 | ຊຸກຍູ້ການຮ່ວມມືດ້ານກົດໝາຍລະຫວ່າງ ຫວຽດນາມ - ສ.ເກົາຫຼີ, ປະກອບສ່ວນເພີ່ມທະວີການພົວພັນຄູ່ຮ່ວມມືຍຸດທະສາດຮອບດ້ານລະຫວ່າງ 2 ປະເທດ |
| ຊາວ ຫວຽດນາມ ສາມາດຊໍາລະ QRCode ຂ້າມຊາຍແດນກັບ 3 ປະເທດ |
 |
| ປະກອບເຄື່ອງອາໄຫຼ່ເອເລັກໂຕນິກໃຫ້ແກ່ຂະແໜງການອຸດສາຫະກຳເຄື່ອງພິມຢູ່ບໍລິສັດເຕັກໂນໂລຊີເອເລັກໂຕນິກ Chee Yuen ຫວຽດນາມ ຈຳກັດ, ລົງທຶນໂດຍ ໄຕ້ຫວັນ (ຈີນ) ຢູ່ເຂດອຸດສາຫະກຳ ອານເຢືອງ, ເມືອງ ອານເຢືອງ, ແຂວງ ຫາຍຟ່ອງ. |
ວັນທີ 10 ມິຖຸນາ, ທະນາຄານ Maybank Research Pte Ltd ໄດ້ຄາດຄະເນວ່າ: ການເຕີບໂຕລວມຍອດຜະລິດຕະພັນພາຍໃນປະເທດ (GDP) ຂອງ 6 ປະເທດສະມາຊິກ ອາຊຽນ - ເຊິ່ງລວມທັງ ອິນໂດເນເຊຍ, ມາເລເຊຍ, ຟີລິບປິນ, ສິງກະໂປ, ໄທ ແລະ ຫວຽດນາມ ຄາດວ່າຈະບັນລຸ 4.5 - 4.7% ໃນ ປີ 2024 ແລະ 2025, ຈາກແຕ່ 4.0% ໃນ ປີ 2023.
ໃນບົດລາຍງານທີ່ມີຫົວຂໍ້ວ່າ “ບັນຫາ ອາຊຽນ: ບັນດາຜູ້ນຳໜ້າໃໝ່”, ບັນດານັກຄົ້ນຄວ້າໃຫ້ຮູ້ວ່າ ການຟື້ນຕົວຂອງການເຕີບໂຕ GDP ຈະໄດ້ຮັບການຊຸກຍູ້ຈາກການຜະລິດ ແລະ ການສົ່ງອອກ, ໂດຍສະເພາະແມ່ນເຄື່ອງເອເລັກໂຕນິກທີ່ພວມໜູນຊ່ວຍການຟື້ນຕົວຂອງການເຕີບໂຕທີ່ຍັງບໍ່ທັນເຕັມທີ່ໃນເຄິ່ງປີທຳອິດຂອງປີນີ້.
ທະນາຄານ Maybank ຍັງໃຫ້ຮູ້ວ່າ ປັນຍາປະດິດ (AI) ແລະ ການລະເບີດຂຶ້ນຂອງສູນຂໍ້ມູນ, ພ້ອມກັບການຂະຫຍາຍຕົວຂອງຄວາມຕ້ອງການເອເລັກໂຕນິກທົ່ວໂລກ ແມ່ນເຮັດໃຫ້ທ່າຂະຫຍາຍດ້ານການຄ້າ ແລະ ການລົງທຶນໂດຍກົງຈາກຕ່າງປະເທດ (FDI) ແຈ້ງກວ່າ.
ໂດຍການເຕື້ອງເຖິງບັນຫາອັດຕາດອກເບ້ຍ, ບົດລາຍງານຖືວ່າ ເຖິງວ່າອັດຕາດອກເບ້ຍເພີ່ມຂຶ້ນ, ແຕ່ທ່າອ່ຽງຂອງການເຄື່ອນໄຫວທາງດ້ານເສດຖະກິດທີ່ເພີ່ມຂຶ້ນກໍ່ໄດ້ເຮັດໃຫ້ການກູ້ຢືມໃນທົ່ວ ອາຊຽນ ຫຼາຍຂຶ້ນ. "ການຍົກເວັ້ນວີຊາຢູ່ ມາເລເຊຍ, ໄທ ແລະ ສິງກະໂປ ບວກກັບກຳລັງຄວາມສາມາດຂອງບັນດາສາຍການບິນທີ່ເພີ່ມຂຶ້ນ ແມ່ນກຳລັງດຶງດູດນັກທ່ອງທ່ຽວ ຈີນ ເດີນທາງໄປຍັງ ອາຊຽນ."
ໂດຍການວິເຄາະກ່ຽວກັບອັດຕາເງິນເຟີ້ຂອງ ອາຊຽນ, ທະນາຄານ Maybank ໃຫ້ຮູ້ວ່າ: ອັດຕານີ້ໄດ້ຫຼຸດລົງຢ່າງແຮງຈາກຈຸດສູງສຸດໃນ ປີ 2023, ເມື່ອຄວາມຂາດວັກຂາດຕອນຂອງລະບົບຕ່ອງໂສ້ການສະໜອງຈາກວິກິດການ ລັດເຊຍ - ຢູແກຼນ ຫຼຸດລົງ.
ບົດລາຍງານໃຫ້ຮູ້ຕື່ມວ່າ “ເຖິງຢ່າງໃດກໍ່ຕາມ, ທະນາຄານສູນກາງ ອາຊຽນ ກໍ່ຖືກຈຳກັດໃນການຫຼຸດອັດຕາດອກເບ້ຍນະໂຍບາຍ ຍ້ອນພື້ນຖານເສດຖະກິດຂອງ ອາເມລິກາ ‘ຍັງຮັກສາທ່າທີໄວ້ຢູ່’ ແລະ ການຮັກສາອັດຕາດອກເບ້ຍທີ່ສູງກວ່າເປັນເວລາຍາວ ໄດ້ເພີ່ມຄວາມກົດດັນຕໍ່ສະກຸນເງິນຂອງບັນດາທ້ອງຕະຫຼາດທີ່ພົ້ນເດັ່ນຂຶ້ນໃໝ່. ພວກຂ້າພະເຈົ້າປາຖະໜາວ່າ ທະນາຄານກາງ ອາເມລິກາ (Fed) ຈະຫຼຸດລົງອັດຕາດອກເບ້ຍ 50 ຈຸດພື້ນຖານໃນ ປີ 2024, ເລີ່ມຕົ້ນໃນເດືອນກັນຍາ".
ທະນາຄານ Maybank ຍັງໃຫ້ຂໍ້ສັງເກດວ່າ: ອາຊຽນ ໄດ້ກາຍເປັນໜຶ່ງໃນບັນດາຈຸດໝາຍປາຍທາງທີ່ນິຍົມ, ເມື່ອບັນດາບໍລິສັດນາໆຊາດໄດ້ຫັນເປັນຫຼາກຫຼາຍລະບົບຕ່ອງໂສ້ການສະໜອງການຜະລິດຂອງເຂົາເຈົ້າ. ສິ່ງດັ່ງກ່າວໄດ້ເຮັດໃຫ້ການອະນຸມັດ FDI ແລະ ໃບຄຳຮ້ອງຂໍລົງທະບຽນ FDI ເຂົ້າໄປໃນບັນດາປະເທດ ອາຊຽນ, ໃນນັ້ນມີ ມາເລເຊຍ, ໄທ, ຫວຽດນາມ ແລະ ອິນໂດເນເຊຍ ເພີ່ມຂຶ້ນຢ່າງແຮງ.
ການລົງທຶນຂອງພາກເອກະຊົນໄດ້ເພີ່ມຂຶ້ນຢ່າງແຮງໃນໄຕມາດທຳອິດຂອງປີນີ້ຢູ່ ມາເລເຊຍ, ຫວຽດນາມ, ໄທ ແລະ ອິນໂດເນເຊຍ, ເຊິ່ງສະແດງໃຫ້ເຫັນວ່າ ການເພີ່ມຂຶ້ນຂອງບັນດາສັນຍາ FDI ໃນໄລຍະມໍ່ໆມານີ້ພວມກາຍເປັນຄວາມຈິງ.
ບັນດາປະເທດ ອາຊຽນ ພວມຮັບປະກັນແຫຼ່ງການລົງທຶນບໍ່ພຽງແຕ່ຈາກ ອາເມລິກາ ແລະ ບັນດາປະເທດສຳພັນທະມິດເທົ່ານັ້ນ, ຫາກຍັງແມ່ນມາຈາກບັນດາປະເທດຄື ຈີນ, ເມື່ອແຫຼ່ງທຶນ FDI ເຂົ້າສູ່ ຫວຽດນາມ, ໄທ ແລະ ມາເລເຊຍ ໄດ້ເພີ່ມຂຶ້ນຢ່າງແຮງ ນັບແຕ່ໄດ້ເປີດປະຕູຄືນໃໝ່. "ບັນດາຂະແໜງການອຸດສາຫະກໍາແຖວໜ້າທີ່ມີການເຂົ້າຮ່ວມການສົ່ງອອກທີ່ເຂັ້ມແຂງແມ່ນ ລົດໄຟຟ້າ, ແຜ່ນພະລັງງານແສງອາທິດ ແລະ ການສະຫນອງເຕັກໂນໂລຢີ".
ມາເລເຊຍ ເບິ່ງຄືວ່າກຳລັງດຶງດູດການລົງທຶນໃຫຍ່ທີ່ສຸດເຂົ້າໃນສູນຂໍ້ມູນ, ເນື່ອງຈາກ AI ໄດ້ຊຸກຍູ້ການລົງທຶນເຂົ້າໃນຂະແໜງການນີ້ໃນທົ່ວ ອາຊຽນ. ມາເລເຊຍ ໄດ້ດຶງດູດການລົງທຶນຈາກ Google, Nvidia, GDS ແລະ Equinix, ໃນຂະນະທີ່ປະເທດ ໄທ ໄດ້ຮັບການລົງທຶນຈາກ Amazon, Microsoft ແລະ Google. ໃນຂະນະນັ້ນ, ອິນໂດເນເຊຍ ກໍ່ໄດ້ດຶງດູດ Amazon, Alibaba ແລະ Edgnex, ພ້ອມດ້ວຍຫຼາຍຍີ່ຫໍ້ ແລະ ທ້ອງຕະຫຼາດທີ່ຍັງໜຸ່ມນ້ອຍຂອງ ຫວຽດນາມ ກໍ່ໄດ້ຮັບຄໍາຫມັ້ນສັນຍາຈາກບັນດາບໍລິສັດຄື Keppel, Alibaba ແລະ Gaw Capital.
 | ບັນດາບາດກ້າວພາຍຫຼັງ 6 ເດືອນຂອງການຍົກລະດັບການພົວພັນ ຫວຽດນາມ - ອາເມລິກາ ຍສໝ - ວັນທີ 25 ມີນາ, ທ່ານລັດຖະມົນຕີການຕ່າງປະເທດ ຫວຽດນາມ ບຸຍແທງເຊີນ ແລະ ທ່ານລັດຖະມົນຕີການຕ່າງປະເທດ ອາເມລິກາ Antony Blinken ໄດ້ເປັນປະທານການພົບປະສົນທະນາຂັ້ນລັດຖະມົນຕີການຕ່າງປະເທດ ຫວຽດນາມ - ອາເມລິກາ ຄັ້ງທຳອິດ. |
 | 9 ແຂວງຂອງ 3 ປະເທດ ຫວຽດນາມ - ລາວ - ໄທ ສືບຕໍ່ຮ່ວມມືຮອບດ້ານ ຍສໝ - ແຂວງເງະອານ ປາດຖະໜາຢາກຍົກສູງປະສິດທິຜົນການຮ່ວມມືລະຫວ່າງ 9 ແຂວງໃນໄລຍະຈະມາເຖິງ, ສ້າງເງື່ອນໄຂດີທີ່ສຸດ ເພື່ອຊຸກຍູ້ວິສາຫະກິດຮ່ວມມື; ຮຽກຮ້ອງໃຫ້ຄະນະຜູ້ແທນແຂວງບໍລິຄຳໄຊ ລາຍງານຕໍ່ອໍານາດການປົກຄອງແຂວງບໍລິຄຳໄຊ ສະເໜີຕໍ່ລັດຖະບານລາວ ປະກາດດ່ານນ້ຳອ່ອນເປັນດ່ານຊາຍແດນຫຼັກໂດຍໄວ, ສ້າງເງື່ອນໄຂຊຸກຍູ້ການເຄື່ອນໄຫວນຳເຂົ້າ-ສົ່ງອອກ, ການເຂົ້າ-ອອກເມືອງຢ່າງສະດວກ. |
ມິງດຶກ
