| ການທ່ອງທ່ຽວ ດ້ຽນບຽນ ເລີ່ມຕົ້ນສີສັນໃໝ່ | |
| ຫວຽດນາມ ຊຸກຍູ້ການຮ່ວມມືດ້ານການທ່ອງທ່ຽວໃນກຸ່ມອາຊຽນ |
ຂໍ້ມູນນີ້ ໂດຍທ່ານ ຫງວຽນຈຸງແຄ໋ງ, ຫົວໜ້າກົມທ່ອງທ່ຽວແຫ່ງຊາດ ຫວຽດນາມ ໃຫ້ຮູ້ທີ່ການໂອ້ລົມເຈລະຈາ “ແກ້ໄຂເພື່ອຂະແໜງການທ່ອງທ່ຽວສ້າງບາດກ້າວບຸກທະລຸ” ທີີ່ໄດ້ຈັດຂຶ້ນໃນວັນທີ 12 ມີນາ.
ຕາມທ່ານ ແຄ໋ງ ແລ້ວ, ປີ 2024 ຂະແໜງການທ່ອງທ່ຽວມີເປົ້າໝາຍຄວາມຕັ້ງຫວັງສູງ, ເຊິ່ງຈະຕ້ອນຮັບນັກທ່ອງທ່ຽວສາກົນ 17-18 ລ້ານເທື່ອຄົນ, ນັກທ່ອງທ່ຽວພາຍໃນ 110 ລ້ານເທື່ອຄົນ. ແລະ ໜຶ່ງໃນຫຼາຍການແກ້ໄຂການປະຕິບັດແມ່ນ ກົມຫາກໍ່ສຳເລັດການວາງແຜນການທ່ອງທ່ຽວ 2025-2030 ວິໄສທັດຮອດປີ 2045, ພວມລໍຖ້າການອະນຸມັດຈາກນາຍົກລັດຖະມົນຕີ, ການກຳນົດທິດພັດທະນາທົ່ວທັງຂະແໜງ.
ກົມ ກໍໄດ້ກໍານົດຄວາມຕ້ອງການໃນການປ່ຽນແປງວິທີການສົ່ງເສີມການຄ້າ ໂດຍອີງໃສ່ພາກສ່ວນຕ່າງໆເຊັ່ນ ການທ່ອງທ່ຽວຊຸມຊົນ, ການດູແລສຸຂະພາບ, ຊົນນະບົດ, MICE (ການທ່ອງທ່ຽວສົມທົບກັບກອງປະຊຸມ), golf, ການທ່ອງທ່ຽວທາງລົດໄຟ.
 |
| ຫວຽດນາມ ຈະເປີດຫ້ອງການສົ່ງເສີມການທ່ອງທ່ຽວແຫ່ງທຳອິດຢູ່ນະຄອນຫຼວງ ວຽງຈັນ (ລາວ). |
ໃນນັ້ນ, ສົ່ງເສີມການສ້າງຕັ້ງຫ້ອງການສົ່ງເສີມການຄ້າການການທ່ອງທ່ຽວຢູ່ຕ່າງປະເທດ. ຕາມທ່ານ ແຄ໋ງ ແລ້ວ, ນີ້ແມ່ນຈຸດອ່ອນຂອງ ຫວຽດນາມ ເມື່ອທຽບໃສ່ກັບບັນດາປະເທດ ແລະ ກ່ອນອື່ນໝົດ ແມ່ນເປີດຫ້ອງການຢູ່ນະຄອນວຽງຈັນ (ລາວ) ເພື່ອເຊື່ອມຕໍ່ລູກຄ້າຈາກບັນດາທ້ອງຕະຫຼາດ ໄທ, ກຳປູເຈຍ...
ທ່ານ ຫງວຽນກວກກີ, ປະທານບໍລິສັດ Vietravel Holdings ໃຫ້ຮູ້ວ່າ ໃນຂະນະທີ່ພວມລໍຖ້າຫ້ອງການສົ່ງເສີມການທ່ອງທ່ຽວ ຫວຽດນາມ ຢູ່ຕ່າງປະເທດ, ຂະແໜງການທ່ອງທ່ຽວ ສາມາດໝູນໃຊ້ຫ້ອງການຜູ້ຕາງໜ້າຂອງບັນດາວິສາຫະກິດ ທີ່ພວມມີຢູ່ແລ້ວຢູ່ຕ່າງປະເທດ. ວິສາຫະກິດນີ້ ຫາກໍເປີດຫ້ອງການຢູ່ ອີນເດຍ ຄຽງຄູ່ກັບບັນດາບ່ອນທີ່ມີຢູ່ແລ້ວຄື ອົດສະຕາລີ, ອາເມລິກາ, ຝຣັ່ງ....
ນັກເຕະບານ ບຣາຊິນ ກຸ່ມໜຶ່ງ ຈະເຂົ້າມານະຄອນ ດານັງ
ທີ່ການໂອ້ລົມເຈລະຈາ, ທ່ານນາງ ຫງວຽນທິຮວ່າຍອານ, ຮອງຜູ້ອຳນວຍການພະແນກທ່ອງທ່ຽວນະຄອນ ດານັງ ໄດ້ເປີດເຜີຍພາຍຫຼັງການຕ້ອນຮັບ ທ່ານເສດຖີເງິນຕື້ Bill Gates ວ່າ ໃນເດືອນ ເມສາ ນະຄອນ ດານັງ ຈະແມ່ນຈຸດນັດພົບຂອງບັນດານັກເຕະບານທີ່ມີຊື່ສຽງຂອງ ບຣາຊິນ ເຊັ່ນ: Kaka, Lucio, Ronaldo... ໃນງານແລກປ່ຽນກັບແຟນບານ.
ໃນໄລຍະທີ່ຜ່ານມາ, ນະຄອນ ດານັງ ແມ່ນຈຸດໝາຍປາຍທາງຂອງບັນດານັກທ່ອງທ່ຽວທີ່ມີລາຍຈ່າຍສູງ, ບັນດານັກທ່ອງທ່ຽວທີ່ມີຊື່ສຽງມາພັກເຊົາ, ແຂກ MICE ມາປະຊຸມ, ແຂກຖ່າຍລາຍການສະແດງ... ອັນຳດ້ນຳມາເຊິ່ງຄຸນຄ່າຮັບຮູ້ພາບພົດ, ເປັນຈຸດໝາຍປາຍທາງຊັ້ນສູງ, ປະກອບສ່ວນເຂົ້າໃນການດຶງດູດນັກທ່ອງທ່ຽວສາກົນ.
ນີ້ແມ່ນສັນຍານທີ່ດີ ແລະ ຕີລາຄາປະສິດທິຜົນຂອງວຽກງານສື່ສານສົ່ງເສີມໄດ້ສ່ວນໃດໜຶ່ງ ຂອງຂະແໜງການທ່ອງທ່ຽວຂອງນະຄອນໃນຊຸມປີທີ່ຜ່ນມານີ້.
ຫວ່າງມໍ່ໆມານີ້, ທ່ານມະຫາເສດຖີເຕັກໂນໂລຢີແຖວໜ້າຂອງໂລກ Bill Gates ໄດ້ມາຍັງນະຄອນ ດານັງເປັນເວລາຍາວນານ, ໄດ້ສະແດງໃຫ້ເຫັນຄວາມສາມາດໃນການສະໜອງການບໍລິການການຕ້ອນຮັບແຂລະດັບສູງ, ພ້ອມກັນນັ້ນ ກໍຢືນຢັນຄວາມສາມາດບົ່ມຊ້ອນດ້ານການຂຸດຄົ້ນບັນດາຜະລິດຕະພັນທ່ອງທ່ຽວແບບລົງຕົວຈິງ ອີງຕາມຄຸນຄ່າຫຼັກແຫຼ່ງແກ່ນສານຂອງວັດທະນະທຳປະຫວັດສາດ ແລະ ທຳມະຊາດ.
“ນອກຈາກຄົນຮັ່ງມີທີ່ສຸດແລ້ວ, ພວກຂ້າພະເຈົ້າ ຍັງມຸ່ງໄປເຖິງບັນດາຜະລິດຕະພັນທີ່ຈັດງານແຕ່ງດອງຂອງແຂກ ອິນເດຍ ແລະ ບັນດາຄູ່ບ່າວສາວສາກົນທີ່ປາດຖະໜາຢາກຈັດງານແຕ່ງດອງຢູ່ ຫວຽດນາມ ແລະ ມີສື່ມວນຊົນຕາມທິດທາງນີ້", ທ່ານນາງ ຮວ່າຍອານ ແບ່ງປັນທິດທາງຂອງຂະແໜງການທ່ອງທ່ຽວ.
ມິງດຶກ
