| ສູນສຶກສາ ຫວຽດນາມວິທະຍາ (ມະຫາວິທະຍາໄລ ອຸດອນທານີ) ເຜີຍແຜ່ຄວາມຮັກພາສາ ຫວຽດນາມ ຢູ່ ໄທ | |
| ດານັງ ເພີ່ມທະວີການຮ່ວມມືແລກປ່ຽນນັກສຶກສາກັບແຂວງ Nagasaki ຂອງ ຍີ່ປຸ່ນ |
ທ່ານ ຮສຈ.ປອ. ຫງວຽນຫງອກວູ້, ອະທິການບໍດີມະຫາວິທະຍາໄລດານັ້ງ ໃຫ້ຮູ້ວ່າ ກ້າວເຂົ້າສູ່ໃນໄລຍະພັດທະນາໃໝ່ ມະຫາວິທະຍາໄລດານັ້ງ ຍິ່ງຖືເປັນສໍາຄັນຍຸດທະສາດການເຊື່ອມໂຍງ, ຮ່ວມມືກັບສາກົນ ເພື່ອເພີ່ມທະວີແຫຼ່ງຊັບພະຍາກອນມະນຸດໃຫ້ແກ່ການພັດທະນາແບບຍືນຍົງ, ພະຍາຍາມປະຕິບັດແຜນຮ່າງພັດທະນາມະຫາວິທະຍາໄລດານັ້້ງ ກາຍເປັນມະຫາວິທະຍາໄລແຫ່ງຊາດ ຕາມຈິດໃຈມະຕິເລກທີ 26 ແລະ ຂໍ້ສະຫຼຸບເລກທີ 79 ຂອງກົມການເມືອງ.
 |
| ບັນຍາກາດພິທີລົງນາມ. ພາບ: ໜັງສືພິມ ກວາງນາມ |
ທີ່ການເຮັດວຽກສອງຝ່າຍໄດ້ແລກປ່ຽນບັນດາເນື້ອໃນການຮ່ວມມືຄື: ການສົມທົບກັນຈັດຕັ້ງບັນດາເຫດການ ກອງປະຊຸມສໍາມະນາສາກົນທີ່ມີລະດັບຜົນສະທ້ອນ, ປະກອບສ່ວນກໍ່ສ້າງ, ປະກອບຄຳເຫັນ, ໃຫ້ຄໍາປຶກສາດ້ານນະໂຍບາຍ, ການພັດທະນາເສດຖະກິດ - ສັງຄົມ ໃນຂົງເຂດພາກກາງ - ເຂດເຕີຍຫງວຽນ ພິເສດແມ່ນ ນະຄອນດານັ້ງ; ສົມທົບກັນກໍ່ສ້າງ, ບໍາລຸງສ້າງໂດຍອອກໃບຢັ້ງຢືນ, ຮ່ວມມືກັນບຳລຸງສ້າງສາກົນ.
ສອງຝ່າຍເຊື່ອມຕໍ່ການແລກປ່ຽນນັກສຶກສາ, ສ້າງກາລະໂອກາດໃຫ້ບັນດານັກສຶກສາມະຫາວິທະຍາໄລດານັ້້ງ ໄປຝຶກງານ ແລະ ລົງຕົວຈິງຢູ່ຕ່າງປະເທດຕື່ມອີກ, AVSE Global ແນະນຳ ແລະ ເຊື່ອມຕໍ່ບັນດານັກວິທະຍາສາດຄົນຫວຽດນາມ ຢູ່ຕ່າງປະເທດ ທີ່ມີຄວາມປາດຖະໜາ, ມີເງື່ອນໄຂ ແລະ ອຸທິດສ່ວນໃຫ້ແກ່ປະເທດຊາດຢ່າງສຸດຈິດສຸດໃຈນັ້ນ, ກ່ອນອື່ນໝົດແມ່ນຈາກບັນດາມະຫາວິທະຍາໄລເຊັ່ນ: ມະຫາວິທະຍາໄລດານັ້້ງ....
ກ່ອນໜ້ານີ້, ວັນທີ 6 ສິງຫາ 2024 ຢູ່ທີ່ນະຄອນໂຮ່ຈີມິນ ໄດ້ລົງນາມໃນບົດບັນທຶກຊ່ວຍຈໍາການຮ່ວມມື ລະຫວ່າງ AVSE Global ແລະ ມູນນິທິ Startup ວິທະຍາສາດ ແລະ ເຕັກໂນໂລຊີ ຫວຽດນາມ (Startup Vietnam Foundation - SVF). ນີ້ແມ່ນຂີດໝາຍສຳຄັນໃນການຊຸກຍູ້ການພັດທະນາແບບຍືນຍົງບໍ່ພຽງແຕ່ຂອງສອງອົງການເທົ່ານັ້ນ ແຕ່ຍັງແມ່ນໃຫ້ທັງລະບົບນິເວດ Startup ນໍາອີກ.
AVSE Global ແມ່ນອົງການໜື່ງທີ່ບໍ່ຫວັງຜົນກຳໄລ ເຊິ່ງມີສຳນັກງານໃຫຍ່ຢູ່ໃນປາຣີ, ເປັນບ່ອນເຕົ້າໂຮມປັນຍາຊົນ, ນັກຊ່ຽວຊານ ແລະ ນັກວິທະຍາສາດທີ່ມີຊື່ສຽງຈາກທົ່ວໂລກ. ດ້ວຍສະມາຊິກກວ່າ 300 ຄົນໃນ 20 ກວ່າປະເທດ ແລະ ການຊ່ວຍເຫຼືອຂອງນັກຊ່ຽວຊານ 2000 ຄົນ, AVSE Global ໃຫ້ຄຳໝັ້ນສັນຍາປະກອບສ່ວນເຂົ້າໃນການພັດທະນາແບບຍືນຍົງ ແລະ ວັດທະນາຖາວອນຂອງ ຫວຽດນາມ ໂດຍຜ່ານ 12 ເຄືອຂ່າຍຜູ້ຊ່ຽວຊານ, ກອງປະຊຸມສຳມະນາ ແລະ ເວທີປາໄສນະໂຍບາຍສາກົນ, ບັນດາໂຄງການບຳລຸງສ້າງຂັ້ນສູງ ແລະໂຄງການໃຫ້ຄໍາປຶກສາໃນຂົງເຂດທີ່ສໍາຄັນເຊັ່ນ: ເຄື່ອງໝາຍແຫ່ງຊາດ, ການສຶກສາ ແລະການບຳລຸງສ້າງ ເສດຖະກິດ - ການເງິນ, ການວາງແຜນຜັງຕົວເມືອງແບບຍືນຍົງ, ການຫັນເປັນດີຈີຕອນ ແລະ ພະລັງງານ.
 | Global Vision Korea ມອບປື້ມໃຫ້ນັກຮຽນເເຂວງ ເບັ໋ນເເຈ່ |
| ປຸກລະດົມໂຄງການຂໍ້ລິເລີ່ມໜຸ່ມ ຫວຽດນາມ ທົ່ວໂລກ InnoCity Global Launching 2021 |
ອ.ສະຫວັດ
