 | ກອງປະຊຸມໃຫຍ່ຜູ້ແທນສະມາຄົມມິດຕະພາບ ຫວຽດນາມ - ອິນເດຍ ຄັ້ງທີ 3 |
| ຫວຽດນາມ ຢືນອັນດັບໜຶ່ງໃນການຄັດເລືອກໄປທ່ອງທ່ຽວຕ່າງປະເທດ ຂອງຊາວ ອິນເດຍ |
ວັນທີ 31 ກໍລະກົດ, ໃນຂອບເຂດການຢ້ຽມຢາມທາງລັດຖະກິດຢູ່ ອິນເດຍ, ທີ່ນະຄອນຫຼວງ ນິວເດລີ, ທ່ານນາຍົກລັດຖະມົນຕີ ຫວຽດນາມ ຟ້າມມິນຈິ໋ງ ໄດ້ເຂົ້າຮ່ວມ ແລະ ກ່າວຄຳປາໄສທີ່ເວທີປາໄສວິສາຫະກິດ ຫວຽດນາມ - ອິນເດຍ.
ເວທີປາໄສໂດຍກະຊວງແຜນການ ແລະ ການລົງທຶນ ຫວຽດນາມ, ສະຖານທູດ ຫວຽດນາມ ປະຈຳ ອິນເດຍ ແລະ ສະຫະພັນບັນດາຫ້ອງການການຄ້າ ແລະ ອຸດສາຫະກຳ ອິນເດຍ ຈັດຕັ້ງ. ເຂົ້າຮ່ວມເວທີປາໄສມີການນຳບັນດາກະຊວງ, ຂະແໜງການ ແລະ ຜູ້ຕາງຫນ້າຂອງບັນດາປະຊາຄົມວິສາຫະກິດ 2 ປະເທດ.
ບັນດາວິສາຫະກິດ 2 ປະເທດໄດ້ແນະນຳກ່ຽວກັບຄວາມສາມາດບົ່ມຊ້ອນ ແລະ ກາລະໂອກາດຮ່ວມມື, ປຶກສາຫາລືກ່ຽວກັບແຜນການ ແລະ ໂຄງການລົງທຶນດຳເນີນທຸລະກິດ, ຂໍ້ສະດວກ ແລະ ຂໍ້ຫຍຸ້ງຍາກ, ປະກອບຄຳຄິດຄຳເຫັນ, ຂໍ້ສະເໜີແນະໃຫ້ອຳນາດການປົກຄອງ 2 ປະເທດ.
 |
| ທ່ານນາຍົກລັດຖະມົນຕີ ຟ້າມມິນຈິ໋ງ ໄດ້ເຂົ້າຮ່ວມ ແລະ ກ່າວຄຳປາໄສທີ່ເວທີປາໄສວິສາຫະກິດ ຫວຽດນາມ - ອິນເດຍ. |
ຕາມໜັງສືພິມເອເລັກໂຕນິກຂອງລັດຖະບານ, ກ່າວຄຳປາໄສທີ່ເວທີປາໄສ, ທ່ານນາຍົກລັດຖະມົນຕີ ຟ້າມມິນຈິ໋ງ ໃຫ້ຮູ້ວ່າ: ພາຍຫຼັງ 5 ທົດສະວັດແຫ່ງການສ້າງຕັ້ງການພົວພັນທາງການທູດ, ການຍົກລະດັບການພົວພັນລະຫວ່າງ 2 ປະເທດຂຶ້ນສູ່ການພົວພັນຄູ່ຮ່ວມມືຍຸດທະສາດຮອບດ້ານໄດ້ເປີດພື້ນທີ່ການຮ່ວມມືໃໝ່ກ່ຽວກັບຕ່ອງໂສ້ມູນຄ່າ ແລະ ຊັບພະຍາກອນຍຸດທະສາດ, ຄວາມໝັ້ນຄົງດ້ານເສດຖະກິດ, ການການຮັບມືກັບການປ່ຽນແປງຂອງດິນຟ້າອາກາດ, ສິ່ງແວດລ້ອມ, ວິທະຍາສາດເຕັກໂນໂລຊີ, ການເຊື່ອມໂຍງດ້ານການເງິນ, ຊັບພະຍາກອນມະນຸດທີ່ມີຄຸນນະພາບສູງ, ການສຶກສາ, ການປ້ອງກັນຊາດ - ປ້ອງກັນຄວາມສະຫງົບ...
ທ່ານນາຍົກລັດຖະມົນຕີ ຕີລາຄາວ່າ ການຮ່ວມມືດ້ານເສດຖະກິດ, ການລົງທຶນ, ການຄ້າໄດ້ກາຍເປັນຈຸດສະຫວ່າງ ແລະ ເປັນເສົາຄ້ຳສຳຄັນໃນການພົວພັນລະຫວ່າງ 2 ປະເທດ. ທ່ານນາຍົກລັດຖະມົນຕີ ສະແດງຄວາມປະທັບໃຈຕໍ່ການຖະແຫຼງຂອງທ່ານນາຍົກລັດຖະມົນຕີ ອິນເດຍ Narendra Modi ທີ່ກອງປະຊຸມສຸດຍອດ G20 ວ່າ: ຫວຽດນາມ ແມ່ນເສົາຄ້ຳທີ່ແຂງແຮງໃນນະໂຍບາຍການກະທຳມຸ່ງໄປສູ່ທາງທິດຕາເວັນອອກຂອງ ອິນເດຍ, ບົນພື້ນຖານຄວາມໄວ້ເນື້ອເຊື່ອໃຈ ແລະ ຄວາມເຂົ້າໃຈເຊິ່ງກັນ ແລະ ກັນ.
ທ່ານນາຍົກລັດຖະມົນຕີ ຕີລາຄາວ່າ ລະຫວ່າງ 2 ປະເທດມີ 5 ປັດໄຈພື້ນຖານອັນສຳຄັນທີ່ສຸດເພື່ອໃຫ້ບັນດາວິສາຫະກິດ 2 ປະເທດສືບຕໍ່ຮ່ວມມືດ້ວຍຄວາມໄວ້ເນື້ອເຊື່ອໃຈສູງ, ປະສົບຜົນສຳເລັດ ແລະ ມີປະສິດທິຜົນ, ປະກອບສ່ວນເຂົ້າໃນການພົວພັນລະຫວ່າງ 2 ປະເທດ. ນັ້ນແມ່ນ: ການພົວພັນມິດຕະພາບທີ່ເປັນມູນເຊື້ອອັນດີງາມ; ຄວາມໄວ້ວາງໃຈທາງດ້ານການເມືອງສູງ; ທ້ອງຕະຫຼາດເປີດກວ້າງ; ວັດທະນະທໍາ ແລະ ອາລະຍະທໍາທີ່ຄ້າຍຄືກັນ; ແນວຄວາມຄິດແມ່ນເໝາະສົມກັນ; ມີຄວາມປາຖະໜາອັນດຽວກັນໃນການສ້າງສາປະເທດຊາດໃຫ້ເຂັ້ມແຂງ, ວັດທະນາຖາວອນ, ພັດທະນາເສດຖະກິດຢ່າງວ່ອງໄວ ແລະ ຍືນຍົງ.
 |
| ທ່ານນາຍົກລັດຖະມົນຕີ ຫວຽດນາມ ເປັນສັກຂີພິຍານທີ່ພິທີມອບຮັບບົດບັນທຶກລະຫວ່າງ Vietnam Airlines ແລະ Innovations India ກ່ຽວກັບການຈັດຕັ້ງງານບຸນມິດຕະພາບ ຫວຽດນາມ - ອິນເດຍ ຄັ້ງທີ 3. |
ຕາມທ່ານນາຍົກລັດຖະມົນຕີແລ້ວ, ລັດຖະບານ ຫວຽດນາມ ໄດ້ສົ່ງເສີມບັນດາວິສາຫະກິດ ອິນເດຍ ເປີດກວ້າງການຮ່ວມມືລົງທຶນເຂົ້າໃນບັນດາຂົງເຂດທີ່ ອິນເດຍ ມີທ່າແຮງ ແລະ ຫວຽດນາມ ມີຄວາມຕ້ອງການ ແລະ ບຸລິມະສິດສູງຄື: ເຕັກໂນໂລຊີສູງ ແລະ ເອເລັກໂຕນິກ, ວິທະຍາສາດເຕັກໂນໂລຊີ, ປັນຍາປະດິດ (AI), ກໍ່ສ້າງພື້ນຖານໂຄງລ່າງ, ພະລັງງານທົດແທນ, ພະລັງງານໃຫມ່ (hydrogen), ເຕັກໂນໂລຊີຊີວະພາບ, ນະວັດຕະກໍາ, ກະສິກໍາເຕັກໂນໂລຊີສູງ, ການຢາ...
ໂດຍຢືນຢັນວ່າ ຫວຽດນາມ ຖືຜົນສຳເລັດຂອງບັນດານັກລົງທຶນແມ່ນຜົນສຳເລັດຂອງຕົນ, ທ່ານນາຍົກລັດຖະມົນຕີ ເນັ້ນໜັກເຖິງຈິດໃຈ “ຜົນປະໂຫຍດທີ່ກົມກຽວ, ແບ່ງປັນຄວາມສ່ຽງ”, “ເວົ້າແລ້ວຕ້ອງເຮັດ, ໝັ້ນໝາຍແລ້ວຕ້ອງປະຕິບັດ, ເຮັດແລ້ວ, ປະຕິບັດແລ້ວ ແມ່ນຕ້ອງມີໝາກຜົນ, ຜະລິດຕະພັນລະອຽດ, ນຳມາເຊິ່ງປະສິດທິຜົນສູງ", “ພ້ອມກັນຟັງ ແລະ ເຂົ້າໃຈ; ພ້ອມກັນແບ່ງປັນວິໄສທັດ ແລະ ການກະທຳ, ພ້ອມກັນປະຕິບັດ, ພ້ອມກັນມ່ວນ, ພ້ອມກັນມີໄຊ ແລະ ພ້ອມກັນພັດທະນາ".
ທ່ານນາຍົກລັດຖະມົນຕີ ຫວຽດນາມ ສະເໜີໃຫ້ 2 ຝ່າຍສືບຕໍ່ໜູນຊ່ວຍ ແລະ ຊຸກຍູ້ບັນດາການເຄື່ອນໄຫວໂອ້ລົມສົນທະນາ ແລະ ເຊື່ອມຕໍ່ການລົງທຶນ, ສ້າງເງື່ອນໄຂໃຫ້ວິສາຫະກິດຂອງ 2 ຝ່າຍເປີດກວ້າງການຮ່ວມມື, ລົງທຶນ, ດຳເນີນທຸລະກິດຢ່າງມີປະສິດທິຜົນ; ຍູ້ແຮງ ແລະ ຜັນຂະຫຍາຍບັນດາມາດຕະການຢ່າງມີປະສິດທິຜົນ ເພື່ອແນໃສ່ສຳເລັດຄາດໝາຍວົງເງິນການຄ້າ 2 ຝ່າຍບັນລຸ 20 ຕື້ USD ໃນໄລຍະຈະມາເຖິງ; ສ້າງເງື່ອນໄຂສະດວກໃຫ້ສິນຄ້າ ຫວຽດນາມ ຫຼາຍຊະນິດໄດ້ເຂົ້າເຖິງທ້ອງຕະຫຼາດ ອິນເດຍ ແລະ ເປີດສາຍການບິນໂດຍກົງລະຫວ່າງ 2 ປະເທດໃນໄວໆນີ້.
ພ້ອມກັນນັ້ນ, ກໍ່ສືບຕໍ່ເພີ່ມທະວີການຮ່ວມມືພັດທະນາ (ODA), ໃນນັ້ນ ສຸມໃສ່ບັນດາຂົງເຂດພັດທະນາພື້ນຖານໂຄງລ່າງຍຸດທະສາດ, ປະກອບມີ: ພື້ນຖານໂຄງລ່າງຄົມມະນາຄົມ, ພື້ນຖານໂຄງລ່າງພະລັງງານ, ພື້ນຖານໂຄງລ່າງດີຈີຕອນ ແລະ ພື້ນຖານໂຄງລ່າງການຮັບມືກັບການປ່ຽນແປງຂອງດິນຟ້າອາກາດ; ສືບຕໍ່ຮ່ວມມືຢ່າງແໜ້ນແຟ້ນ ແລະ ສະໜັບສະໜູນເຊິ່ງກັນ ແລະ ກັນໃນບັນດາເວທີປາໄສສາກົນ ແລະ ພາກພື້ນທີ່ຕ່າງຝ່າຍຕ່າງມີຄວາມສົນໃຈ.
 | ອົດສະຕາລີ ລົງທຶນກວ່າ 2 ຕື້ USD ເຂົ້າ 45 ແຂວງ, ນະຄອນຂອງ ຫວຽດນາມ. ຍສໝ - ຕາມກະຊວງແຜນການ ແລະ ການລົງທຶນແລ້ວ, ປະຈຸບັນ ບັນດາວິສາຫະກິດ ອົດສະຕາລີ ພວມລົງທຶນເຂົ້າ ຫວຽດນາມ 631 ໂຄງການ, ດ້ວຍຍອດຈຳນວນທຶນລົງທະບຽນ 2,037 ຕື້ USD ຢູ່ 45 ແຂວງ, ນະຄອນຂອງ ຫວຽດນາມ; ໃນນັ້ນ ນຳໜ້າແມ່ນ ບາເຣ້ຍ - ... |
 | ຫວຽດນາມ ໄດ້ລົງທຶນກວ່າ 3,7 ຕື້ USD ເຂົ້າເຂດສາມຫຼ່ຽມພັດທະນາ ລາວ ແລະ ກຳປູເຈຍ ຍສໝ - ຕອນເຊົ້າວັນທີ 27 ກຸມພາ, ຢູ່ແຂວງ ອັດຕະປື, ທາງພາກໃຕ້ລາວ, ໄດ້ໄຂກອງປະຊຸມສົ່ງເສີມການຄ້າ, ການລົງທຶນ ແລະ ການທ່ອງທ່ຽວເຂດສາມຫຼ່ຽມພັດທະນາ ກຳປູເຈຍ, ລາວ, ຫວຽດນາມ (CLV) ຄັ້ງທີ 13. |
ມິງດຶກ
