ກອງປະຊຸມພົບປະຢູ່ຫຼັກໝາຍຈຸດຕັດກັນຂອງເສັ້ນຊາຍແດນ ຫວຽດນາມ - ລາວ - ຈີນ

07:48 | 18/05/2024

ຍສໝ - ຫວ່າງມໍ່ໆມານີ້, ຢູ່ຫຼັກໝາຍຈຸດຕັດກັນຂອງເສັ້ນຊາຍແດນ 3 ປະເທດ ຫວຽດນາມ - ລາວ - ຈີນ, ສອງປ້ອມປ້ອງກັນຊາຍແດນ A Pa Chai ແລະ ແຊນເທື້ອງ (ກອງບັນຊາການທະຫານປ້ອງກັນຊາຍແດນແຂວງ ດ້ຽນບຽນ, ຫວຽດນາມ) ໄດ້ດຳເນີນກອງປະຊຸມພົບປະກັບ ກົມຕຳຫຼວດເມືອງ ຍອດອູ, ແຂວງ ຜົ້ງສາລີ (ລາວ) ແລະ ກອງຮ້ອຍຄຸ້ມຄອງຊາຍແດນ ຢ່າງແທງ, ແຂວງ ຢູນໜານ (ຈີນ).

	ການພົບປະແລກປ່ຽນວັດທະນະທຳສິລະປະ, ກິລາ ເພື່ອຕິດພັນມິດຕະພາບລະຫວ່າງ ລາວກາຍ (ຫວຽດນາມ) ແລະ ເຫີ່ໂຊ່ເຢົາ (ຈີນ)
	ການຢ້ຽມຢາມ New Delhi ເພື່ອຊຸກຍູ້ການແລກປ່ຽນປະຊາຊົນລະຫວ່າງ ຫວຽດນາມ - ອິນເດຍ

ຄະນະຜູ້ແທນສອງປ້ອມປ້ອງກັນຊາຍແດນ A Pa Chai ແລະ ແຊນເທື້ອງ ໂດຍ ສະຫາຍ ພັນເອກສາມດາວ ຫງວຽນດຶກຢຸງ, ຫົວໜ້າປ້ອມປ້ອງກັນຊາຍແດນ A Pa Chai ນຳໜ້າ.

ຄະນະຜູ້ແທນຂອງກອງບັນຊາການເມືອງ ຍອດອູ ໂດຍ ສະຫາຍ ພັນໂທ ລີ ປານແກ້ວ, ຫົວໜ້າກອງບັນຊາການ ເປັນຫົວໜ້າຄະນະ.

ການພົບປະເຈລະຈາຢູ່ຫຼັກໝາຍຈຸດຕັດກັນຂອງເສັ້ນທາງຊາຍແດນ ຫວຽດນາມ - ລາວ - ຈີນ

ບັນດາຫົວໜ້າຄະນະໄດ້ມອບບົດບັນທຶກຊ່ວຍຈຳການພົບປະເຈລະຈາ

ຄະນະຜູ້ແທນຂອງກອງຮ້ອຍຄຸ້ມຄອງຊາຍແດນ ຢ່າງແທງ ໂດຍ ສະຫາຍ ຮວ່າງຫ້າວ, ຫົວໜ້າກອງຮ້ອຍ ເປັນຫົວໜ້າຄະນະ.

ທີ່ກອງປະຊຸມພົບປະ, 3 ຝ່າຍໄດ້ຕີລາຄາບັນດາໝາກຜົນທີ່ບັນລຸໄດ້ໃນການປະຕິບັດງານສົມທົບກັນຄຸ້ມຄອງ, ປົກປັກຮັກສາຊາຍແດນ; ການຕໍ່ສູ້ປ້ອງກັນ, ຕ້ານອາດຊະຍາກຳຂ້າມຊາຍແດນ ແລະ ການປ້ອງກັນ, ຕ້ານການເຂົ້າອອກເມືອງຢ່າງຜິດກົດໝາຍ. ພ້ອມກັນນັ້ນ, ກໍກຳນົດບັນດາເນື້ອໃນຈຸດສຸມໃນການປະຕິບັດງານສົມທົບ ແລະ ຮັກສາການປະຕິບັດບັນດາເອກະສານນິຕິກຳກ່ຽວກັບຊາຍແດນ ເຊິ່ງລັດຖະບານຂອງແຕ່ລະຝ່າຍໄດ້ລົງນາມ; ເຫັນດີເປັນເອກະພາບໃນການເພີ່ມທະວີວຽກງານສົມທົບກັນຄຸ້ມຄອງລະຫວ່າງ 3 ຝ່າຍໃນໄລຍະຈະມາເຖິງ.

ພ້ອມກັນນັ້ນ, ສາມຝ່າຍ ກໍໄດ້ບັນລຸຄວາມຮັບຮູ້ລວມ ແລະ ດຳເນີນການລົງນາມໃນບົດບັນທຶກຊ່ວຍຈຳ. ກອງປະຊຸມພົບປະ ໄດ້ດຳເນີນຖືກຕາມຫຼັກການການຕ່າງປະເທດ, ຮັບປະກັນຄວາມປອດໄພສູງສຸດກ່ຽວກັບທຸກດ້ານ.

ກອງປະຊຸມພົບປະຢູ່ຫຼັກໝາຍຈຸດຕັດກັນຂອງເສັ້ນຊາຍແດນ 3 ປະເທດ ໄດ້ອີງຕາມການເຫັນດີເປັນເອກະສັນກັນກ່ຽວກັບການຮ່ວມມືຂັ້ນສູງລະຫວ່າງກະຊວງປ້ອງກັນປະເທດ ຫວຽດນາມ ກັບກະຊວງປ້ອງກັນຄວາມສະຫງົບລາວ ແລະ ກະຊວງຕຳຫຼວດຈີນ, ກໍຄືຈິດໃຈຂອງບັນດາບົດບັນທຶກການເຈລະຈາທີ່ໄດ້ລົງນາມລະຫວ່າງກຳລັງປ້ອງກັນຊາຍແດນທຸກຂັ້ນຂອງ 3 ປະເທດ.