 | ເສີມຂະຫຍາຍຖານະທີ່ຕັ້ງ25 ປີຂອງຮ່າໂນ້ຍ - “ນະຄອນເພື່ອສັນຕິພາບ” ໃນເວທີປາໄສສະຫະປະຊາຊາດ |
| ໄຂງານບຸນເພື່ອສັນຕິພາບ ປີ 2024: ຮ່ວມແຮງຮ່ວມໃຈສ້າງສັນໂລກແຫ່ງສັນຕິພາບ |
ທ່ານປະທານປະເທດ ຫວຽດນາມ ໂຕເລີມ ໄດ້ຍົກອອກໃນສານຄວາມສາມັກຄີທີ່ສົ່ງເຖິງກອງປະຊຸມປີ 2024 ກ່ຽວກັບການຕ້ານລະເບີດປະລະມານູ ແລະ ອາຍໄຮໂດຣເຈນ ທີ່ຈະຈັດຂຶ້ນຢູ່ນະຄອນ Hiroshima ແລະ Nagasaki ຂອງ ຍີ່ປຸ່ນ ແຕ່ວັນທີ 3-9 ສິງຫາ ປີ 2024 ດ້ວຍຫົວຂໍ້ “ພ້ອມກັນກັບຜູ້ເຄາະຮ້າຍ Hibakusha, ຈົ່ງພ້ອມກັນບັນລຸໄດ້ໂລກທີ່ຍຸດຕິທຳ, ສັນຕິພາບ ແລະ ປອດອາວຸດນິວເຄຼຍ - ເພື່ອອະນາຄົດຂອງມວນມະນຸດ ແລະ ໂລກຂອງພວກເຮົາ".
 |
| ກອງປະຊຸມຕ້ານລະເບີດປະລະມານູ ແລະ ອາຍໄຮໂດເຈນ ປີ 2024 ໄດ້ຈັດຂຶ້ນຢູ່ນະຄອນ Hiroshima ແລະ Nagasaki ຂອງ ຍີ່ປຸ່ນ. |
ທ່ານປະທານປະເທດ ໂຕເລີມ ກໍ່ໃຫ້ຮູ້ວ່າ: “ຂ້າພະເຈົ້າຫວັງວ່າ ກອງປະຊຸມໂລກຕ້ານລະເບີດປະລະມານູ ແລະ ອາຍໄຮໂດຣເຈນ ປີນີ້ ຈະສືບຕໍ່ປະກອບສ່ວນສຳຄັນເຂົ້າໃນການຊຸກຍູ້ບັນດາປະເທດ, ພິເສດແມ່ນບັນດາປະເທດທີ່ເປັນກຳມະສິດອາວຸດນິວເຄຼຍໃຫ້ສັດຕະຍາບັນ ສົນທິສັນຍາຫ້າມອາວຸດນິວເຄຼຍ (TPNW); ຮຽກຮ້ອງໃຫ້ບັນດາປະເທດທີ່ມີອາວຸດນິວເຄຼຍ ສະແດງຄວາມຮັບຜິດຊອບຢ່າງເຂັ້ມແຂງຕໍ່ສາກົນໃນການປົກປັກຮັກສາພື້ນຖານສັນຕິພາບໂລກ ແລະ ຄວາມໝັ້ນຄົງ, ປອດໄພດ້ານສິ່ງແວດລ້ອມໃຫ້ແກ່ອະນາຄົດຂອງມວນມະນຸດ; ຢືນຢັນຄວາມສາມັກຄີຮ່ວມກັນມານະພະຍາຍາມກໍ່ສ້າງໂລກແຫ່ງສັນຕິພາບ ແລະ ບໍ່ມີອາວຸດນິວເຄຼຍ ແລະ ອາວຸດທຳລາຍລ້າງທາດບົນພື້ນຖານຄວາມເຂົ້າໃຈ ແລະ ເຄົາລົບເຊິ່ງກັນ ແລະ ກັນ, ປະຕິບັດຕາມຫຼັກການຂອງກົດໝາຍສາກົນ ແລະ ກົດບັດຂອງສະຫະປະຊາຊາດ”.
ກອງປະຊຸມໂລກປີ 2024 ກ່ຽວກັບການຕ້ານລະເບີດປະລະມານູ ແລະ ອາຍໄຮໂດເຈນ ໄດ້ຖືກຈັດຂຶ້ນ ເພື່ອເຕົ້າໂຮມບັນດາຂະບວນການສັນຕິພາບຂອງ ຍີ່ປຸ່ນ ແລະ ໂລກໃນການຕໍ່ສູ້ເພື່ອລົບລ້າງອາວຸດນິວເຄຼຍ. ຜູ້ຕາງໜ້າຄະນະກຳມະການສັນຕິພາບ ຫວຽດນາມ ໄດ້ກ່າວຄຳປາໄສທີ່ວາລະເປີດກອງປະຊຸມ, ສະແດງຄວາມສາມັກຄີກັບຜູ້ປະສົບເຄາະຮ້າຍຈາກລະເບີດປະລະມານູ ແລະ ສະໜັບສະໜູນການຕໍ່ສູ້ເພື່ອຄວາມຍຸດຕິທຳຂອງຜູ້ປະສົບເຄາະຮ້າຍຈາກນິວເຄຼຍ ແລະ ທາດພິດສີສົ້ມ, ພ້ອມກັນນັ້ນ ກໍແບ່ງປັນຂໍ້ມູນກ່ຽວກັບບັນດາຄວາມມານະພະຍາຍາມ, ໝາກຜົນ ແລະ ຄຳໝັ້ນໝາຍຂອງພັກ, ລັດ ແລະ ປະຊາຊົນ ຫວຽດນາມ ກ່ຽວກັບການຄັດຄ້ານການນຳໃຊ້ກຳລັງຮຸນແຮງໃນທຸກຮູບການ, ພິເສດແມ່ນການນຳໃຊ້ອາວຸດນິວເຄຼຍ, ຊຸກຍູ້ການແກ້ໄຂບັນດາການປະທະກັນໂດຍສັນຕິວິທີ, ສ້າງສະພາບແວດລ້ອມແຫ່ງສັນຕິພາບ, ການຮ່ວມມື ແລະ ພັດທະນາແບບຍືນຍົງ.
 |
| ບັນດາອົງການຈັດຕັ້ງຂະບວນການສັນຕິພາບ ຍີ່ປຸ່ນ ໄດ້ເລີ່ມດຳເນີນບັ້ນການຂົນຂວາຍ ເພື່ອລົບລ້າງອາວຸດນິວເຄຼຍ ດ້ວຍກິດຈະກຳທີ່ຫຼາກຫຼາຍ. |
ທີ່ເວທີປາໄສສົນທະນາດ້ວຍຫົວຂໍ້ “ເພື່ອສັນຕິພາບ ແລະ ປອດອາວຸດນິວເຄຼຍ ອາຊີ - ການໂອ້ລົມສົນທະນາກັບບັນດາລັດຖະບານ ແລະ ບັນດາອົງການຈັດຕັ້ງຂະບວນການຂອງ ຍີ່ປຸ່ນ ແລະ ອາຊີຕາເວັນອອກ” ໄດ້ດຳເນີນໄປໃນວັນທີ 4 ສິງຫາ, ຜູ້ແທນຄະນະກຳມະການສັນຕິພາບ ຫວຽດນາມ ກໍ່ໄດ້ປະກອບຄຳເຫັນ, ແບ່ງປັນຂໍ້ມູນເພີ່ມເຕີມກ່ຽວກັບນະໂຍບາຍການພົວພັນຕ່າງປະເທດຂອງ ຫວຽດນາມ ແລະ ແລກປ່ຽນບັນດາມາດຕະການເພື່ອເສີມຂະຫຍາຍບົດບາດຂອງບັນດາອົງການຈັດຕັ້ງປະຊາຊົນ, ບັນດາຂະບວນການສັນຕິພາບໃນການປະກອບສ່ວນເຂົ້າໃນຄວາມມານະພະຍາຍາມຮ່ວມ ເພື່ອຮັກສາສັນຕິພາບ, ຄວາມໝັ້ນຄົງ ແລະ ຄວາມວັດທະນາຖາວອນຢູ່ພາກພື້ນ.
ກອງປະຊຸມໄດ້ຮັບຮອງເອົາຖະແຫຼງການຮ່ວມ, ສະແດງຄວາມເປັນກັງວົນຢ່າງເລິກເຊິ່ງຕໍ່ຄວາມເຄັ່ງຕຶງທີ່ເພີ່ມຂຶ້ນໃນຫຼາຍຈຸດຮ້ອນ, ອາດຈະພາໃຫ້ເກີດວິກິດການນິວເຄຼຍຄັ້ງໃໝ່, ພ້ອມກັນນັ້ນ ກໍຮຽກຮ້ອງໃຫ້ທຸກຝ່າຍແກ້ໄຂການປະທະກັນດ້ວຍສັນຕິວິທີ, ຜ່ານການໂອ້ລົມສົນທະນາ.
ບັນດາອົງການຂອງ ຍີ່ປຸ່ນ ໄດ້ເລີ່ມດຳເນີນບັ້ນການຂົນຂວາຍ ເພື່ອລົບລ້າງອາວຸດນິວເຄຼຍ ດ້ວຍຫຼາຍກິດຈະກໍາໄທີ່ດ້ຈັດຂຶ້ນໃນທົ່ວປະເທດ ຍີ່ປຸ່ນ, ລວມທັງບັ້ນການເກັບກໍາລາຍເຊັນ ແລະ ງານວາງສະແດງຮູບພາບເພື່ອຊຸກຍູ້ລັດຖະບານ ຍີ່ປຸ່ນ ເຂົ້າຮ່ວມສົນທິສັນຍາຫ້າມອາວຸດນິວເຄຼຍ (TPNW), ກິດຈະກໍາສື່ສານມວນຊົນເພື່ອແນໃສ່ຍົກສູງຄວາມຮັບຮູ້ກ່ຽວກັບຄວາມເສຍຫາຍຂອງລະເບີດປະລະມານູ ແລະ ການຮ່ວມມືສາກົນເພື່ອບັນລຸໄດ້ ໂລກທີ່ປອດອາວຸດນິວເຄຼຍ.
ກອງປະຊຸມຕ້ານລະເບີດປະລະມານູ ແລະ ອາຍໄຮໂດເຈນ ປີ 2024 ໄດ້ດຶງດູດການເຂົ້າຮ່ວມຂອງ 79 ຜູ້ແທນສາກົນທີ່ມາຈາກ 18 ປະເທດ ແລະ ເຂດແຄ້ວນ ແລະ ຜູ້ແທນເກືອບ 3.000 ຄົນຈາກບັນດາຂະບວນການສັນຕິພາບ ແລະ ປະຊາຊົນ ຍີ່ປຸ່ນ ທີ່ຮັກຫອມສັນຕິພາບ.
 | ສະຫະປະຊາຊາດ ໄດ້ມອບຫຼຽນກາໃຫ້ກຳລັງຮັກສາສັນຕິພາບ ຫວຽດນາມ ຢູ່ຄະນະປະຕິບັດງານ UNISFA ຍສໝ - ກອງທະຫານຊ່າງເລກ 2 ແລະ ໜ່ວຍປະຕິບັດງານຢູ່ຄະນະປະຕິບັດງານ UNISFA ໄດ້ຮັບຫຼຽນກາຮັກສາສັນຕິພາບສະຫະປະຊາຊາດ ສໍາລັບການປະກອບສ່ວນທີ່ພົ້ນເດັ່ນ. |
 | ກວາງຈິ-ສາລະວັນ: ຮັກສາເຂດຊາຍແດນສັນຕິພາບຕາມຮູບແບບແຮກສ່ຽວ ຍສໝ - ວັນທີ 28 ພຶດສະພາ, ຢູ່ຕາແສງ ບາເຕີ່ງ (ເມືອງ ເຮື່ອງຮວ໋າ, ແຂວງ ກວາງຈິ) ໄດ້ດຳເນີນກອງປະຊຸມສະຫຼຸບເບື້ອງຕົ້ນ15 ປີແຫ່ງການແຮກສ່ຽວ ກຸ່ມປະຊາຊົນສອງເບື້ອງຊາຍແດນລະຫວ່າງບ້ານລົວ, ຈຸ່ມ (ຕາແສງ ບາເຕີ່ງ, (ເມືອງ ເຮື່ອງຮວ໋າ, ແຂວງ ກວາງຈິ) ກັບບັນດາບ້ານ ອັນລະ, ອາຢົງ, ເຊ ... |
ມິງດຶກ
