ໃນພິທີ, ຜູ້ຕາງໜ້າຫ້ອງການຄຸ້ມຄອງວິຊາການຂອງມະຫາວິທະຍາໄລແພດສາດ ແລະ ການຢາ ຖາຍບິ່ງ ໄດ້ປະກາດບັນດາຂໍ້ຕົກລົງວ່າດ້ວຍນັກສຶກສາທີ່ຮຽນຈົບຂະແໜງແພດສາດ ແລະ ການຢາ ສໍາລັບນັກສຶກສາຕ່າງປະເທດ ເຊິ່ງມີນັກສຶກສາລາວ 40 ຄົນ, ນັກສຶກສາ ກຳປູເຈຍ 20 ຄົນ ແລະ ນັກສຶກສາ ໂມຊຳບິກ 1 ຄົນ.
![]() |
ການນຳມະຫາວິທະຍາໄລແພດສາດ ແລະ ການຢາ ຖາຍບິ່ງ ໄດ້ມອບໃບປະກາດສະນີຍະບັດໃຫ້ນັກສຶກສາຕ່າງປະເທດ. (ພາບ: ມະຫາວິທະຍາໄລແພດສາດ ແລະ ການຢາ ຖາຍບິ່ງ ຫວຽດນາມ) |
Phát biểu tại buổi lễ, PGS.TS Nguyễn Quốc Tiến, Bí thư Đảng ủy, Chủ tịch Hội đồng trường, Trưởng Ban quản lý lưu học sinh chúc mừng các tân bác sĩ, dược sĩ Lào, Campuchia và Mozambique tốt nghiệp năm 2024. Ông mong muốn khi về nước công tác, các em sẽ giữ mãi những hình ảnh tốt đẹp về đất nước, con người Việt Nam, về thầy cô, bạn bè, mái trường, về miền đất Thái Bình thân yêu.
ທ່ານ ຮອງສາດສະດາຈານ, ປອ ຫງວຽນກວັກຕັຽນ ເລຂາພັກ, ປະທານສະພາໂຮງຮຽນ, ຫົວໜ້າຄະນະຄຸ້ມຄອງນັກສຶກສາຕ່າງປະເທດ ໄດ້ຊົມເຊີຍບັນດາແພດໝໍໃໝ່, ແພດການຢາລາວ, ກໍາປູເຈຍ ແລະ ໂມຊຳບິກ ທີ່ຮຽນຈົບໃນປີ 2024. ທ່ານ ຫວັງວ່າ ເມື່ອພວກເຂົາກັບເມືອບ້ານໄປເຮັດວຽກ, ພວກເຂົາເຈົ້າຈະຈົດຈຳບັນດາພາບພົດອັນດີງາມຂອງປະເທດຊາດ, ປະຊາຊົນ ຫວຽດນາມ, ຂອງຄູອາຈານ, ໝູ່ເພື່ອນ, ໂຮງຮຽນ ແລະ ດິນແດນ ຖາຍບິ່ງ ອັນເປັນທີ່ຮັກ.
ທ່ານ ຮອງສາດສະດາຈານ, ປອ ຫງວຽນຢູຍເກື່ອງ, ອະທິການບໍດິໂຮງຮຽນ ຫວັງວ່າ ໃນຊຸມປີຕໍ່ໜ້າ, ບັນດາແພດໝໍ, ແພດການຢາໃໝ່ ຈະພະຍາຍາມຜັນຂະຫຍາຍ, ຝຶກຝົນຄວາມຮູ້ ແລະ ທັກສະເພື່ອປັບປຸງຕົນເອງ, ຍົກສູງລະດັບວິຊາສະເພາະ, ບໍ່ວ່າຈະເຮັດວຽກງານໃນຂົງເຂດໃດກໍ່ຕາມ ກໍ່ຕ້ອງລ້ວນແຕ່ເຮັດທຸກໜ້າທີ່ໃຫ້ມີຜົນສໍາເລັດດີເລີດ, ປະກອບສ່ວນໃນການຮັກສາສຸຂະພາບໃຫ້ປະຊາຊົນລາວ, ກຳປູເຈຍ ແລະ ໂມຊຳບິກ. ໂຮງຮຽນມີຄວາມປະສົງຢາກຕ້ອນຮັບນັກຮຽນກັບຄືນມາສຶກສາຕໍ່ໃນລະດັບທີ່ສູງຂຶ້ນ, ສືບຕໍ່ເຮັດໃຫ້ສົມບູນແບບ ແລະ ຍົກລະດັບວິຊາສະເພາະວິຊາຊີບ.
ຕາງໜ້ານັກສຶກສາຈາກປະເທດລາວ, ກຳປູເຈຍ, ແລະ ໂມຊຳບິກ ທີ່ຮຽນຈົບໃນປີ 2024, ນ້ອງ Khoeng Reaksa ນັກສຶກສາຈາກປະເທດກຳປູເຈຍ ໄດ້ສະແດງຄວາມຂອບໃຈມາຍັງຄະນະພັກ, ສະພາໂຮງຮຽນ, ຄະນະອຳນວຍການ, ຄູ-ອາຈານ, ພະນັກງານ-ລັດຖະກອນຂອງໂຮງຮຽນທີ່ໄດ້ເອົົາໃຈໃສ່ເບິ່ງແຍງ, ຊ່ວຍເຫຼືອພວກນ້ອງໃນຕະຫຼອດການເຄື່ອນໄຫວຮໍ່າຮຽນຢູ່ໂຮງຮຽນ. ເມື່ອກັບມາເຮັດວຽກຢູ່ປະເທດ, ພວກນ້ອງຈະຈົດຈໍາໂຮງຮຽນແພດສາດ ແລະ ການຢາ ຖາຍບິ່ງ ຢູ່ສະເໜີ - ບ່ອນທີ່ຕິດພັນກັບພວກນ້ອງກັບຄວາມຊົງຈຳຫຼາຍຢ່າງ ແລະ ຍັງເປັນບ້ານເກີດເມືອງນອນແຫ່ງທີ 2 ທີ່ລ້ຽງດູພວກນ້ອງ ໃຫ້ກາຍເປັນທ່ານໝໍ ແລະ ແພດການຢາຄືໃນທຸກມື້ນີ້.
![]() |
ບັນດາຜູ້ແທນ ແລະ ນັກສຶກສາຕ່າງປະເທດທີ່ສໍາເລັດການສຶກສາຖ່າຍຮູບທີ່ລະນຶກ. (ພາບ: ມະຫາວິທະຍາໄລແພດສາດ ແລະ ການຢາ ຖາຍບິ່ງ ຫວຽດນາມ) |
ໂດຍສະແດງຄວາມຍິນດີນໍານັກສຶກສາຕ່າງປະເທດ 61 ຄົນ ທີ່ຮຽນຈົບແພດສາດ ແລະ ການຢາ ປີ 2024, ທ່ານ ຫງວຽນດຶກແຮ້ງ, ປະທານສະມາຄົມມິດຕະພາບ ລາວ - ຫວຽດນາມ ແຂວງ ຖາຍບິ່ງ ກ່າວວ່າ ສະຫະພັນບັນດາອົງການມິດຕະພາບແຂວງ ຖາຍບິ່ງ ແລະ ສະມາຄົມມິດຕະພາບ ລາວ - ຫວຽດນາມ ແຂວງ ຍາມໃດກໍ່ຮັບຮູ້ ແລະ ຊື່ນຊົມການປະກອບສ່ວນຂອງມະຫາວິທະຍາໄລການຢາ ຖາຍບິ່ງ ໃນພາລະກິດເບິ່ງແຍງດູແລ ແລະ ຮັກສາສຸຂະພາບຂອງປະຊາຊົນ, ພິເສດແມ່ນກັບບັນດາປະເທດເພື່ອນມິດ, ປະກອບສ່ວນເສີມຂະຫຍາຍມູນເຊື້ອມິດຕະພາບອັນດີງາມລະຫວ່າງ ລາວ - ຫວຽດນາມ - ກຳປູເຈຍ.
ໃນໄລຍະ 56 ປີແຫ່ງການກໍ່ສ້າງ ແລະ ພັດທະນາ, ມະຫາວິທະຍາໄລແພດສາດ ແລະ ການຢາ ຖາຍບິ່ງ ໄດ້ບຳລຸງສ້າງຂະແໜງແພດສາດ ແລະ ການຢາທີ່ມີຄຸນນະພາບສູງຫຼາຍກວ່າ 1.200 ຄົນ ໃຫ້ແກ່ບັນດາປະເທດຕ່າງໆເຊັ່ນ: ລາວ, ກຳປູເຈຍ ແລະ ໂມຊຳບິກ.
ໃນກອງປະຊຸມສະຫຼຸບວຽກງານຂອງສະມາຄົມໃນ 6 ເດືອນຕົ້ນປີ ແລະ ຜັນຂະຫຍາຍໜ້າທີ່ວຽກງານໃນ 6 ເດືອນທ້າຍປີ 2024 ທີ່ຈັດຂຶ້ນໃນວັນທີ 26 ມິຖຸນາ, ຄະນະບໍລິຫານງານສະມາຄົມມິດຕະພາບ ຫວຽດນາມ - ກຳປູເຈຍ ແຂວງ ຖາຍບິ່ງ ໄດ້ພົບປະ ແລະ ມອບຂອງຂວັນມູນຄ່າ 6 ລ້ານດົ່ງ ໃຫ້ນັກສຶກສາກຳປູເຈຍ 20 ຄົນ ທີ່ຮຽນຈົບປະລິນຍາຕີສາຂາແພດສາດ ກັບຄືນປະເທດໄປເຮັດວຽກ.
![]() |
ທ່ານ ບຸ່ຍຈຸງຈ່ວຽນ (ຄົນທີ່ສາມຈາກເບື້ອງຊ້າຍ), ປະທານສະມາຄົມມິດຕະພາບຫວຽດນາມ - ກຳປູເຈຍ ແຂວງ ຖາຍບິ່ງ ໄດ້ມອບຂອງຂວັນໃຫ້ນັກສຶກສາ ກຳປູເຈຍ ທີ່ຈະເດີນທາງກັບປະເທດໄປເຮັດວຽກ. (ພາບ: NVCC ) |
ຕາມທ່ານ ບຸ່ຍຈຸງຈ່ຽນ ປະທານສະມາຄົມມິດຕະພາບ ຫວຽດນາມ - ກຳປູເຈຍ ແຂວງ ຖາຍບິ່ງ ກ່າວໄວ້ວ່າ ໃນ 6 ເດືອນທ້າຍປີ 2024, ສະມາຄົມທຸກຂັ້ນຈະຊຸກຍູ້ວຽກງານໂຄສະນາ, ລະດົມພະນັກງານ, ສະມາຊິກສືບຕໍ່ເຮັດວຽກງານການທູດປະຊາຊົນໃຫ້ເປັນຢ່າງດີ ແລະ ຂະບວນການເຄື່ອນໄຫວ “ບຳລຸງລ້ຽງມິດຕະພາບ”. ສະມາຄົມບັນດາເມືອງ, ນະຄອນປະຕິບັດຢ່າງມີປະສິດທິຜົນໃນວຽກງານອຸປະຖໍານັກສຶກສາ ກຳປູເຈຍ ທີ່ຮ່ຳຮຽນຢູ່ມະຫາວິທະຍາໄລແພດສາດ ແລະ ການຢາ ຖາຍບິ່ງ, ພ້ອມກັນນັ້ນ ກໍ່ໄດ້ດຳເນີນການເຄື່ອນໄຫວສະໜັບສະໜູນການສ້າງກອງທຶນ “ບຳລຸງລ້ຽງມິດຕະພາບ”.
Thongmy