບເງົາ ດອກມະລິ ໃນປະເທດ ອີຕາລີ. ທ່ານນາງ E. Zanni ໃຫ້ຮູ້ວ່າ Rimini ຮູ້ສຶກດີໃຈຫຼາຍທີ່ໄດ້ເປັນບ່ອນເກີດຂອງຜູ້ກຳກັບການສະແດງທີ່ມີຄວາມປີຊາສາມາດ, ເອກອັກຄະລັດຖະທູດສາກົນ Federico Felleni ແລະ ໂຮງສາຍຮູບເງົາກໍ່ມີໜຶ່ງວັນທີ່ພິເສດ ເມື່ອໄດ້ຮັບສາຍຮູບເງົາໂດຍຜູ້ກຳກັບການສະແດງທີ່ສັນທັດ ແລະ ຝີມືດີ, ເປັນໜຶ່ງໃນເອກອັກຄະລັດຖະທູດສາກົນຂອງ ຫວຽດນາມ ເຊິ່ງເເມ່ນຜູ້ກຳກັບການສະແດງ ດັ້ງເຍິດມິງ.
ກ່າວປາໄສທີ່ເພິທີປີດງານສາຍຮູບເງົາ, ທ່ານ ຫງວຽນໄທຮອກ, ທີ່ປຶກສາທູດຫວຽດນາມ ປະຈຳ ອີຕາລີ ເນັ້ນໜັກວ່າ ນີ້ແມ່ນເຫດການສຳຄັນທີ່ສຸດ, ເປັນຂີດໝາຍອີກບາດກ້າວໜຶ່ງໃນການພົວພັນຮ່ວມມືດ້ານວັດທະນະທຳ, ສິລະປະລະຫວ່າງ ຫວຽດນາມ ແລະ ອີຕາລີ. ເຫດການດັ່ງກ່າວຍິ່ງມີຄວາມໝາຍຍິ່ງຂຶ້ນ ເມື່ອຈັດຂຶ້ນຢູ່ນະຄອນ Rimini, ບ້ານເກີດຂອງອະດີດຜູ້ກຳກັບການສະແດງທີ່ມີຄວາມສັນທັດ ແລະ ຄວາມສາມາດ Federico Fellini.
ຮູບເງົາ ດອກມະລິ ໂດຍຜູ້ກຳກັບ ດັ້ງເຍິດມິງ ແມ່ນໜຶ່ງໃນບັນດາຮູບເງົາທີ່ດີເດັ່ນຂອງຂະແໜງຮູບເງົາ ຫວຽດນາມ ໃນຫວ່າງມໍ່ໆມານີ້, ດ້ວຍເນື້ອໃນເຕື້ອງເຖິງຊີວິດປະຈຳວັນ, ລຽບງ່າຍ, ເນັ້ນໃຫ້ເຫັນບັນດາ ຮູບພາບທີ່ດີເດັ່ນພິເສດທີ່ສຸດຂອງຮູບພາບ, ປະເທດ ແລະ ປະຊາຊົນ ຫວຽດນາມ ໃນປະຈຸບັນ.
ໃນຂອບເຂດການເຄື່ອນໄຫວປີ 2023 ຂອງຫວຽດນາມ ຢູ່ ອີຕາລີ, ແຕ່ເດືອນ ມີນາ ປິ 2023 ມາຮອດປະຈຸບັນ, ສະຖານທູດຫວຽດນາມ ໄດ້ຈັດຕັ້ງການມອບລາງວັນຮູບເງົາດີເດັ່ນຂອງຂະແໜງຮູບເງົາຫວຽດນາມ ໃຫ້ບັນດາເຂດ, ນະຄອນໃຫຍ່ຂອງ ອີຕາລີ, ໃນນັ້ນມີ Rimini, Milan, Turin, Venice, Perugia ແລະ ຫຼາຍນະຄອນອື່ນໆ.
ໂດຍສົ່ງຄຳທັກທາຍຜ່ານຈໍພາບຈາກຮ່າໂນ້ຍ, ຜູ້ກຳກັບສິລະປິນປະຊາຊົນ ດັ້ງເຍິດມິງ ໄດ້ສະແດງຄວາມເປັນກຽດເພື່ອແນະນຳຮູບເງົາ ດອກມະລິ ຢູ່ໂຮງຮູບເງົາ ແລະ ຫໍພິພິທະພັນທີ່ມີຊື່ Fellini, ຜູ້ເປັນອາຈານຂອງຮູບເງົາໂລກ. ທ່ານຫວັງວ່າ ຮູບເງົາຈະເປັນຄື “ຊໍ່ດອກໄມ້ທີ່ນຳເອົາກິ່ນຫອມມາຈາກຮ່າໂນ້ຍ”, ແມ່ນຂົວຕໍ່ວັດທະນະທຳລະຫວ່າງປະຊາຊົນສອງປະເທດ ອີຕາລີ ແລະ ຫວຽດນາມ.
ດອກມະລິ ແມ່ນໜຶ່ງໃນບັນດາຮູບເງົາທີ່ດີເດັ່ນຂອງຮູບເງົາຫວຽດນາມ ໃນໄລຍະມໍ່ໆມານີ້. ນີ້ກໍ່ແມ່ນໜຶ່ງໃນບັນດາຮູບເງົາທີ່ເຂົ້າຮ່ວມງານບຸນຮູບເງົາອາຊີ ທີ່ຈັດຂຶ້ນຢູ່ Rome ເມື່ອເດືອນພຶດສະພາ ຜ່ານມາ.
ຜູ້ເບິ່ງຮູບເງົາຫຼາຍຄົນໄດ້ແບ່ງປັນຄວາມຈັບໃຈກ່ຽວກັບເນື້ອໃນ, ສິລະປະການຈັດການແກ້ໄຂ ແລະ ພິເສດແມ່ນບັນດາສານວັດທະນະທຳມະນຸດທີ່ຮູບເງົາ ດອກມະລິ ນໍາມາ. ນັກຮ້ອງ opera Maria Ielli ທີ່ເປັນຄົນຮ້ອງເພງຊາດຫວຽດນາມ ເປັນພາສາຫວຽດ ໃນງານສະເຫຼີມສະຫຼອງວັນຊາດຫວຽດນາມ ປີນີ້, ໃຫ້ຮູ້ວ່າ ຮູບເງົາສະເທືອນໃຈ ແລະ ໄດ້ໃຈຂອງຜູ້ຊົມທີ່ສຸດ, ໄດ້ສ້າງຫຼາຍສຽງກັງວານທີ່ອົບອຸ່ນ.
ຮູບເງົາ ດອກມະລິ ໄດ້ນຳມາສູ່ປະຊາຊົນ ອີຕາລີ ແລະ ເພື່ອນມິດສາກົນ ເຊິ່ງການເບິ່ງກ່ຽວກັບພື້ນຖານຮູບເງົາໃນຍຸກປະຈຸບັນຂອງຫວຽດນາມ. ບັນດາຜູ້ຊົມເຫັນໄດ້ວ່າ ເຖິງວ່າຍັງໜຸ່ມນ້ອຍ ແຕ່ເມື່ອບໍ່ດົນມານີ້, ພື້ນຖານຮູບເງົາຫວຽດນາມ ໄດ້ມີການປ່ຽນແປງໃໝ່, ສະແດງໃຫ້ເຫັນຢ່າງຈະແຈ້ງເຖິງການພັດທະນາຂອງປະເທດ ແລະ ການເຊື່ອມໂຍງສາກົນຂອງປະເທດ ຫວຽດນາມ.
ດີງເລື້ອງ
