| World Vision ຫວຽດນາມຝຶກຝົນທັກສະການໃຊ້ຊີວິດໃຫ້ເດັກນ້ອຍຢູ່ແຂວງແທັງຮົວ | |
| World Vision ຫວຽດນາມ ໄດ້ໃຫ້ການສະໜັບສະໜູນເປັນເງິນສົດໃຫ້ແກ່ເດັກກຳພ້າ ທີ່ໄດ້ຮັບຜົນກະທົບຈາກພະຍາດໂຄວິດ-19 ຢູ່ນະຄອນໂຮ່ຈີມິນ |
ຫວ່າງມໍ່ໆນີ້, ຄະນະຜູ້ແທນອົງການ Global Vision (ສ.ເກົາຫຼີ) ໄດ້ໄປຢ້ຽມຢາມ ແລະ ເຮັດວຽກກັບຄະນະຊາວໜຸ່ມແຂວງ ແລະ ສະຫະພັນຊາວໜຸ່ມ ຫວຽດນາມ ແຂວງ ເບັ໋ນເເຈ່.
 |
| ຄະນະຜູ້ແທນອົງການ Global Vision (ສ.ເກົາຫຼີ) ເຮັດວຽກກັບຄະນະຊາວໜຸ່ມແຂວງ ແລະ ສະຫະພັນຊາວໜຸ່ມ ຫວຽດນາມ ແຂວງ ເບັ໋ນເເຈ່. (ພາບ: ສະຫະພັນຊາວໜຸ່ມ ແຂວງ ເບັ໋ນເເຈ່) |
ທີ່ການພົບປະ, ຄະນະຊາວໜຸ່ມແຂວງ, ສະຫະພັນຊາວໜຸ່ມຫວຽດນາມ ປະຈຳແຂວງ ແລະ ອົງການ Global Vision ໄດ້ຕີລາຄາໝາກຜົນແຫ່ງການຜັນຂະຫຍາຍຮູບແບບ “ຫໍສະໝຸດເຄື່ອນທີ່” ຢູ່ເມືອງ ແທ້ງຟຸ໋. ໃນປີ 2023, ຮູບແບບ “ຫໍສະໝຸດເຄື່ອນທີ່” ໄດ້ຜັນຂະຫຍາຍຢູ່ໂຮງຮຽນປະຖົມ 10 ແຫ່ງຂອງເມືອງ ແທ້ງຟຸ໋, ມາຮອດປະຈຸບັນສຳເລັດ 9 ໃນຈຳນວນ10 ໂຮງຮຽນ (1 ໂຮງຮຽນຈະປະຕິບັດໃນເດືອນ ທັນວາ), ດ້ວຍນັກຮຽນເຂົ້າຮ່ວມກວ່າ 21.000 ເທື່ອຄົນ.ຫໍສະໝຸດເຄື່ອນທີ່ແມ່ນຮູບແບບທີ່ໄດ້ຮັບການຕີລາຄາສູງ, ດຶງດູດນັກຮຽນເປັນຈຳນວນຫຼວງຫຼາຍ ແລະ ຄວາມສົນໃຈຂອງພໍ່ແມ່, ຄູ - ອາຈານ, ປະກອບສ່ວນຊຸກຍູ້ ເເລະ ຍົກສູງທັກສະການອ່ານປຶ້ມ, ສ້າງຄວາມລື້ງເຄີຍໃນການອ່ານປຶ້ມໃຫ້ນັກຮຽນ.
ທີ່ກອງປະຊຸມ, ອົງການ Global Vision ໄດ້ເຕື້ອງເຖິງການຊ່ວຍເຫຼືອກໍ່ສ້າງພື້ນຖານວັດຖຸທີ່ສະດວກໃຫ້ໂຮງຮຽນປະຖົມ ເຮື່ອງໝີ່ 2 ລວມມີ: ຫ້ອງຮຽນ 2 ຫ້ອງ, ຫ້ອງພັກຄູ 1 ຫ້ອງ, ຫ້ອງສະໝຸດ 1 ຫ້ອງ. ສອງຝ່າຍໄດ້ປຶກສາຫາລືກ່ຽວກັບຂໍ້ສະເໜີເພື່ອສົມທົບກັນຈັດຕັ້ງປະຕິບັດວຽກງານບຳລຸງສ້າງແຫຼ່ງຊັບພະຍາກອນມະນຸດໃນຂົງເຂດເບິ່ງແຍງດູແລຜູ້ເຖົ້າ, ຄົນເຈັບ, ເຮັດວຽກຢູ່ ສ.ເກົາຫຼີ ຫຼື ເບິ່ງແຍງດູແລຊາວ ສ.ເກົາຫຼີ ຢູ່ ຫວຽດນາມ ດ້ວຍເງິນເດືອນສູງ ແລະ ໝັ້ນຄົງ.
ກ່ອນໜ້ານີ້, ອົງການ Global Vision ໄດ້ມອບເຮືອນແຫ່ງຄວາມຮັກໃຫ້ບັນດາຄອບຄົວທຸກຍາກຢູ່ຕາແສງ ຕາມເຟືອກ, ເມືອງ ເຈົາແທ່ງ; ມອບຫ້ອງຄອມພິວເຕີ ແລະ ມອບລົດຖີບໃຫ້ນັກຮຽນທີ່ມີສະພາບຫຍຸ້ງຍາກທີ່ກຳລັງຮ່ຳຮຽນຢູ່ໂຮງຮຽນປະຖົມ ຕາມເຟືອກ (ຕາແສງ ຕາມເຟືອກ, ເມືອງ ເຈົາແທ່ງ)...
Global Vision (ສ.ເກົາຫຼີ) ໃຫ້ຄຳໝັ້ນສັນຍາຈະຮ່ວມເດີນທາງກັບຄະນະຊາວໜຸ່ມແຂວງ ແລະ ສະຫະພັນຊາວໜຸ່ມແຂວງ ເບັ໋ນເເຈ່ ຮ່ວມມືປະຕິບັດບັນດາເປົ້າໝາຍພັດທະນາຜົນປະໂຫຍດຊຸມຊົນຢູ່ ເບັ໋ນເເຈ່.
ດີງເລື້ອງ
