 |
ທ່ານ ຫງວຽນຊວນຟຸກ ນາຍົກລັດຖະມົນຕີຫວຽດນາມ ພ້ອມກັບບັນດາຜູ້ແທນກົດປຸ່ມວາງສິລາລືກ ແລະປະກາດໂຄງການນະຄອນສະຫຼາດ. (ພາບ: vov.vn)
ທ່ານ ຫງວຽນຊວນຟຸກ ນາຍົກລັດຖະມົນຕີຫວຽດນາມ ໄດ້ເຂົ້າຮ່ວມພິທີດັ່ງກ່າວ. ເຂົ້າຮ່ວມຍັງມີຜູ້ຕາງໜ້າບັນດາກະຊວງ, ຂະແໜງການ, ບັນດາເຈົ້າໜ້າທີ່ຝ່າຍຍີ່ປຸ່ນ.
ໂຄງການນະຄອນສະຫຼາດນອນຢູ່ທິດເໜືອຮ່າໂນ້ຍ, ຕັ້ງຢູ່ໃນສະຖານທີ່ທີ່ມີຄວາມສະດວກສະບາຍທີ່ສຸດ ເຊິ່ງເຊື່ອມຕໍ່ໂດຍກົງລະຫວ່າງໃຈກາງນະຄອນຫຼວງຮ່າໂນ້ຍ ແລະ ສະໜາມບິນສາກົນ ໂນຍບາຍ, ໂຄງການນະຄອນສະຫຼາດ ໄດ້ຮັບການພິຈາລະນາວ່າເປັນຈຸດເລີ່ມຕົ້ນຂອງການພັດທະນາເສດຖະກິດ - ສັງຄົມ, ເຊື່ອມຕໍ່ການຄ້າສິນຄ້າລະຫວ່າງ ຫວຽດນາມ ແລະ ບັນດາປະເທດໃນພາກພື້ນ ແລະ ທົ່ວໂລກ. ໂຄງການນະຄອນສະຫຼາດ ມີຍອດຈຳນວນທຶນເກືອບ 4,2 ຕື້ໂດລາສະຫະລັດ. ໂຄງການມີເນື້ອທີ່ 272 ແຮັກຕາຢູ່ບັນດາຕາແສງຫາຍໂບ໊ຍ, ວີງງອັກ ແລະ ກີມໂນ້, ເມືອງດົງແອງ, ໄດ້ແບ່ງເປັນ 5 ໄລຍະທີ່ເຊື່ອມຕໍ່ຢ່າງແໜ້ນແຟ້ນ ແລະຄົບຊຸດ. ຫວັງວ່າໂຄງການນະຄອນສະຫຼາດຈະສ້າງເປັນສັນຍາລັກພະລັງຊີວິດໃໝ່, ນໍາມາເຊິ່ງບັນດາມາດຕະຖານຊີວິດທີ່ ທັນສະໄໝ, ສ້າງກໍາລັງໜູນພັດທະນາເສດຖະກິດ-ສັງຄົມໃຫ້ຫວຽດນາມ ໃນອະນາຄົດ.
 |
ທັດສະນະຂອງໂຄງການ Smart City ຢູ່ພາກເໜືອຂອງຮ່າໂນ້ຍ. (ພາບ: vov.vn)
ນະຄອນສະຫຼາດ ແມ່ນຫັນການຄຸນລັກສະນະຊຸມຊົນ, ຮັບປະກັນເຄື່ອງຜົນປະໂຫຍດຕ່າງໆຄື: ໂຮງຮຽນ, ການເບິ່ງແຍງສຸຂະພາບ, ລະບົບຄວາມປອດໄພ, ການປ້ອງກັນໄພພິບັດ, ເຂດການຄ້າ ແລະ ສວນສາທາລະນະຕົ້ນໄມ້ສີຂຽວ…ແນໃສ່ເຮັດໃຫ້ປະຊາຊົນມີຊີວິດທີ່ສະບາຍຢ່າງຄົບຖ້ວນ.ຄາດຄະເນວ່າໂຄງການຈະຜັນຂະຫຍາຍລະບົບຄົມມະນາຄົມສາທາລະນະເປັນມິດສະໜິດສະໜົມກັບສິ່ງແວດລ້ອມ, ເຊື່ອມຕໍ່ນະຄອນສະຫຼາດກັບໃຈກາງຮ່າໂນ້ຍ, ຊ່ວຍປະຊາຊົນເຄື່ອນຍ້າຍຢ່າງສະດວກ ແລະວ່ອງໄວ. ເລື່ອງສ້າງປະຊາຄົມສະຫຼາດພ້ອມກັບພື້ນຖານເສດຖະກິດສະຫຼາດ ຈະຊ່ວຍປະຊາຊົນຢູ່ທີ່ນີ້ໄດ້ຊົມໃຊ້ບໍລິການຊິວີດທັນສະໄໝ, ຊຸກຍູ້ວິວັດການແລກປ່ຽນດໍາເນີນທຸລະກິດການຄ້າລະຫວ່າງບັນດາວິສາຫະກິດພາຍໃນ ແລະຕ່າງປະເທດ; ຈາກນັ້ນແມ່ນພື້ນຖານສໍາຄັນເພື່ອເພີ່ມກຳລັງແກ້ງແຍ້ງຂອງທັງພື້ນຖານເສດຖະກິດຫວຽດນາມ.
ການຮ່ວມທຸລະກິດ ຂອງບໍລິສັດຮ່ວມທຸລະກິດ BRG - Sumitomo ໄດ້ເປີດນຳໃຊ້ເປັນທາງການ ແລະ ໄດ້ປະກາດໂຄງການ Smart City, ເຊິ່ງຖືວ່າເປັນເຄື່ອງໝາຍບອກຮອຍປະທັບ ທີ່ສະແດງໃຫ້ເຫັນເຖິງມິດຕະພາບລະຫວ່າງຫວຽດນາມ ແລະ ຍີ່ປຸ່ນ, ພ້ອມທັງຂະບວນການພັດທະນາເສດຖະກິດ ຢ່າງບໍ່ຢຸດຢັ້ງ ຂອງນະຄອນຫຼວງ ຮ່າໂນ້ຍ ເປັນເວລາຫລາຍປີ; ພ້ອມກັນນັ້ນ, ມັນກໍ່ສະແດງໃຫ້ເຫັນຄວາມຕັດສິນໃຈໃນໄວໆນີ້ ຮ່າໂນ້ຍ ສາມາດປຽບທຽບກັບບັນດາຕົວເມືອງທີ່ທັນສະໄໝທີ່ສຸດໃນໂລກ.
（ຄຳຮຸ່ງ）
