![]() | ຮວ່າບິ່ງ-ຫົວພັນ ຍົກລະດັບການພົວພັນມິດຕະພາບ, ການຮ່ວມມື |
![]() | ສົມທົບກັນກໍ່ສ້າງຊາຍແດນສັນຕິພາບ, ມິດຕະພາບ, ສະຖຽນລະພາບ, ການຮ່ວມມື ແລະ ພັດທະນາ |
“ສວນໄມ້ແປກມິດຕະພາບ” ມີເນື້ອທີ່ກວ່າ 10.000 ຕາແມັດ, ມີຕົ້ນແປກ 700 ກວ່າຕົ້ນ ໄດ້ປູກຢູ່ເທິງຈອມໂນນພູ 2 ແຫ່ງຂອງເຂດທ່ອງທ່ຽວ ສວຍຕຽນ ນະຄອນ ຖູດຶກ. ທີ່ພິທີເປີດສະຫຼອງ, ຕົ້ນແປກ 35 ຕົ້ນໄດ້ຮັບການເລືອກມາປູກ ເພື່ອຕິດປ້າຍຊື່ຂອງກົງສູນໃຫຍ່ 25 ປະເທດຢູ່ນະຄອນ ໂຮ່ຈີມິນ ແລະ 30 ສະມາຄົມມິດຕະພາບທີ່ເປັນສະມາຊິກຂອງສະຫະພັນບັນດາອົງການມິດຕະພາບນະຄອນ ໂຮ່ຈີມິນ.
![]() |
ບັນດາຜູ້ແທນໄດ້ດຳເນີນພິທີເປີດສະຫຼອງສວນໄມ້ແປກມິດຕະພາບ. |
ຕາມທ່ານ ໂດ໊ຫວຽດຮ່າ, ປະທານສະຫະພັນບັນດາອົງການຈັດຕັ້ງມິດຕະພາບນະຄອນ ໂຮ່ຈີມິນ ແລ້ວ, ນີ້ແມ່ນການເຄື່ອນໄຫວບັນດາລາຍການ ເພື່ອສະເຫຼີມສະຫຼອງ 35 ປີແຫ່ງວັນສ້າງຕັ້ງສະຫະພັນທີ່ແທດຈິງ. 35 ປີທີ່ຜ່ານມາ, ສະຫະພັນບັນດາອົງການມິດຕະພາບນະຄອນ ໂຮ່ຈີມິນ ໄດ້ປະຕິບັດຫຼາຍການເຄື່ອນໄຫວສະແດງໃຫ້ເຫັນຢ່າງມີຊີວິດຊີວາກ່ຽວກັບນະໂຍບາຍການຕ່າງປະເທດທີ່ເປັນເອກະລາດ, ເປັນເຈົ້າຕົນເອງ, ນະໂຍບາຍການຕ່າງປະເທດທີ່ຫັນເປັນຫຼາຍຝ່າຍ, ຫຼາກຫຼາຍຮູບແບບໃນການພົວພັນຕ່າງປະເທດຂອງພັກ ແລະ ລັດ.
ໂດຍຜ່ານບັນດາການເຄື່ອນໄຫວນັ້ນ, ສະຫະພັນບັນດາອົງການມິດຕະພາບນະຄອນ ໂຮ່ຈີມິນ ໄດ້ປະຕິບັດວຽກງານການສົມທົບກັນຢ່າງແໜ້ນແຟ້ນລະຫວ່າງວຽກງານການທູດປະຊາຊົນກັບການພົວພັນຕ່າງປະເທດຂອງພັກ ແລະ ການທູດແຫ່ງລັດ ຢູ່ນະຄອນ ໂຮ່ຈີມິນ ເປັນຢ່າງດີ, ດ້ວຍຄຳຂວັນ “ຫວຽດນາມ ຢາກເປັນເພື່ອນມິດຂອງທຸກປະເທດໃນປະຊາຄົມສາກົນ, ພະຍາຍາມເພື່ອຄວາມສັນຕິພາບ, ເອກະລາດ ແລະ ການພັດທະນາ”.
“ສວນໄມ້ແປກມິດຕະພາບ” ແມ່ນສັນຍາລັກອັນມີຊີວິດຊີວາແຫ່ງຄວາມສາມັກຄີ, ການຮ່ວມມືລະຫວ່າງປະຊາຊົນນະຄອນ ແລະ ບັນດາອົງການການຕ່າງປະເທດພາຍໃນເມືອງ; ປະກອບສ່ວນໂຄສະນາເຜີຍແຜ່ຈິດໃຈສົ່ງເສີມປະຊາຊົນ ແລະ ປະຊາຄົມຊາວຕ່າງປະເທດໃນນະຄອນ ຈົ່ງມີສະຕິປົກປັກຮັກສາສິ່ງແວດລ້ອມໃນການດຳລົງຊີວິດ, ຮ່ວມມືກໍ່ສ້າງຕົວເມືອງສີຂຽວ, ສະອາດ ແລະ ສວຍງາມ.
![]() |
“ສວນໄມ້ແປກມິດຕະພາບ” ແມ່ນສັນຍາລັກອັນມີຊີວິດຊີວາແຫ່ງຄວາມສາມັກຄີ, ການຮ່ວມມືລະຫວ່າງປະຊາຊົນນະຄອນ ໂຮ່ຈີມິນ ແລະ ບັນດາອົງການການຕ່າງປະເທດພາຍໃນເມືອງ. |
ທ່ານ ພອນສີ ບຸນມີໄຊ, ຫົວໜ້າກົງສູນໃຫຍ່ ແຫ່ງ ສາທາລະນະລັດ ປະຊາທິປະໄຕ ປະຊາຊົນ ລາວ ປະຈໍາ ນະຄອນ ໂຮ່ຈີມິນ ໃຫ້ຮູ້ວ່າ: ການກໍ່ສ້າງ “ສວນໄມ້ແປກມິດຕະພາບ” ແມ່ນວຽກງານຕົວຈິງ ແລະ ມີຄວາມໝາຍ, ປະກອບສ່ວນເຂົ້າໃນວຽກງານການທູດປະຊາຊົນ; ສະແດງໃຫ້ເຫັນວ່າ, ວຽກງານການທູດປະຊາຊົນແມ່ນເສົາຄ້ຳສຳຄັນສຳລັບວຽກງານການຕ່າງປະເທດຂອງພັກ ແລະ ລັດ ຫວຽດນາມ ແລະ ປະຕິບັດຕາມຄຳສັ່ງສອນຂອງປະທານ ໂຮ່ຈີມິນ “ເພື່ອຜົນປະໂຫຍດ 10 ປີແຫ່ງການປູກຕົ້ນໄມ້, ເພື່ອຜົນປະໂຫຍດ 100 ປີແຫ່ງການສ້າງຄົນ”.
ທ່ານນາງ ບຸ່ຍທິໂຕ໋ຈິງ, ຮອງຜູ້ອຳນວຍການໃຫຍ່ເຂດທ່ອງທ່ຽວວັດທະນະທຳ ສວຍຕຽນ ຕີລາຄາວ່າ ຕົ້ນແປກແຕ່ລະຕົ້ນລ້ວນແຕ່ໄດ້ຕິດປ້າຍຊື່ຂອງແຕ່ລະປະເທດ, ກໍ່ຄືແຕ່ລະປ້າຍຊື່ແມ່ນຕາງໜ້າໃຫ້ພື້ນຖານວັດທະນະທຳພື້ນເມືອງທີ່ເປັນເອກະລັກສະເພາະຂອງແຕ່ລະປະເທດນັ້ນໆ. ການເລືອກເອົາຕົ້ນແປກເປັນຕົ້ນໄມ້ເພື່ອສ້າງສວນມິດຕະພາບ, ພວກຂ້າພະເຈົ້າປາດຖະໜາຢາກສົ່ງສານຢ່າງແຮງກ່ຽວກັບຄວາມຕັດສິນໃຈຂອງ ຫວຽດນາມ ໃນການເພີ່ມທະວີການພົວພັນສາກົນ, ຊຸກຍູ້ຄວາມເປັນສັນຕິພາບ, ການຮ່ວມມື ແລະ ພັດທະນາຢ່າງໝັ້ນຄົງ.
ພາຍຫຼັງພິທີ, ຜູ້ຕາງໜ້າສະຖານກົງສູນໃຫຍ່ບັນດາປະເທດປະຈຳນະຄອນ ໂຮ່ຈີມິນ ແລະ ບັນດາຜູ້ແທນສະມາຄົມມິດຕະພາບທີ່ເປັນສະມາຊິກຂອງສະຫະພັນບັນດາອົງການມິດຕະພາບນະຄອນ ໂຮ່ຈີມິນ ໄດ້ເຂົ້າຮ່ວມລາຍການພົບປະແລກປ່ຽນວັດທະນະທຳ, ຊອກຮູ້ກ່ຽວກັບວັດທະນະທຳອາຫານພື້ນເມືອງຂອງ ຫວຽດນາມ; ໄປຢ້ຽມຢາມເຂດທ່ອງທ່ຽວ ສວຍຕຽນ.
![]() | ສະມາຄົມມິດຕະພາບ ແລະ ການຮ່ວມມື ຫວຽດນາມ - ຝຣັ່ງ ໄປຢ້ຽມຢາມ ແລະ ມອບຂອງຂວັນຢູ່ ດ້ຽນບຽນ ຍສໝ - ວັນທີ 20 ເມສາ, ຄະນະປະຕິບັດງານຂອງສະມາຄົມມິດຕະພາບ ແລະ ການຮ່ວມມື ຫວຽດນາມ - ຝຣັ່ງ ສົມທົບກັບກຸ່ມຜູ້ແທນມິດຕະພາບ ຫວຽດນາມ - ຝຣັ່ງ; ຄະນະຜູ້ແທນສະພາແຫ່ງຊາດແຂວງ ດ້ຽນບຽນ; ກອງທຶນປົກປ້ອງເດັກນ້ອຍ ຫວຽດນາມ; ໂຮງໝໍມິດຕະພາບ ຫວຽດດຶກ ໄດ້ຈັດຕັ້ງລາຍການເຮັດວຽກ ແລະ ມອບຂອງຂວັນຢູ່ເມືອງ ດ້ຽນບຽນດົງ, ... |
![]() | ອາຊຽນ ແລະ ຍີ່ປຸ່ນ ໄດ້ຮັບຮອງເອົາຖະແຫຼງການວິໄສທັດກ່ຽວກັບການພົວພັນມິດຕະພາບ ແລະ ການຮ່ວມມື ອາຊຽນ - ຍີ່ປຸ່ນ: ຄູ່ຮ່ວມມືທີ່ໄວ້ເນື້ອເຊື່ອໃຈ ຍສໝ - ຕາມຂ່າວສານຫວຽດນາມ, ວັນທີ 17 ທັນວາ, ຢູ່ນະຄອນຫຼວງໂຕກຽວ ຍີ່ປຸ່ນ, ທ່ານນາຍົກລັດຖະມົນຕີ ຟ້າມບິ່ງມິງ ແລະ ການນຳບັນດາປະເທດ ອາຊຽນ ແລະ ຍີ່ປຸ່ນ ໄດ້ເຂົ້າຮ່ວມກອງປະຊຸມສະເຫຼີມສະຫຼອງ 50 ປີແຫ່ງວັນສ້າງຕັ້ງການພົວພັນອາຊຽນ - ຍີ່ປຸ່ນ. |
ມິງດຶກ