 | ສື່ມວນຊົນ ຟີລິບປິນ ແລະ ອິນໂດເນເຊຍ ໄດ້ຍ້ອງຍໍອາຫານຫວຽດນາມ |
| ສື່ມວນຊົນສາກົນຍ້ອງຍໍໄຊຊະນະ ດ້ຽນບຽນຝູ ຂອງ ຫວຽດນາມ |
ກ່າວຄຳປາໄສທີ່ພິທີ, ທ່ານເອກອັກຄະລັດຖະທູດ ຟ້າມກວາງຫ້ຽວ ໃຫ້ຮູ້ວ່າ ໃນຊຸມປີມໍ່ໆມານີ້, ປະຊາຄົມຊາວຫວຽດນາມ ອາໄສຢູ່ ຍີ່ປຸ່ນ ໄດ້ພັດທະນາຢ່າງບໍ່ຢຸດຢັ້ງທັງດ້ານຈຳນວນ ແລະ ຄຸນນະພາບ, ດ້ວຍການເຕີບໂຕຢ່າງເປັນທີ່ຍອມຮັບກ່ຽວກັບຈຳນວນນັກສຶກສາ, ນັກສຶກສາຝຶກງານ ແລະ ຄົນງານ ຫວຽດນາມ ທີ່ໄປຍັງ ຍີ່ປຸ່ນ. ສິ່ງນີ້ ບໍ່ພຽງແຕ່ປະກອບສ່ວນເຂົ້າໃນການພັດທະນາເສດຖະກິດ, ວັດທະນະທຳຂອງ ຍີ່ປຸ່ນ ເທົ່ານັ້ນ, ຫາກຍັງສ້າງປະຊາຄົມຊາວຫວຽດນາມ ໃຫ້ນັບມື້ນັບເຂັ້ມແຂງ ແລະ ມີຄວາມສາມັກຄີນຳອີກ.
 |
| ທ່ານເອກອັກຄະລັດຖະທູດ ຫວຽດນາມ ປະຈໍາ ຍີ່ປຸ່ນ ຟ້າມກວາງຫ້ຽວ ມອບໃບຍ້ອງຍໍໃຫ້ບັນດາກົມກອງລວມໝູ່, ບຸກຄົນທີ່ມີຜົນງານດີເດັ່ນໃນການເຄື່ອນໄຫວປະຊາຄົມຢູ່ ຍີ່ປຸ່ນ ໃນປີ 2023. |
ທ່ານເອກອັກຄະລັດຖະທູດ ເນັ້ນໜັກວ່າ ໃນສະພາບການໂລກາພິວັດ ແລະ ການຕິດພັນສາກົນນັບມື້ນັບເລິກເຊິ່ງກວ້າງຂວາງ, ການມີໜ້າ ແລະ ການປະກອບສ່ວນຂອງປະຊາຄົມຊາວຫວຽດນາມ ຢູ່ ຍີ່ປຸ່ນ ນັບມື້ນັບກາຍເປັນສຳຄັນ. ຊາວຫວຽດນາມ ທຸກຄົນບໍ່ພຽງແຕ່ແມ່ນທູດວັດທະນະທຳເທົ່ານັ້ນ, ຫາກຍັງແມ່ນຂົວຕໍ່ທີ່ຊ່ວຍຮັດແໜ້ນສາຍພົວພັນມິດຕະພາບລະຫວ່າງ ຫວຽດນາມ ແລະ ຍີ່ປຸ່ນ. ຕາມທ່ານເອກອັກຄະລັດຖະທູດແລ້ວ, ບັນດາການປະກອບສ່ວນຂອງແຕ່ລະບຸກຄົນໃນປະຊາຄົມ ໄດ້ປະກອບສ່ວນຍົກສູງພາບພົດຂອງປະເທດຊາດ, ປະຊາຊົນ ຫວຽດນາມ ໃນສາຍຕາຂອງເພື່ອນມິດ ຍີ່ປຸ່ນ.
ທ່ານເອກອັກຄະລັດຖະທູດ ຟ້າມກວາງຫ້ຽວ ເນັ້ນໜັກວ່າ ພິທີມອບລາງວັນແມ່ນເພື່ອຊີດຊູບັນດາກົມກອງລວມໝູ່ ແລະ ບຸກຄົນທີ່ຕັ້ງໜ້າ, ບັນດາຜູ້ທີ່ໄດ້ອຸທິດສ່ວນໃນການພັດທະນາ ແລະ ການຕິດພັນປະຊາຄົມໃນປີ 2023. ທ່ານເອກອັກຄະລັດຖະທູດ ຢືນຢັນວ່າ ບັນດາຄວາມມານະພະຍາຍາມທີ່ບໍ່ຮູ້ອິດເມື່ອຍຂອງບັນດາກົມກອງລວມໝູ່ ແລະ ບຸກຄົນທີ່ໄດ້ຍ້ອງຍໍໃນມື້ນີ້ ບໍ່ພຽງແຕ່ສ້າງປະຊາຄົມຊາວຫວຽດນາມ ສາມັກຄີ, ໝັ້ນຄົງເຂັ້ມແຂງເທົ່ານັ້ນ, ຫາກຍັງປະກອບສ່ວນສ້າງສາຍພົວພັນອັນດີງາມລະຫວ່າງ ຫວຽດນາມ ແລະ ຍີ່ປຸ່ນ ນຳອີກ.
ທ່ານເອກອັກຄະລັດຖະທູດ ປາດຖະໜາວ່າ ປະຊາຄົມຊາວ ຫວຽດນາມ ຢູ່ ຍີ່ປຸ່ນ ຈະສືບຕໍ່ເສີມຂະຫຍາຍນ້ຳໃຈສາມັກຄີ, ມີຫົວຄິດປະດິດສ້າງ ແລະ ມີຄວາມຮັບຜິດຊອບ ເພື່ອສືບຕໍ່ອຸທິດສ່ວນກໍ່ສ້າງປະຊາຄົມຊາວຫວຽດນາມ ໃຫ້ນັບມື້ນັບພັດທະນາ ແລະ ໝັ້ນຄົງເຂັ້ມແຂງກ່ວາ ຢູ່ ຍີ່ປຸ່ນ.
ອີງຕາມບັນດາການປະກອບສ່ວນຂອງກົມກອງລວມໝູ່ ແລະ ບຸກຄົນໃຫ້ແກ່ປະຊາຄົມໃນປີ 2023 ດ້ວຍບັນດາການເຄື່ອນໄຫວທີ່ແທດຈິງ ແລະ ມີຄວາມໝາຍ, ນັບແຕ່ການຈັດຕັ້ງບັນດາເຫດການວັດທະນະທຳ, ກິລາ, ການສຶກສາ, ເຖິງການໜູນຊ່ວຍຄົນບ້ານດຽວກັນໃນໄລຍະປະສົບກັບຄວາມຫຍຸ້ງຍາກ, ສະຖານທູດຫວຽດນາມ ໄດ້ຕົກລົງມອບໃບຍ້ອງຍໍໃຫ້ 16 ກົມກອງລວມໝູ່, 35 ບຸກຄົນ, ໃນນັ້ນ ມີສະຫະພັນສະມາຄົມຊາວ ຫວຽດນາມຢູ່ ຍີ່ປຸ່ນ, ສະມາຄົມນັກປັນຍາຊົນ ຫວຽດນາມ ຢູ່ ຍີ່ປຸ່ນ, ສະມາຄົມຊາວໜຸ່ມນັກສຶກສາຫວຽດນາມ ຢູ່ ຍີ່ປຸ່ນ, ອົງການແລກປ່ຽນສາກົນ ຫວຽດນາມ - ຍີ່ປຸ່ນ ແລະ ບັນດາສະມາຄົມຊາວ ຫວຽດນາມ ຢູ່ບັນດາທ້ອງຖິ່ນຄື ແຂວງ Aichi, Toyama. , Gunma, Ibaraki, Nagano, Hokkaido, Shizuoka ...
 | ຍີ່ປຸ່ນ ເຊີດຊູ ທ່ານ ຮວ່າງບິ່ງກວນ ທີ່ໄດ້ປະກອບສ່ວນຢ່າງຕັ້ງໜ້າເຂົ້າໃນການພົວພັນມິດຕະພາບ ຫວຽດນາມ - ຍີ່ປຸ່ນ ຍສໝ - ທ່ານ ຮວ່າງບິ່ງກວນ, ອະດີດກຳມະການສູນກາງພັກ, ອະດີດຫົວໜ້າຄະນະພົວພັນຕ່າງປະເທດສູນກາງ, ເມື່ອບໍ່ດົນມານີ້ ໄດ້ຮັບຫຼຽນໄຊອາທິດອຸໄທ ໂດຍລັດຖະບານຍີ່ປຸ່ນ ມອບໃຫ້ ຍ້ອນມີການປະກອບສ່ວນເຂົ້າໃນການພົວພັນມິດຕະພາບທີ່ເປັນມູນເຊື້ອລະຫວ່າງ ຫວຽດນາມ ແລະ ຍີ່ປຸ່ນ. |
 | ພິທີເປີດງານວັດພູຫີນອອ່ນພະອະວາໂລກິເຕສວນ ໃນປີ 2024 ຍສໝ - ງານບຸນວັດພູຫີນອ່ອນພະອະວາໂລກິເຕສວນ ຫງູແຫ່ງເຊີນ ຢູ່ນະຄອນດາໜັງ ໄດ້ຮັບການຈັດອັນດັບຈາກກະຊວງວັດທະນະທຳ, ກິລາ ແລະ ທ່ອງທ່ຽວໃຫ້ເປັນມໍລະດົກວັດທະນະທຳທີ່ຈັບຕ້ອງບໍ່ໄດ້ແຫ່ງຊາດ; ກົມໃຫຍ່ທ່ອງທ່ຽວຈັດໃຫ້ເປັນໜຶ່ງໃນ 15 ງານບຸນໃຫຍ່ຂອງປະເທດ. |
ມິງດຶກ
