ທີ່ການພົບປະແລກປ່ຽນດັ່ງກ່າວມີການເຂົ້າຮ່ວມຂອງອາຈານ ແລະ ນັກສຶກສາທີ່ຮຽນກ່ຽວກັບການພົວພັນສາກົນ ແລະ ຄົ້ນຄວ້າກ່ຽວກັບ ອາຊີ ຢູ່ມະຫາວິທະຍາໄລ Hebrew of Jerusalem.
ຢູ່ທີ່ນີ້, ຜູ້ຕາງໜ້າຫ້ອງການທີ່ປຶກສາຝ່າຍປ້ອງກັນຊາດ ສະຖານທູດ ຫວຽດນາມ ປະຈຳ ອິດສະຣາແອນ ໄດ້ທົບທວນຄືນບັນດາຂີດໝາຍຕົ້ນຕໍ່ຂອງໄຊຊະນະ ດ້ຽນບຽນຝູ “ກ້ອງກັນວານໃນ 5 ທະວີບ, ສັ່ນສະເທືອນໄປທົ່ວໂລກ”.
ນັກສຶກສາຍັງໄດ້ເບິ່ງຮູບເງົາສາລະຄະດີກ່ຽວກັບໄຊຊະນະປະຫວັດສາດທີ່ຊ່ວຍຢຸດຕິການຮຸກຮານຂອງລັດທິລ່າເມືອງຂຶ້ນ ຝຣັ່ງ, ພ້ອມກັນນັ້ນ ກໍ່ໄດ້ສ້າງບາດລ້ຽວທີ່ນໍາໄປສູ່ການລົງນາມໃນສັນຍາ Geneve (ວັນທີ 21 ກໍລະກົດ ປີ 1954).
 |
| ບັ້ນຮົບ ດ້ຽນບຽນຝູ. |
ໂດຍສະແດງຄວາມກະຕືລືລົ້ນຕໍ່ຂໍ້ມູນທີ່ໄດ້ຮັບຈາກການແລກປ່ຽນ, ນັກສຶກສາມະຫາວິທະຍາໄລ Hebrew of Jerusalem ໄດ້ຕັ້ງຄຳຖາມຫຼາຍຢ່າງ ແລະ ໄດ້ຮັບການຕອບຄຳຖາມຈາກທ່ານເອກອັກຄະລັດຖະທູດ ຫວຽດນາມ ປະຈຳ ອິດສະຣາແອນ ຫຼີດຶກຈຸງ.
ເນື່ອງໃນໂອກາດນີ້, ທ່ານເອກອັກຄະລັດຖະທູດ ຫວຽດນາມ ຫຼີດຶກຈຸງ ກໍ່ໄດ້ແນະນຳບັນດາຜົນງານດ້ານເສດຖະກິດ - ສັງຄົມຂອງ ຫວຽດນາມ ໃນຊຸມປີຜ່ານມາ, ຂະບວນການຂອງ ຫວຽດນາມ ຈາກປະເທດປະສົບເຄາະຮ້າຍຈາກສົງຄາມ ໄປເຖິງຈຸດໝາຍດຶງດູດນັກລົງທຶນ ແລະ ນັກທ່ອງທ່ຽວຕ່າງປະເທດ. ພ້ອມກັນນັ້ນ, ກໍ່ກວດກາຄືນບັນດາບາດກ້າວພັດທະນາໃນການພົວພັນຮ່ວມມືສອງຝ່າຍລະຫວ່າງ ຫວຽດນາມ ແລະ ອິດສະຣາແອນ ໃນທຸກຂົງເຂດ.
Manana Shimsilashvili, ນັກສຶກສາລົງເລິກຂະແໜງການກ່ຽວກັບ ຍີ່ປຸ່ນ ຢູ່ມະຫາວິທະຍາໄລ Hebrew of Jerusalem ໃຫ້ຮູ້ວ່າ: “ຂ້າພະເຈົ້າຖືວ່າ ຫວຽດນາມ ມີປະຫວັດສາດທີ່ໜ້າຊົມເຊີຍ, ຫວຽດນາມ ຕ້ອງປະສົບກັບຄວາມຫຍຸ້ງຍາກຫຼາຍຢ່າງ, ແຕ່ປະຊາຊົນ ຫວຽດນາມ ລ້ວນແຕ່ຮູ້ວິທີຜ່ານຜ່າຄວາມຫຍຸ້ງຍາກນັ້ນ, ຈາກທັດສະນະດັ່ງກ່າວ, ຫວຽດນາມ ແມ່ນແຫຼ່ງແຮງບັນດານໃຈສຳລັບທຸກຊາດ”.
ກ່ອນໜ້ານັ້ນ, ທ່ານເອກອັກຄະລັດຖະທູດ ຫຼີດຶກຈຸງ ແລະ ບັນດາພະນັກງານ, ລັດຖະກອນສະຖານທູດ ຫວຽດນາມ ປະຈຳ ອິດສະຣາແອນ ກໍ່ໄດ້ມີການສຳມະນາກ່ຽວກັບບັນດາຫົວເລື່ອງດັ່ງກ່າວກັບບັນດາຄູອາຈານ, ນັກຮຽນຮູ້ມະຫາວິທະຍາໄລ Hebrew of Jerusalem ແລະ ຜູ້ຕາງໜ້າສະມາຄົມມິດຕະພາບ ອິດສະຣາແອນ - ຫວຽດນາມ.
 | ທ່ານ ໂດ້ຮຸ່ງຫວຽດ ຮອງລັດຖະມົນຕີກະຊວງການຕ່າງປະເທດຫວຽດນາ: ການຢ້ຽມຢາມ ສ້າງກໍາລັງໜູນໃໝ່ໃນການພົວພັນລະຫວ່າງຫວຽດນາມ ກັບລາວ ແລະກຳປູເຈຍ ຍສໝ - ເນື່ອງໃນໂອກາ ທ່ານ ໂຕເລິມ ປະທານປະເທດຫວຽດນາມ ຈະໄປຢ້ຽມຢາມທາງລັດຖະກິດຢູ່ລາວ ແລະກຳປູເຈຍ, ທ່ານ ໂດ້ຮຸ່ງຫວຽດ ຮອງລັດຖະມົນຕີກະຊວງການຕ່າງປະເທດຫວຽດນາມ ໄດ້ໃຫ້ສຳພາດຕໍ່ນັກຂ່າວກ່ຽວກັບການຢ້ຽມຢາມຂອງທ່ານປະທານປະເທດ. |
 | ຟົດຟື້ນບັນດາການເຄື່ອນໄຫວພົບປະແລກປ່ຽນລະຫວ່າງນາຍທະຫານໜຸ່ມ ຫວຽດນາມ - ລາວ ຍສໝ - ປູກຕົ້ນໄມ້ມິດຕະພາບ; ໂຄສະນາເຜີຍແຜ່ກົດໝາຍໃຫ້ປະຊາຊົນເຂດຊາຍແດນ ຫວຽດນາມ - ລາວ; ການແຂ່ງຂັນຕີດອກປິກໄກ່ ແລະ ບານສົ່ງມິດຕະພາບ... ແມ່ນບັນດາການເຄື່ອນໄຫວທີ່ຟົດຟື້ນໃນໂຄງການພົບປະແລກປ່ຽນນາຍທະຫານໜຸ່ມທະຫານປ້ອງກັນຊາຍແດນ ຫວຽດນາມ ແລະ ນາຍຕຳຫຼວດໜຸ່ມ ກຳລັງປ້ອງກັນຄວາມສະຫງົບ, ຕຳຫຼວດ ລາວ. ໂຄງການດັ່ງກ່າວໄດ້ດຳເນີນໃນວັນທີ 8 ກໍລະກົດ ຢູ່ດ່ານຊາຍແດນສາກົນ ເບີອີ (ຕາແສງ ເປີອີ, ເມືອງ ... |
ມິງດຶກ
