ຄະນະຜູ້ແທນ ລາວ ນໍາໂດຍຄໍາລາວັນ ຈັນທະລາວັນ ປະທານອົງການກາແດງແຫ່ງຊາດລາວ ເປັນຫົວໜ້າຄະນະ. ທ່ານນາງ ປອ ບຸ່ຍທິຮວ່າ, ປະທານສູນກາງສະພາກາແດງ ຫວຽດນາມ ເປັນປະທານກອງປະຊຸມ.
ກອງປະຊຸມໄດ້ດຳເນີນການຕີລາຄາເບື້ອງຕົ້ນ 2 ປີແຫ່ງການປະຕິບັດບົດບັນທຶກຊ່ວຍຈຳກ່ຽວກັບການຮ່ວມມືລະຫວ່າງສະພາກາແດງສອງປະເທດໄລຍະ ປີ 2022-2027, ບົດບັນທຶກຊ່ວຍຈຳກ່ຽວກັບການຮ່ວມມືລະຫວ່າງສະພາກາແດງ ຫວຽດນາມ, ອົງການກາແດງແຫ່ງຊາດ ລາວ ແລະ ບໍລິສັດ SIPCO ໄລຍະ ປີ 2022-2024;
 |
| ຜູ້ຕາງໜ້າສະພາກາແດງ ຫວຽດນາມ ແລະ ການນໍາບໍລິສັດ SIPCO ໄດ້ມອບເງິນອຸປະຖຳໃຫ້ແກ່ໂຄງການກໍ່ສ້າງໂຮງໝໍ Little Napeng ຢູ່ແຂວງ ວຽງຈັນ - ລາວ, ດ້ວຍມູນຄ່າ 150.000 USD. |
ນັກລາຍງານຂອງສະພາກາແດງ ຫວຽດນາມ ໄດ້ແລກປ່ຽນຂໍ້ມູນຂ່າວສານກ່ຽວກັບວຽກງານວິຊາສະເພາະຂອງສະພາ, ແບ່ງປັນປະສົບການກ່ຽວກັບວິທີການລະດົມ ແລະ ຜັນຂະຫຍາຍບັນດາໂຄງການປັບຕົວເຂົ້າກັບການປ່ຽນແປງຂອງດິນຟ້າອາກາດ, ວຽກງານປະຖົມພະຍາບານ ແລະ ສະກັດກັ້ນ, ຮັບມືກັບໄພພິບັດ; ການຢ້ຽມຢາມຕົວຈິງກັບຮູບແບບການເຄື່ອນໄຫວທີ່ເປັນແບບຢ່າງຂອງສະພາກາແດງນະຄອນ ດານັງ.
ທ່ານນາງ ບຸ່ຍທິຮວ່າ ໃຫ້ຮູ້ວ່າ: ໃນຊຸມປີຜ່ານມາ, ສະພາກາແດງ ຫວຽດນາມ ແລະ ອົງການກາແດງແຫ່ງຊາດ ລາວ ໄດ້ດຳເນີນການເຄື່ອນໄຫວຮ່ວມມືແບບຄູ່ຮ່ວມມືສອງຝ່າຍ ແລະ ບັນລຸໄດ້ບັນດາໝາກຜົນທີ່ສຳຄັນໃນການເຄື່ອນໄຫວຮ່ວມມືດ້ານມະນຸດສະທຳ ເຊັ່ນ: ແລກປ່ຽນຄະນະຜູ້ແທນທຸກຂັ້ນ ເພື່ອແນໃສ່ແບ່ງປັນ ແລະ ຮຽນຮູ້ປະສົບການ, ໜູນຊ່ວຍ ແລະ ຊ່ວຍເຫຼືອເຊິ່ງກັນ ແລະ ກັນ ເມື່ອເກີດໄພພິບັດທຳມະຊາດ;
 |
| ຄະນະຜູ້ແທນອົງການກາແດງຂອງສອງປະເທດໄດ້ຖ່າຍຮູບທີ່ລະນຶກ |
ໂດຍປະສານສົມທົບໃນການເຄື່ອນໄຫວວຽກງານເບິ່ງແຍງດູແລສຸຂະພາບ ແລະ ສະກັດກັ້ນ, ຮັບມືກັບໄພພິບັດ ເຊັ່ນ: ການໂຄສະນາເຜີຍແຜ່ການຕ້ານ ແລະ ສະກັດກັ້ນພະຍາດຢູ່ບັນດາແຂວງຊາຍແດນ; ໜູນຊ່ວຍ ແລະ ຊ່ວຍເຫຼືອໃນດ້ານການຝຶກອົບຮົມ, ຍົກສູງຄວາມສາມາດໃຫ້ແກ່ຖັນແຖວພະນັກງານສະພາກາແດງ.
ໂດຍໜູນຊ່ວຍໂຄງການໜູນຊ່ວຍການຫາລ້ຽງຊີບໃຫ້ຄົວເຮືອນ ແລະ ໂດຍສະເພາະແມ່ນໂຄງການໜູນຊ່ວຍການແຈກເຕົາປະຢັດພະລັງງານ ແລະ ຂວດຕອງນໍ້າ ໃຫ້ແກ່ບັນດາຄອບຄົວທີ່ປະສົບກັບຄວາມຫຍຸ້ງຍາກຢູ່ ສປປ ລາວ ໂດຍໄດ້ຮັບການອຸປະຖຳຈາກບໍລິສັດ SIPCO.
ທີ່ກອງປະຊຸມ, ການນຳບໍລິສັດ SIPCO ໄດ້ມອບເງິນອຸປະຖຳໂຄງການກໍ່ສ້າງໂຮງໝໍ Little Napeng ຢູ່ແຂວງ ວຽງຈັນ - ລາວ, ດ້ວຍມູນຄ່າ 150.000 USD. ໂຄງການໄດ້ເລີ່ມລົງມືກໍ່ສ້າງຢ່າງເປັນທາງການໃນກາງເດືອນ ມິຖຸນາ ແລະ ຄາດວ່າຈະໃຫ້ສໍາເລັດໃນທ້າຍເດືອນ ກັນຍາ.
 | ສະມາຊິກລັດຖະສະພາ ອາເມລິກາ ພ້ອມແລ້ວທີ່ຈະຮ່ວມມື, ໜູນຊ່ວຍ ຫວຽດນາມ ແກ້ໄຂຜົນຮ້າຍຂອງສົງຄາມ ຍສໝ - ທີ່ການພົບປະກັບທ່ານຮອງປະທານຄະນະກຳມະການປະຊາຊົນນະຄອນ ໂຮ່ຈິມິນ ຫວໍວັນຮວ່ານ ວັນທີ 26 ມັງກອນ ຢູ່ນະຄອນ ໂຮ່ຈິມິນ, ຄະນະຜູ້ແທນສະພາແຫ່ງຊາດ ອາເມລິກາ ໂດຍທ່ານນາງ Young Kim, ປະທານອະນຸກຳມະການການຕ່າງປະເທດສະພາຕ່ຳກ່ຽວກັບ ມະຫາສະໝຸດອິນເດຍ - ປາຊີຟິກ ໃຫ້ຮູ້ວ່າ ຍາມໃດກໍ່ມີຄວາມສົນໃຈ, ພ້ອມແລ້ວທີ່ຈະຮ່ວມມືໜູນຊ່ວຍ ຫວຽດນາມ ໃນການແກ້ໄຂບັນດາບັນຫາທີ່ກ່ຽວຂ້ອງເຖິງຜົນຮ້າຍຂອງສົງຄາມ ແລະ ... |
 | ຫວຽດນາມ - ລາວ: ກໍ່ສ້າງອຸດົມການຮ່ວມກັນ: ການຮ່ວມມືດ້ານອຸດົມຄະຕິ ແລະ ທິດສະດີ ແລະ ກໍ່ສ້າງພັກແມ່ນຫຼັກໝັ້ນຂອງການພົວພັນທາງການເມືອງ ຫວຽດນາມ - ລາວ. ຍສໝ - ນັ້ນແມ່ນເນື້ອໃນຈິດໃຈຕົ້ນຕໍໃນການໃຫ້ສຳພາດຕໍ່ວາລະສານ ຍຸກສະໄໝ ໂດຍທ່ານຮອງສາດສະດາຈານ, ປະລິນຍາເອກ, ຮອງປະທານສະພາທິດສະດີສູນກາງ, ທ່ານ ຟ້າມວັນລີງ ກ່ຽວກັບການພົວພັນ ຫວຽດນາມ - ລາວ ໃນການຮ່ວມມືກໍ່ສ້າງພື້ນຖານອຸດົມການ ແລະ ກໍ່ສ້າງພັກ. |
ມິງດຶກ
