 | ກາລະໂອກາດເພື່ອເຮັດໃຫ້ການພົວພັນສອງຝ່າຍລະຫວ່າງ ຫວຽດນາມ ແລະ Croatia ໄດ້ເລິກເຊິ່ງກວ່າອີກ |
| ເວທີປາໄສ ອາຊຽນ - ຍີ່ປຸ່ນ ຄັ້ງທີ 39 |
 |
| ທ່ານນາຍົກລັດຖະມົນຕີ ຫວຽດນາມ ຟ້າມມິງຈິ໋ງ ໄດ້ມີການໂອ້ລົມເຈລະຈາກັບທ່ານນາຍົກລັດຖະມົນຕີ ສ.ເກົາຫຼີ Han Duck Soo ໃນວັນທີ 2 ກໍລະກົດ ປີ 2024. |
ບົນພື້ນຖານອັນໜັກແໜ້ນນັ້ນ, ການຢ້ຽມຢາມ ສ.ເກົາຫຼີ ຢ່າງເປັນທາງການຂອງທ່ານນາຍົກລັດຖະມົນຕີ ຟ້າມມິງຈິ໋ງ ພ້ອມດ້ວຍພັນລະຍາ ແລະ ຄະນະຜູ້ແທນຂັ້ນສູງລັດຖະບານ ຫວຽດນາມ ໄດ້ຮັບຜົນສຳເລັດອັນສະຫງ່າງາມ; ສະແດງໃຫ້ເຫັນຄວາມສະໜິດສະໜົມ, ຈິງໃຈ, ມີປະສິດທິຜົນ ແລະ ແທດຈິງ, ມຸ່ງໄປເຖິງອະນາຄົດອັນສົດໃສຂອງສອງປະເທດ.
ມຸ່ງໄປເຖິງການບຸລິມະສິດບັນດາຂົງເຂດຫາກໍ່ພົ້ນເດັ່ນຂຶ້ນ
ລັດຖະບານ ແລະ ປະຊາຊົນ ສ.ເກົາຫຼີ ໄດ້ໃຫ້ການຕ້ອນຮັບທ່ານນາຍົກລັດຖະມົນຕີ ຟ້າມມິງຈິ໋ງ, ພັນລະຍາ ແລະ ຄະນະຜູ້ແທນ ຫວຽດນາມ ຢ່າງສົມກຽດ, ອົບອຸ່ນ ແລະ ສະໜິດສະໜົມ. ທ່ານນາຍົກລັດຖະມົນຕີ ສ.ເກົາຫຼີ Han Duck Soo ແລະ ທ່ານນາຍົກລັດຖະມົນຕີ ຟ້າມມິງຈິ໋ງ ໄດ້ດຳເນີນການໂອ້ລົມເຈລະຈາຢ່າງສຳເລັດຜົນ ດ້ວຍຄວາມໄວ້ເນື້ອເຊື່ອໃຈ ແລະ ຄວາມເຂົ້າໃຈເຊິ່ງກັນ ແລະ ກັນ. 2 ຝ່າຍເນັ້ນໜັກວ່າ, ຫວຽດນາມ ແລະ ສ.ເກົາຫຼີ ມີຈຸດຄ້າຍຄືກັນຫຼາຍດ້ານຄື ດ້ານປະຫວັດສາດ, ວັດທະນະທຳ ແລະ ປະຊາຊົນ, ໃນນັ້ນມີຊາວ ຫວຽດນາມ ປະມານ 300.000 ຄົນພວມດຳລົງຊີວິດ, ຮ່ຳຮຽນ ແລະ ເຮັດວຽກຢູ່ ສ.ເກົາຫຼີ, ໃນຂະນະນັ້ນມີຊາວ ສ.ເກົາຫຼີ ປະມານ 200.000 ກ່ວາຄົນພວມທຳມາຫາກິນ ແລະ ດຳລົງຊີວິດຢູ່ ຫວຽດນາມ.
ທ່ານນາຍົກລັດຖະມົນຕີ ຟ້າມມິງຈິ໋ງ ສະເໜີໃຫ້ ສ.ເກົາຫຼີ ສືບຕໍ່ເປີດປະຕູໃຫ້ແກ່ສິນຄ້າທີ່ເປັນທ່າແຮງຂອງ ຫວຽດນາມ; ສົ່ງເສີມບັນດາວິສາຫະກິດຂອງ ສ.ເກົາຫຼີ ເປີດກວ້າງການລົງທຶນຢູ່ ຫວຽດນາມ, ພິເສດແມ່ນໃນຂົງເຂດໄຟຟ້າອາຍແກັສແຫຼວ (LNG), ເສດຖະກິດດີຈີຕອນ, ເສດຖະກິດສີຂຽວ, ເສດຖະກິດໝູນວຽນ, ທາດເຄິ່ງຊັກນຳໄຟຟ້າ, ພະລັງງານທົດແທນ, ເຕັກໂນໂລຢີຊີວະພາບ, ປັນຍາປະດິດ (AI); ເພິ່ມທະວີການກໍ່ສ້າງສູນຄົ້ນຄວ້າ ແລະ ພັດທະນາຢູ່ ຫວຽດນາມ.
ທີ່ການພົບປະລະຫວ່າງທ່ານ ຟ້າມມິງຈິ໋ງ ແລະ ທ່ານປະທານາທິບໍດີ ສ.ເກົາຫຼີ Yoon Suk Yeol, ການນຳ 2 ທ່ານ ໄດ້ເຫັນດີເປັນເອກະພາບຈະຮ່ວມມືຢ່າງແໜ້ນແຟ້ນ ເພື່ອເຮັດໃຫ້ການພົວພັນດ້ານເສດຖະກິດເຂົ້າສູ່ລວງເລິກ, ມີປະສິດທິຜົນ ແລະ ແທດຈິງ, ໂດຍຜ່ານນັ້ນ ກໍ່ປະກອບສ່ວນເຮັດໃຫ້ສຳເລັດເປົ້າໝາຍວົງເງິນການຄ້າສອງຝ່າຍໃຫ້ບັນລຸ 100 ຕື້ USD ໃນປີ 2025 ແລະ 150 ຕື້ USD ໃນປີ 2030 ຕາມທິດສົມດູນ ແລະ ຍືນຍົງ.
 |
| ທ່ານນາຍົກລັດຖະມົນຕີ ຫວຽດນາມ ຟ້າມມິງຈິ໋ງ ມີການໂອ້ລົມເຈລະຈາກັບທ່ານນາຍົກລັດຖະມົນຕີ ສ.ເກົາຫຼີ Han Duck Soo ໃນວັນທີ 2 ກໍລະກົດ ປີ 2024. |
ທ່ານນາຍົກລັດຖະມົນຕີ ຟ້າມມິງຈິ໋ງ ສະເໜີໃຫ້ 2 ຝ່າຍສົມທົບກັນສົ່ງເສີມບັນດາວິສາຫະກິດ ສ.ເກົາຫຼີ ເພີ່ມທະວີການລົງທຶນໃນບັນດາຂົງເຂດ ທາດເຄິ່ງຊັກນຳໄຟຟ້າ, ການຫັນເປັນດິຈິຕອນ, ຫັນເປັນສີຂຽວ, ເຕັກໂນໂລຊີຊີວະພາບ; ຊຸກຍູ້ລັດຖະບານ ສ.ເກົາຫຼີ ເພີ່ມທະວີການລົງທຶນໃນບັນດາໂຄງການທີ່ມີປະລິມານດ້ານເຕັກໂນໂລຢີສູງ ແລະ ມີມູນຄ່າເພີ່ມສູງ; ຮ່ວມມືໃນການຝຶກອົບຮົມຊັບພະຍາກອນມະນຸດໃນຂົງເຂດ ທາດເຄິ່ງຊັກນຳໄຟຟ້າ, hydrogen ແລະ AI. ໂດຍເຫັນດີກັບຂໍ້ສະເໜີນີ້, ທ່ານປະທານາທິບໍດີ ສ.ເກົາຫຼີ ກໍ່ສະເໜີໃຫ້ ລັດຖະບານ ແລະ ທ່ານນາຍົກລັດຖະມົນຕີ ຫວຽດນາມ ຟ້າມມິງຈິ໋ງ ສ້າງເງື່ອນໄຂເພື່ອໃຫ້ວິສາຫະກິດ ສ.ເກົາຫຼີ ໄດ້ເຂົ້າຮ່ວມບັນດາໂຄງການຈຸດສຸມຢູ່ ຫວຽດນາມ, ໃນນັ້ນມີບັນດາໂຄງການກ່ຽວກັບພະລັງງານ ແລະ ໄຟຟ້າອາຍແກັສແຫຼວ (LNG); ພ້ອມກັນນັ້ນ, ທ່ານກໍ່ຢືນຢັນວ່າ ຈະໜູນຊ່ວຍການບຳລຸງສ້າງແຫຼ່ງຊັບພະຍາກອນມະນຸດໃຫ້ ຫວຽດນາມ ເພື່ອຮັບໃຊ້ໃຫ້ແກ່ການພັດທະນາຂະແໜງເຕັກໂນໂລຢີ ທາດເຄິ່ງຊັກນຳໄຟຟ້າ ແລະ ເຕັກໂນໂລຊີສູງ...
ອາລົມຈິດທີ່ເລິກເຊິ່ງ ແລະສະໜິດຕິດພັນກັນ
ບໍ່ພຽງແຕ່ບັນດາການນຳເທົ່ານັ້ນ ຫາກບັນດາຜູ້ຊົງຄຸນວຸດທິ, ນັກປັນຍາຊົນ, ບັນດາອົງການຈັດຕັ້ງສັງຄົມກໍ່ຕີລາຄາສູງ ແລະ ຄອງຄອຍທ່ານນາຍົກລັດຖະມົນຕີ ຟ້າມມິງຈິ໋ງ ມາຢ້ຽມຢາມ ສ.ເກົາຫຼີ ຢ່າງເປັນທາງການ. ພວກຂ້າພະເຈົ້າຮູ້ສຶກປະຫຼາດໃຈ ແລະ ຕື້ນຕັນໃຈຕໍ່ຄວາມຮັກ ແລະ ຄວາມເຂົ້າໃຈອັນເລິກເຊິ່ງກ່ຽວກັບວັດທະນະທຳ ຫວຽດນາມ ທີ່ເພື່ອນມິດ ສ.ເກົາຫຼີ ໄດ້ສະແດງໃຫ້ເຫັນທີ່ການພົບປະກັບທ່ານນາຍົກລັດຖະມົນຕີ ຟ້າມມິງຈິ໋ງ. ທ່ານປະທານອົງການອາສາສະໝັກສາກົນ ສ.ເກົາຫຼີ Yun Eun Ho ຕີລາຄາວ່າ 2 ປະເທດມີຄວາມຄ້າຍຄືກັນໃນຫຼາຍດ້ານຄື ວັດທະນະທຳ ແລະ ປະຫວັດສາດ, ນັ້ນແມ່ນສາຍເຫດທີ່ເຮັດໃຫ້ປະຊາຊົນສອງປະເທດມີຄວາມໃກ້ຊິດຕິດພັນກັນ.
ສ່ວນທ່ານນາຍົກລັດຖະມົນຕີ ຫວຽດນາມ ຟ້າມມິງຈິ໋ງ ສະແດງຄວາມປິຕິຊົມຊື່ນ ແລະ ຮູ້ສຶກຕື້ນຕັນໃຈທີ່ໄດ້ພົບປະກັບເພື່ອນມິດສະຫາຍທີ່ສະໜິດສະໜົມຂອງຊາວ ຫວຽດນາມ, ຜູ້ທີ່ໄດ້ສືບທອດ, ບຳລຸງສ້າງ ແລະ ປະກອບສ່ວນຢ່າງບໍ່ຢຸດຢັ້ງ, ອຸທິດສ່ວນໃຫ້ແກ່ການພົວພັນລະຫວ່າງ ຫວຽດນາມ - ສ.ເກົາຫຼີ ເປັນເວລາ 30 ກວ່າປີທີ່ຜ່ານມາ.
ຂອບຟ້າໃໝ່ໄດ້ໄຂອອກໃຫ້ແກ່ການຮ່ວມມືໃໝ່
ການພົວພັນຮ່ວມມືລະຫວ່າງ ຫວຽດນາມ ແລະ ສ.ເກົາຫຼີ ໄດ້ກຳນົດວ່າ ເປັນສາຍພົວພັນທີ່ນຳມາເຊິ່ງຜົນປະໂຫຍດອັນແທດຈິງໃຫ້ທັງ 2 ປະເທດແຕ່ດົນນານ, ຍາມໃດກໍ່ຊ່ວຍຊູກັນ, ຊ່ວຍເຫຼືອເຊິ່ງກັນ ແລະ ກັນພັດທະນາ ແລະ ພື້ນທີ່ໃຫ້ແກ່ການຮ່ວມມືດ້ານເສດຖະກິດຍັງໃຫຍ່ຫຼວງ. ໂດຍໃຫ້ບຸລິມະສິດການຮ່ວມມືໃນບັນດາຂົງເຂດທີ່ພົ້ນເດັ່ນຂຶ້ນຄື: ປັນຍາປະດິດ (AI), ແຜງວົງຈອນທາດເຄິ່ງຊັກນຳໄຟຟ້າ, ເສດຖະກິດສີຂຽວ... ແມ່ນບັນດາຫົວຂໍ້ຈຸດສຸມທີ່ບັນດາເວທີປາໄສ ແລະ ປຶກສາຫາລືກັບບັນດາວິສາຫະກິດ ແລະ ນັກວິທະຍາສາດ ສ.ເກົາຫຼີ.
 |
| ທ່ານນາຍົກລັດຖະມົນຕີ ຫວຽດນາມ ຟ້າມມິງຈິ໋ງ ໄດ້ໃຫ້ການຕ້ອນຮັບການນຳກຸ່ມບໍລິສັດ Daewoo E&C. |
ທີ່ເວທີປາໄສວິສາຫະກິດ ຫວຽດນາມ - ສ.ເກົາຫຼີ, ບັນດາວິສາຫະກິດ 2 ຝ່າຍໄດ້ຕີລາຄາສູງສະພາບແວດລ້ອມແຫ່ງການລົງທຶນດຳເນີນທຸລະກິດຂອງ ຫວຽດນາມ, ກໍ່ຄືບັນດາຂົງເຂດໃໝ່ເຊິ່ງ ຫວຽດນາມ ໃຫ້ບຸລິມະສິດ; ສະເໜີໃຫ້ປະຊາຄົມວິສາຫະກິດ 2 ປະເທດຕ້ອງຊຸກຍູ້ການຮ່ວມມືດ້ານເສດຖະກິດ, ການຄ້າ ແລະ ການລົງທຶນ, ພິເສດແມ່ນບັນດາໂຄງການລົງທຶນຂະໜາດໃຫຍ່ເຂົ້າໃນບັນດາຂົງເຂດຈຸດສຸມ; ປັບປຸງລະບົບການສະຫນອງ ແລະ ຕ່ອງໂສ້ການຜະລິດທົ່ວໂລກຕໍ່ກັບການຜັນແປຂອງໂລກໃນປັດຈຸບັນ.
ໂດຍການແບ່ງປັນທີ່ເວທີປາໄສ, ທ່ານນາຍົກລັດຖະມົນຕີ ຫວຽດນາມ ຟ້າມມິງຈິ໋ງ ສະເໜີໃຫ້ບັນດາວິສາຫະກິດ ສ.ເກົາຫຼີ ສືບຕໍ່ລົງທຶນ, ເປີດກວ້າງການລົງທຶນຢູ່ ຫວຽດນາມ, ສົມທົບກັນບຳລຸງສ້າງແຫຼ່ງຊັບພະຍາກອນມະນຸດທີ່ມີຄຸນນະພາບສູງ, ພິເສດແມ່ນໃນບັນດາຂົງເຂດ ທາດເຄິ່ງຊັກນຳໄຟຟ້າ, ປັນຍາປະດິດ (AI), ຫັນເປັນດີຈີຕອນ, ຫັນເປັນສີຂຽວ (hydrogen), ພະລັງງານທົດແທນ, ເຕັກໂນໂລຊີຊີວະພາບ, ຕົວເມືອງອັດສະລິຍະ...
ເນື່ອງໃນໂອກາດການຢ້ຽມຢາມທີ່ມີຄວາມໝາຍສຳຄັນພິເສດນີ້, ກ່າວຄຳປາໄສກ່ຽວກັບນະໂຍບາຍຢູ່ມະຫາວິທະຍາໄລແຫ່ງຊາດ Seoul (SNU), ທ່ານນາຍົກລັດຖະມົນຕີ ຟ້າມມິງຈິ໋ງ ເນັ້ນໜັກວ່າ: ການພົວພັນຮ່ວມມືມິດຕະພາບລະຫວ່າງ ຫວຽດນາມ - ສ.ເກົາຫຼີ ຈະນັບມື້ນັບພັດທະນາຢ່າງແຂງແຮງ, ມີປະສິດທິຜົນ ແລະ ຍືນຍົງ ດ້ວຍອະນາຄົດທີ່ສົດໃສຢູ່ທາງດ້ານໜ້າ - ຍ້ອນບັນດາປັດໄຈພື້ນຖານສຳຄັນຂອງສອງປະເທດ, ພິເສດແມ່ນ: ຄວາມຕັດສິນໃຈດ້ານການເມືອງ, ເຈດຈຳນົງ ແລະ ຈິດໃຈການຊີ້ນຳຢ່າງຂ້ຽວຂາດຂອງການນຳ 2 ປະເທດ; ຍ້ອນມີຜົນປະໂຫຍດທີ່ຄ້າຍຄືກັນ ແລະ ຄວາມຄ້າຍຄືກັນດ້ານວັດທະນະທຳ ແລະ ຮີດຄອງປະເພນີລະຫວ່າງປະຊາຊົນສອງປະເທດ; ຄວາມສະໜິດຕິດພັນດ້ານພື້ນຖານສັງຄົມ, ຄວາມສະໜິດຕິດພັນແບບພິເສດລະຫວ່າງປະຊາຊົນ ແລະ ປະຊາຄົມວິສາຫະກິດ 2 ປະເທດ.
 | ຮ່າຕິ້ງ ແລະບໍລິຄໍາໄຊ ຍູ້ແຮງການພົວພັນມິດຕະພາບ, ການຮ່ວມມື ຍສໝ - ສອງແຂວງຮ່າຕິ້ງ-ບໍລິຄຳໄຊ ສົມທົບກັນຮັບປະກັນຄວາມໝັ້ນຄົງ, ຄວາມເປັນລະບຽບຮຽບຮ້ອຍຢູ່ຊາຍແດນ; ສືບຕໍ່ຮ່ວມມືພັດທະນາເສດຖະກິດ, ວັດທະນະທຳ, ສັງຄົມ ແລະເພີ່ມທະວີຮັດແໜ້ນສາຍພົວພັນມິດຕະພາບທີ່ເປັນມູນເຊື້ອລະຫວ່າງສອງແຂວງ. |
 | ສະເໜີໃຫ້ພັດທະນາ “ໝູ່ບ້ານ ຫວຽດນາມ” ຢູ່ Bonghwa (ແຂວງ Kyungsang ເໜືອ, ສ.ເກົາຫຼີ) ກາຍເປັນໂຄງການຮ່ວມມືແລກປ່ຽນວັດທະນະທຳລະດັບຊາດ ຍສໝ - ນີ້ແມ່ນຂໍ້ສະເໜີຂອງອຳນາດການປົກຄອງແຂວງ Kyungsang ເໜືອ ແລະ ເມືອງ Bonghwa ທີ່ການພົບປະເຮັດວຽກກັບ ທ່ານລັດຖະມົນຕີກະຊວງວັດທະນະທຳ, ກິລາ ແລະ ການທ່ອງທ່ຽວ ສ.ເກົາຫຼີ Yoo In-chon ໃນວັນທີ 13 ມີຖຸນາ. |
ມິງດຶກ
