 | ຮັບຮູ້ການປະກອບສ່ວນຂອງ ເອກອັກຄະລັດຖະທູດ ໂອຕາລິດ ປະຈຳ ຫວຽດນາມ ເຂົ້າໃນການພົວພັນປະຊາຊົນ ຫວຽດນາມ - ໂອຕາລິດ |
| ຮັບຮູ້ການປະກອບສ່ວນຂອງທ່ານເອກອັກຄະລັດຖະທູດ ດິງຕວ່ານຖັງ ໃນການເຜີຍແຜ່ວັດທະນະທຳ ຫວຽດນາມ ສູ່ສາກົນ |
 |
| ທ່ານ ຫງວຽນຫງອກຮຸ່ງ, ຮອງປະທານ VUFO (ຂວາ) ໄດ້ປະດັບຫຼຽນກາລະນຶກໃຫ້ທ່ານ Jan Erik Støa, ຜູ້ອຳນວຍການແຫ່ງຊາດອົງການ NPA. |
ຕາມສະຫະພັນບັນດາອົງການມິດຕະພາບ ຫວຽດນາມ, ທ່ານ Jan Erik Støa ໄດ້ປະກອບສ່ວນຫຼາຍຢ່າງເຂົ້າໃນການຮັກສາ ແລະ ພັດທະນາບັນດາໂຄງການຂອງອົງການອຸປະຖຳປະຊາຊົນ ນອກແວ (NPA) ຢູ່ ຫວຽດນາມ. ທ່ານໄດ້ສະແຫວງຫາ ແລະ ເປີດກວ້າງແຫຼ່ງອຸປະຖຳຢ່າງຕັ້ງໜ້າສໍາລັບບັນດາການເຄື່ອນໄຫວຂອງ NPA.
ທ່ານ Jan Erik Støa ສຸມໃສ່ຍົກສູງຄວາມສາມາດໃຫ້ແກ່ພະນັກງານ, ລັດຖະກອນ ຫວຽດນາມ. ໃນອາຍຸການຂອງທ່ານ, ໂດຍຜ່ານການຝຶກອົບຮົມ ແລະ ບຳລຸງສ້າງບຸກຄະລາກອນ; ບັນດາການເຄື່ອນໄຫວເສນາທິການ ແລະ ໃຫ້ຄຳປຶກສາ, NPA ໄດ້ໜູນຊ່ວຍສູນການກະທຳ ລະເບີດໝາກມິນແຫ່ງຊາດ ຫວຽດນາມ ເພື່ອພັດທະນາວິຊາສະເພາະຕາມມາດຕະຖານສາກົນ.
ຄຽງຂ້າງນັ້ນ, ທ່ານ Jan Erik Støa ຍັງຕັ້ງໜ້າຊຸກຍູ້ການຮ່ວມມືລະຫວ່າງບັນດາອົງການທີ່ຮ່ວມມືໃນຂົງເຂດຟື້ນຟູຜົນຮ້າຍຈາກສົງຄາມ. ທ່ານກໍ່ໄດ້ນຳພາອົງການ NPA ເຂົ້າຮ່ວມການໜູນຊ່ວຍປະຊາຊົນ ຫວຽດນາມ ທີ່ຖືກຜົນກະທົບຈາກພະຍຸ ແລະ ໄພນ້ຳຖ້ວມ; ການປ້ອງກັນ ໂຄວິດ-19.
ຫຼຽນກາລະນຶກ “ເພື່ອສັນຕິພາບ ແລະ ມິດຕະພາບລະຫວ່າງຊາດ” ທີ່ທ່ານໄດ້ຮັບແມ່ນລາງວັນອັນສະຫງ່າລາສີຂອງສະຫະພັນບັນດາອົງການມິດຕະພາບ ຫວຽດນາມ ເພື່ອແນໃສ່ຮັບຮູ້ບັນດາການປະກອບສ່ວນອັນສຳຄັນຂອງບັນດາບຸກຄົນທີ່ເຮັດເພື່ອສັນຕິພາບ, ຄວາມສາມັກຄີ, ມິດຕະພາບ ແລະ ການຮ່ວມມືລະຫວ່າງປະຊາຊົນ ຫວຽດນາມ ແລະ ປະຊາຊົນບັນດາປະເທດ. .
ທີ່ພິທີປະດັບຫຼຽນກາລະນຶກ, ທ່ານ ຫງວຽນຫງອກຮຸ່ງ, ຮອງປະທານສະຫະພັນບັນດາອົງການມິດຕະພາບ ຫວຽດນາມ (VUFO) ໄດ້ຕີລາຄາສູງບັນດາການປະກອບສ່ວນຂອງທ່ານ Jan Erik Støa ແລະ ອົງການ NPA ໃນວຽກງານແກ້ໄຂຜົນຮ້າຍຈາກສົງຄາມ. ນີ້ແມ່ນໜຶ່ງໃນບັນດາຂົງເຂດທີ່ ຫວຽດນາມ ເອົາໃຈໃສ່ ແລະ ຫວັງວ່າຈະສືບຕໍ່ໄດ້ຮັບການໜູນຊ່ວຍຈາກບັນດາອົງການຈັດຕັ້ງສາກົນໃນໄລຍະຈະມາເຖິງ.
ໂດຍສະແດງຄວາມເປັນກຽດທີ່ໄດ້ຮັບຫຼຽນກາລະນຶກ, ທ່ານ Jan Erik Støa ຂອບໃຈ VUFO ທີ່ໄດ້ໃຫ້ການ ໜູນຊ່ວຍອົງການດັ່ງກ່າວໃນໄລຍະດຳເນີນງານຢູ່ ຫວຽດນາມ. ເຖິງວ່າຍັງມີຄວາມຫຍຸ້ງຍາກບາງຢ່າງກ່ຽວກັບແຫຼ່ງອຸປະຖຳ ແລະ ລະບຽບການບໍລິຫານ, ແຕ່ທ່ານເຊື່ອໝັ້ນວ່າ 2 ຝ່າຍຈະສືບຕໍ່ຮ່ວມມືຢ່າງມີປະສິດທິຜົນໃນໄລຍະຈະມາເຖິງ.
 | ຮັບຮູ້ການປະກອບສ່ວນຂອງຜູ້ຕາງໜ້າອົງການ UNICEF ປະຈຳ ຫວຽດນາມ ສຳລັບການສຶກສາ ຫວຽດນາມ ຍສໝ - ວັນທີ 1 ກໍລະກົດ, ຢູ່ ຮ່າໂນ້ຍ, ທ່ານລັດຖະມົນຕີ ກະຊວງສຶກສາ ແລະບຳລຸງສ້າງ ຫວຽດນາມ ຫງວຽນກິມເຊີນ ໄດ້ມອບຫຼຽນກາລະນຶກ “ເພື່ອພາລະກິດການສຶກສາ” ໃຫ້ແກ່ທ່ານນາງ Rana Flowers, ຫົວໜ້າຜູ້ຕາງໜ້າກອງທຶນເພື່ອເດັກນ້ອຍ ສະຫະປະຊາຊາດ (UNICEF) ປະຈໍາ ຫວຽດນາມ. ລາງວັນດັ່ງກ່າວແມ່ນເພື່ອຮັບຮູ້ບັນດາການປະກອບສ່ວນຢ່າງຕັ້ງໜ້າຂອງທ່ານສຳລັບການສຶກສາ, ເດັກນ້ອຍ ເວົ້າສະເພາະ ... |
 | ຮັບຮູ້ການປະກອບສ່ວນຂອງເອກອັກຄະລັດຖະທູດຊູແອັດ ໃຫ້ແກ່ການພົວພັນມິດຕະພາບສອງປະເທດ ຍສໝ - ທ່ານປະທານ VUFO ຢືນຢັນວ່າ ທ່ານນາງ Ann Mawe ເອກອັກຄະລັດຖະທູດຊູແອັດ ໄດ້ມີການປະກອບສ່ວນສຳຄັນເຂົ້າໃນການເພີ່ມທະວີຄວາມເຂົ້າໃຈ, ນໍ້າໃຈມິດຕະພາບລະຫວ່າງປະຊາຊົນ 2 ປະເທດ, ຊຸກຍູ້ການພົວພັນລະຫວ່າງ 2 ປະເທດໃຫ້ພັດທະນາຢ່າງແຂງແຮງ. |
ມິງດຶກ
