 | ຫາຍເຢືອງ ຜັນຂະຫຍາຍຫຼາຍການເຄື່ອນໄຫວສົ່ງເສີມການຄ້າຢູ່ ອາຟຣິກາ ໃຕ້ |
| ອົງການ Sunflower Mission ໄດ້ໜູນຊ່ວຍກວ່າ 4,2 ຕື້ດົ່ງເພື່ອສ້າງໂຮງຮຽນຢູ່ Giong Rieng (ກຽນຢາງ) |
ແຕ່ລະປີ, 10 ສະມາຄົມມິດຕະພາບສະມາຊິກ ຂຶ້ນກັບສະຫະພັນບັນດາອົງການມິດຕະພາບແຂວງ ດົ່ງນາຍ ໄດ້ຈັດຕັ້ງບັນດາການເຄື່ອນໄຫວການທູດປະຊາຊົນ. ເຄິ່ງຫນຶ່ງຂອງຈຳນວນການເຄື່ອນໄຫວເຫຼົ່ານີ້ ແມ່ນມຸ່ງໄປເຖິງນັກຮຽນ, ນັກສຶກສາຢູ່ບັນດາໂຮງຮຽນ.
 |
| ການນຳບໍລິສັດອຸດສາຫະກຳ Brother Saigon ຈຳກັດ ມອບທຶນການສຶກສາໃຫ້ແກ່ນັກສຶກສາ. (ພາບ: S.Thao) |
ເອົາໃຈໃສ່ເຖິງນັກຮຽນ, ນັກສຶກສາ
ແຕ່ລະປີ, ສະມາຄົມມິດຕະພາບ ຫວຽດນາມ - ຝຣັ່ງ ແຂວງ ດົ່ງນາຍ, ສະມາຄົມມິດຕະພາບ ຫວຽດນາມ - ຍີ່ປຸ່ນ ແຂວງ ດົ່ງນາຍ ໄດ້ຮັກສາການຈັດຕັ້ງງານແຂ່ງຂັນແຕ້ມຮູບໃຫ້ສຳລັບນັກຮຽນຊັ້ນປະຖົມ, ມັດທະຍົມຕອນຕົ້ນ. ແຕ່ລະງານແຂ່ງຂັນ ໄດ້ດຶງດູດນັກຮຽນຈາກໂຮງຮຽນລັດກໍຄືເອກະຊົນນັບຮ້ອຍຄົນເຂົ້າຮ່ວມ.
ສະເພາະ ສະມາຄົມມິດຕະພາບ ຫວຽດນາມ - ອາເມລິກາ ແຂວງ ດົ່ງນາຍ, ສະມາຄົມມິດຕະພາບ ຫວຽດນາມ - ຈີນ ແຂວງ ດົ່ງນາຍ, ສະມາຄົມມິດຕະພາບ ຫວຽດນາມ - ສ.ເກົາຫຼີ ແຂວງ ດົ່ງນາຍ, ສະມາຄົມມິດຕະພາບ ຫວຽດນາມ - ຝຣັ່ງ ແຂວງ ດົ່ງນາຍ ໄດ້ຈັດຕັ້ງງານແຂ່ງຂັນອະທິບາຍລາຍງານດ້ວຍພາສາຕ່າງປະເທດສໍາລັບນັກຮຽນມັດທະຍົມຕອນປາຍ, ນັກສຶກສາບັນດາມະຫາວິທະຍາໄລ ແລະ ວິທະຍາໄລ. ຫົວຂໍ້ລາຍງານຂອງແຕ່ລະງານແຂ່ງຂັນ ແມ່ນຫຼາກຫຼາຍ ແລະ ເຫມາະສົມສໍາລັບເກນອາຍຸທີ່ແຕກຕ່າງກັນ.
ໂດຍຜ່ານການເຊື່ອມຕໍ່ຂອງບັນດາສະມາຄົມສະມາຊິກ ຂຶ້ນກັບສະຫະພັນບັນດາອົງການມິດຕະພາບແຂວງ, ວິສາຫະກິດຫຼາຍແຫ່ງ ໄດ້ມອບທຶນການສຶກສາໃຫ້ບັນດານັກສຶກສາຂອງບັນດາມະຫາວິທະຍາໄລໃນບໍລິເວນ. ຫວ່າງມໍ່ໆມານີ້, ຜ່ານການເຊື່ອມຕໍ່ຂອງສະຫະພັນບັນດາອົງການມິດຕະພາບແຂວງ, ບໍລິສັດອຸດສາຫະກຳ Brother Saigon ຈຳກັດ (ເຂດອຸດສາຫະກຳ Amata, ນະຄອນ ບຽນຮວ່າ) ໄດ້ມອບທຶນການສຶກສາໃຫ້ນັກສຶກສາຂອງມະຫາວິທະຍາໄລ ຫຼາກຮົ່ງ. ແຕ່ລະຄົນໄດ້ຮັບທຶນການສຶກສາມີມູນຄ່າ 2 ລ້ານດົ່ງ.
ມຸ່ງໄປເຖິງເປົ້າໝາຍລະອຽດ
ທ່ານ ຫງວຽນແທ່ງຈີ໋, ປະທານສະຫະພັນບັນດາອົງການມິດຕະພາບແຂວງ ດົ່ງນາຍ ໃຫ້ຮູ້ວ່າ ສະຫະພັນບັນດາອົງການມິດຕະພາບແຂວງ ແລະ ຕຳຫຼວດແຂວງ ຫາກໍ່ຈັດຕັ້ງລົງນາມໃນຂໍ້ກຳນົດສົບທົບການປະຕິບັດງານການທູດປະຊາຊົນ. ຕາມເນື້ອໃນການລົງນາມແລ້ວ, ສອງໜ່ວຍງານ ຈະສົມທົບກັນປະຕິບັດ 4 ໜ້າທີ່ຈຸດສຸມ, ໃນນັ້ນມີ: ໂຄສະນາເຜີຍແຜ່, ຂົນຂວາຍພະນັກງານ, ສະມາຊິກພັກ, ລັດຖະກອນ ແລະ ປະຊາຊົນໃນບໍລິເວນແຂວງ ເພື່ອຍົກສູງຄວາມຮັບຜິດຊອບໃນການປະຕິບັດງານການຕ່າງປະເທດປະຊາຊົນ, ຕິດພັນກັບວຽກງານຮັບປະກັນຄວາມພອດໄພ, ຄວາມເປັນລະບຽບຮຽບຮ້ອຍ; ຮັບປະກັນຄວາມພອດໄພ, ຄວາມເປັນລະບຽບຮຽບຮ້ອຍໃນບັນດາການເຄື່ອນໄຫວການທູດປະຊາຊົນ; ຄັດເລືອກບັນດາໝູ່ຄະນະ, ບຸກຄົນຂອງ 2 ຫົວໜ່ວຍທີ່ມີຜົນງານດີເດັ່ນໃນການປະຕິບັດໜ້າທີ່...
 |
| ນັກຮຽນເຂົ້າຮ່ວມງານແຂ່ງຂັນແຕ້ມຮູບ ໂດຍສະຫະພັນບັນດາອົງການມິດຕະພາບແຂວງ, ສະມາຄົມມິດຕະພາບຫວຽດນາມ - ຍີ່ປຸ່ນ ແຂວງ ດົ່ງນາຍ, ເຮືອນເດັກນ້ອຍ ດົ່ງນາຍ ສົມທົບກັນຈັດຕັ້ງ. (ພາບ: ໜັງສືພິມ ດົ່ງນາຍ) |
ນອກນີ້, ຫຼາຍລາຍການທີ່ໄດ້ຮັບການແຜ່ຫຼາຍທົ່ວໄປກ່ຽວກັບບັນດາຫົວຂໍ້ສະເພາະການທູດປະຊາຊົນ ໃຫ້ແຕ່ລະເປົ້າໝາຍສະເພາະກໍໄດ້ຈັດຕັ້ງເປັນປະຈຳ. ເມື່ອບໍ່ດົນມານີ້, ສະຫະພັນກຳມະບານແຂວງ ກໍ່ໄດ້ສົມທົບກັບຄະນະໂຄສະນາສຶກສາພັກແຂວງ ເພື່ອຈັດຕັ້ງກອງປະຊຸມຫົວຂໍ້ສະເພາະກ່ຽວກັບສະພາບການໂລກ, ພາກພື້ນ ແລະ ແຜນນະໂຍບາຍຂອງພັກ ກ່ຽວກັບການປະຕິບັດງານການຕ່າງປະເທດປະຊາຊົນໃນສະພາບການໃໝ່.ທ່ານນາງຮອງລັດຖະມົນຕີກະຊວງການຕ່າງປະເທດ ຫວຽດນາມ ເລທິທູຮັ່ງ ໄດ້ມີການໂອ້ລົມກັບຜູ້ແທນ 500 ທ່ານ ເຊິ່ງເປັນການນຳຂອງບັນດາພະແນກ, ຂະແໜງການ, ອົງຄະນະ, ສະມາຊິກຄະນະຊີ້ນຳວຽກງານຂໍ້ມູນແຂວງ, ສະຫະພັນບັນດາອົງການມິດຕະພາບແຂວງກ່ຽວກັບຄຳສັ່ງສະບັບທີ 12-CT/TW ລົງວັນທີ 5 ມັງກອນ 2022 ວ່າດ້ວຍການເພີ່ມທະວີການນຳພາຂອງພັກ ເພື່ອຍົກສູງປະສິດທິຜົນດ້ານການທູດປະຊາຊົນໃນສະພາບການໃໝ່.
ຕາມທ່ານນາງຫົວໜ້າພະແນກພົວພັນຕ່າງປະເທດຂອງແຂວງ ດົ່ງນາຍ ດັ້ງແທ່ງຖຸຍ ແລ້ວ, ວຽກງານປົກປ້ອງພົນລະເມືອງ, ແກ້ໄຂບັນດາກໍລະນີມີີປັດໄຈຕ່າງປະເທດ ແມ່ນໜາ້ທີ່ສຳຄັນທີ່ວາງອອກຕໍ່ການເຄື່ອນໄຫວການຕ່າງປະເທດໃນບໍລິເວນ. ຈາກສະພາບຕົວຈິງດັ່ງກ່າວ, ພະແນກພົວພັນຕ່າງປະເທດ ໄດ້ຈັດຕັ້ງກອງປະຊຸມກ່ຽວກັບວຽກງານກົງສຸນ ແລະ ປົກປ້ອງພົນລະເມືອງໃນບໍລິເວນແຂວງ ດົ່ງນາຍ ໃນປີ 2024. ໃນລາຍການ, ຜູ້ລາຍງານພະແນກພົວພັນຕ່າງປະເທດແຂວງ ດົ່ງນາຍ, ພະແນກພົວພັນຕ່າງປະເທດນະຄອນ ໂຮ່ຈີມິນ ໄດ້ແຈ້ງເຖິງຜູ້ແທນເກືອບ 200 ຄົນທີ່ເປັນການນຳຂອງບັນດາພະແນກ, ຂະແໜງການ, ທ້ອງຖິ່ນໃນແຂວງກ່ຽວກັບບາງເນື້ອໃນທີ່ກ່ຽວຂ້ອງ: ການປົກປ້ອງພົນລະເມືອງຫວຽດນາມ ຢູ່ຕ່າງປະເທດ, ບາງຂະບວນການສະເພາະກ່ຽວກັບການປົກປ້ອງພົນລະເມືອງ, ບັນດາບັນຫາທີ່ມີປັດໄຈຕ່າງປະເທດ...
 | ປະສິດທິຜົນຢ່າງຕັ້ງໜ້າຈາກການເຄື່ອນໄຫວລາດຕະເວນຮ່ວມຂອງທະຫານເຮືອ ຫວຽດນາມ-ກຳປູເຈຍ ຍສໝ - ການແລກປ່ຽນຂໍ້ມູນຂ່າວສານ; ການຝຶກແອບນໍາໃຊ້ທຸງນ້ອຍທີ່ຈັບດ້ວຍມື; ຝຶກແອບຄົ້ນຫາ ແລະກູ້ໄພ ແລະຂົນຂວາຍຊາວປະມົງສອງປະເທດ ປະຕິບັດກົດໝາຍ ແລະກົດລະບຽບ ເມື່ອຂຸດຄົ້ນສິນທະເລຢ່າງເຂັ້ມງວດ... ນັ້ນແມ່ນບັນດາການເຄື່ອນໄຫວຢ່າງແທດຈິງໃນຂົນຂວາຍຊາວປະມົງສອງປະເທດ ປະຕິບັດກົດໝາຍ ແລະກົດລະບຽບ ເມື່ອຂຸດຄົ້ນສິນທະເລຂອງທະຫານເຮືອ ຫວຽດນາມ-ກຳປູເຈຍ ຢ່າງເຂັ້ມງວດ. |
 | ສະມາຄົມມິດຕະພາບ 10 ແຫ່ງເຂົ້າຮ່ວມງານມະໂຫລານານທຳນອງມິດຕະພາບແຂວງ ດົ່ງນາຍ ປີ 2024 ຍສໝ - ຕອນເຊົ້າວັນທີ 15 ມີຖຸນາ, ສະຫະພັນບັນດາອົງການມິດຕະພາບແຂວງ ດົ່ງນາຍ ສົມທົບກັບພະແນກວັດທະນະທຳ, ກິລາ ແລະ ທ່ອງທ່ຽວ, ສະຖານີວິທະຍຸກະຈາຍສຽງ - ໂທລະພາບ ແຂວງ ດົ່ງນາຍ ຈັດຕັ້ງພິທີເປີດງານມະໂຫລານານທຳນອງມິດຕະພາບແຂວງ ດົ່ງນາຍ ຄັ້ງທີ 5 ປີ 2024. |
ມີງດຶກ
