 | ຄະນະປະຕິບັດງານກະຊວງປ້ອງກັນປະເທດລາວ ຢ້ຽມຢາມທະຫານເຂດ 4 |
| ທ່ານ ນາຍົກລັດຖະມົນຕີ ຫວຽດນາມ ຟ້າມມິງຈິງ ພົບປະແລກປ່ຽນຄຳຄິດຄຳເຫັນກັບທ່ານເລຂາທິການໃຫຍ່, ປະທານປະເທດ ຈີນ ສີຈິ້ນຜິງ |
ທ່ານ ບັນດິດ ສຈ.ປອ ບໍ່ວຽງຄຳ ວົງດາລາ ລັດຖະມົນຕີກະຊວງເຕັກໂນໂລຢີ ແລະ ການສື່ສານ ລາວ, ປະທານສະມາຄົມມິດຕະພາບ ລາວ-ຫວຽດນາມ ໄດ້ຕີລາຄາສູງການຢ້ຽມຢາມຂອງທ່ານປະທານປະເທດ ຫວຽດນາມ ໂຕເລິມ ໃນຄັ້ງນີ້; ເນັ້ນໜັກວ່າ ການເລືອກ ລາວ ເປັນປະເທດທຳອິດທີ່ໄປຢ້ຽມຢາມໃນຖານະເປັນປະທານປະເທດ ຫວຽດນາມ ກໍ່ໄດ້ສະແດງໃຫ້ເຫັນການຖືເປັນສຳຄັນອັນພິເສດຂອງພັກ, ລັດ ແລະ ປະຊາຊົນ ຫວຽດນາມ ອ້າຍນ້ອງທີ່ມີຕໍ່ການພົວພັນມິດຕະພາບອັນຍິ່ງໃຫຍ່, ຄວາມສາມັກຄີແບບພິເສດ ແລະ ການຮ່ວມມືຮອບດ້ານ ລາວ-ຫວຽດນາມ.
 |
| ທ່ານປະທານປະເທດ ຫວຽດນາມ ໂຕເລິມ ກັບປະທານສະມາຄົມມິດຕະພາບ ລາວ-ຫວຽດນາມ ບໍ່ວຽງຄຳ ວົງດາລາ. (ພາບ: TTXVN) |
ທ່ານລັດຖະມົນຕີກະຊວງເຕັກໂນໂລຢີ ແລະ ການສື່ສານ ລາວ ໃຫ້ຮູ້ວ່າ ທ່ານ ທອງລຸນ ສີສຸລິດ, ເລຂາທິການໃຫຍ່, ປະທານປະເທດ ແຫ່ງ ສປປ ລາວ ໄດ້ຈັດຕັ້ງພິທີຕ້ອນຮັບທ່ານປະທານປະເທດ ຫວຽດນາມ ໂຕເລິມ ຢ່າງສົມກຽດ ສະຫງ່າຜ່າເຜີຍ ແລະ ອົບອຸ່ນ. ປະທານປະເທດ ລາວ-ຫວຽດນາມ ສອງທ່ານ ໄດ້ເຂົ້າຮ່ວມເປັນສັກຂີພິຍານພິທີລົງນາມໃນເອກະສານຮ່ວມມື 7 ສະບັບ, ໃນນັ້ນມີເອກະສານລັດຖະບານ 3 ສະບັບ ແລະ ເອກະສານກ່ຽວກັບເສດຖະກິດ 4 ສະບັບ. ພິເສດ, ປະທານປະເທດ ລາວ-ຫວຽດນາມ ສອງທ່ານ ໄດ້ພ້ອມກັນກົດປຸ່ມຜັນຂະຫຍາຍໂຄງການກໍ່ສ້າງຖານຂໍ້ມູນພົນລະເມືອງ ແລະ ບັດປະຈຳຕົວ ຢູ່ລາວ, ເຊິ່ງເປັນພື້ນຖານຂໍ້ມູນສຳຄັນທີ່ສຸດໃຫ້ແກ່ຂະບວນການຫັນເປັນດີຈີຕອນຂອງລາວ; ພ້ອມກັນນັ້ນ, ກໍ່ໄດ້ມອບລົດໄຟຟ້າ Vinfast 20 ຄັນ ໂດຍແມ່ນຂອງຂວັນທີ່ພັກ, ລັດຖະບານ ແລະ ປະຊາຊົນຫວຽດນາມ ມອບໃຫ້ລາວ, ປະກອບສ່ວນໜູນຊ່ວຍການຈັດຕັ້ງກອງປະຊຸມຂັ້ນສູງສະມາຄົມປະຊາຊາດອາຊີຕາເວັນອອກສ່ຽງໃຕ້ (ອາຊຽນ) ໃນປີປະທານອາຊຽນ 2024 ຂອງລາວ.
ຕາມທ່ານປະທານສະມາຄົມມິດຕະພາບ ລາວ-ຫວຽດນາມ ແລ້ວ, ໃນສະພາບການໂລກ ແລະ ພາກພື້ນທີ່ສັບສົນຄືປະຈຸບັນ, ສຳເລັດຜົນແຫ່ງການຢ້ຽມຢາມທາງລັດຖະກິດຂອງທ່ານປະທານປະເທດ ຫວຽດນາມ ຢູ່ ລາວຄັ້ງນີ້ ແມ່ນມີຄວາມໝາຍພິເສດສຳຄັນກ່ຽວກັບການພົວພັນແບບພິເສດ ລາວ-ຫວຽດນາມ. ການຢ້ຽມຢາມຄັ້ງນີ້ ໄດ້ຊ່ວຍຢັ້ງຢືນສາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄີແບບພິເສດ ແລະ ການຮ່ວມມືຮອບດ້ານລະຫວ່າງສອງພັກ, ສອງລັດ ແລະ ປະຊາຊົນ ລາວ-ຫວຽດນາມ ທີ່ຈະບໍ່ມີວັນປ່ຽນແປງ, ຄືຄຳກອນທີ່ປະທານ ໂຮ່ຈີມິນ ຜູ້ນຳທີ່ຍິ່ງໃຫຍ່ໄດ້ຂຽນວ່າ: “ຮັກຫອມກັນໝາຍໝັ້ນ ຫຼາຍສັນພູກໍ່ປີນໄຕ່; ຫຼາຍນໍ້າໃຫຍ່ ແລະ ໂຄກຄ້ອຍ ຂວາງກັ້ນກໍ່ດຸ່ງໄປ; ສອງຊາດລາວ-ຫວຽດໄດ້ ຝັງຄວາມຮັກຢູ່ໃນໃຈ; ຮົ່ງຮ່າທັງແມ່ຂອງ, ບໍ່ເລິກປຸນປານໄດ້''.
ທ່ານ ບໍ່ວຽງຄຳ ວົງດາລາ ຢືນຢັນວ່າ ໃນຖານະເປັນປະທານສະມາຄົມມິດຕະພາບ ລາວ-ຫວຽດນາມ, ທ່ານຈະສືບຕໍ່ເພີ່ມພູນຄູນສ້າງ ເພື່ອການພົວມິດຕະພາບອັນຍິ່ງໃຫຍ່, ຄວາມສາມັກຄີແບບພິເສດ ແລະ ການຮ່ວມມືຮອບດ້ານລະຫວ່າງສອງພັກ, ລັດ ແລະ ປະຊາຊົນສອງປະເທດ ລາວ-ຫວຽດນາມ ກ້າວເຂົ້າສູ່ລວງເລິກ, ຍາມໃດກໍ່ແໜ້ນແຟ້ນ ແລະ ດີງາມຕະຫຼອດໄປຕາມຄຳສອນຂອງປະທານ ໄກສອນ ພົມວິຫານ ທີ່ວ່າ: “ແມ່ນ້ຳອາດຈະແຫ້ງ, ພູເຂົາອາດຈະເຊາະເຈື່ອນ, ແຕ່ຄວາມຮັກແພງມິດຕະພາບ ລາວ-ຫວຽດນາມ ຈະໝັ້ນຄົງກວ່າພູເຂົາ, ແມ່ນ້ຳຕະຫຼອດໄປ”.
 | ການພົບປະແລກປ່ຽນປະຊາຊົນ “ຮັກສາ” ມິດຕະພາບ ຫວຽດນາມ - ລັດເຊຍ ຍສໝ - ການພົບປະແລກປ່ຽນປະຊາຊົນບໍ່ພຽງແຕ່ຊ່ວຍຮັກສາ ແລະ ພັດທະນາການພົວພັນມິດຕະພາບທີ່ເປັນມູນເຊື້ອເທົ່ານັ້ນ, ຫາກຍັງສ້າງກາລະໂອກາດໃໝ່ ເພື່ອປະຊາຊົນສອງປະເທດ ຫວຽດນາມ-ສະຫະພັນລັດເຊຍ ສະໜິດຕິດພັນກັນກ່ວາອີກ. ສະນັ້ນ ການຊຸກຍູ້ບັນດາການເຄື່ອນໄຫວພົບປະແລກປ່ຽນປະຊາຊົນ ຈຶ່ງມີບົດບາດສຳຄັນໃນການປະກອບສ່ວນ “ຮັກສາ” ການພົວພັນມິດຕະພາບ ຫວຽດນາມ-ສະຫະພັນລັດເຊຍ. ທ່ານເອກອັກຄະລັດຖະທູດ ຫວຽດນາມ ປະຈຳ ລັດເຊຍ ດັ້ງມິງຄ່ອຍ ໃຫ້ຮູ້ຄືແນວນັ້ນ ເມື່ອແລກປ່ຽນກັບສື່ມວນຊົນເນື່ອງໃນໂອກາດການຢ້ຽມຢາມ ຫວຽດນາມ ທາງລັດຖະກິດຂອງທ່ານປະທານາທິບໍດີ ລັດເຊຍ ... |
 | ຫວຽດນາມ ໄດ້ຮັບເລືອກຕັ້ງເປັນຮອງປະທານສະມັດຊາໃຫຍ່ສົນທິສັນຍາປີ 2003 ກ່ຽວກັບການປົກປັກຮັກສາມໍລະດົກວັດທະນະທຳບໍ່ເປັນວັດຖຸ. ຍສໝ - ວັນທີ 11 ມິຖຸນາ, ທີ່ກອງປະຊຸມໃຫຍ່ຄັ້ງທີ 10 ຂອງສະມັດຊາໃຫຍ່ສົນທິສັນຍາປີ 2003 ກ່ຽວກັບການປົກປັກຮັກສາມໍລະດົກວັດທະນະທຳບໍ່ເປັນວັດຖຸທີ່ດຳເນີນຢູ່ ຝຣັ່ງ, ຫວຽດນາມ ໄດ້ຮັບຄວາມໄວ້ເນື້ອເຊື່ອໃຈຢ່າງສູງ ທີ່ໄດ້ຮັບການເລືອກຕັ້ງເປັນຮອງປະທານສະມັດຊາໃຫຍ່ສົນທິສັນຍາປີ 2003 ຈາກບັນດາປະເທດສະມາຊິກ. |
ມິງດຶກ (ແປຕາມ TTXVN)
