ສຸມ​ໃສ່ວຽກງານ​ການສຶກສາ​​ລຸ້ນໜຸ່ມ ຫວຽດນາມ - ກູ​ບາ ກ່ຽວ​ກັບ​ຄວາມຮັບຮູ້ໃນການພັດທະນາ​ການ​ພົວພັນ​ລະຫວ່າງ 2 ປະ​ເທດ
	ສະເໜີໃຫ້ອາເມລິກາ ຮັບຮູ້ສະພາບເສດຖະກິດການຕະຫຼາດຂອງຫວຽດນາມໂດຍໄວ

ຫວ່າງແລ້ວນີ້, ທ່ານ ຟານແອງເຊີນ ປະທານສະຫະພັນບັນດາ ອົງການຈັດຕັ້ງມິດຕະພາບຫວຽດນາມ (VUFO) ໄດ້ປະດັບຫຼຽນກາລະນຶກ “ເພື່ອສັນຕິພາບ ແລະມິດຕະພາບລະຫວ່າງຊາດ” ໃຫ້ທ່ານນາງ Ann Mawe ເອກອັກຄະລັດຖະທູດ ຊູແອັດ ປະຈໍາ ຫວຽດນາມ.

ທ່ານ ຟານແອງເຊີນ ປະທານ VUFO ປະດັບຫຼຽນກາລະນຶກໃຫ້ທ່ານນາງ Ann Mawe ເອກອັກຄະລັດຖະທູດຊູແອັດ ປະຈຳ ຫວຽດນາມ. ພາບ: ດິງຮວ່າ

ກ່າວຄຳເຫັນທີ່ເຫດການ, ທ່ານປະທານ VUFO ຢືນຢັນວ່າ ທ່ານນາງ Ann Mawe ເອກອັກຄະລັດຖະທູດຊູແອັດ ໄດ້ມີການປະກອບສ່ວນສຳຄັນເຂົ້າໃນການເພີ່ມທະວີຄວາມເຂົ້າໃຈ, ນໍ້າໃຈມິດຕະພາບລະຫວ່າງປະຊາຊົນ 2 ປະເທດ, ຊຸກຍູ້ການພົວພັນລະຫວ່າງ 2 ປະເທດໃຫ້ພັດທະນາຢ່າງແຂງແຮງ.

ຂອບໃຈອົງການ VUFO ທີ່ໄດ້ໃຫ້ການສະໜັບສະໜູນ ແລະໃຫ້ການຮ່ວມມືຢ່າງມີປະສິດທິຜົນ, ທ່ານນາງເອກອັກຄະລັດຖະທູດ ສະແດງຄວາມປິຕິຊົມຊື່ນກ່ຽວກັບການພົວພັນຮ່ວມມືລະຫວ່າງຫວຽດນາມ ແລະຊູແອັດ ທີ່ນັບມື້ນັບພັດທະນາຢ່າງເລິກເຊິ່ງ, ກວ້າງຂວາງ, ນຳເອົາຜົນປະໂຫຍດແທດຈິງມາໃຫ້ປະຊາຊົນສອງປະເທດ. ທ່ານນາງເອກອັກຄະລັດຖະທູດ ຢືນຢັນວ່າ ບໍ່ວ່າຈະດຳລົງຕຳແໜ່ງໃດກໍ່ຕາມ, ທ່ານນາງ ກໍ່ຈະສືບຕໍ່ເຮັດຈົນສຸດຄວາມສາມາດຂອງຕົນ ເພື່ອເພີ່ມພູນຄູນສ້າງສາຍພົວພັນລະຫວ່າງ 2 ປະເທດ.