 | ເພີ່ມທະວີການຮ່ວມມືລະຫວ່າງຫວຽດນາມ ແລະ ຮົງກາລີ |
| ປະທານສະພາແຫ່ງຊາດ ໃຫ້ກຽດຕອນຮັບຮອງປະທານສະພາແຫ່ງຊາດ ສ.ຮົງກາລີ |
ວັນທີ 23 ມິຖຸນາ 2024, ສະມາຄົມແມ່ຍິງ ຫວຽດນາມ ຢູ່ ຮຸງກາຣີ ໄດ້ຈັດຕັ້ງພິທີສະເຫຼີມສະຫຼອງ 20 ປີແຫ່ງວັນສ້າງຕັ້ງ.
ໂດຍເຂົ້າຮ່ວມພິທີມີທ່ານນາງ ຫງວຽນທິບິກຖາວ ເອກອັກຄະລັດຖະທູດ ຫວຽດນາມ ປະຈຳ ຮຸງກາຣີ, ທ່ານນາງ ພ້າມທິທູເຮື່ອງ ຫົວໜ້າກົມຄົ້ນຄ້ວາສັງລວມ ຄະນະກຳມະການແຫ່ງລັດກ່ຽວກັບຊາວຫວຽດນາມ ຢູ່ຕ່າງປະເທດ , ຜູ້ຕາງໜ້າບັນດາສະມາຄົມຊາວ ຫວຽດນາມ ຢູ່ ຮຸງກາຣີ, ຜູ້ຕາງໜ້າບັນດາອົງການແມ່ຍິງຢູ່ບາງປະເທດ ເອີລົບ ແລະ ແມ່ຍິງເກືອບ 160 ຄົນ ທີ່ເປັນສະມາຊິກຂອງສະມາຄົມ.
 |
| ລາຍກາຍທີ່ສະແດງຢູ່ພິທີສະເຫຼີມສະຫຼອງ. |
ກ່າວຄຳປາໄສທີ່ພິທີ, ທ່ານນາງ ຟານບິກທ້ຽນ, ປະທານສະມາຄົມແມ່ຍິງ ຫວຽດນາມ ປະຈຳ ຮົງກາຣີ ໄດ້ທົບທວນຄືນເສັ້ນທາງພັດທະນາຂອງສະມາຄົມ. 20 ປີທີ່ຜ່ານມາ, ສະມາຄົມ ໄດ້ກາຍເປັນເຮືອນລວມ, ເປັນບ່ອນຢູ່ທີ່ໄວ້ເນື້ອເຊື່ອໃຈຂອງແມ່ຍິງ ຫວຽດນາມ ຢູ່ ຮົງກາຣີ. ສະມາຄົມ ກໍ່ໄດ້ກາຍເປັນສະມາຊິກຫຼັກໃນການເຄື່ອນໄຫວຂອງຊຸມຊົນ, ເປັນອົງການທີ່ມີອິດທິພົນກັບອົງການຕາງໜ້າ ແລະ ຢືນຢັນທີ່ຕັ້ງອັນແນ່ນອນໃນສັງຄົມຂອງປະເທດປຳຈຳຖິ່ນ ແລະ ມີການປະກອບສ່ວນຢ່າງຕັ້ງໜ້າໃຫ້ແກ່ຂະບວນການແມ່ຍິງ ຫວຽດນາມ ຢູ່ ເອີລົບ.
ເນື່ອງໃນໂອກາດຄົບຮອບ 20 ປີ, ທ່ານປະທານສະມາຄົມ ໄດ້ສົ່ງຄຳສະແດງຄວາມຮູ້ບຸນຄຸນຕໍ່ບັນດາລຸ້ນກ່ອນທີ່ໄດ້ສ້າງພື້ນຖານໃຫ້ແກ່ການພັດທະນາຂອງສະມາຄົມ, ຂອບໃຈບັນດາສະມາຊິກທີ່ສະໝັກໃຈປະກອບສ່ວນເຫື່ອແຮງ, ນ້ຳໃຈ, ການເສຍສະຫຼະຢ່າງງຽບໆດ້ວຍຄວາມປາດຖະໜາ ຮ່ວມກັນເຮັດວຽກງານທີ່ມີຄວາມໝາຍສຳລັບແມ່ຍິງ ແລະ ຊຸມຊົນ.
ທ່ານນາງ ກໍ່ໄດ້ສະແດງຄວາມຂອບອົກຂອບໃຈຕໍ່ບັນດາຄວາມເອົາໃຈໃສ່ຢ່າງເລິກເຊິ່ງ, ການຮ່ວມເດີນທາງໜູນຊ່ວຍຂອງສະຖານທູດ ຫວຽດນາມ ປະຈຳ ຮຸງກາຣີ, ຄະນະກຳມະການແຫ່ງລັດກ່ຽວກັບຊາວຫວຽດນາມ ຢູ່ຕ່າງປະເທດ ແລະ ບັນດາອົງການທີ່ກ່ຽວຂ້ອງພາຍໃນປະເທດ, ສະມາຄົມຊາວຫວຽດນາມ ຢູ່ ຮຸງກາຣີ, ບັນດາອົງການ, ເພື່ອນມິດຂອງ ຮຸງກາຣີ ໃນໄລຍະທີ່ຜ່ານມາ.
 |
| ທ່ານນາງ ຫງວຽນທິບິກຖາວ ເອກອັກຄະລັດຖະທູດ ຫວຽດນາມ ປະຈຳ ຮຸງກາຣີ ໄດ້ຕີລາຄາສູງບົດບາດ ແລະ ການປະກອບສ່ວນຂອງສະມາຄົມແມ່ຍິງ ຫວຽດນາມ ຢູ່ ຮຸງກາຣີ. |
ທ່ານນາງ ຫງວຽນທິບິກຖາວ ເອກອັກຄະລັດຖະທູດ ຫວຽດນາມ ປະຈຳ ຮຸງກາຣີ ໄດ້ຕີລາຄາສູງບົດບາດ ແລະ ການປະກອບສ່ວນຂອງສະມາຄົມແມ່ຍິງ ຫວຽດນາມ ຢູ່ ຮຸງກາຣີ, ຢືນຢັນວ່າ ສະມາຄົມແມ່ນສ່ວນໜຶ່ງທີ່ຂາດບໍ່ໄດ້ໃນການເຄື່ອນໄຫວຂອງປະຊາຄົມຊາວ ຫວຽດນາມ ຢູ່ທີ່ນີ້ ແລະ ໄດ້ສະແດງຄວາມຂອບໃຈຕໍ່ບັນດາການໜູນຊ່ວຍສຳຄັນຂອງສະມາຄົມໃນບັນດາໂຄງການຂອງອົງການຜູ້ຕາງໜ້າ. ສະມາຄົມ ໄດ້ເປັນທີ່ໄວ້ວາງໃຈຕໍ່ກັບອຳນາດການປົກຄອງ ແລະ ສັງຄົມ ຮຸງກາຣີ, ມີຫົວຄິດປະດິດສ້າງ ແລະ ມີຂໍ້ລິເລີ່ມຫຼາຍຢ່າງໃນການໂຄສະນາບ້ານເກີດເມືອງນອນຂອງ ຫວຽດນາມ ກໍ່ຄືການເຊື່ອມໂຍງເຂົ້າກັບປະຊາຄົມປະເທດຊາດປະຈຳຖິ່ນ. ທ່ານເອກອັກຄະລັດຖະທູດ ອວຍພອນໃຫ້ສະມາຄົມສືບຕໍ່ພັດທະນາ, ບຳລຸງສ້າງ, ດຶງດູດຊາວໜຸ່ມ ແລະ ຈະຮ່ວມເດີນທາງໄປຄຽງຄູ່ກັບຊຸມຊົນ ແລະ ສະຖານທູດ ຢ່າງຕັ້ງໜ້າ.
ໃນຈົດໝາຍອວຍພອນທີ່ສົ່ງມາຍັງສະມາຄົມ, ທ່ານນາງ ເລທິທູຮັ່ງ ຮອງລັດຖະມົນຕີກະຊວງການຕ່າງປະເທດ, ຫົວໜ້າຄະນະກຳມະການຊາວຫວຽດນາມ ຢູ່ຕ່າງປະເທດ ໄດ້ຍ້ອງຍໍບັນດາການປະກອບສ່ວນຂອງສະມາຄົມຢ່າງຕັ້ງໜ້າໃນ 20 ປີທີ່ຜ່ານມາ ດ້ວຍຫລາຍການເຄື່ອນໄຫວທີ່ຟົດຟື້ນ, ມີປະສິດທິຜົນ, ນັບມື້ນັບຢືນຢັນບົດບາດເຊື່ອມຕໍ່ບັນດາສະມາຊິກ ກໍຄືສະມາຄົມຢູ່ປະເທດປະຈຳຖິ່ນ ແລະ ເອີລົບ, ປະກອບສ່ວນຍົກສູງຮູບພາບ, ອິດທິພົນຂອງແມ່ຍິງ ຫວຽດນາມ ຢູ່ຕ່າງປະເທດ ເວົ້າສະເພາະ ແລະ ປະຊາຄົມຊາວ ຫວຽດນາມ ຢູ່ຕ່າງປະເທດ ເວົ້າລວມ.
ເນື່ອງໃນໂອກາດນີ້, ສະມາຄົມແມ່ຍິງ ຫວຽດນາມ ປະຈຳ ຮຸງກາຣີ ແລະ ທ່ານ ປອ. ຟ່ານບິກທ້ຽນ, ປະທານສະມາຄົມ ມີຄວາມເປັນກຽດໄດ້ຮັບໃບຍ້ອງຍໍຈາກລັດຖະມົນຕີກະຊວງການຕ່າງປະເທດ ຫວຽດນາມ. ທີ່ພິທີສະເຫຼີມສະຫຼອງ, ທ່ານເອກອັກຄະລັດຖະທູດ ຫງວຽນທິບິງທາວ ກໍ່ມອບໃບຍ້ອງຍໍໃຫ້ບັນດາສະມາຊິກທີ່ມີການປະກອບສ່ວນຢ່າງຕັ້ງໜ້າໃນການເຄື່ອນໄຫວຂອງສະມາຄົມ.
ທີ່ພິທີສະເຫຼີມສະຫຼອງ, ບັນດາສະມາຊິກ ໄດ້ສະແດງລາຍກາຍຂຽນ ແລະ ສະແດງດ້ວຍຕົນເອງ ແຕ່ປະທັບໃຈ ແລະ ມີຄວາມໝາຍທີ່ສຸດ ກັບບັນດາວາດຟ້ອນ, ໄມ້ໄຜ່ຫວຽດ, ຈິດໃຈທີ່ສະຫງ່າຜ່າເຜີຍ ຫວຽດນາມ, ເຈື່ອງເຊີນດົງ, ເຈື່ອງເຊີນໄຕ.
 | ຫວຽດນາມຊື້ວັກຊີນປ້ອງກັນພະຍາດ COVID-19 ຕື່ມອີກຈາກຮົງກາລີ ຍສໝ - ລັດຖະບານຫວຽດນາມຫາກໍ່ປະກາດໃຊ້ມະຕິກ່ຽວກັບການຊື້ວັກຊີນຕ້ານໂຄວິດ-19 ໂດຍ AstraZeneca ຜະລິດ ຢູ່ປະເທດຮົງກາຣີ. |
 | ຮອງນາຍົກລັດຖະມົນຕີ ຕ້ອນຮັບ ຮອງປະທານສະພາແຫ່ງຊາດ ສ.ຮົງກາລີ ໃນວັນທີ 21 ມັງກອນ 2019 ຢູ່ ຫ້ອງວ່າການສຳນັກງານ ນາຍົກລັດຖະມົນຕີ, ທ່ານ ສົມດີ ດວງດີ ຮອງນາຍົກລັດຖະມົນຕີ ໄດ້ໃຫ້ກຽດຕ້ອນຮັບການເຂົ້າຢ້ຽມຂໍ່ານັບ ຂອງທ່ານ ອິສທວານ ຈໍກອບ ຮອງປະທານສະພາແຫ່ງຊາດ ສ.ຮົງກາລີ ພ້ອມດ້ວຍຄະນະ ໃນໂອກາດທີ່ມາຢ້ຽມຢາມ ສປປ ລາວ ຢ່າງເປັນທາງການ ລະຫວ່າງ ວັນທີ 20-23 ... |
ມິງດຶກ
