| ນຳການເຄື່ອນໄຫວຂອງສະມາຄົມມິດຕະພາບ ຫວຽດນາມ - ຝຣັ່ງ ແຂວງ ດົ່ງນາຍ ໃຫ້ມີປະສິດທິຜົນ ແລະ ມີຄຸນນະພາບກ່ວາອີກ | |
| ເຊື່ອມຕໍ່ຊາວຕ່າງປະເທດທີ່ດຳລົງຊີວິດ ແລະ ເຮັດວຽກຢູ່ແຂວງ ດົ່ງນາຍ |
ໃນລາຍການ, ຜູ້ແທນເປັນທາງການ 146 ທ່ານຕາງໜ້າໃຫ້ສະມາຊິກສະມາຄົມມິດຕະພາບຫວຽດນາມ - ອາເມລິກາ 300 ຄົນຂອງແຂວງ ໄດ້ສຸມໃສ່ຕີລາຄາບັນດາໝາກຜົນໃນອາຍຸການທີ່ຜ່ານມາ; ປະກອບຄຳຄິດຄຳເຫັນໃຫ້ແກ່ທິດທາງການເຄື່ອນໄຫວຂອງສະມາຄົມໃນ 5 ປີຕໍ່ໜ້າ. ກອງປະຊຸມໃຫຍ່ ກໍໄດ້ປະຕິບັດການປະຊຸມແລກປ່ຽນເລືອກຕັ້ງຄະນະບໍລິຫານງານໂດຍມີ 16 ທ່ານ ແລະ ໄດ້ເລືອກຕັ້ງຫົວໜ້າຄະນະຈັດຕັ້ງພັກແຂວງ ສະຫາຍ ດາວວັນເຟືອກ ເປັນປະທານສະມາຄົມມິດຕະພາບ ຫວຽດນາມ - ອາເມລິກາ ແຂວງ ດົ່ງນາຍ ອາຍຸການ 2024-2029.
 |
| ຍ້ອງຍໍຊົມເຊີຍບັນດາບຸກຄົນ, ກົມກອງລວມໝູ່ ດົ່ງນາຍ ທີ່ມີການປະກອບສ່ວນຢ່າງຕັ້ງໜ້າເຂົ້າໃນວຽກງານຂອງສະມາຄົມໃນໄລຍະຜ່ານມາ. |
ເນື່ອງໃນໂອກາດນີ້, 19 ບຸກຄົນ, ກົມກອງລວມໝູ່ທີ່ມີການປະກອບສ່ວນຢ່າງຕັ້ງໜ້າໃຫ້ແກ່ວຽກງານສະມາຄົມໃນໄລຍະຜ່ານມາ ກໍໄດ້ຮັບໃບຍ້ອງຍໍຈາກສູນກາງສະມາຄົມຫວຽດນາມ - ອາເມລິກາ, ຄະນະກຳມະການປະຊາຊົນແຂວງ ດົ່ງນາຍ.
ທ່ານ ບູຍເຖຢ່າງ, ຮອງປະທານສູນກາງສະມາຄົມຫວຽດນາມ - ອາເມລິກາ ໄດ້ຕີລາຄາສູງບັນດາການເຄື່ອນໄຫວພົບປະແລກປ່ຽນປະຊາຊົນ ເຊິ່ງສະມາຄົມມິດຕະພາບຫວຽດນາມ - ອາເມລິກາ ແຂວງ ດົ່ງນາຍ ໄດ້ປະຕິບັດ. ນອກນີ້, ທ່ານ ບູຍເຖຢ່າງ ຍັງໄດ້ສະເໜີ 3 ເນື້ອໃນການທູດປະຊາຊົນຈຸດສຸມທີ່ສະມາຄົມມິດຕະພາບຫວຽດນາມ - ອາເມລິກາ ແຂວງ ດົ່ງນາຍ ຕ້ອງມຸ່ງໄປເຖິງ, ລວມມີ: ການເພີ່ມທະວີການພົບປະແລກປ່ຽນປະຊາຊົນຫວຽດນາມ - ອາເມລິກາ ໃນຂົງເຂດວັດທະນະທໍາ, ວິທະຍາສາດເຕັກໂນໂລຢີ, ການສຶກສາ; ເພີ່ມທະວີການພົວພັນກັບບັນດາອົງການຈັດຕັ້ງລັດຖະບານ ແລະ ບໍ່ຂຶ້ນກັບລັດຖະບານຂອງ ອາເມລິກາ; ເພີ່ມທະວີການລະດົມແຫຼ່ງຊັບພະຍາກອນທີ່ບໍ່ຂຶ້ນກັບລັດຖະບານຕ່າງປະເທດ ເພື່ອປະຕິບັດວຽກງານຮັບປະກັນຊີວິດສັງຄົມ
ຕາມທ່ານ ຜູ້ຮັກສາການປະທານຄະນະກຳມະການປະຊາຊົນແຂວງ ຫວໍເຕີ໋ນດຶກ ແລ້ວ, ບັນດາວິສາຫະກິດ ອາເມລິກາ ມີ 33 ໂຄງການ ດ້ວຍຍອດເງິນລົງທຶນເກືອບ 330 ລ້ານ USD ຢູ່ ດົ່ງນາຍ. ນອກນີ້, ແຂວງ ດົ່ງນາຍ ແລະ ບັນດາທ້ອງຖິ່ນຂອງ ອາເມລິກາ ຍັງໄດ້ລົງນາມໃນບົດບັນທຶກຊ່ວຍຈຳ, ສັນຍາຮ່ວມມືສາກົນຢູ່ຂັ້ນແຂວງ. ສະເພາະວິສາຫະກິດຂອງແຂວງ ກໍມີຄູ່ຮ່ວມງານທີ່ດີ, ກະຕືລືລົ້ນ ແລະ ມີປະສົບການຢູ່ ອາເມລິກາ.
ທ່ານ ຫວໍເຕີ໋ນດຶກ ຮຽກຮ້ອງສະມາຄົມມິດຕະພາບຫວຽດນາມ - ອາເມລິກາ ແຂວງ ດົ່ງນາຍ ຕ້ອງປະຕິບັດ 5 ໜ້າທີ່ຈຸດສຸນໃນໄລຍະຈະມາເຖິງ, ລວມມີ: ປະຕິບັດບັນດານະໂຍບາຍ, ກຳນົດທິດທາງການປະຕິບັດງານການທູດປະຊາຊົນຂອງພັກ, ລັດ, ສູນກາງ ຫວຽດນາມ - ອາເມລິກາ ແລະ ແຂວງ ດົ່ງນາຍ ຢ່າງໃຫ້ຊິດຕິດແທດ; ສ້າງຕັ້ງ ແລະ ພັດທະນາສາຍພົວພັນກັບອົງການປະຊາຊົນ, ວິສາຫະກິດ, ຄູ່ຮ່ວມງານຂອງ ອາເມລິກາ; ເປີດກ້ວາງການເຄື່ອນໄຫວ ແລະ ພັດທະນາອົງການຈັດຕັ້ງຂອງສະມາຄົມ; ຍູ້ແຮງການປະຕິບັດງານເຜີຍແຜ່, ໂຄສະນາພາບພົດຂອງແຂວງ ດົ່ງນາຍ ເຖິງເພື່ອນມິດ, ປະຊາຊົນ ອາເມລິກາ; ບັນດາພະແນກ, ຄະນະ, ຂະແໜງການ, ທ້ອງຖິ່ນຂຶ້ນກັບແຂວງ ສົມທົບກັນ, ໜູນຊ່ວຍ ແລະ ສ້າງເງື່ອນໄຂດີທີ່ສຸດ ເພື່ອສະມາຄົມມິດຕະພາບຫວຽດນາມ - ອາເມລິກາ ແຂວງ ດົ່ງນາຍ ປະຕິບັດໜ້າທີ່ໄດ້ເປັນຢ່າງດີ.
ມິງດຶກ
