 |
ທ່ານນາງ ປະທານສະພາແຫ່ງຊາດ ຫວຽດນາມ ຫງວຽນທີ້ກິມເງິນ. (ພາບ: VGP)
ການຊັກຖາມ ແລະ ການຕອບຄຳຊັກຖາມ ຂອງຜູ້ແທນສະພາ ຈະຖືກອອກອາກາດທາງວິທະຍຸກະຈາຍສຽງ, ຖ່າຍທອດສົດທາງໂທລະພາບແຫ່ງຊາດຫວຽດນາມ, ໂທລະພາບສະພາແຫ່ງຊາດ ຫວຽດນາມ. ກ່ອນໜ້ານັ້ນ, ວັນທີ 6 ພະຈິກ, ຜູ້ແທນກອງປະຊຸມສຸມໃສ່ຊັກຖາມລັດຖະມົນຕີກະຊວງ ອຸດສາຫະກຳ - ການຄ້າ ເຈິນ ຕວນ ແອັງ ຕໍ່ກັບບາງບັນຫາເຊັ່ນ: ວຽກງານການຄຸ້ມຄອງ, ການດັດສົມໄຟຟ້າ, ແຜນແມ່ບົດກ່ຽວກັບພະລັງງານໃໝ່ ແລະ ພະລັງງານທົດແທນ, ການເຄື່ອນໄຫວດຶງດູດການຄ້າ, ພັດທະນາການຕະຫຼາດຢູ່ຕ່າງປະເທດ, ຊຸກຍູ້ການສົ່ງອອກສິນຄ້າ, ການຄ້າເອເລັກໂຕຣນິກ ແລະ ເສດຖະກິດອອນລາຍ, ວຽກງານຄຸ້ມຄອງຕະຫຼາດ, ການຕ້ານການໂກງທາງການຄ້າ, ການຄຸ້ມຄອງການແກ້ງແຍ້ງແຂ່ງຂັນ, ການປົກປ້ອງຜູ້ຊົມໃຊ້, ການພັດທະນາ ການນຳໃຊ້ກົນຈັກທີ່ຜະລິດຢູ່ພາຍໃນປະເທດ, ຍົກສູງອັດຕາສ່ວນຊົມໃຊ້ພາຍໃນ, ການປ່ຽນແປງໃໝ່ດ້ານເທັກໂນໂລຢີໃນຂົງເຂດ ອຸດສາຫະກຳ.
（ໄຊພອນ）
