 | ນັກສຶກສາຫວຽດນາມ - ລາວ - ກຳປູເຈຍ ແລກປ່ຽນບົດຮຽນ |
| ນັກສຶກສາ ລາວ ແລະ ກຳປູເຈຍ ມີຄວາມປະທັບໃຈກັບວັນທີ 8/3 ຢູ່ ສສ ຫວຽດນາມ |
ຕອນຄ່ຳວັນທີ 27 ພຶດສະພານີ້, ຢູ່ເມືອງ ຕິງບຽນ, ແຂວງ ອານຢາງ ໄດ້ດຳເນີນພິທີເປີດງານຕະຫຼາດນັດການຄ້າສາກົນ ຕິງບຽນ ປີ 2024, ໄດ້ດຶງດູດຄວາມສົນໃຈກວ່າ 300 ຮ້ານຂອງວິສາຫະກິດ 120 ກວ່າແຫ່ງ, ຮາກຖານການຜະລິດຂອງ 3 ປະເທດ ຫວຽດນາມ, ກຳປູເຈຍ ແລະ ລາວ ເຂົ້າຮ່ວມ.
 |
| ການນຳແຂວງ ອານຢາງ ແລະ ບັນດາແຂວງຂອງ ລາຊະອານາຈັກ ກຳປູເຈຍ ໄດ້ໄປຢ້ຽມຢາມບັນດາຮ້ານຢູ່ງານຕະຫຼາດນັດ. |
ງານຕະຫຼາດນັດດຳເນີນໄປເປັນເວລາ 7 ວັນ, ແຕ່ວັນທີ 27 ພຶດສະພາ ຫາວັນທີ 2 ມິຖຸນາ, ບັນດາວິສາຫະກິດໄດ້ນຳມາເຊິ່ງງານຕະຫຼາດນັດສິນຄ້າທີ່ມີຫຼາຍຮູບຫຼາຍແບບ, ສິນຄ້າໃໝ່, ຜະລິດຕະພັນອຸດສາຫະກຳຊົນນະບົດທີ່ເປັນສັນຍະລັກ, ສິນຄ້າ OCOP... ຄຸນນະພາບດີ, ມີຫຼາຍຮູບຫຼາຍແບບ.
ກ່າວຄຳປາໄສທີ່ພິທີເປີດ, ທ່ານ ເລວັນເຟືອກ, ຮອງປະທານຄະນະກຳມະການປະຊາຊົນແຂວງ ອານຢາງ ໃຫ້ຮູ້ວ່າ: ງານຕະຫຼາດນັດການຄ້າສາກົນ ຕິງບຽນ ຍັງໄດ້ຮັບຖືວ່າແມ່ນໜຶ່ງໃນບັນດາຈຸດສຸມທີ່ສຳຄັນໃນການຊຸກຍູ້ການພົວພັນທາງການທູດ, ການຮ່ວມມືພັດທະນາເສດຖະກິດ ແລະ ການຄ້າລະຫວ່າງ ແຂວງ ອານຢາງ ກັບບັນດາແຂວງຂອງ ກຳປູເຈຍ, ໂດຍມີເປົ້າໝາຍເພີ່ມທະວີການສົ່ງອອກສິນຄ້າໄປຍັງທ້ອງຕະຫຼາດຂອງບັນດາປະເທດ ອາຊຽນ ເວົ້າລວມ ແລະ ບັນດາປະເທດອະນຸພາກພື້ນແມ່ນ້ຳຂອງ ເວົ້າສະເພາະ. ງານຕະຫຼາດນັດ ແມ່ນໂອກາດຍູ້ແຮງການໂຄສະນາຜະລິດຕະພັນ ແລະ ສິນຄ້າໃຫ້ແກ່ຜູ້ບໍລິໂພກ, ສ້າງເງື່ອນໄຂໃຫ້ບັນດາວິສາຫະກິດທັງພາຍໃນ ແລະ ຕ່າງປະເທດໄດ້ພົບປະແລກປ່ຽນ, ຮ່ວມມືດຳເນີນທຸລະກິດ, ພັດທະນາສາຂາ ແລະ ເປີດກວ້າງທ້ອງຕະຫຼາດນຳເຂົ້າ – ສົ່ງອອກສິນຄ້າ. ໂດຍຜ່ານນັ້ນ, ກໍ່ສືບຕໍ່ເສີມຂະຫຍາຍປະສິດທິຜົນໃນການຍູ້ແຮງການເພີ່ມທະວີມິດຕະພາບ, ການເຊື່ອມຕໍ່ການຄ້າ, ການຮ່ວມມືດ້ານການຄ້າ ແລະ ການລົງທຶນລະຫວ່າງວິສາຫະກິດ, ປະກອບສ່ວນເພີ່ມທະວີການນໍາເຂົ້າ-ສົ່ງອອກ ແລະ ພັດທະນາທ້ອງຕະຫຼາດພາຍໃນ ແລະ ຕ່າງປະເທດ”.
 |
| ບັນດາຜູ້ແທນໄດ້ຊອກຮູ້ກ່ຽວກັບຜະລິດຕະພັນຢູ່ໃນງານຕະຫຼາດນັດ. |
ທ່ານ ຢົ່ງໂຊ ວັດທານາ, ຮອງເຈົ້າແຂວງ ຕາແກ້ວ, ກຳປູເຈຍ ໄດ້ຕີລາຄາວ່າ: ນີ້ແມ່ນກາລະໂອກາດທີ່ດີເພື່ອຊຸກຍູ້ບັນດາຜະລິດຕະພັນທ້ອງຖິ່ນ ແລະ ຍົກສູງຄຸນນະພາບ, ລາຄາທີ່ເໝາະສົມ, ຄວາມປອດໄພໃນການນຳໃຊ້, ປະກອບສ່ວນເພີ່ມທະວີການແຫ່ງແຍ້ງ, ພ້ອມກັນນັ້ນ ກໍ່ແມ່ນໂອກາດໃນການຊອກຫາຄູ່ຮ່ວມມືດ້ານການຄ້າໃນຕໍ່ໜ້າໃຫ້ນັບມື້ນັບຫຼາຍຂຶ້ນ, ສອດຄ່ອງກັບຍຸກທ້ອງຕະຫຼາດເສລີທັງຢູ່ພາຍໃນ ແລະ ຕ່າງປະເທດ. ການເກັບຊື້ບັນດາຜະລິດຕະພັນທ້ອງຖິ່ນ ໝາຍເຖິງການສ້າງວຽກເຮັດງານທຳໃຫ້ແກ່ປະຊາຊົນ ແລະ ເປັນສ່ວນໜຶ່ງໃນການຊ່ວຍລົບລ້າງຄວາມອຶດຫີວ ແລະ ຫຼຸດຜ່ອນຄວາມທຸກຍາກ, ພ້ອມທັງປັບປຸງ ແລະ ເປີດກວ້າງຄວາມເປັນປົກກະຕິຂອງຜະລິດຕະພັນ, ຍົກສູງຄວາມສາມາດໃນການແກ່ງແຍ້ງໃນທ້ອງຕະຫຼາດສາກົນ ແລະ ປະກອບສ່ວນຊຸກຍູ້ການປາກົດຕົວຂອງຜະລິດຕະພັນຢູ່ບັນດາທ້ອງຕະຫຼາດ, ພິເສດແມ່ນບັນດາຜະລິດຕະພັນຢູ່ບັນດາຮ້ານສັບພະສິນຄ້າໃຫ້ນັບມື້ນັບຫຼາຍຂຶ້ນໃນອະນາຄົດ”.
 | ກະຊວງປອງກັນປະເທດ ຫວຽດນາມ - ລາວ - ກຳປູເຈຍ ເພີ່ມທະວີການຮ່ວມມື ຍສໝ - ເນື່ອງໃນໂອກາດເຂົ້າຮ່ວມກອງປະຊຸມໃນວົງແຄບກະຊວງປອງກັນປະເທດ ອາຊຽນ (ADMM ແຄບ), ຕອນບ່າຍວັນທີ 4 ມີນາ, ຢູ່ແຂວງ ຫລວງພະບາງ, ແຂວງພາກເໜືອຂອງລາວ, ທ່ານພົນໂທ ຫງວຽນເຕີນເກືອງ - ຫົວໜ້າເສນາທິການໃຫຍ່ ກອງທັບປະຊາຊົນ ຫວຽດນາມ, ລັດຖະມົນຕີກະຊວງປ້ອງກັນປະເທດ ໄດ້ມີບັນດາການພົບພະຫຼາຍຝ່າຍກັບທ່ານພົນເອກ ຈັນສະໝອນ ຈັນຍາລາດ - ຮອງນາຍົກລັດຖະມົນຕີ, ລັດຖະມົນຕີວ່າການກະຊວງປ້ອງກັນປະເທດ ... |
 | ກະຊວງປ້ອງກັນປະເທດ ຫວຽດນາມ - ລາວ - ກຳປູເຈຍ ເພີ່ມທະວີການຮ່ວມມື ຍສໝ - ເນື່ອງໃນໂອກາດເຂົ້າຮ່ວມກອງປະຊຸມລັດຖະມົນຕີປ້ອງກັນປະເທດ ອາຊຽນ (ADMM ແຄບ), ຕອນບ່າຍວັນທີ 4 ມີນາ, ຢູ່ແຂວງ ຫລວງພະບາງ, ແຂວງພາກເໜືອຂອງລາວ, ທ່ານພົນໂທຫງວຽນເຕີນເກື່ອງ, ຫົວໜ້າເສນາທິການໃຫຍ່ກອງທັບປະຊາຊົນຫວຽດນາມ, ຮອງລັດຖະມົນຕີກະຊວງປ້ອງກັນປະເທດຫວຽດນາມ ໄດ້ມີການພົບປະສອງຝ່າຍກັບທ່ານພົນເອກຈັນສະໝອນ ຈັນຍາລາດ - ຮອງນາຍົກລັດຖະມົນຕີ, ລັດຖະມົນຕີວ່າການກະຊວງປ້ອງກັນປະເທດລາວ ແລະ ທ່ານພົນເອກ Tea Seiha - ... |
ວິສາຫະກິດຫວຽດນາມ - ກຳປູເຈຍ - ລາວ 120 ແຫ່ງເຂົ້າຮ່ວມງານຕະຫຼາດນັດສາກົນຢູ່ ອານຢາງ
ມິງດຶກ
