| ສະມາຄົມທຸລະກິດໜຸ່ມຮ່າໂນ້ຍ ຈັດການສົ່ງເສີມການຄ້າ ແລະການລົງທຶນຢູ່ລາວ | |
| ຮ່າໂນ້ຍ - ນະຄອນເພື່ອສັນຕິພາບ |
ບັນດາປະເທດສະມາຊິກທີ່ເຂົ້າຮ່ວມເວທີປາໄສໄດ້ຢືນຢັນເຖິງຄວາມສຳຄັນໃນການບຳລຸງສ້າງ ແລະ ພັດທະນາວັດພື້ນຖານທະນະທຳສັນຕິພາບ, ເນັ້ນໜັກເຖິງຄວາມຈຳເປັນຕ້ອງເພີ່ມທະວີການຮ່ວມມື ແລະ ການເຈລະຈາທົ່ວໂລກ, ແກ້ໄຂບັນດາການຂັດແຍ່ງກັນໂດຍສັນຕິວິທີ, ລົບລ້າງຄວາມບໍ່ຍຸດຕິທຳ ແລະ ການຈຳແນກການປະພຶດໃນທຸກຮູບແບບ ໂດຍສະເພາະແມ່ນສະພາບການປະທະກັນ, ຄວາມເຄັ່ງຕຶງທາງດ້ານພູມສາດການເມືອງ ແລະ ວິກິດການທົ່ວໂລກທີ່ເພີ່ມຂຶ້ນຢ່າງບໍ່ຢຸດຢັ້ງ.
 |
| ທ່ານເອກອັກຄະລັດຖະທູດ, ຫົວໜ້າຄະນະປະຈຳຫວຽດນາມ ປະຈຳສະຫະປະຊາຊາດ ທ່ານ ດັ້ງຮວ່າງຢາງ ກ່າວຄຳເຫັນທີ່ເວທີປາໄສ. |
ເນື່ອງໃນໂອກາດນີ້, ທ່ານເອກອັກຄະລັດຖະທູດ ແລະ ຫົວໜ້າຄະນະປະຈຳຫວຽດນາມ ປະຈຳສະຫະປະຊາຊາດ ທ່ານ ດັ້ງຮວ່າງຢ່າງ ຢືນຢັນວ່າ: ນະຄອນຫຼວງ ຮ່າໂນ້ຍ ໄດ້ຮັບກຽດຈາກອົງການສຶກສາ, ວິທະຍາສາດ ແລະ ວັດທະນະທຳ ສະຫະປະຊາຊາດ (UNESCO) ໃຫ້ເປັນ “ນະຄອນເພື່ອສັນຕິພາບ” 25 ປີທີ່ຜ່ານມາ ແມ່ນການຮັບຮູ້ຂອງສາກົນກ່ຽວກັບບັນດາຄວາມມານະພະຍາຍາມ ແລະ ການປະກອບສ່ວນຂອງປະຊາຊົນຫວຽດນາມ ເພື່ອສັນຕິພາບ.
ທ່ານເອກອັກຄະລັດຖະທູດຢືນຢັນວ່າ: ຫວຽດນາມ ແມ່ນປະເທດຮັກສາສັນຕິພາບ, ຍາມໃດກໍ່ດຳລົງຊີວິດຢ່າງມີສັນຕິພາບ, ສາມັກຄີກັບບັນດາເຜົ່າໃນຕະຫຼອດໄລຍະປະຫວັດສາດທີ່ຍາວນານຂອງຕົນ, ພຽງແຕ່ຕ້ອງໃຊ້ກຳລັງອາວຸດເພື່ອຕໍ່ສູ້ຕ້ານກັບບັນດາການຮຸກຮານ. ປະຈຸບັນ, ນະໂຍບາຍການຕ່າງປະເທດຂອງຫວຽດນາມ ໄດ້ສະແດງໃຫ້ເຫັນຢ່າງເລິກເຊິ່ງຄວາມມຸ່ງມາດປາດຖະໜາຂອງນະໂຍບາຍການຕ່າງປະເທດເອກະລາດ, ສັນຕິພາບ, ການຮ່ວມມື ແລະ ພັດທະນາ. ໃນຖານະເປັນຄູ່ຮ່ວມມືເພື່ອສັນຕິພາບແບບຍືນຍົງ, ຫວຽດນາມ ໄດ້ມານະພະຍາຍາມຢ່າງບໍ່ຢຸດຢັ້ງເພື່ອປະຕິບັດໂຄງການເຄື່ອນໄຫວວັດທະນະທຳສັນຕິພາບ ແລະ ບັນລຸໄດ້ບັນດາຜົນງານໃນການພັດທະນາເສດຖະກິດ - ສັງຄົມ ແລະ ປັບປຸງຊີວິດການເປັນຢູ່ຂອງປະຊາຊົນ. ຫວ່າງມໍ່ໆມານີ້, ຫວຽດນາມໄດ້ຜ່ານໂຄງການເຄື່ອນໄຫວແຫ່ງຊາດກ່ຽວກັບແມ່ຍິງ, ສັນຕິພາບ ແລະ ຄວາມໝັ້ນຄົງ, ຍົກສູງບົດບາດ ແລະ ການເຂົ້າຮ່ວມຂອງແມ່ຍິງໃນວິວັດການອອກຂໍ້ຕົກລົງກ່ຽວກັບສັນຕິພາບ ແລະ ຄວາມໝັ້ນຄົງ.
 |
| ທ່ານເອກອັກຄະລັດຖະທູດ, ຫົວໜ້າຄະນະປະຈຳຫວຽດນາມ ປະຈຳສະຫະປະຊາຊາດ ທ່ານ ດັ້ງຮວ່າງຢາງ ກ່າວຄຳເຫັນທີ່ເວທີປາໄສ. |
ທ່ານເອກອັກຄະລັດຖະທູດ ດັ້ງຮວ່າງຢາງ ຢືນຢັນວ່າ: ການຊຸກຍູ້ວັດທະນະທຳສັນຕິພາບ ໝາຍເຖິງການຮັບປະກັນບໍ່ໃຫ້ນາບຂູ່ ຫຼື ນຳໃຊ້ກຳລັງອາວຸດ, ແກ້ໄຂຂໍ້ຂັດແຍ່ງໂດຍສັນຕິວິທີ, ພ້ອມດຽວກັນນັ້ນ ນີ້ກໍ່ແມ່ນຫຼັກການພື້ນຖານທີ່ໄດ້ຮັບຮູ້ໃນກົດບັດຂອງສະຫະປະຊາຊາດ. ທ່ານເອກອັກຄະລັດຖະທູດໄດ້ຮຽກຮ້ອງໃຫ້ບັນດາປະເທດປະຕິບັດບັນດາຫຼັກການດັ່ງກ່າວຢ່າງຄົບຖ້ວນ, ມານະພະຍາຍາມປະຕິບັດບັນດາເປົ້າໝາຍການພັດທະນາແບບຍືນຍົງ, ຊຸກຍູ້ວັດທະນະທຳສັນຕິພາບເພື່ອອະນາຄົດທີ່ສົດໃສຂອງຄົນປັດຈຸບັນ ແລະ ລຸ້ນຫຼັງ.
ອ.ສະຫວັດ
