 | ສະເໜີໃຫ້ພັດທະນາ “ໝູ່ບ້ານ ຫວຽດນາມ” ຢູ່ Bonghwa (ແຂວງ Kyungsang ເໜືອ, ສ.ເກົາຫຼີ) ກາຍເປັນໂຄງການຮ່ວມມືແລກປ່ຽນວັດທະນະທຳລະດັບຊາດ |
| ຄວບຄຸມໄຟໄໝ້ທີ່ສູນການຄ້າຊາວ ຫວຽດນາມ ຢູ່ສາທາລະນະລັດ ເຊັກໂກ ຢ່າງທັນການ |
ກ່າວຄຳປາໄສທີ່ພິທີ, ທ່ານນາງ ເລທິທູຮັ່ງ ຮອງລັດຖະມົນຕີກະຊວງການຕ່າງປະເທດ ໄດ້ຕີລາຄາສູງບັນດາການຕອບສະໜອງຢ່າງຕັ້ງໜ້າຕໍ່ພິທີເຊີດຊູພາສາ ຫວຽດນາມ ຂອງຊາວຫວຽດນາມ ຫຼາຍລຸ້ນຄົນຢູ່ ສ.ເຊັກໂກ.
ໂດຍມີຄວາມຮັບຮູ້ລວມວ່າ “ພາສາ ຫວຽດນາມ ຍັງຄົງຢູ່ - ປະເທດຊາດຍັງຄົງຢູ່”, ທ່ານນາງຮອງລັດຖະມົນຕີ ມີຄວາມປິຕິຊົມຊື່ນທີ່ລູກຫຼານ ຊາວຫວຽດນາມ ລຸ້ນທີ 2 – 3 – 4 ຢູ່ ສ.ເຊັກໂກ ຍັງຮັກ ແລະ ຢາກຮຽນພາສາ ຫວຽດນາມ. ເຖິງວ່າຍັງປະສົບກັບຄວາມຫຍຸ້ງຍາກຫຼາຍດ້ານກ່ຽວກັບການສະໜອງທຶນເພື່ອຈັດຕັ້ງຫ້ອງຮຽນ, ເອກະສານການສອນ, ແຕ່ທ່ານຮອງລັດຖະມົນຕີກໍ່ຮູ້ສຶກພາກພູມໃຈ ແລະ ນັບຖືຢ່າງສູງຕໍ່ບັນດາການປະກອບສ່ວນອັນງຽບໆຂອງ “ຄູສອນປະຊາຊົນ” ແລະ ບັນດາຜູ້ອຸປະຖຳໃນການຮັກສາບັນດາຫ້ອງຮຽນ - ການສອນພາສາ ຫວຽດນາມ ເປັນເວລາຫຼາຍປີຜ່ານມາ.
 |
| ມອບຫຼຽນກາລະນຶກສະແດງຄວາມຮູ້ບຸນຄຸນ ແລະ ຂອງຂວັນໃຫ້ບັນດາກຸ່ມ ແລະ ບຸກຄົນ, ຄູອາຈານ ແລະ ນັກຮຽນທີ່ມີຜົນງານດີເດັ່ນໃນການສອນ ແລະ ຮຽນພາສາ ຫວຽດນາມ ຢູ່ ສ.ເຊັກໂກ. |
ທ່ານນາງຮອງລັດຖະມົນຕີ ເນັ້ນໜັກວ່າ: ພິທີບໍ່ພຽງແຕ່ເພື່ອແນໃສ່ເຊີດຊູພາສາ ຫວຽດນາມ ເທົ່ານັ້ນ, ຫາກຍັງແມ່ນໂອກາດເພື່ອສະແດງຄວາມຮູ້ບຸນຄຸນຕໍ່ບັນດາອົງການ ແລະ ບຸກຄົນ, ບັນດາຄູອາຈານ, ຜູ້ປົກຄອງນັກຮຽນ ແລະ ນ້ອງໆນັກຮຽນທີ່ມານະພະຍາຍາມຮັກສາພາສາ ຫວຽດນາມ - ເປັນຊັບສົມບັດອັນລ້ຳຄ່າຂອງປະເທດຊາດດ້ວຍຄວາມສຸດໃຈມຸ່ງໄປເຖິງບ້ານເກີດເມືອງນອນ ແລະ ປະເທດຊາດ. ຢືນຢັນວ່າ ຈະຮ່ວມເດີນທາງກັບປະຊາຄົມ ຊາວຫວຽດນາມ ໃນທົ່ວໂລກໃນບັນດາການເຄື່ອນໄຫວເຊີດຊູພາສາ ຫວຽດນາມ, ທ່ານຮອງລັດຖະມົນຕີ ຫວັງວ່າ ປະຊາຊົນດ້ວຍຄວາມຮັກແພງ ແລະ ຄວາມຮັບຜິດຊອບ, ຈະສືບຕໍ່ມານະພະຍາຍາມອະນຸລັກ ແລະ ຮັກສາພາສາ ຫວຽດນາມ - ຈິດວິນຍານຂອງປະເທດຊາດໃນຫຼາຍລຸ້ນຕໍ່ໄປ.
ກ່າວຄຳປາໄສທີ່ພິທີ, ທ່ານເອກອັກຄະລັດຖະທູດ ເຢືອງຮວ່າຍນາມ ເຊື່ອໝັ້ນວ່າ ບັນດາການເຄື່ອນໄຫວທີ່ຫຼາກຫຼາຍຂອງໂຄງການວັນເຊີດຊູພາສາ ຫວຽດນາມ ໃນສະມາຄົມ ຊາວຫວຽດນາມ ອາໄສຢູ່ຕ່າງປະເທດ ຈະປະກອບສ່ວນສຳຄັນເຂົ້າໃນການຊຸກຍູ້ການສອນ ແລະ ຮຽນພາສາ ຫວຽດນາມ ຢູ່ຕ່າງປະເທດ. ພ້ອມກັນນັ້ນ, ທ່ານກໍ່ຢືນຢັນວ່າ ນີ້ແມ່ນການເຄື່ອນໄຫວສຳຄັນທີ່ມີຄວາມໝາຍໃຫ້ກຳລັງໃຈອັນໃຫຍ່ຫຼວງສຳລັບປະຊາຄົມ ຊາວຫວຽດນາມ ຢູ່ ສ.ເຊັກໂກ ເພື່ອແນໃສ່ຮັກສາ ແລະ ພັດທະນາຂະບວນການສິດສອນ ແລະ ຮ່ຳຮຽນພາສາ ຫວຽດນາມ ຢູ່ປະຊາຄົມ ຊາວຫວຽດນາມ ຢູ່ ສ.ເຊັກໂກ.
ໂດຍຕອບຄືນຄຳຂອບໃຈ ແລະ ຄຳສະເໜີຂອງທ່ານນາງຮອງລັດຖະມົນຕີ ນາງ ເລທິທູຮັ່ງ ໃນການສືບຕໍ່ສົມທົບກັບຄະນະກຳມະການແຫ່ງລັດກ່ຽວກັບ ຊາວຫວຽດນາມ ອາໄສຢູ່ຕ່າງປະເທດໃນບັນດາການເຄື່ອນໄຫວເຊີດຊູພາສາ ຫວຽດນາມ, ທ່ານ ຟ້າມຫວິງໄທ, ຫົວໜ້າບັນນາທິການໃຫຍ່ສຳນັກພິມຈຳໜ່າຍການສຶກສາ ຫວຽດນາມ ໃຫ້ຮູ້ວ່າ ຈະສືບຕໍ່ສົມທົບກັບຄະນະກຳມະການແຫ່ງລັດກ່ຽວກັບ ຊາວຫວຽດນາມ ອາໄສຢູ່ຕ່າງປະເທດ ໃນບັນດາໂຄງການສ້າງຕູ້ປຶ້ມພາສາ ຫວຽດນາມ ເພື່ອຮັບໃຊ້ປະຊາຄົມ ຊາວຫວຽດນາມ ຢູ່ຕ່າງປະເທດ, ຈັດຕັ້ງບັນດາຊຸດອົບຮົມທັກສະສອນພາສາ ຫວຽດນາມ ໃຫ້ແກ່ຄູສອນພາສາ ຫວຽດນາມ ຢູ່ຕ່າງປະເທດໃນໄລຍະຈະມາເຖິງ.
ຕາງໜ້າໃຫ້ລູກຫຼານຊາວຫວຽດນາມ ລຸ້ນທີ 2, 3, 4 ຢູ່ ສ.ເຊັກໂກ, ນາງ ຮວ່າງເຟືອງລິງ - ນັກສຶກສາດີເດັ່ນ ປີທີ 2 ຢູ່ມະຫາວິທະຍາໄລ Charles Prague, ສະມາຊິກຄະນະບໍລິຫານງານສະມາຄົມນັກສຶກສາ ຫວຽດນາມ ປະຈຳ ສ.ເຊັກໂກ ໄດ້ແບ່ງປັນປະສົບການສ່ວນຕົວເມື່ອເຂົ້າຮ່ວມລາຍການ “ຄ້າຍພັກແລ້ງ ຫວຽດນາມ” ໂດຍຄະນະກຳມະການແຫ່ງລັດກ່ຽວກັບ ຊາວຫວຽດນາມ ອາໄສຢູ່ຕ່າງປະເທດຈັດຕັ້ງ ໄດ້ຊ່ວຍເຊື່ອມຕໍ່ໄວໜຸ່ມ ຫວຽດນາມ ແລະ ຊາວຫວຽດນາມ ໃນທົ່ວໂລກ, ເຂົ້າໃຈແຫຼ່ງກຳເນີດ, ວັດທະນະທຳ, ປະຫວັດສາດຂອງ ຫວຽດນາມ ໃຫ້ຫຼາຍຂຶ້ນ.
 |
| ຖ່າຍຮູບກັບບັນດາລຸ້ນໜຸ່ມ ຊາວຫວຽດນາມ ອາໄສຢູ່ ສ.ເຊັກໂກ. |
ຜູ້ຕາງໜ້າບັນດາຄູສອນພາສາ ຫວຽດນາມ, ອາຈານ ຫງວຽນວັນເຊີນ, ອາຈານ ຫງວຽນຮົ່ງຍຸງ - ສູນພາສາ ຫວຽດນາມ Praha, ອາຈານ ຫງວຽນທິເມິ້ນ - ສູນພາສາ ຫວຽດນາມ Karlo ລ້ວນແຕ່ເນັ້ນໜັກເຖິງຄວາມສຳຄັນຂອງການຮັກສາພາສາ ຫວຽດນາມ ຢູ່ໃນຊຸມຊົນ, ນັ້ນແມ່ນຂົວເຊື່ອມຕໍ່ກັບຊຸມຊົນພາຍໃນ; ໄດ້ແບ່ງປັນຄວາມຫຍຸ້ງຍາກຂອງຄ່າໃຊ້ຈ່າຍສໍາລັບການຮັກສາຫ້ອງຮຽນ ແລະ ຕຳລາການສອນບໍ່ພຽງພໍ ແລະ ບໍ່ເໝາະສົມ. ບັນດາຄູອາຈານກໍ່ປາດຖະໜາຢາກໄດ້ຮັບຄວາມເອົາໃຈໃສ່ ແລະ ໜູນຊ່ວຍດ້ານລາຍຮັບ ເພື່ອໃຫ້ເຂົາເຈົ້າສືບຕໍ່ພາລະກິດຮັກສາພາສາ ຫວຽດນາມ ແລະ ສີສັນວັດທະນະທຳຂອງຊາດ. ນອກຈາກນັ້ນ, ຍັງສະເໜີໃຫ້ລັດໜູນຊ່ວຍການຫັນເປັນດິຈິຕອນໃນວິທີສອນພາສາ ຫວຽດນາມ, ໜູນຊ່ວຍຝຶກອົບຮົມການສອນ, ສ້າງຕູ້ປຶ້ມຢູ່ທ້ອງຖິ່ນ.
ເນື່ອງໃນໂອກາດນີ້, ທ່ານນາງຮອງລັດຖະມົນຕີ ເລທິທູຮັ່ງ ໄດ້ປະດັບ 5 ຫຼຽນກາລະນຶກແຫ່ງຄວາມຮູ້ບຸນຄຸນ ແລະ ຂອງຂວັນໃຫ້ບັນດາກຸ່ມ ແລະ ບຸກຄົນ, ຄູອາຈານ ແລະ ນັກຮຽນທີ່ຍາດໄດ້ຜົນງານດີເດັ່ນໃນການສອນ ແລະ ການຮຽນພາສາ ຫວຽດນາມ ຢູ່ ສ.ເຊັກໂກ.
ທີ່ພິທີ, ທ່ານນາງຮອງລັດຖະມົນຕີ ພ້ອມກັບທ່ານເອກອັກຄະລັດຖະທູດ ເຢືອງຮວ່າຍນາມ, ທ່ານ ຟ້າມຫວິງໄທ, ຜູ້ຕາງໜ້າບັນດາສະມາຄົມ, ຄະນະຂັ້ນສູນກາງ, ທ້ອງຖິ່ນຂອງ ສ.ເຊັກໂກ ແລະ ບັນດາຜູ້ແທນໄດ້ເປີດສະຫຼອງຕູ້ປຶ້ມພາສາ ຫວຽດນາມ ເພື່ອຮັບໃຊ້ປະຊາຄົມ. ການຈັດຕັ້ງພິທີເຊີດຊູພາສາ ຫວຽດນາມ (ໃນນັ້ນ ມີການເຄື່ອນໄຫວສະແດງຄວາມຮູ້ບຸນຄຸນ ແລະ ສ້າງຕູ້ປື້ມພາສາ ຫວຽດນາມ ເພື່ອຮັບໃຊ້ປະຊາຄົມ) ແມ່ນກິດຈະກຳໃນຂອບເຂດໂຄງການເຊີດຊູພາສາ ຫວຽດນາມ ໃນປະຊາຄົມ ຊາວຫວຽດນາມ ອາໄສຢູ່ຕ່າງປະເທດ ໄລຍະ 2023-2030, ໂດຍ ນາຍົກລັດຖະມົນຕີປະກາດໃຊ້ໃນປີ 2022.
 | ສະເໜີການສ້າງຕັ້ງສູນວັດທະນະທຳ ຫວຽດນາມ ຢູ່ ສ.ເກົາຫຼີ ຍສໝ - ນີ້ແມ່ນຄຳສະເໜີຂອງທ່ານ ຫຼີເຊື່ອງກັ່ນ, ເອກອັກຄະລັດຖະທູດການທ່ອງທ່ຽວ ຫວຽດນາມ ປະຈຳ ສ.ເກົາຫຼີ ທີ່ການພົບປະກັບທ່ານຮອງລັດຖະມົນຕີກະຊວງວັດທະນະທຳ, ກິລາ ແລະ ທ່ອງທ່ຽວ ໂຮ່ອ່ານຟ່ອງ ໃນວັນທີ 24 ເມສາ ຢູ່ ຮ່າໂນ້ຍ. |
 | ທ່ານປະທານປະເທດ ໄດ້ໃຫ້ສັດຕະຍາບັນສັນຍາວ່າດ້ວຍການຊ່ວຍເຫຼືອດ້ານກົດໝາຍອາຍາ ລະຫວ່າງຫວຽດນາມ ແລະ ເຊັກໂກ ຍສໝ - ທ່ານປະທານປະເທດ ເຈີ່ນດ້າຍກວາງ ຫາກໍ່ລົງນາມໃນຂໍ້ຕົກລົງເລກທີ 1109 2023 QD-CTN ຮັບຮອງເອົາຂໍ້ຕົກລົງວ່າດ້ວຍການຊ່ວຍເຫຼືອດ້ານກົດໝາຍໃນບັນຫາອາຊະຍາກຳລະຫວ່າງ ສາທາລະນະລັດ ສັງຄົມນິຍົມ ຫວຽດນາມ ແລະ ສາທາລະນະລັດ ເຊັກໂກ ຕາມຄຳຮຽກຮ້ອງຂອງລັດຖະບານໃນບົດລາຍງານວາລະສານສະບັບເລກທີ 394 TTr- CP ລົງວັນທີ 22 ສິງຫາ 2023. |
ມິງດຶກ
