ເຕັມໄປດ້ວຍນໍ້າໃຈມິດຕະພາບຫວຽດນາມ-ລາວ- ກຳປູເຈຍ

ຍສໝ - ເພີ່ມທະວີວຽກງານຊາວໜຸ່ມສາກົນ ແມ່ນໜຶ່ງໃນບັນດາເນື້ອໃນທີ່ຄະນະຊາວໜຸ່ມແຂວງໃຫ້ຄວາມສົນໃຈ, ຮັກສາຕະຫຼອດໄລຍະໃນການປະຕິບັດງານຂອງຄະນະ ແລະ ຂະບວນການຊາວໜຸ່ມ. ບັນດາໂຄງການ, ການເຄື່ອນໄຫວໄດ້ປະກອບສ່ວນຢືນຢັນ ແລະ ຍົກສູງທີ່ຕັ້ງຂອງຊາວໜຸ່ມ ຫວຽດນາມ ໃນເວທີສາກົນ, ເພີ່ມທະວີການເປີດກ້ວາງແນວໂຮມສາມັກຄີ, ເຕົ້າໂຮມຊາວໜຸ່ມ.

	ນັກສຶກສາຫວຽດນາມ - ລາວ - ກຳປູເຈຍ ແລກປ່ຽນບົດຮຽນ
	ນັກສຶກສາ ລາວ ແລະ ກຳປູເຈຍ ມີຄວາມປະທັບໃຈກັບວັນທີ 8/3 ຢູ່ ສສ ຫວຽດນາມ

ສູນວັດທະນະທຳ, ກິລາ, ຊາວໜຸ່ມເຍົາວະຊົນແຂວງ ມີຄວາມຄຶກຄື້ນກວ່າປົກກະຕິ. ນັກສຶກສາ, ໄວໜຸ່ມແຕ່ລະກຸ່ມ ໄດ້ລຽນແຖວກັນເປັນແຖວຍາວ, ເປັນລະບຽບຮຽບຮ້ອຍ, ເຂົ້າໃນຫ້ອງປະຊຸມຕາມລຳດັບ. ນັກສຶກສາ, ຊາວໜຸ່ມ 50 ຄົນ ເຂົ້າຮ່ວມ “ວັນບຸນນັກສຶກສາຂອງສາມປະເທດ ຫວຽດນາມ - ລາວ - ກຳປູເຈຍ” ປີ 2024 ໄດ້ໂອ້ລົມ, ແລກປ່ຽນ, ແນະນຳກ່ຽວກັບບັນດາລັກສະນະວັດທະນະທຳ, ປະຊາຊົນປະເທດຂອງຕົນ.

“ວັນບຸນນັກສຶກສາຂອງສາມປະເທດ ຫວຽດນາມ - ລາວ - ກຳປູເຈຍ” ແມ່ນລາຍການໄດ້ຈັດຕັ້ງປະຈຳປີດ້ວຍບັນດາການເຄື່ອນໄຫວທີ່ແທດຈິງ, ຜ່ານນັ້ນ ກໍ່ໄດ້ສ້າງສະພາບແວດລ້ອມ ເພື່ອນັກສຶກສາ, ຊາວໜຸ່ມຂອງ 3 ປະເທດທີ່ພວມຮ່ຳຮຽນຢູ່ບັນດາມະຫາວິທະຍາໄລ, ວິທະຍາໄລໃນບໍລເວນແຂວງກອນຕູມ ພົບປະແລກປ່ຽນວັດທະນະທຳ, ແລກປ່ຽນປະສົບການໃນການຮໍ່າຮຽນ, ຫຼໍ່ຫຼອມ, ບຳລຸງທັກສະສັງຄົມ; ເພີ່ມທະວີຄວາມເຂົ້າໃຈ ແລະ ມິດຕະພາບລະຫວ່າງຊາວໜຸ່ມ 3 ປະເທດ.

ເຕັມໄປດ້ວຍນໍ້າໃຈມິດຕະພາບຫວຽດນາມ-ລາວ- ກຳປູເຈຍ

ນັກສຶກສາ, ສະມາຊິກຊາວໜຸ່ມ, ຊາວໜຸ່ມເຂົ້າຮ່ວມການແຂ່ງຂັນປຸງແຕ່ງອາຫານ. ພາບ: T.T

ໂດຍຜ່ານວັນບຸນ, ຄະນະຊາວໜຸ່ມແຂວງ ກອນຕູມ ໄດ້ໂຄສະນາເຜີຍແຜ່, ຍົກສູງຄວາມຮັບຮູ້ກ່ຽວກັບການເຊື່ອມໂຍງເຂົ້າກັບສາກົນ, ແຈ້ງໃຫ້ນັກສຶກສາ, ຊາວໜຸ່ມກ່ຽວກັບແນວທາງ, ນະໂຍບາຍການຕ່າງປະເທດຂອງພັກ, ລັດ ຫວຽດນາມ ກ່ຽວກັບວຽກງານການຕ່າງປະເທດ ແລະ ການເຊື່ອມໂຍງເຂົ້າກັບສາກົນ. ຄະນະຈັດຕັ້ງໂຄງການ ໄດ້ສຸມໃສ່ເຂົ້າໃນເນື້ອໃນຕົ້ນຕໍຄື: ປະຊາຄົມວັດທະນະທຳ-ສັງຄົມ ອາຊຽນ; ອະທິປະໄຕຢູ່ທະເລ ແລະ ໝູ່ເກາະ, ການແບ່ງເສັ້ນຊາຍແດນ, ປັກຫຼັກໝາຍຊາຍແດນແຫ່ງຊາດ, ປົກປັກຮັກສາອະທິປະໄຕຂອງປະເທດຊາດ; ການພົວພັນທາງການທູດລະຫວ່າງ ຫວຽດນາມ - ລາວ ແລະ ການພົວພັນທາງການທູດລະຫວ່າງ ຫວຽດນາມ ແລະ ກຳປູເຈຍ.

“ວັນບຸນນັກສຶກສາສາມປະເທດ ຫວຽດນາມ - ລາວ - ກຳປູເຈຍ” ປີ 2024 ໄດ້ດຳເນີນໄປດ້ວຍບັນດາການເຄື່ອນໄຫວຄື: ຈັດຕັ້ງການພົບປະແລກປ່ຽນກິລາບານສົ່ງ; ການແຂ່ງຂັນລອຍນໍ້າ ມີ 2 ປະເພດຄື: ລອຍນໍ້າ freestyle stroke 50 ແມັດຊາຍ ແລະ 50 ແມັດຍິງ; ລາຍງການແລກປ່ຽນວັດທະນະທໍາກັບການສະແດງພື້ນເມືອງ; ການແຂ່ງຂັນປຸງແຕ່ງອາຫານ.

ທີ່ວັນບຸນ, ຄະນະຊາວໜຸ່ມແຂວງ ກອນຕູມ ໄດ້ມອບທຶນການສຶກສາໃຫ້ນັກສຶກສາ 20 ຄົນທີ່ມີຜົນງານດີເດັ່ນໃນການຮ່ຳຮຽນ; ມອບໃບຢັ້ງຢືນໃຫ້ນັກສຶກສາ, ຊາວໜຸ່ມເຂົ້າຮ່ວມວັນບຸນນັກສຶກສາ 3 ປະເທດ ຫວຽດນາມ - ລາວ - ກຳປູເຈຍ; ຍ້ອງຍໍ ແລະ ມອບລາງວັນໃຫ້ບັນດານັກສຶກສາ, ສະມາຊິກຄະນະຊາວໜຸ່ມ, ຊາວໜຸ່ມທີ່ມີຜົນງານດີເດັ່ນໃນຂະບວນການທີ່ເຂົ້າຮ່ວມບັນດາການເຄື່ອນໄຫວໃນວັນບຸນ.

ຕາມຄະນະຊາວໜຸ່ມແຂວງກອນຕູມ ແລ້ວ, ໃນຊຸມປີມໍ່ໆມານີ້, ຫຼາຍໂຄງການແລກປ່ຽນລະຫວ່າງນັກສຶກສາ, ຊາວໜຸ່ມຂອງ 3 ປະເທດ ໄດ້ຮັບການຈັດຕັ້ງເປັນປະຈຳ, ແທດຈິງຈາກຄະນະທຸກຂັ້ນໃນບໍລິເວນແຂວງຄື: ຈັດຕັ້ງການແລກປ່ຽນກິລາ; ບັນດາການເຄື່ອໄຫວຮັບປະກັນຊີວິດສັງຄົມ; ລາດຕະເວນກວດກາຊາຍແດນ, ຢ້ຽມຢາມ ແລະ ເຮັດຄວາມສະອາດເຂດຫຼັກໝາຍສາມແຍກຊາຍແດນ ຫວຽດນາມ, ລາວ, ກຳປູເຈຍ; ການແຂ່ງຂັນຊອກຮູ້ກ່ຽວກັບສະມາຄົມບັນດາປະເທດຊາດອາຊີຕາເວັນອອກສ່ຽງໃຕ້ (ອາຊຽນ). ຜ່ານນັ້ນ, ກໍ່ສ້າງໂອກາດອັນດີ ເພື່ອໃຫ້ນັກສຶກສາ, ຊາວໜຸ່ມ ກໍ່ໄດ້ຊອກຮູ້ກ່ຽວກັບຮີດຄອງປະເພນີວັດທະນະທຳຂອງແຕ່ລະປະເທດ, ປະຫວັດສາດແຫ່ງການພົວພັນອັນດີງາມ, ຄວາມສາມັກຄີ, ມິດຕະພາບລະຫວ່າງ 3 ປະເທດ.

ທ່ານ ຫງວຽນບ໋າວເຕີນ - ຮອງເລຂາຄະນະຊາວໜຸ່ມແຂວງ ກ່າວວ່າ ໃນໄລຍະຜ່ານມາ, ການເຊື່ອມໂຍງເສດຖະກິດ, ສາກົນ ແລະ ການສ້າງສາຍພົວພັນທາງການທູດ ຫວຽດນາມ - ກຳປູເຈຍ ແລະ ຫວຽດນາມ - ລາວ ຍາມໃດກໍ່ໄດ້ຮັບການຍູ້ແຮງ. ໃນນັ້ນ ບົດບາດຂອງນັກສຶກສາ, ຊາວໜຸ່ມ ແມ່ນປັດໄຈຮັດແໜ້ນນ້ຳໃຈສາມັກຄີ, ມິດຕະພາບ, ຄວາມຮັກແພງທີ່ຕິດພັນຂອງສາມປະເທດ. ຜ່ານນັ້ນ, ກໍ່ປະກອບສ່ວນສ້າງສາປະເທດຊາດໃຫ້ຮັ່ງມີ ແລະ ຈະເລີນຮຸ່ງເຮືອງ, ມຸ່ງໄປເຖິງເປົ້າໝາຍສ້າງປະຊາຄົມ ອາຊຽນ ແຫ່ງຄວາມສາມັກຄີ, ສັນຕິພາບ ແລະ ພັດທະນາ.

ກ່ຽວກັບວຽກງານຊາວໜຸ່ມສາກົນ, ແຕ່ຕົ້ນປີມາຮອດປະຈຸບັນ, ຄະນະຊາວໜຸ່ມແຂວງ ກອນຕູມ ຍາມໃດກໍ່ປະຕິບັດຕາມທິດນຳຂອງຄະນະສູນກາງ, ຄະນະພັກແຂວງກ່ຽວກັບວຽກງານການຕ່າງປະເທດ, ເປັນເຈົ້າການໃນການສ້າງແຜນການຜັນຂະຫຍາຍວຽກງານຕ່າງປະເທດ ແລະ ເຊື່ອມໂຍງເຂົ້າກັບສາກົນ. ສະເໜີບັນດາການເຄື່ອນໄຫວ, ໂຄງການທີ່ເໝາະສົມກັບສະພາບຕົວຈິງໃນແຕ່ລະບໍລິເວນ ເພື່ອຊີ້ນຳບັນດາກະຊວງ, ຄະນະທີ່ຂຶ້ນກັບ ຜັນຂະຫຍາຍປະຕິບັດ; ຍູ້ແຮງການເຄື່ອນໄຫວ, ລາຍການການຕ່າງປະເທດ ປະຕິບັດບົດບັນທຶກຊ່ວຍຈຳກ່ຽວກັບການຮ່ວມມືກັບບັນດາຫົວໜ່ວຍຂອງລາວ ແລະ ກຳປູເຈຍ; ເຂົ້າຮ່ວມງານມະໂຫລານຊາວຫນຸ່ມໂລກ; ກອງປະຊຸມຊາວໜຸ່ມເຂດສາມຫຼ່ຽມພັດທະນາ ຫວຽດນາມ - ລາວ - ກຳປູເຈຍ ປີ 2024.

ມອບທຶນການສຶກສາໃຫ້ນັກຮຽນເກັ່ງ. ຮູບພາບ: TT

ຄະນະຊາວໜຸ່ມແຂວງ ໄດ້ແຈ້ງ, ໍແລກປ່ຽນກວຽງານຄະນະ ແລະ ຂະບວນການຊາວໜຸ່ມກັບຄະນະຊາວໜຸ່ມແຂວງ ອັດຕະປື, ແຂວງ ເຊກອງ (ລາວ) ແລະ ສະມາຄົມຊາວໜຸ່ມແຂວງ Rattanakiri (ກຳປູເຈຍ). ພ້ອມກັນນັ້ນ, ຄະນະຊາວໜຸ່ມແຂວງ ກໍ່ໄດ້ສົ່ງຈົດໝາຍຊົມເຊີຍ, ຢື້ຢາມຖາມຂ່າວບັນດາໜ່ວຍງານໃນເວລາທີ່ມີເຫດການສຳຄັນ, ວັນບຸນໃຫຍ່ຕ່າງໆຢູ່ບັນດາປະເທດຕ່າງໆ, ຜ່ານນັ້ນ ກໍ່ຮັດແໜ້ນການພົວພັນມິດຕະພາບລະຫວ່າງຊາວໜຸ່ມຢູ່ບັນດາແຂວງຊາຍແດນ ເວົ້າສະເພາະ ແລະ ຊາວໜຸ່ມ 3 ປະເທດ ເວົ້າລວມ.

ໃນສະພາບການເຊື່ອມໂຍງເຂົ້າກັບສາກົນໃນປະຈຸບັນ, ຄະນະແຂວງຊາວໜຸ່ມກອນຕູມ ຍາມໃດກໍ່ສຸມໃສ່ປະຕິບັດແນວທາງການຕ່າງປະເທດ ເປີດກ້ວາງ, ຫັນເປັນຫຼາຍຝ່າຍ, ຫັນເປັນຄວາມຫຼາກຫຼາຍຂອງພັກ ແລະ ລັດ. ບັນດາຂັ້ນຂອງຄະນະຊາວໜຸ່ມໃນບໍລິເວນແຂວງ ໄດ້ເພີ່ມທະວີການແລກປ່ຽນ, ການຮ່ວມມືກັບບັນດາປະເທດ, ຍູ້ແຮງການປະຕິບັດບັນດາການເຄື່ອນໄຫວຊາວໜຸ່ມສາກົນ; ຜ່ານນັ້ນ, ກໍ່ປະກອບສ່ວນເພີ່ມພູນຄູນສ້າງຄວາມຮັກແພງຂອງຊາວໜຸ່ມ 3 ປະເທດໃຫ້ນັບມື້ນັບມີຄວາມສາມັກຄີທີ່ໜຽວແໜ້ນ.

ໄວ້ອາໄລ ແລະ ເຮັດພິທີທາງສາສະໜາອັດຖິນັກຮົບອາສາສະໝັກ ຫວຽດນາມ ທີ່ເສຍສະຫຼະຊີວິດເພື່ອຊາດຢູ່ ລາວ ແລະ ກຳປູເຈຍ

ຍສໝ - ຕອນເຊົ້າວັນທີ 6 ມິຖຸນາ, ທີ່ສຸສານນັກຮົບເສຍສະຫຼະຊີວິດເພື່ອຊາດເມືອງ ຫງອກໂຮຍ, ຄະນະພັກແຂວງ - ສະພາປະຊາຊົນ - ຄະນະກຳມະການປະຊາຊົນ - ແນວໂຮມປະເທດຊາດ ຫວຽດນາມ ແຂວງ ກອນຕູມ ໄດ້ຈັດພິທີໄວ້ອາໄລ ແລະ ເຮັດພິທີທາງສາສະໜາ 15 ອັດຖິນັກຮົບອາສາສະໝັກ ແລະ ນັກຊ່ຽວຊານ ຫວຽດນາມ ...