| ກອງປະຊຸມພົບປະຢູ່ຫຼັກໝາຍຈຸດຕັດກັນຂອງເສັ້ນຊາຍແດນ ຫວຽດນາມ - ລາວ - ຈີນ | |
| ກຳປູເຈຍ-ລາວ ເພີ່ມທະວີການຮ່ວມມືກໍ່ສ້າງເຂດຊາຍແດນສັນຕິພາບ |
ທີ່ການໂອ້ລົມສົນທະນາ, ໃນບັນຍາກາດທີ່ສະໜິດສະໜົມ, 2 ຝ່າຍໄດ້ເຫັນດີເປັນເອກະພາບວ່າ: ໃນໄລຍະມໍ່ໆມານີ້, ສອງຝ່າຍໄດ້ຕີລາຄາສູງບັນດາທັດສະນະ, ທິດຊີ້ນຳຂອງພັກ, ລັດ, ກະຊວງປ້ອງກັນປະເທດ ແລະ ວຽກງານພາຍໃນ ຂໍ້ຕົກລົງລະຫວ່າງກອງບັນຊາການທະຫານຊາຍແດນ (ຫວຽດນາມ) ແລະກົມຊາຍແດນ ແລະແຜນທີ່ຂອງກົມໃຫຍ່ເສນາທິການ (ກະຊວງປ້ອງກັນປະເທດລາວ). 2 ຝ່າຍໄດ້ຈັດຕັ້ງ ແລະ ປະຕິບັດວຽກງານຄຸ້ມຄອງ ແລະ ປົກປັກຮັກສາຊາຍແດນເປັນຢ່າງດີ, ປະກອບສ່ວນປົກປັກຮັກສາອະທິປະໄຕຜືນແຜ່ນດິນ ແລະ ຄວາມສະຫງົບປອດໄພຊາຍແດນແຫ່ງຊາດ, ສ້າງເສັ້ນຊາຍແດນສັນຕິພາບ, ມິດຕະພາບ ແລະ ສະຖຽນລະພາບ.
 |
ຫົວໜ້າຄະນະຜູ້ແທນທັງສອງຝ່າຍໄດ້ລົງນາມໃນບົດບັນທຶກຊ່ວຍຈຳການເຈລະຈາ. |
ພາຍຫຼັງການໂອ້ລົມສົນທະນາ, ສອງຝ່າຍໄດ້ເຫັນດີເປັນປະຈຳການປຶກສາຫາລືກ່ຽວກັບສະພາບການໃນໄລຍະຈະມາເຖິງ ແລະ ສືບຕໍ່ປະຕິບັດຢ່າງເຂັ້ມງວດກ່ຽວກັບສັນຍາວ່າດ້ວຍການຄຸ້ມຄອງຊາຍແດນ ແລະ ດ່ານຊາຍແດນທາງບົກລະຫວ່າງ ຫວຽດນາມ ແລະ ລາວ; ສົມທົບກັນຢ່າງແໜ້ນແຟ້ນໃນການປະຕິບັດວຽກງານຄຸ້ມຄອງຊາຍແດນ ແລະ ຕ້ານອາດຊະຍາກຳທຸກປະເພດ. ສອງຝ່າຍສືບຕໍ່ເພີ່ມທະວີການພົວພັນຮ່ວມມື, ແຈ້ງໃຫ້ກັນຊາບຢ່າງເປັນປົກກະຕິກ່ຽວກັບສະພາບການທີ່ຕິດພັນກັບຄວາມສະຫງົບ, ຄວາມເປັນລະບຽບຮຽບຮ້ອຍ, ປົກປັກຮັກສາອະທິປະໄຕຜືນແຜ່ນດິນ, ຄວາມໝັ້ນຄົງຊາຍແດນ ແລະ ບັນຫາອື່ນໆທີ່ສອງຝ່າຍມີຄວາມສົນໃຈ; ສົມທົບກັນຕ້ານອາດຊະຍາກຳທຸກປະເພດຢ່າງມີປະສິດທິຜົນ; ແຈ້ງໃຫ້ກັນຊາບໂດຍໄວເພື່ອສົມທົບກັນແກ້ໄຂ, ປະກອບສ່ວນກໍ່ສ້າງເຂດຊາຍແດນສັນຕິພາບ, ມິດຕະພາບ, ການຮ່ວມມື ແລະ ພັດທະນາ.
ສົມທົບກັນຊຸກຍູ້ການສຶກສາ, ໂຄສະນາ, ຂົນຂວາຍປະຊາຊົນສອງຝັ່ງຊາຍແດນປະຕິບັດລະບຽບກົດໝາຍຂອງແຕ່ລະຝ່າຍຢ່າງເຂັ້ມງວດ, ສອດຄ່ອງກັບຂໍ້ຕົກລົງກ່ຽວກັບລະບຽບການຄຸ້ມຄອງດ່ານຊາຍແດນ ຫວຽດນາມ - ລາວ; ປະສານງານປ້ອງກັນ ແລະ ຄວບຄຸມໄພທຳມະຊາດ, ຄົ້ນຫາ ແລະ ກູ້ໄພ; ຮັກສາການພົບປະ, ແລກປ່ຽນປະສົບການ ແລະ ຂໍ້ມູນສະຖານະການ; ສາມັກຄີ ແລະ ຊ່ວຍເຫຼືອເຊິ່ງກັນ ແລະ ກັນ ໃນການປະຕິບັດວຽກງານຄຸ້ມຄອງ ແລະ ປົກປັກຮັກສາຊາຍແດນ; ປະສານສົມທົບ ແລະ ຈັດຕັ້ງການເຄື່ອນໄຫວລາດຕະເວນ ແລະ ຄວບຄຸມ ເພື່ອປົກປັກຮັກສາຄວາມປອດໄພ ແລະ ຄວາມໝັ້ນຄົງຂອງຊາຍແດນ ແລະ ລະບົບຫຼັກໝາຍແຫ່ງຊາດ.
 |
ສອງຝ່າຍປະຕິບັດກົດລະບຽບການລາດຕະເວນທີ່ໄດ້ລົງນາມຢ່າງເຂັ້ມງວດ, ສົມທົບກັນຮັກສາຂໍ້ຕົກລົງການລາດຕະເວນສອງຝ່າຍຢ່າງເຂັ້ມງວດໃນແຕ່ລະໄຕມາດ (ກໍລະນີການລາດຕະເວນທີ່ບໍ່ໄດ້ກຳນົດເວລາສົມທົບກັນຢ່າງເຂັ້ມງວດ) ເພື່ອກວດພົບ ແລະ ສະກັດກັ້ນຢ່າງທັນການ ແລະ ລາຍງານໃຫ້ບັນດາຜູ້ບັນຊາການຂັ້ນເທິງເຫັນພ້ອມໃນມາດຕະການແກ້ໄຂ; ປະສານສົມທົບກັນຄວບຄຸມການເຄື່ອນໄຫວຂ້າມຊາຍແດນຢ່າງເຂັ້ມງວດ, ຊຸກຍູ້ການເຄື່ອນໄຫວຜ່ານດ່ານຊາຍແດນໃຫ້ທັນການ, ສະກັດກັ້ນບັນດາວິຊາການສວຍໂອກາດຂ້າມແດນທີ່ລະເມີດກົດໝາຍ.
ໃນຕອນທ້າຍຂອງການເຈລະຈາ, ສອງຝ່າຍໄດ້ຕົກລົງຈະຈັດກອງປະຊຸມສາມັນເທື່ອຕໍ່ໄປໃນເດືອນພະຈິກ 2024 ທີ່ກອງບັນຊາການທະຫານຊາຍແດນ 161, ກອງບັນຊາການທະຫານແຂວງຫຼວງພະບາງ, ສາທາລະນະລັດ ປະຊາທິປະໄຕ ປະຊາຊົນລາວ. ເວລາ ແລະ ສະຖານທີ່ສະເພາະຈະໄດ້ຮັບການປະກາດຜ່ານຊ່ອງທາງແລກປ່ຽນຂໍ້ມູນຂ່າວສານທີ່ພວມຮັກສາລະຫວ່າງສອງຝ່າຍ.
ຄຳຮຸ່ງ
