| ຮັບຮູ້ການປະກອບສ່ວນຂອງທ່ານເອກອັກຄະລັດຖະທູດ ດິງຕວ່ານຖັງ ໃນການເຜີຍແຜ່ວັດທະນະທຳ ຫວຽດນາມ ສູ່ສາກົນ | |
| ຮັບຮູ້ການປະກອບສ່ວນຂອງຜູ້ຕາງໜ້າອົງການ UNICEF ປະຈຳ ຫວຽດນາມ ສຳລັບການສຶກສາ ຫວຽດນາມ |
 |
| ທ່ານ ຟານແອັງເຊີນ ປະທານສະຫະພັນບັນດາອົງການຈັດຕັ້ງມິດຕະພາບຫວຽດນາມ ປະດັບຫຼຽນກາລະນຶກ “ເພື່ອສັນຕິພາບ ແລະມິດຕະພາບລະຫວ່າງຊາດ” ໃຫ້ທ່ານ Hans-Peter Glanzer ເອກອັກຄະລັດຖະທູດ ໂອຕາລິດ ປະຈຳ ຫວຽດນາມ. (ພາບ: ດິງຮົ່ວ) |
ໂດຍປະກອບຄໍາເຫັນໃນພິທີປະດັບຫຼຽນກາລະນຶກ, ທ່ານ ຟານແອັງເຊີນ ປະທານສະຫະພັນບັນດາອົງການຈັດຕັ້ງມິດຕະພາບຫວຽດນາມ ໄດ້ສະແດງຂອບໃຈຕໍ່ການປະກອບສ່ວນຕ່າງໆຂອງທ່ານ Hans-Peter Glanzer ເອກອັກຄະລັດຖະທູດ ເຂົ້າໃນການພົວພັນລະຫວ່າງ ຫວຽດນາມ - ໂອຕາລິດ ໃນຫຼາຍຂົງເຂດ. ທ່ານເອກອັກຄະລັດຖະທູດສວມບົດບາດສຳຄັນໃນການຈັດຕັ້ງການພົບປະ, ແລກປ່ຽນຄະນະຜູ້ແທນຂັ້ນສູງ; ບັນດາການເຄື່ອນໄຫວສະເຫຼີມສະຫຼອງວັນບຸນ ແລະ ບັນດາເຫດການສຳຄັນຂອງ 2 ປະເທດຄື: ສະເຫຼີມສະຫຼອງ 50 ປີແຫ່ງວັນສ້າງຕັ້ງການພົວພັນທາງການທູດ ຫວຽດນາມ - ໂອຕາລິດ (1 ທັນວາ 1972 – 1 ທັນວາ 2022); ການມາຢ້ຽມຢາມ ແລະເຮັດວຽກຂອງ ທ່ານ ບຸ່ຍແທງເຊີນ ລັດຖະມົນຕີກະຊວງການຕ່າງປະເທດ ຫວຽດນາມ ຢູ່ວຽນນາ ( ໂອຕາລິດ) ວັນທີ 28-29 ກັນຍາ 2022.
ທ່ານ ເອກອັກຄະລັດຖະທູດ Hans-Peter Glanzer ຍາມໃດກໍ່ຖືເປັນສຳຄັນວຽກປັບປຸງ, ເພີ່ມທະວີການພົວພັນ ຫວຽດນາມ - ໂອຕາລິດ ບົນຊ່ອງທາງປະຊາຊົນ; ຊຸກຍູ້ການແລກປ່ຽນ, ພົບປະແລກປ່ຽນ ແລະ ຄວາມເຂົ້າໃຈລະຫວ່າງປະຊາຊົນ 2 ປະເທດ. ໃນໄລຍະດຳລົງຕຳແໜ່ງຂອງທ່ານເອກອັກຄະລັດຖະທູດ, 2 ປະເທດໄດ້ສົມທົບກັນຈັດຕັ້ງບັນດາໂຄງການແລກປ່ຽນວັດທະນະທຳ, ສິລະປະ ແລະ ດົນຕີ. ຄຽງຂ້າງກັນນັ້ນ, ທ່ານເອກອັກຄະລັດຖະທູດ ກໍ່ໄດ້ເອົາໃຈໃສ່ຊຸກຍູ້ການຮ່ວມມືລະຫວ່າງ ຫວຽດນາມ - ໂອຕາລິດ ໃນຂົງເຂດການຄ້າ, ເສດຖະກິດ, ວິທະຍາສາດ, ການຄົ້ນຄວ້າ ແລະການສຶກສາ...
ຫຼຽນກາລະນຶກ “ເພື່ອສັນຕິພາບ ແລະມິດຕະພາບລະຫວ່າງຊາດ” ແມ່ນລາງວັນອັນລໍ້າຄ່າຂອງສະຫະພັນບັນດາອົງການຈັດຕັ້ງມິດຕະພາບ ຫວຽດນາມ ແນໃສ່ເພື່ອຮັບຮູ້ການປະກອບສ່ວນອັນສຳຄັນຕ່າງໆຂອງສ່ວນບຸກຄົນໃຫ້ແກ່ສັນຕິພາບ, ຄວາມສາມັກຄີ, ມິດຕະພາບ ແລະການຮ່ວມມືລະຫວ່າງປະຊາຊົນຫວຽດນາມ ກັບປະຊາຊົນບັນດາປະເທດ.
ໂດຍສະແດງຄວາມເປັນກຽດທີ່ໄດ້ຮັບການປະດັບຫຼຽນລະນຶກ, ທ່ານ Hans-Peter Glanzer ເອກອັກຄະລັດຖະທູດ ກ່າວວ່າ: ສະຫະພັນບັນດາອົງການຈັດຕັ້ງມິດຕະພາບ ຫວຽດນາມ ແມ່ນເວທີປາໄສທີ່ມີປະສິດທິຜົນໃນການຊຸກຍູ້ການພົວພັນປະຊາຊົນລະຫວ່າງ ຫວຽດນາມ - ໂອຕາລິດ. ໃນສະພາບການໂລກທີ່ພວມຜັນແປໄປ, ການພົວພັນຂອງປະຊາຊົນນັບມື້ນັບມີບົດບາດສຳຄັນ, ເປັນຂົວເຊື່ອມຕໍ່ຊຸກຍູ້ການຮ່ວມມືທາງດ້ານເສດຖະກິດ, ການລົງທຶນ, ການຄ້າ, ການສຶກສາ, ວັດທະນະທຳ, ການທ່ອງທ່ຽວ… ທັງ 2 ປະເທດໃຫ້ນັບມື້ນັບກ້າວເຂົ້າສູ່ລວງເລິກ.
ທອງມີ ສີຫາວົງ
