ທ່ານເລຂາທິການສະພາແຫ່ງຊາດ ຫວຽດນາມ ບຸ່ຍວັນເກື່ອງ ຕ້ອນຮັບບັນດາເລຂາທິການ ສະພາຕ່ຳ ໄທ, ສະພາຕ່ຳ ອິນໂດເນເຊຍ ແລະ ສະພາແຫ່ງຊາດ ລາວ
	ກຳປັ່ນກອງທັບເຮືອ ຫວຽດນາມ ເຂົ້າຮ່ວມການເຄື່ອນໄຫວຫຼາຍຝ່າຍສາກົນຢູ່ມາເລເຊຍ ແລະ ອິນໂດເນເຊຍ

ທີ່​ການ​ພົບ​ປະ, ທ່ານ​ເອກ​ອັກຄະ​ລັດຖະທູດ ຕະວັນທົງ ໄດ້​ສະ​ແດງ​ຄວາມ​ປິ​ຕິ​ຊົມ​ຊື່ນ​ຍ້ອນ​ໃນ​ໄລຍະ​ຜ່ານມາ, ການ​ພົວພັນ​ຮ່ວມ​ມື​ລະຫວ່າງ ຫວຽດນາມ ​ແລະ ອິນ​ໂດ​ເນ​ເຊຍ ​ໄດ້​ຮັບ​ການ​ຊຸກຍູ້ ​ແລະ ພັດທະນາ​ຢ່າງ​ບໍ່​ຢຸດ​ຢັ້ງ.

ສະເພາະປີ 2023, ຫວຽດນາມ ​ແລະ ອິນ​ໂດ​ເນ​ເຊຍ ​ໄດ້​ແລກປ່ຽນ​ຄະນະທຸກ​ຂັ້ນ, ​ໃນ​ນັ້ນ​ມີ​ການ​ຢ້ຽມຢາມ, ພົບ​ປະ​ຂັ້ນ​ສູງ​ລະຫວ່າງ 2 ຝ່າຍ. ເປັນໜ້າສົນໃຈ, ທ່ານ​ນາຍົກລັດຖະມົນຕີ ຟ້າມມິງຈິງ ​ໄດ້​ເຂົ້າ​ຮ່ວມ​ກອງ​ປະຊຸມ​ຂັ້ນສູງສະມາຄົມ​ປະຊາ​ຊາດ​ອາຊີ​ຕາ​ເວັນ​ອອກສຽງ​ໃຕ້ (ອາ​ຊຽນ) ຄັ້ງ​ທີ 43 ​ແລະ ບັນດາ​ກອງ​ປະຊຸມ​ທີ່​ກ່ຽວຂ້ອງ​ຢູ່ ອິນ​ໂດ​ເນ​ເຊຍ; ໄດ້​ພົບ​ປະ​ກັບ​ທ່ານ​ປະທານາທິບໍດີ ອິນ​ໂດ​ເນ​ເຊຍ Joko Widodo ​ເນື່ອງ​ໃນ​ໂອກາດ​ເຂົ້າ​ຮ່ວມ​ກອງ​ປະຊຸມຂັ້ນສູງ​ ຄັ້ງ​ທີ 28 ບັນດາ​ຄູ່​ຮ່ວມ​ມື​ສົນທິສັນຍາແມ່ ​ການ​ປ່ຽນ​ແປງ​ຂອງ​ສະຫະ​ປະຊາ​ຊາດ (COP28) ຢູ່​ສະຫະ​ປະຊາ​ຊາດ (UAE); ທ່ານ​ປະທານ​ສະພາ​ແຫ່ງ​ຊາດ ຫວຽດນາມ ເຫວືອງດິງເຫ້ວ ແລະ ຄະນະ​ຜູ້​ແທນ​ຂັ້ນ​ສູງ​ສະພາ​ແຫ່ງ​ຊາດ ຫວຽດນາມ ​ໄດ້​ໄປ​ຢ້ຽມຢາມ ອິນ​ໂດ​ເນ​ເຊຍ ຢ່າງ​ເປັນ​ທາງ​ການ ​ແລະ ​ເຂົ້າ​ຮ່ວມ​ກອງ​ປະຊຸມ​ລະ​ຫວ່າງລັດຖະ​ສະພາ ອາ​ຊຽນ ຄັ້ງ​ທີ 44...

ທ່ານ​ເອກ​ອັກ​ຄະ​ລັດ​ຖະ​ທູດ​ ຫວຽດ​ນາມ ປະ​ຈຳ ອິນ​ໂດ​ເນ​ເຊຍ ຕະວັນທົງ ໄດ້ຈັດຕັ້ງການພົບປະສື່ມວນຊົນ ເນື່ອງ​ໃນ​ໂອ​ກາດ​ປີ​ໃໝ່ 2024

ການ​ຢ້ຽມຢາມ ​ແລະ ພົບ​ປະ​ຂັ້ນ​ສູງ​ໄດ້​ປະກອບສ່ວນ​ນຳ​ການ​ພົວພັນ​ຄູ່​ຮ່ວມ​ມື​ຍຸດ​ທະ​ສາດ ຫວຽດນາມ - ອິນ​ໂດ​ເນ​ເຊຍ ​ໃຫ້​ນັບ​ມື້​ນັບ​ແທດ​ຈິງ ​ແລະ ຊຸກຍູ້​ການ​ພົວພັນ 2 ຝ່າຍ​ຂຶ້ນ​ສູ່​ລະດັບ​ສູງ​ໃໝ່​ໃນ​ອະນາຄົດ. ສອງ​ຝ່າຍ​ໄດ້​ລົງ​ນາມ​ໃນ​ສັນຍາ​ຮ່ວມ​ມື​ຫຼາຍ​ສະບັບ.

ທ່ານ​ເອກ​ອັກຄະ​ລັດຖະທູດ ​ຕະວັນທົງ ປາດ​ຖະໜາ​ວ່າ ສື່​ມວນ​ຊົນ 2 ປະ​ເທດ​ຈະ​ສືບ​ຕໍ່​ປະກອບສ່ວນ​ຊຸກຍູ້​ການ​ພັດທະນາ​ອັນ​ດີງາມ​ຂອງ​ສາຍ​ພົວພັນ​ຮ່ວມ​ມື ຫວຽດນາມ - ອິນ​ໂດ​ເນ​ເຊຍ, ​ເປັນ​ຂົວ​ຕໍ່​ຊ່ວຍ​ເພີ່ມ​ທະວີ​ການ​ພົວພັນ​ມິດຕະພາບ​ລະຫວ່າງ​ປະຊາຊົນ​ສອງ​ປະ​ເທດ.

ອິນ​ໂດ​ເນ​ເຊຍ ​ແມ່ນ​ໜຶ່ງ​ໃນ​ບັນດາ​ຄູ່​ຮ່ວມ​ມື​ແຖວ​ໜ້າ​ຂອງ ​ຫວຽດນາມ ​ໃນ​ພາກ​ພື້ນ; ​ໃນ​ນັ້ນ, ການ​ຮ່ວມ​ມື​ດ້ານ​ເສດຖະກິດ​ພວມ​ມີ​ບາດກ້າວ​ພັດທະນາ​ຢ່າງ​ຕັ້ງໜ້າ. ສອງ​ປະ​ເທດ​ແມ່ນ​ສະມາຊິກ​ທີ່​ຕັ້ງໜ້າ​ໃນ​ອາ​ຊຽນ, ຕັ້ງໜ້າ​ຮ່ວມ​ມື​ເພື່ອ​ປະກອບສ່ວນ​ເຂົ້າ​ໃນ​ການ​ພັດທະນາ​ປະຊາ​ຄົມ​ເສດຖະກິດ​ ອາ​ຊຽນ.

ທີ່​ການ​ປະຊຸມ​ຂ່າວ, ທ່ານ​ເອກ​ອັກຄະ​ລັດຖະທູດ ​ຕະວັນທົງ ​ໄດ້​ຕອບ​ຄຳ​ຖາມ​ຂອງ​ນັກ​ຂ່າວ​ບັນດາ​ອົງການສື່ມວນຊົນ ອິນ​ໂດ​ເນ​ເຊຍ ກ່ຽວ​ກັບ​ບັນດາ​ບັນຫາ​ຄື: ບັນດາ​ຂົງ​ເຂດ​ທີ່​ມີ​ທ່າ​ແຮງ​ລະຫວ່າງ 2 ປະ​ເທດ​ໃນ​ການ​ພັດທະນາ​ການ​ຮ່ວມ​ມື​ດ້ານ​ເສດຖະກິດ - ການ​ຄ້າ​ໃນ​ໄລຍະ​ຈະ​ມາ​ເຖິງ ໂດຍຜ່ານ​ເຂດ​ການ​ຄ້າ​ເສລີ ອາ​ຊຽນ ຫຼື AFTA; ບັນດາ​ສະຖານ​ທີ່​ທ່ອງ​ທ່ຽວ​ທີ່​ດຶງ​ດູດ​ນັກ​ທ່ອງ​ທ່ຽວ​ຫວຽດນາມ ​ເປັນ​ຈຳນວນ​ຫລວງຫລາຍ; ກາລະໂອກາດພັດທະນາຜະລິດຕະພັນອາຫານ Halal ຢູ່ ຫວຽດນາມ; ປະສົບ​ການ​ຂອງ​ຫວຽດນາມ ​ໃນ​ການ​ຊົມ​ໃຊ້ ​ແລະ ສົ່ງ​ອອກ​ບັນດາ​ຜະລິດ​ຕະພັນ​ທີ່​ມີຄ້າຍຄື​ກັນ​ຂອງ 2 ປະ​ເທດ​ຄື: ກາ​ເຟ, ເຂົ້າສານ, ໝາກ​ພິກ​ໄທ, ອາຫານ​ທະ​ເລ...