| ສະມາຄົມມິດຕະພາບຫວຽດນາມ - ລາວ ໄດ້ສົມທົບກັນໃນການຊຸກຍູ້ການຮ່ວມມືລະຫວ່າງນັກທຸລະກິດໜຸ່ມຂອງ 2 ປະເທດ | |
| ນາຍົກລັດຖະມົນຕີ 2 ປະເທດຫວຽດນາມ ແລະ ລາວ ໄດ້ເປັນສັກຂີພິຍານພິທີລົງນາມໃນບັນດາເອກະສານຮ່ວມມືລະຫວ່າງ 2 ປະເທດ |
ກ່າວຄຳເຫັນທີ່ກອງປະຊຸມ, ທ່ານປະທານສະພາແຫ່ງຊາດ ບຸນກາຣີ Rossen Dimitrov Jeliazkov ໄດ້ສະແດງຄວາມປິຕິຊົມຊື່ນທີ່ໄດ້ພົບປະກັບບັນດາເພື່ອນມິດຫວຽດນາມ ທີ່ເຄີຍຮ່ຳຮຽນ ແລະ ເຮັດວຽກຢູ່ ບຸນກາຣີ. ຕາມທ່ານ Rossen Dimitrov Jeliazkov ແລ້ວ, ໃນຊຸມປີ 1950 – 1980, ມີປະມານ 30.000 ຄົນເຄີຍຮ່ຳຮຽນ, ອອກແຮງງານຢູ່ ບຸນກາຣີ ແລະ ປະຈຸບັນມີຊາວ ຫວຽດນາມ ປະມານ 1.000 ຄົນພວມຮ່ຳຮຽນ ແລະ ດຳລົງຊີວິດຢູ່ເຂດດິນແດນ Roses.
 |
| ທ່ານປະທານສະພາແຫ່ງຊາດ ບຸນກາຣີ Rossen Dimitrov Jeliazkov ກ່າວຄຳເຫັນທີ່ກອງປະຊຸມ. (ທີ່ມາ: VNA) |
ທ່ານປະທານສະພາແຫ່ງຊາດ ບຸນກາຣີ ໃຫ້ຮູ້ວ່າ: ຜ່ານການພົບປະກັບບັນດາການນຳຫວຽດນາມ ກໍ່ຄືບັນດາອົງການ, ບຸກຄົນຫວຽດນາມ, ທ່ານຮູ້ສຶກໄດ້ເຖິງນ້ຳໃຈຄວາມຮັກແພງທີ່ດີທີ່ລັດ ແລະ ປະຊາຊົນ ຫວຽດນາມ ມອບໃຫ້ບຸນກາຣີ; ພ້ອມກັນນັ້ນ, ທ່ານຍັງເນັ້ນໜັກວ່າ: ເຖິງວ່າສອງປະເທດຢູ່ຫ່າງໄກກັນ, ແຕ່ກໍ່ຮ່ວມກັນແບ່ງປັນບັນດາຄຸນຄ່າປະຫວັດສາດລວມ, ຮ່ວມກັນໜູນຊ່ວຍເຊິ່ງກັນ ແລະ ກັນໃນບັນດາການຕໍ່ສູ້ປົດປ່ອຍຊາດ, ໂຮມປະເທດຊາດເປັນເອກະພາບກໍ່ຄືຂະບວນການສ້າງສາ ແລະ ພັດທະນາປະເທດຊາດ. ປະຈຸບັນ, ການພົວພັນລະຫວ່າງປະຊາຊົນສອງປະເທດຍັງຄົງໄດ້ຮັບການຮັກສາ ແລະ ພັດທະນາຢ່າງບໍ່ຢຸດຢັ້ງ.
ຕາງໜ້າໃຫ້ຊາວຫວຽດນາມ ທີ່ໄປຮ່ຳຮຽນ ແລະ ເຮັດວຽກຢູ່ ບູນກາຣີ, ທ່ານ ຫງວຽນເຈື່ອງເຊີນ, ຮອງປະທານສະມາຄົມມິດຕະພາບ ຫວຽດນາມ - ບຸນກາຣີ ໄດ້ສະແດງຄວາມເປັນກຽດທີ່ທ່ານປະທານສະພາແຫ່ງຊາດ ບຸນກາຣີ Rossen Dimitrov Jeliazkov ໄດ້ສະຫຼະເວລາພົບປະ ແລະ ມອບໃບຍ້ອງຍໍຂອງສະພາແຫ່ງຊາດ ບຸນກາຣີ ໃຫ້ບັນດາບຸກຄົນທີ່ມີຜົນງານດີເດັ່ນໃນການພົວພັນທາງການທູດ, ປະກອບສ່ວນຢ່າງຕັ້ງໜ້າເຂົ້າໃນການຊຸກຍູ້ການພົວພັນມິດຕະພາບທີ່ເປັນມູນເຊື້ອ, ຄວາມສາມັກຄີ ແລະ ການຮ່ວມມືໃນຫຼາຍດ້ານລະຫວ່າງປະຊາຊົນຫວຽດນາມ ແລະ ບຸນກາຣີ.
ທ່ານຮອງປະທານສະມາຄົມມິດຕະພາບ ຫວຽດນາມ - ບຸນກາຣີ ແບ່ງປັນວ່າ: ໃນຊຸມປີທີ່ຮ່ຳຮຽນ ແລະ ເຮັດວຽກຢູ່ ບູນກາຣີ, ບັນດານັກສຶກສາ ແລະພະນັກງານ ຫວຽດນາມ ຍາມໃດກໍ່ໄດ້ຮັບການສົນໃຈ, ໜູນຊ່ວຍ ແລະ ຕຸ້ມລຸມຈາກບັນດາຄູອາຈານ ແລະ ປະຊາຊົນ ບຸນກາຣີ ເວົ້າລວມ. ສະນັ້ນ, ຊາວຫວຽດນາມ ທີ່ເຄີຍຮ່ຳຮຽນ ແລະ ເຮັດວຽກຢູ່ ບຸນກາຣີ ຍາມໃດກໍ່ຕີລາຄາສູງການຊ່ວຍເຫຼືອຂອງລັດຖະບານ ແລະ ປະຊາຊົນ ບູນກາຣີ. ໃນໄລຍະມໍ່ໆມານີ້, ຊາວຫວຽດນາມ ທີ່ໄປຮ່ຳຮຽນ ແລະ ເຮັດວຽກຢູ່ ບູນກາຣີ ຍາມໃດກໍ່ຮັກສາຮູບພາບຂອງບຸນກາຣີ ໃນດວງໃຈ, ເຕົ້າໂຮມກັນຢູ່ສະມາຄົມມິດຕະພາບ ຫວຽດນາມ - ບຸນກາຣີ ເພື່ອເຄື່ອນໄຫວແນໃສ່ຮັດແໜ້ນ ແລະ ພັດທະນາ, ເພີ່ມທະວີການພົວພັນມິດຕະພາບທີ່ເປັນມູນເຊື້ອລະຫວ່າງປະຊາຊົນສອງປະເທດໃຫ້ຍິ່ງກວ່າເກົ່າ.
ດີງເລື້ອງ
