ການພົບປະມິດຕະພາບ ຫວຽດນາມ - ເບລາຣຸດຊີ: ມານະພະຍາຍາມເພີ່ມພູນຄູນສ້າງການພົວພັນທີ່ເປັນມູນເຊື້ອລະຫວ່າງ 2 ປະເທດ

ຍສໝ - ວັນທີ 7 ສິງຫາ, ຢູ່ ຮ່າໂນ້ຍ, ສະມາຄົມມິດຕະພາບ ຫວຽດນາມ - ເບລາຣຸດຊີ ໄດ້ຈັດຕັ້ງການພົບປະມິດຕະພາບ ເນື່ອງໃນໂອກາດສະເຫຼີມສະຫຼອງ 80 ປີແຫ່ງວັນປົດປ່ອຍ ເບລາຣຸດຊີ (ວັນທີ 3 ກໍລະກົດ ປີ 1944 – ວັນທີ 3 ກໍລະກົດ ປີ 2024) ແລະ ວັນຊາດ ຫວຽດນາມ (ວັນທີ 2 ກັນຍາ ປີ 1945 – ວັນທີ 2 ກັນຍາ ປີ 2024). ຢູ່ທີ່ນີ້, ທ່ານປະທານສະມາຄົມມິດຕະພາບ ຫວຽດນາມ - ເບລາຣຸດຊີ ຢືນຢັນວ່າ: “ສະມາຄົມມິດຕະພາບ ຫວຽດນາມ - ເບລາຣຸດຊີ ຈະສືບຕໍ່ມານະພະຍາຍາມເພີ່ມພູນຄູນສ້າງສາຍພົວພັນມິດຕະພາບທີ່ເປັນມູນເຊື້ອຂອງ 2 ປະເທດໃຫ້ນັບມື້ນັບພັດທະນາຢ່າງເລິກເຊິ່ງກ່ວາອີກ”.

	ສະມາຄົມມິດຕະພາບ ຫວຽດນາມ - ອິນເດຍ: ເປັນຂົວເຊື່ອມຕໍ່ອັນໜັກແໜ້ນໃຫ້ແກ່ການພົວພັນລະຫວ່າງ 2 ປະເທດ
	ຫວຽດນາມ ນອນຢູ່ໃນ 6 ປະເທດ ອາຊຽນ ທີ່ມີການເຕີບໂຕ GDP ທີ່ດີ

ເຂົ້າຮ່ວມການພົບປະມີທ່ານ ຟານແອ່ງເຊີນ, ປະທານສະຫະພັນບັນດາອົງການມິດຕະພາບ ຫວຽດນາມ; ທ່ານ ຫງວຽນຫງອກຮຸ່ງ, ຮອງປະທານສະຫະພັນບັນດາອົງການມິດຕະພາບ ຫວຽດນາມ; ທ່ານ ຫງວຽນຕວ໋ນຟອງ, ປະທານສະມາຄົມມິດຕະພາບ ຫວຽດນາມ - ເບລາຣຸດຊີ; ທ່ານ Uladzimir Baravikou, ເອກອັກຄະລັດຖະທູດວິສາມັນຜູ້ມີອຳນາດເຕັມແຫ່ງ ສາທາລະນະລັດ ເບລາຣຸດຊີ ປະຈຳ ຫວຽດນາມ ພ້ອມດ້ວຍພະນັກງານ, ລັດຖະກອນສະຖານທູດ, ບັນດາສະມາຊິກສະມາຄົມມິດຕະພາບ ຫວຽດນາມ - ເບລາຣຸດຊີ ແລະ ປະຊາຊົນຜູ້ຮັກແພງ ເບລາຣຸດຊີ.

ການພົບປະມິດຕະພາບ ຫວຽດນາມ - ເບລາຣຸດຊີ: ມານະພະຍາຍາມເພີ່ມພູນຄູນສ້າງການພົວພັນທີ່ເປັນມູນເຊື້ອລະຫວ່າງ 2 ປະເທດ

ການສະແດງສິລະປະໂດຍສະມາຊິກສະມາຄົມມິດຕະພາບ ຫວຽດນາມ - ເບລາຣຸດຊີ.

ກ່າວຄຳປາໄສທີ່ການພົບປະ, ທ່ານ ຫງວຽນຕວ໋ນຟອງ, ປະທານສະມາຄົມມິດຕະພາບ ຫວຽດນາມ - ເບລາຣຸດຊີ ໃຫ້ຮູ້ວ່າ: ເຫດການດັ່ງກ່າວແມ່ນເພື່ອແນໃສ່ຮັດແໜ້ນນ້ຳໃຈສາມັກຄີ, ມິດຕະພາບ ແລະ ການຮ່ວມມືລະຫວ່າງປະຊາຊົນສອງປະເທດໃຫ້ແໜ້ນແຟ້ນກ່ວາອີກ. ນີ້ກໍແມ່ນກາລະໂອກາດເພື່ອໃຫ້ ຊາວຫວຽດນາມ ທີ່ເຄີຍຮ່ຳຮຽນ ແລະ ເຮັດວຽກຢູ່ ເບລາຣຸດຊີ ໄດ້ພົບປະ ແລະ ຫວນຄືນບັນດາຄວາມຊົງຈຳເກົ່າ. ຍ້ອນໄດ້ຮັບການໜູນຊ່ວຍອັນໃຫຍ່ຫຼວງຂອງ ຊາວເບລາຣຸດຊີ, ນັກສຶກສາ ຫວຽດນາມ ຫຼາຍຄົນກັບເມືອປະເທດໄດ້ປະກອບສ່ວນໃຫ້ແກ່ການພັດທະນາຂອງ ຫວຽດນາມ ກໍ່ຄືຊຸກຍູ້ການພົວພັນລະຫວ່າງ 2 ປະເທດເຂົ້າສູ່ລວງເລິກ.

ທ່ານ ຫງວຽນຕວ໋ນຟອງ, ປະທານສະມາຄົມມິດຕະພາບ ຫວຽດນາມ - ເບລາຣຸດຊີ ກ່າວຄຳປາໄສທີ່ການພົບປະ.

ວັນທີ 27 ທັນວາ ປີ 1991, ເບລາຣຸດຊີ ໄດ້ກາຍເປັນປະເທດເອກະລາດ ແລະ ຫວຽດນາມ ໄດ້ຮັບຮູ້ຄວາມເອກະລາດຂອງ ເບລາຣຸດຊີ. ວັນທີ 24 ມັງກອນ ປີ 1992, ຫວຽດນາມ ແລະ ເບລາຣຸດຊີ ສ້າງຕັ້ງການພົວພັນທາງການທູດ. ນັບແຕ່ນັ້ນມາ, ການພົວພັນລະຫວ່າງສອງປະເທດນັບມື້ນັບໄດ້ຮັບການປັບປຸງ ໂດຍຜ່ານບັນດາການຢ້ຽມຢາມເຊິ່ງກັນ ແລະ ກັນ, ບັນດາການເຄື່ອນໄຫວແລກປ່ຽນດ້ານເສດຖະກິດ, ວັດທະນະທຳ ແລະ ການຄ້ານັບມື້ນັບເພີ່ມຂຶ້ນ. ໄລຍະທີ່ຜ່ານມາ, ສັນຍາຫຼາຍສະບັບໄດ້ຮັບການລົງນາມ, ຊຸກຍູ້ບັນດາການເຄື່ອນໄຫວພົບປະແລກປ່ຽນປະຊາຊົນຢ່າງແຮງ.

ທ່ານປະທານສະມາຄົມມິດຕະພາບ ຫວຽດນາມ - ເບລາຣຸດຊີ ຢືນຢັນວ່າ: “ສະມາຄົມມິດຕະພາບ ຫວຽດນາມ - ເບລາຣຸດ ຈະສືບຕໍ່ມານະພະຍາຍາມເພີ່ມພູນຄູນສ້າງສາຍພົວພັນມິດຕະພາບທີ່ເປັນມູນເຊື້ອຂອງ 2 ປະເທດນັບມື້ນັບພັດທະນາຢ່າງເລິກເຊິ່ງກ່ວາອີກ".

ທ່ານເອກອັກຄະລັດຖະທູດວິສາມັນຜູ້ມີອຳນາດເຕັມແຫ່ງ ສາທາລະນະລັດ ເບລາຣຸດຊີ ປະຈຳ ຫວຽດນາມ Uladzimir Baravikou ກ່າວຄຳປາໄສທີ່ການພົບປະ.

ກ່າວຄຳປາໄສທີ່ພິທີ, ທ່ານເອກອັກຄະລັດຖະທູດວິສາມັນຜູ້ມີອຳນາດເຕັມແຫ່ງ ສາທາລະນະລັດ ເບລາຣຸດຊີ ປະຈຳ ຫວຽດນາມ Uladzimir Baravikou ໄດ້ສະແດງຄວາມປິຕິຊົມຊື່ນທີ່ການພົວພັນລະຫວ່າງ ຫວຽດນາມ ແລະ ເບລາຣຸດຊີ ມີບາດກ້າວພັດທະນາໃໝ່. ການແລກປ່ຽນບັນດາການຢ້ຽມຢາມໃນລະດັບສູງສຸດໄດ້ດຳເນີນຄືນໃໝ່, ໃນນັ້ນມີການຢ້ຽມຢາມທາງລັດຖະກິດຂອງທ່ານນາຍົກລັດຖະມົນຕີ ເບລາຣຸດຊີ R.A. Golovchenko ຢູ່ ຫວຽດນາມ ໃນເດືອນ ທັນວາ ປີ 2023 ດ້ວຍສັນຍາຫຼາຍສະບັບທີ່ໄດ້ຮັບການລົງນາມ.

ທ່ານເອກອັກຄະລັດຖະທູດ ປາດຖະໜາວ່າ ບັນດາເນື້ອໃນນີ້ຈະໄດ້ຮັບການຜັນຂະຫຍາຍໂດຍໄວ, ພ້ອມກັນນັ້ນກໍຫວັງວ່າ ຝ່າຍ ຫວຽດນາມ ຈະເຮັດສຳເລັດບັນດາລະບຽບການເພື່ອໃຫ້ສັນຍາລະຫວ່າງລັດຖະບານກ່ຽວກັບການຍົກເວັ້ນວີຊາໃຫ້ພົນລະເມືອງ ມີຜົນສັກສິດ.

ທ່ານເອກອັກຄະລັດຖະທູດ ເນັ້ນໜັກວ່າ: ປີ 2024 ມີຄວາມໝາຍພິເສດສຳລັບ ເບລາຣຸດຊີ ແລະ ຫວຽດນາມ: “ສອງປະເທດສະເຫຼີມສະຫຼອງ 80 ປີແຫ່ງວັນປົດປ່ອຍ ເບລາຣຸດຊີ ຈາກການຮຸກຮານຂອງ ເຢຍລະມັນ ແລະ 70 ປີແຫ່ງວັນໄຊຊະນະປະຫວັດສາດ ດ້ຽນບຽນຝູ. ໜ້າທີ່ລວມຂອງພວກເຮົາແມ່ນຮັກສາ ແລະ ຖ່າຍທອດໃຫ້ຄົນລຸ້ນຫຼັງກ່ຽວກັບຄວາມຊົງຈຳ ແລະ ຄວາມຈິງທາງປະຫວັດສາດກ່ຽວກັບໄຊຊະນະອັນສະຫງ່າລາສີຂອງບັນພະບຸລຸດ”.

ທ່ານເອກອັກຄະລັດຖະທູດ Baravikou ກໍ່ແບ່ງປັນກ່ຽວກັບການເພີ່ມທະວີການພົວພັນທາງການທູດປະຊາຊົນລະຫວ່າງສອງປະເທດຄື: ໃນເດືອນ ມີນາ ແລະ ເມສາ ປີ 2024, ບັນດາການຢ້ຽມຢາມ ເບລາຣຸດຊີ ທີ່ສຳຄັນຂອງການນຳຄະນະຊາວໜຸ່ມ ກອມມູນິດ ໂຮ່ຈິມິນ ແລະ ຄະນະການພົວພັນຕ່າງປະເທດສູນກາງ ພັກກອມມູນິດ ຫວຽດນາມ ໄດ້ຈັດຕັ້ງ, ພ້ອມກັບບັນດາກອງປະຊຸມສຳຄັນ ແລະ ການພົວພັນແຫ່ງການນັດໝາຍ.

ພວກຂ້າພະເຈົ້າພວມມານະພາຍາຍາມເພື່ອຟື້ນຟູການພົວພັນລະຫວ່າງພາກພື້ນ. ດ້ວຍການໜູນຊ່ວຍຂອງສະຖານທູດ, ກອງປະຊຸມອອນລາຍຫຼາຍຄັ້ງໄດ້ຮັບການຈັດຕັ້ງໂດຍມີການເຂົ້າຮ່ວມຂອງການນຳແຂວງ ລາວກາຍ, ກວາງນາມ, ກວາງນິງ ຂອງ ຫວຽດນາມ ແລະ ບັນດາແຂວງ Brest, Mogilev ແລະ Grodno ຂອງ ເບລາຣຸດຊີ”. ທ່ານເອກອັກຄະລັດຖະທູດກ່າວ ແລະ ປາດຖະໜາວ່າ ບັນດາສະມາຄົມມິດຕະພາບ 2 ປະເທດ ຈະພົວພັນຮ່ວມມື ແລະ ເຄື່ອນໄຫວຢ່າງຕັ້ງໜ້າກ່ວາອີກ.

ບັນດາຜູ້ແທນໄດ້ຖ່າຍຮູບທີ່ລະນຶກ.

ການພົບປະໄດ້ດຳເນີນໄປດ້ວຍບັນຍາກາດອັນອົບອຸ່ນ, ດ້ວຍບັນດາລາຍການສະແດງສີລະປະຂອງບັນດາສະມາຊິກສະມາຄົມມິດຕະພາບ ຫວຽດນາມ - ເບລາຣຸດຊີ, ບັນດາອະດີດນັກສຶກສາທີ່ເຄີຍຮ່ຳຮຽນຢູ່ ເບລາຣຸດຊີ ແລະ ບັນດານັກຮຽນໂຮງຮຽນມັດທະຍົມຕອນປາຍ ໄທຫງ່ວຽນ.

ຊຸກຍູ້ການຮ່ວມມືດ້ານກົດໝາຍລະຫວ່າງ ຫວຽດນາມ - ສ.ເກົາຫຼີ, ປະກອບສ່ວນເພີ່ມທະວີການພົວພັນຄູ່ຮ່ວມມືຍຸດທະສາດຮອບດ້ານລະຫວ່າງ 2 ປະເທດ

ຍສໝ - ຕອນບ່າຍວັນທີ 13 ມີຖຸນາ, ຢູ່ສຳນັກງານກະຊວງຍຸຕິທຳ, ທ່ານຮອງນາຍົກລັດຖະມົນຕີ, ລັດຖະມົນຕີກະຊວງຍຸຕິທຳ ຫວຽດນາມ ເລແທງລອງ ໄດ້ໃຫ້ການຕ້ອນຮັບ ແລະ ໂອ້ລົມເຈລະຈາກັບ ທ່ານລັດຖະມົນຕີ LEE Wan-kyu ພ້ອມດ້ວຍຄະນະຜູ້ແທນກະຊວງນິຕິບັນຍັດລັດຖະບານ ສ.ເກົາຫຼີ.

ຊາວ ຫວຽດນາມ ສາມາດຊໍາລະ QRCode ຂ້າມຊາຍແດນກັບ 3 ປະເທດ

ຍສໝ - ຫວຽດນາມ ໄດ້ສຳເລັດການເຊື່ອມຕໍ່ລະບົບຊຳລະເງິນຂ້າມຊາຍແດນຜ່ານ QR Code ກັບໄທ ແລະ ກຳປູເຈຍ (ກຳລັງຜັນຂະຫຍາຍຕໍ່ກັບ ລາວ), ໃຫ້ປະຊາຊົນຢູ່ແຕ່ລະປະເທດສາມາດສະແກນ QR Code ເພື່ອຊຳລະສິນຄ້າ ແລະ ການບໍລິການຢ່າງປອດໄພ, ສະດວກໃນບັນດາປະເທດດັ່ງກ່າວ ດ້ວຍແອັບທະນາຄານຂອງ ຫວຽດນາມ ໃນໂທລະສັບ ແລະ ກົງກັນຂ້າມ.

ມິງດຶກ