| ກອງປະຊຸມພົບປະແລກປ່ຽນປະຈຳປີລະຫວ່າງຕຳຫຼວດເມືອງ ເມືອງໃໝ່ (ແຂວງ ຜົ້ງສາລີ, ລາວ) ແລະ ຕຳຫຼວດເມືອງ ດ້ຽນບຽນ | |
| ແຂວງ ດ້ຽນບຽນ ແລະ ແຂວງຫຼວງພະບາງ ປະສານສົມທົບໃນການຕ້ານອາດຊະຍາກຳ |
ປີ 2024, ແຂວງ ດ້ຽນບຽນ ເປັນເຈົ້າພາບຈັດປີທ່ອງທ່ຽວແຫ່ງຊາດ ແລະ ສ້າງເປັ້າໝາຍຕ້ອນຮັບແຂກທ່ອງທ່ຽວ 1,3 ລ້ານເທື່ອຄົນ ດ້ວຍລາຍຮັບທັງໝົດປະມານ 2.200 ຕື້ດົ່ງ. ຕາມຫ້ອງການຄຸ້ມຄອງການທ່ອງທ່ຽວ, ພະແນກວັດທະນະທຳ, ກິລາ ແລະ ທ່ອງທ່ຽວແຂວງແລ້ວ, ພຽງແຕ່ໃນໂອກາດບຸນເຕັດ, ຈຳນວນແຂກທ່ອງທ່ຽວທີ່ມາຢ້ຽມຢາມ ດ້ຽນບຽນ ໄດ້ເພີ່ມຂຶ້ນຫຼາຍເທົ່າເມື່ອທຽບໃສ່ໄລຍະດຽວກັນຂອງປີ 2023, ໄລຍະເວລາພັກເຊົາຢູ່ຂອງນັກທ່ອງທ່ຽວ ໄດ້ເພີ່ມຂຶ້ນຢ່າງເຫັນໄດ້ຊັດ. ນີ້ໄດ້ຮັບຖືວ່າເປັນສັນຍານທີ່ດີ, ເລີ່ມຕົ້ນສີສັນໃໝ່ໃຫ້ປີທ່ອງທ່ຽວຂອງແຂວງ ດ້ຽນບຽນ.
ທ່ານ ຟ້າມວັນຖັງ, ຫົວໜ້າຫ້ອງການຄຸ້ມຄອງການທ່ອງທ່ຽວ ໃຫ້ຮູ້ວ່າ ແຕ່ວັນທີ 8 – 18 ກຸມພາ (ຄືແຕ່ວັນທີ 29 ເດືອນ 12 ຫາວັນທີ 9 ເດືອນຈຽງ ໄລ່ຕາມຈັນທະປະຕິທິນ), ຈຳນວນນັກທ່ອງທ່ຽວໃນບໍລິເວນແຂວງ ດ້ຽນບຽນ ໄດ້ເພີ່ມຂຶ້ນ 3,8 ເທົ່າເມື່ອທຽບໃສ່ໄລຍະດຽວກັນຂອງປີ 2023. ໃນນັ້ນ, ຈຳນວນນັກທ່ອງທ່ຽວໃນວັນພັກບຸນເຕັດປີມະໂລງ 2024 ບັນລຸເກືອບ 84.000 ເທື່ອຄົນ. ເປັນໜ້າສົນໃຈແມ່ນ, ແຂກພັກເຊົາບັນລຸເກືອບ 23.000 ຄັ້ງ; ສະມັດຕະພາບນຳໃຊ້ຫ້ອງຢູ່ໃນຮາກຖານທີ່ພັກເຊົາ ບັນລຸສະເລ່ຍຫຼາຍກ່ວາ 40%. ຍອດລາຍຮັບຈາກການເຄື່ອນໄຫວທ່ອງທ່ຽວບັນລຸເກືອບ 150 ຕື້ດົ່ງ, ເພີ່ມຂຶ້ນ 3,84 ເທົ່າເມື່ອທຽບໃສ່ໄລຍະດຽວກັນຂອງປີ 2023.
 |
| ຮູບແຕ້ມ Panorama ກ່ຽວກັບ ບັ້ນຮົບ ດ້ຽນບຽນຟູ ຢູ່ຫໍພິພິທະພັນໄຊຊະນະປະຫວັດສາດ ດ້ຽນບຽນຝູ |
ພົ້ນເດັ່ນແມ່ນຫໍພິພິທະພັນໄຊຊະນະປະຫວັດສາດ ດ້ຽນບຽນຝູ ແລະ ບັນດາຈຸດຮ່ອງຮອຍຂຶ້ນກັບປລະບົບຮ່ອງຮອຍສະໜາມຮົບ ດ້ຽນບຽນຝູ, ໃນໂອກາດບຸນເຕັດທີ່ຜ່ານມາ ໄດ້ຕ້ອນຮັບແຂກທ່ອງທ່ຽວເກືອບ 8.000 ເທື່ອຄົນ. ທ່ານນາງ ຫວູທິຕຽດງາ, ຜູ້ອຳນວຍການຫໍພິພິທະພັນ ໃຫ້ຮູ້ວ່າ ຫົວໜ່ວຍນີ້ປິດພຽງແຕ່ວັນທີ 1 ບຸນເຕັດ (ໄລ່ຕາມຈັນທະປະຕິທິນ), ສ່ວນມື້ທີ່ຍັງເຫຼືອແມ່ນເປີດໃຫ້ລູກຄ້າໄດ້ເຂົ້າຊົມປົກກະຕິ. ເນື່ອງໃນໂອກາດນີ້, ຈຳນວນນັກທ່ອງທ່ຽວຈາກພາຍນອກແຂວງມາຢ້ຽມຊົມຫໍພິພິທະພັນໄດ້ເພີ່ມຂຶ້ນຢ່າງຈະແຈ້ງ.
ໂດຍເລືອກເອົາ ດ້ຽນບຽນ ເປັນສະຖານທີ່ທ່ອງທ່ຽວໃນຕົ້ນປີໃໝ່, ທ່ານ ຫງວຽນວັນຮຸ່ງ (ເມືອງ ໂງກວ່ຽນ, ນະຄອນ ຫາຍຟ່ອງ) ພ້ອມກັບຄອບຄົວໄດ້ມີບັນດາການລົງຕົວຈິງທີ່ໜ້າຈັບໃຈ ເມື່ອໄປຮອດດິນແດນປະຫວັດສາດແຫ່ງນີ້. ທ່ານ ຮຸ່ງ ໃຫ້ຮູ້ວ່າ ຄອບຄົວຂອງຕົນ ໄດ້ຈອງປີ້ຍົນຈາກ ໂນຍບ່າຍ ໄປ ດ້ຽນບຽນ ແຕ່ກ່ອນແລ້ວ, ທຸກຄົນກໍມີຄວາມກະຕືລືລົ້ນຍ້ອນບໍ່ເຄີຍໄປ ດ້ຽນບຽນ. ໃນເວລາພັກເຊົາຢູ່ທີ່ນີ້, ຄອບຄົວ ກໍໄດ້ໄປຖະຫວາຍທູບທຽນຢູ່ວິຫານບູຊານັກຮົບສະຫຼະຊີວິດເພື່ອຊາດຢູ່ສະໜາມຮົບ ດ້ຽນບຽນຝູ, ສຸສານນັກຮົບສະຫຼະຊີວິດເພື່ອຊາດ A1, ໄປຢ້ຽມຢາມອະນຸສາວະລີໄຊຊະນະ, ອຸມົງ ເດືກ໋າດ, ຫໍພິພິທະພັນໄຊຊະນະປະຫວັດສາດ ດ້ຽນບຽນຝູ..., ຊິມບັນດາອາຫານທີ່ເຂັ້ມຂຸ້ນໄປດ້ວຍລັກສະນະສະເພາະດ້ານວັດທະນະທໍາຂອງຊົນເຜົ່າໃນບໍລິເວນ. ນີ້ແມ່ນການເດີນທາງທ່ອງທ່ຽວທີ່ໜ້າຈົດຈຳຫຼາຍສຳລັບຄອບຄົວຂອງລາວ ກັບບັນດາການລົງຕົວຈິງທີ່ມີຄວາມແຕກຕ່າງຢ່າງແທ້ຈິງ...
ເຂດທ່ອງທ່ຽວພັກຕາກອາກາດ Him Lam Resort, ສະເລ່ຍແຕ່ລະມື້ທີ່ຜ່ານມາໄດ້ຕ້ອນຮັບນັກທ່ອງທ່ຽວປະມານ 3.000 ເທື່ອຄົນ. ທ່ານ ບຸ່ຍແອງຕ໋ຽນ, ອຳນວຍການກຸ່ມການຄ້າ ແລະ ການບໍລິການຂອງ Him Lam Resort ໃຫ້ຮູ້ວ່າ ກ່ອນບຸນເຕັດ, ແຂກທ່ອງທ່ຽວໄດ້ຈອງຫ້ອງພັກຫຼາຍກວ່າ 70%. ໃນໄລຍະບຸນດອກບານທີ່ຈະດຳເນີນໃນເດືອນ ມີນາ ແລະ ງານສະເຫຼີມສະຫຼອງ 70 ປີແຫ່ງວັນໄຊຊະນະ ດ້ຽນບຽນຝູ ໃນເດືອນ ພຶດສະພາ ນັ້ນ, ປະມານ 70% ຂອງຫ້ອງພັກໄດ້ຮັບການຈອງຈາກນັກທ່ອງທ່ຽວແລ້ວ. ກ່ອນໜ້ານີ້, ໜ່ວຍງານໄດ້ເປັນເຈົ້າການລົງທຶນຫຼາຍຕື້ດົ່ງເພື່ອຍົກລະດັບ, ດັດແປງບາງລາຍການ, ຍົກລະດັບຮາກຖານວັດຖຸໃຫ້ທັນສະໄໝ ເພື່ອຕອບສະໜອງຄວາມຕ້ອງການຂອງລູກຄ້າທີ່ນັບມື້ນັບເພີ່ມຂຶ້ນ.
ເພື່ອສືບຕໍ່ດຶງດູດນັກທ່ອງທ່ຽວນັບແຕ່ຕົ້ນປີ, ພິເສດແມ່ນນັບແຕ່ນີ້ຮອດວັນສະເຫຼີມສະຫຼອງ 70 ປີແຫ່ງວັນໄຊຊະນະ ດ້ຽນບຽນຝູ, ຄະນະກຳມະການປະຊາຊົນແຂວງ ກໍໄດ້ວາງອອກ ແລະ ຜັນຂະຫຍາຍຫຼາຍແຜນການຄື: ປະຕິບັດບັນດາການເຄື່ອນໄຫວເຊື່ອມໂຍງ, ຮ່ວມມືພັດທະນາການທ່ອງທ່ຽວ 8 ແຂວງພາກຕາເວັນຕົກສ່ຽງເໜືອ ເປີດກວ້າງ ແລະ ນະຄອນໂຮ່ຈິມິນ ໃນປີ 2024; ແຜນການຈັດຕັ້ງບັນດາການເຄື່ອນໄຫວໂຄສະນາກ່ຽວກັບພິທີເປີດປີທ່ອງທ່ຽວແຫ່ງຊາດ - ດ້ຽນບຽນ ແລະ ງານບຸນດອກບານ ປີ 2024...
ຕາມນັ້ນແລ້ວ, ແຂວງຈະຊຸກຍູ້ການຮ່ວມມືພັດທະນາການທ່ອງທ່ຽວ; ເຂົ້າຮ່ວມບັນດາການເຄື່ອນໄຫວໂຄສະນາ, ສົ່ງເສີມ ແລະ ບັນດາເຫດການວັດທະນະທຳ, ທ່ອງທ່ຽວທີ່ພົ້ນເດັ່ນຂອງບັນດາແຂວງ, ນະຄອນ ໃນປີ 2024. ດ້ຽນບຽນ ກໍຮ່ວມມືໃນບຳລຸງສ້າງຊັບພະຍາກອນມະນຸດການທ່ອງທ່ຽວຢ່າງຕັ້ງໜ້າ; ສຸມໃສ່ເພີ່ມທະວີການໂຄສະນາ, ແນະນຳກຳລັງບົ່ມຊ້ອນ, ທ່າແຮງ, ປາຍທາງທ່ອງທ່ຽວຂອງທ້ອງຖິ່ນ ເພື່ອດຶງດູດນັກທ່ອງທ່ຽວ ກໍຄືບັນດາທຶນລົງທຶນເຂົ້າໃນຂົງເຂດທ່ອງທ່ຽວ...
ມິງດຶກ
