ປະເທດໄທເຊື່ອມຕໍ່ທາງລົດໄຟຈີນ-ລາວ ເພື່ອສົ່ງເສີມການຄ້າ

	ນັກສຶກສາ ດານັງ ຝຶກງານ ແລະ ພົບປະແລກປ່ຽນຢູ່ ມະຫາວິທະຍາໄລພະບໍລົມວົງສານຸວົງ ອຸດອນທານີ (ປະເທດໄທ)
	ລໍຖ້າຕ້ອນຮັບຖະໜົນຫວຽດນາມ ຢູ່ນະຄອນອຸດອນທານີ (ປະເທດໄທ)

ຕາມ​ຂ່າວຕ່າງປະ​ເທດ, ວັນ​ທີ 11 ມິຖຸນາ​ນີ້, ​ໂຄງການ​ທາງ​ລົດ​ໄຟ​ຂອງ​ໄທ ​ເລີ່​ມຕົ້ນ​ຢູ່​ສະຖານີ​ກຸງ​ເທບ​ອະພິວັດ ທີ່​ບາງກອກ, ​ແລ່ນ​ຜ່ານ​ເມືອງ​ໃຫຍ່​ພາກ​ຕາ​ເວັນ​ອອກສຽງ​ເໜືອ​ຂອງ​ນະຄອນ​ອຸ​ດອນ​ທາ​ນີ ​ແລະ ​ເມືອງ​ໜອງ​ຄາຍ ​ແລ້ວ​ເຊື່ອມ​ຕໍ່​ໄປ​ຍັງ​ສະຖານີ​ຄຳ​ສະ​ຫວັດ ​ໃນ​ນະຄອນຫຼວງ​ວຽງ​ຈັນ (ລາວ).

ທ່ານ Awirut Thongnate - ຮອງຜູ້ວ່າການລັດທາງລົດໄຟແຫ່ງປະເທດໄທ (SRT) ໃຫ້ຮູ້ວ່າ: SRT ກໍາລັງເຮັດວຽກກັບອົງການທາງລົດໄຟແຫ່ງຊາດລາວ ເພື່ອກະກຽມການເປີດເສັ້ນທາງລົດໄຟໄທ-ລາວ ຢ່າງເປັນທາງການ, ຄາດວ່າໃນເດືອນກັນຍາປີໜ້າ. ເສັ້ນ​ທາງ​ນີ້​ຈະ​ເປັນ​ຄັ້ງ​ທຳ​ອິດ​ທີ່​ໄທ​ແລະ​ຈີນ​ເຊື່ອມ​ຕໍ່​ທາງ​ລົດ​ໄຟ.

“ຕາໜ່າງທາງລົດໄຟໄທ-ລາວ ຈະເປີດໃຫ້ໃຊ້ຢ່າງເປັນທາງການໃນເດືອນກໍລະກົດໜ້ານີ້, ເຊິ່ງຈະຊ່ວຍເຊື່ອມຕໍ່ບໍ່ພຽງແຕ່ການຂົນສົ່ງ ແລະ ການຄ້າເທົ່ານັ້ນ, ແຕ່ຍັງຊ່ວຍສົ່ງເສີມການທ່ອງທ່ຽວລຽບຕາມໄທ ແລະ ລາວ ແລະ ພ້ອມກັນນັ້ນກໍ່ຍັງເຊື່ອມຕໍ່ເຂດພາກໃຕ້ຂອງຈີນຜ່ານລາວອີກດ້ວຍ” - ທ່ານ Awirut ແບ່ງປັນ.

ປະເທດໄທເຊື່ອມຕໍ່ທາງລົດໄຟຈີນ-ລາວ ເພື່ອສົ່ງເສີມການຄ້າ

ວັນ​ທີ 5 ມິຖຸນາ​ນີ້, ​ເຈົ້າ​ໜ້າ​ທີ່ SRT ​ໄດ້​ມີ​ການ​ພົບ​ປະ​ກັບ​ທ່ານ ດວງ​ຈິນ​ດາ ສີ​ຫາ​ລາດ, ປະທານ​ບໍລິສັດ​ທາງ​ລົດ​ໄຟ​ແຫ່ງ​ຊາດ​ລາວ ​ເພື່ອ​ສ້າງ​ແຜນການ​ເຄື່ອນ​ໄຫວ​ຂອງ​ໂຄງການ ໃນການ​ເພີ່ມ​ທະວີ​ການ​ເຊື່ອມ​ຕໍ່​ການທ່ອງທ່ຽວ ​ເພື່ອ​ແນ​ໃສ່​ຊຸກຍູ້​ການ​ຂົນ​ສົ່ງ​ສິນຄ້າ ​ແລະ ​ເລັ່ງລັດລະບຽບການພາສີ, ສົ່ງ​ເສີມ​ການ​ຄ້າ​ລະ​ຫວ່າງ 3 ປະ​ເທດ​ໄທ - ລາວ - ຈີນ.

​ໂດຍ​ຈະ​ເລີ່​ມດຳ​ເນີນ​ການ​ໃນ​ເດືອນ​ທັນວາ​ປີ 2021, ທາງ​ລົດ​ໄຟ​ຈີນ-ລາວ​ບໍ່​ພຽງ​ແຕ່​ຈະ​ຊຸກຍູ້​ການ​ຄ້າ​ສອງ​ຝ່າຍ​ເທົ່າ​ນັ້ນ, ຫາກ​ຍັງ​ສ້າງ​ເງື່ອນ​ໄຂ​ສະດວກ​ໃຫ້​ແກ່​ການ​ຂົນ​ສົ່ງ​ສິນຄ້າ​ເປັນ​ຈຳນວນ​ຫຼວງ​ຫຼາຍ​ຈາກ​ໄທ​ໄປ​ຍັງ​ພື້ນຖານ​ເສດຖະກິດ​ຂອງ​ສອງ​ປະ​ເທດ​ຂ້າງ​ເທິງ. ​ທາງ​ລົດ​ໄຟ​ຍາວ 1,000 ກິ​ໂລ​ແມັດ​ໄດ້​ຫຼຸດ​ເວລາ​ສົ່ງ​ສິນຄ້າ​ໄປ​ຈີນ​ເຫຼືອ​ພຽງ 15 ຊົ່ວ​ໂມງ, ​ເມື່ອ​ທຽບ​ໃສ່ 2 ວັນ​ຂອງ​ລົດ​ບັນທຸກ​ຂົນ​ສົ່ງ​ສິນຄ້າ​ໄປ​ຈີນ.

ການ​ສົ່ງ​ອອກ​ຂອງ​ໄທ​ທີ່​ສາມາດ​ໄດ້​ຮັບ​ຜົນ​ປະ​ໂຫຍ​ດຈາກ​ການ​ເຊື່ອມ​ຕໍ່​ທາງ​ລົດ​ໄຟ​ລວມມີ​ອາຫານ, ຜະລິດ​ຕະພັນ​ຕາມ​ລະດູ​ການ ​ແລະ ສິນຄ້າ​ອື່ນໆ​ທີ່​ບໍ່​ເສຍ​ຫາຍ, ​ໂດຍ​ສະ​ເພາະ​ແມ່ນ​ໝາກ​ຫຸ່ງ. ມາ​ຮອດ​ປະຈຸ​ບັນ, ການ​ສົ່ງ​ອອກ​ໝາກ​ໄມ້​ຂອງ​ໄທ​ໄປ​ຈີນ​ໄດ້​ບັນລຸ 2 ຕື້​ບາດ (54,4 ລ້ານ USD).

ຕາມ​ຂໍ້​ມູນ​ຂອງ​ກະຊວງ​ການ​ຄ້າ​ໄທ, ຍອດ​ຈຳນວນ​ໝາກ​ເຜັດ​ທີ່​ສົ່ງ​ອອກ​ໄປ​ຈີນ​ຈະ​ບັນລຸ​ປະມານ 700.000 ​ໂຕນ​ໃນ​ປີ 2022. ສູນ​ຄົ້ນຄວ້າ​ກາ​ສິກອນ (​ໄທ) ຄາດ​ຄະ​ເນ​ວ່າ: ການ​ສົ່ງ​ອອກ​ຂອງ​ໄທ​ໄປ​ຈີນ​ຜ່ານ​ທາງ​ລົດ​ໄຟ​ໄທ-ລາວ​ຈະ​ເພີ່ມ​ຂຶ້ນ 17%. ປີ​ນີ້​ເປັນ​ປະມານ 250 ຕື້​ບາດ ​ແລະ​ຄາດ​ຄະ​ເນ​ວ່າ​ຈະ​ເພີ່ມ​ຂຶ້ນ​ໃນ​ອະນາຄົດ.

	ທ່ານນາຍົກລັດຖະມົນຕີ ຟ້າມມິງຈິ້ງ ໄດ້ມີການໂອ້ລົມທາງໂທລະສັບກັບທ່ານນາຍົກລັດຖະມົນຕີໄທ
	ປະຊາຄົມຊາວຫວຽດນາມຢູ່ ພູເກັດ (ປະເທດໄທ) ປາດຖະໜາຢາກຊຸກຍູ້ການຮ່ວມມືກັບຫວຽດນາມ