 | ເພີ່ມພູນຄູນສ້າງສາຍພົວພັນມິດຕະພາບ ແລະຄວາມສາມັກຄີແບບພິເສດ ຫວຽດນາມ - ລາວ |
| ສາມັກຄີສ້າງເສັ້ນຊາຍແດນຫວຽດນາມ-ລາວ ຢ່າງມີສັນຕິພາບ, ມິດຕະພາບ, ການຮ່ວມມື ແລະພ້ອມກັນພັດທະນາ |
ກໍ່ສ້າງເສັ້ນຊາຍແດນແຫ່ງຄວາມສາມັກຄີ, ມິດຕະພາບ
ໃນຊຸມມື້ທ້າຍຂອງເດືອນພະຈິກ 2024, ເມື່ອນ້ຳໝອກຍັງບໍ່ທັນເປີດທາງ, ກອງທັບລາດຕະເວນຂອງກອງບັນຊາການທະຫານຊາຍແດນແຂວງກວາງຈີ້ ພ້ອມກັນກັບກອງບັນຊາການທະຫານແຂວງສາລະວັນ (ລາວ) ໄດ້ດຳເນີນການລາດຕະເວນສອງຝ່າຍຢູ່ຊາຍແດນຫວຽດນາມ-ລາວ, ແຕ່ຫຼັກໝາຍຊາຍແດນແຫ່ງຊາດ 634 ເຖິງຫຼັກໝາຍຊາຍແດນແຫ່ງຊາດ 637.
ຢູ່ຈຸດຫຼັກໝາຍຊາຍແດນ, ພະນັກງານ, ນັກຮົບຂອງສອງປະເທດໄດ້ປະຕິບັດພິທີການ, ລະບຽບການທີ່ກຳນົດໄວ້ໃນການເຄື່ອນໄຫວການຕ່າງປະເທດຢ່າງເຂັ້ມງວດ, ກວດກາເຄື່ອງໝາຍຊາຍແດນ, ສະພາບຄວາມປອດໄພຂອງລະບົບຫຼັກໝາຍຊາຍແດນແຫ່ງຊາດ, ຈັດຕັ້ງການບຸກເບີກ, ທຳຄວາມສະອາດອ້ອມຫຼັກຫຼັກໝາຍ... ພ້ອມກັນນັ້ນ, ກໍ່ໄດ້ແລກປ່ຽນສະພາບຄວາມປອດໄພ, ຄວາມເປັນລະບຽບຮຽບຮ້ອຍຢູ່ເຂດຊາຍແດນ, ໂຄສະນາເຜີຍແຜ່, ຂົນຂວາຍປະຊາຊົນປະຕິບັດລະບຽບການຢູ່ເຂດຊາຍແດນ, ເຂດຜືນແຜ່ນດິນ, ຍົກສູງຄວາມຮັບຮູ້ກ່ຽວກັບການປົກປັກຮັກສາເສັ້ນຊາຍແດນ, ຫຼັກໝາຍແຫ່ງຊາດ.
ຜ່ານການກວດກາເຫັນວ່າ ສະພາບການເສັ້ນທາງຊາຍແດນ, ຫຼັກໝາຍຊາຍແດນແຫ່ງຊາດໄດ້ຮັບປະກັນໃຫ້ຢູ່ໃນສະພາບເດີມ, ບໍ່ມີຮ່ອງຮອຍການເຄື່ອນຍ້າຍ ຫຼື ເສຍຫາຍ. ປະຊາຊົນສອງຟາກຊາຍແດນໄດ້ຮັກສາສະຖຽນລະພາບການດຳເນີນທຸລະກິດ, ພັດທະນາເສດຖະກິດ, ປະຕິບັດບັນດາເອກະສານກົດໝາຍກ່ຽວກັບຊາຍແດນຫວຽດນາມ - ລາວ ເປັນຢ່າງດີ. ຂະບວນການລາດຕະເວນບໍ່ໍກວດພົບບັນດາການເຄື່ອນໄຫວໄປເຮັດນາທີ່ບ້ານອື່ນ, ການບຸກລຸກ, ການຂຸດຄົ້ນເຄື່ອງປ່າຂອງດົງ ປ່າໄມ້ ແລະ ທີ່ດິນຢ່າງຜິດກົດໝາຍ, ບັນດາການເຄື່ອນໄຫວລະເມີດຂໍ້ກຳນົດກົດລະບຽບຢູ່ເຂດຊາຍແດນໃນຂອບເຂດຄວາມຮັບຜິດຊອບ.
 |
| ການນຳກອງບັນຊາການທະຫານຊາຍແດນແຂວງ ກວາງຈີ້ ແລະ ການນຳກອງບັນຊາການທະຫານແຂວງສາລະວັນ ປະຕິບັດພິທີຢູ່ຫຼັກໝາຍຊາຍແດນ. ພາບ: Vinh Phan |
ໃນຕອນທ້າຍຂອງການລາດຕະເວນ, ສອງຝ່າຍໄດ້ຖອດຖອນບົດຮຽນປະສົບການ, ປຶກສາຫາລືກ່ຽວກັບແຜນການນະໂຍບາຍ, ວິທີການແກ້ໄຂ, ເຫັນດີເປັນເອກະພາບກ່ຽວກັບເວລາ, ຈໍານວນທະຫານໃຫ້ການລາດຕະເວນເທື່ອຕໍ່ໄປ ແລະ ໄດ້ລົງນາມໃນບົດບັນທຶກຜົນການລາດຕະເວນສອງຝ່າຍ.
ໂດຍໄດ້ຮູ້ວ່າ ນັບແຕ່ຕົ້ນປີ 2024 ມາຮອດປະຈຸບັນ, ບັນດາຫົວໜ່ວຍທະຫານຊາຍແດນຫວຽດນາມ ແລະ ກຳລັງຄຸ້ມຄອງ, ປ້ອງກັນຊາຍແດນລາວ ໄດ້ສົມທົບກັນຈັດຕັ້ງການລາດຕະເວນສອງຝ່າຍ 207 ເທື່ອ/ພະນັກງານ, ນັກຮົບຂອງທັງສອງຝ່າຍ 4.184 ເທື່ອຄົນ (ເພີ່ມຂຶ້ນ 59 ເທື່ອ/ພະນັກງານ, ນັກຮົບ 1.080 ເທື່ອຄົນ ເມື່ອທຽບໃສ່ໄລຍະດຽວກັນຂອງປີ 2023).
2 ຝ່າຍໄດ້ຈັດຕັ້ງບັນດາການເຄື່ອນໄຫວແລກປ່ຽນຄະນະຜູ້ແທນເປັນຢ່າງດີ, ດ້ວຍ 427 ຄະນະຜູ້ແທນ/2.896 ເທື່ອຄົນ; ປະສານສົມທົບເພື່ອຈັດຕັ້ງບັນດາໂຄງການຢ່າງສຳເລັດຜົນ: ແລກປ່ຽນນັກຮົບໜຸ່ມທະຫານຊາຍແດນຫວຽດນາມ ແລະ ສັນຕິບານ, ຕຳຫຼວດລາວ ຢູ່ແຂວງ ກອນຕູມ; ພົບປະແລກປ່ຽນນັກຮົບໜຸ່ມທະຫານຊາຍແດນຫວຽດນາມ-ລາວ ຢູ່ແຂວງສະຫວັນນະເຂດ ແລະ ຄຳມ່ວນ (ລາວ).
2 ຝ່າຍໄດ້ຈັດຕັ້ງກອງປະຊຸມພົບປະເປັນປະຈຳ, ຮັກສາການແລກປ່ຽນຂໍ້ມູນ, ສະພາບການ, ສົມທົບກັນເພື່ອຕໍ່ສູ້, ຕ້ານບັນດາກົນອຸບາຍ, ເຈຕະນາແບ່ງແຍກສາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄີແບບພິເສດລະຫວ່າງ 2 ປະເທດ; ຕໍ່ສູ້ກັບອາດຊະຍາກຳ, ການລະເມີດກົດໝາຍຢູ່ເຂດຊາຍແດນຢ່າງມີປະສິດທິຜົນ, ພິເສດແມ່ນອາດຊະຍາກຳຢາເສບຕິດ, ການເຂົ້າເມືອງຜິດກົດໝາຍ...
ຄຽງຂ້າງນັ້ນ, 2 ຝ່າຍກໍ່ຊຸກຍູ້ບັນດາຮູບແບບ “ແຮກສ່ຽວປ້ອມປ້ອງກັນຊາຍແດນ-ກອງຮ້ອຍທະຫານຊາຍແດນ, ກໍາລັງປະກອບອາວຸດສອງຟາກຊາຍແດນ” ຢ່າງຕັ້ງໜ້າ, ປະຈຸບັນ, ມີ 74/95 ປ້ອມປ້ອງກັນຊາຍແດນ ດ້ວຍ 29/36 ກອງຮ້ອຍທະຫານຊາຍແດນ ແລະ 10 ປ້ອມຕຳຫຼວດດ່ານຊາຍແດນລາວ ໄດ້ລົງນາມໃນການເເຮກສ່ຽວ.
 |
| ທ່ານພົນຕີ ເລດຶກໄທ, ຜູ້ບັນຊາການທະຫານຊາຍແດນ ແລະ ທ່ານພັນເອກ ອຸ່ນຄຳ ສີແຫວນວົງສັກ, ຮັກສາການຫົວໜ້າກົມທະຫານຊາຍແດນ, ກົມໃຫຍ່ເສນາທິການ ກອງທັບປະຊາຊົນລາວ ໄດ້ມອບບົດບັນທຶກການພົບປະໃນວັນທີ 8 ຕຸລາ 2024. ພາບ: Thu Minh |
ໝາກຜົນທີ່ໂດດເດັ່ນຫຼາຍຢ່າງ
ທ່ານພົນຕີ ເລດຶກໄທ, ຜູ້ບັນຊາການທະຫານຊາຍແດນ ໄດ້ຕີລາຄາວ່າ ໃນຊຸມປີທີ່ຜ່ານມາ, ກຳລັງທະຫານຊາຍແດນ ຫວຽດນາມ ແລະ ລາວ ໄດ້ເປັນເຈົ້າການ, ຕັ້ງໜ້າໃນການສົມທົບກັນຢ່າງແໜ້ນແຟ້ນ, ມີປະສິດທິຜົນ ແລະ ບັນລຸໄດ້ບັນດາໝາກຜົນພົ້ນເດັ່ນ. ໃນນັ້ນ, 2 ຝ່າຍໄດ້ເຊື່ອມຊຶມການປະຕິບັດອະນຸສັນຍາກ່ຽວກັບເສັ້ນຊາຍແດນ ແລະ ຫຼັກໝາຍຊາຍແດນຢ່າງເຂັ້ມງວດ ແລະ ມີປະສິດທິຜົນ; ສັນຍາວ່າດ້ວຍລະບຽບການຄຸ້ມຄອງຊາຍແດນ ແລະ ດ່ານຊາຍແດນທາງບົກລະຫວ່າງຫວຽດນາມ ແລະ ລາວ; ອະນຸສັນຍາການຮ່ວມມືປ້ອງກັນຊາຍແດນລະຫວ່າງ 2 ກະຊວງປ້ອງກັນປະເທດ ແລະ ບົດບັນທຶກຊ່ວຍຈຳ, ການພົບປະສົນທະນາລະຫວ່າງບັນດາອົງການ, ຫົວໜ່ວຍທີ່ກ່ຽວຂ້ອງຂອງ 2 ຝ່າຍ; ຄົ້ົ້ນພົບ ແລະ ປະສານສົມທົບກັນຢ່າງທັນການ ເພື່ອແກ້ໄຂບັນດາເຫດການທີ່ເກີດຂຶ້ນຢູ່ຊາຍແດນຢ່າງມີປະສິດທິຜົນ.
ນອກຈາກນັ້ນ, ສອງຝ່າຍກໍ່ໄດ້ສົມທົບກັນເພື່ອຈັດຕັ້ງບັນດາການເຄື່ອນໄຫວຕໍ່ສູ້, ຕ້ານບັນດາກົນອຸບາຍ, ເລ່ລ່ຽມ, ການເຄື່ອນໄຫວຕ້ານ ແລະ ທຳລາຍຂອງບັນດາກຳລັງປໍລະປັກຢ່າງມີປະສິດທິຜົນ ເພື່ອແບ່ງແຍກສາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄີແບບພິເສດລະຫວ່າງ 2 ປະເທດ; ການເຄື່ອນໄຫວຂອງອາດຊະຍາກຳປະເພດຕ່າງໆ ແລະ ການລະເມີດກົດໝາຍຢູ່ເຂດຊາຍແດນ.
ໃນໄລຍະຈະມາເຖິງ, ກອງບັນຊາການທະຫານຊາຍແດນ ຈະສືບຕໍ່ສົມທົບກັນຢ່າງແໜ້ນແຟ້ນກັບກໍາລັງຄຸ້ມຄອງ, ປົກປັກຮັກສາຊາຍແດນຂອງລາວ; ສົມທົບກັນເພື່ອປົກປັກຮັກສາອະທິປະໄຕຜືນແຜ່ນດິນ, ຄວາມປອດໄພຊາຍແດນແຫ່ງຊາດ ເຊິ່ງສອງພັກ, ລັດ ໄດ້ເຫັນດີເປັນເອກະພາບການວາງແຜນກຳນົດ; ສືບຕໍ່ຜັນຂະຫຍາຍປະຕິບັດບັນດາເອກະສານຮ່ວມມືທີ່ໄດ້ລົງນາມຢ່າງມີປະສິດທິຜົນ. ເປັນເຈົ້າການ, ຕັ້ງໜ້າໃນການແລກປ່ຽນຂໍ້ມູນ, ເພີ່ມທະວີການສົມທົບກັນໃນການລາດຕະເວນສອງຝ່າຍ ເພື່ອປົກປັກຮັກສາເສັ້ນຊາຍແດນ, ຫຼັກໝາຍຊາຍແດນ. 2 ຝ່າຍພ້ອມແລ້ວທີ່ຈະສົມທົບກັນຢ່າງມີປະສິດທິຜົນ ເພື່ອຮັບມືກັບໄພທຳມະຊາດ, ໂລກລະບາດ ແລະ ບັນຫາຄວາມປອດໄພແບບໃໝ່; ຕໍ່ສູ້ປ້ອງກັນ, ຕ້ານອາດຊະຍາກຳຂ້າມຊາຍແດນ, ພິເສດແມ່ນອາດຊະຍາກຳຢາເສບຕິດ; ສືບຕໍ່ສົມທົບກັນເພື່ອຕໍ່ສູ້ປ້ອງກັນບັນດາການເຄື່ອນໄຫວຍ້າຍຖິ່ນຖານຢ່າງເສລີ ແລະ ຕັ້ງຖິ່ນຖານໃຫ້ປະຊາກອນຊາຍແດນຢ່າງຖາວອນ; ປະສານງານໂຄສະນາໃຫ້ປະຊາຊົນຢູ່ເຂດຊາຍແດນ 2 ປະເທດ ເພື່ອຍົກສູງຄວາມຮັບຮູ້ ແລະ ສະຕິປະຕິບັດບັນດາເອກະສານນິຕິກຳຢູ່ຊາຍແດນ ຫວຽດນາມ - ລາວ. ສືບຕໍ່ຊ່ວຍລາວ ໃນວຽກງານບຳລຸງສ້າງຖັນແຖວພະນັກງານ ແລະ ສົມທົບກັບບັນດາກຳລັງເຈົ້າທີ່ ເພື່ອຈັດຕັ້ງການສຳຫຼວດ, ໜູນຊ່ວຍກໍ່ສ້າງສຳນັກງານເຮັດວຽກຂອງກອງບັນຊາການທະຫານຊາຍແດນລາວ.
ກອງບັນຊາການທະຫານຊາຍແດນ ກໍ່ໄດ້ຊີ້ນໍາທະຫານຊາຍແດນບັນດາແຂວງທີ່ມີເສັ້ນຊາຍແດນຕິດກັບລາວ ສືບຕໍ່ຜັນຂະຫຍາຍໝາກຜົນທີ່ບັນລຸໄດ້ ແລະ ສົມທົບກັນຢ່າງແໜ້ນແຟ້ນກັບບັນດາກໍາລັງຄຸ້ມຄອງ, ປົກປັກຮັກສາຊາຍແດນຂອງລາວ ໃນການປະຕິບັດໜ້າທີ່ຄຸ້ມຄອງ, ປົກປັກຮັກສາຊາຍແດນ, ຮັກສາຄວາມປອດໄພທາງດ້ານການເມືອງ, ຄວາມເປັນລະບຽບຮຽບຮ້ອຍຄວາມປອດໄພທາງສັງຄົມ ແລະ ຊຸກຍູ້ການພັດທະນາເສດຖະກິດ - ສັງຄົມຢູ່ເຂດຊາຍແດນ.
ໂດຍເປັນເສນາທິການໃຫ້ຄະນະພັກບັນດາຂັ້ນ, ອຳນາດການປົກຄອງທ້ອງຖິ່ນ 2 ເຂດຊາຍແດນ ໄດ້ເພີ່ມທະວີການເຄື່ອນໄຫວແລກປ່ຽນແຮກສ່ຽວ, ພັດທະນາຮູບແບບ “ແຮກສ່ຽວກຸ່ມພົນລະເມືອງສອງຟາກຊາຍແດນ”, “ແຮກສ່ຽວປ້ອມປ້ອງກັນຊາຍແດນ-ກອງຮ້ອຍທະຫານຊາຍແດນ, ກໍາລັງປະກອບອາວຸດສອງຟາກຊາຍແດນ” ເພື່ອປັບປຸງ, ຮັກສາຄວາມໄວ້ເນື້ອເຊື່ອໃຈ, ນຳການພົວພັນຮ່ວມມືມິດຕະພາບ, ຄວາມສາມັກຄີ, ຄວາມເຂົ້າໃຈ, ຄວາມໄວ້ເນື້ອເຊື່ອໃຈລະຫວ່າງ 2 ຝ່າຍຂຶ້ນສູ່ລະດັບສູງໃໝ່, ນັບມື້ນັບກ້າວເຂົ້າສູ່ລວງເລິກ, ແທດຈິງ ແລະ ມີປະສິດທິຜົນ.
 | ສະໜິດຕິດພັນນ້ຳໃຈມິດຕະພາບລະຫວ່າງ ທະຫານຊາຍແດນ ຫວຽດນາມ-ລາວ ຍສໝ - ປາດຖະໜາວ່າ ການພົວພັນມິດຕະພາບ, ຄວາມສາມັກຄີແບບພິເສດ, ການຊ່ວຍເຫຼືອກັນລະຫວ່າງສອງແຂວງເທື່ອທຽນເຫວ້ ແລະເຊກອງ ເວົ້າລວມ, ລະຫວ່າງທະຫານຊາຍແດນແຂວງເທື່ອທຽນເຫວ້ ແລະກຳລັງປ້ອງກັນຊາຍແດນລາວ ເວົ້າສະເພາະຈະນັບມື້ນັບສະໜິດແໜ້ນ, ຂຽວສົດງົດງາມ, ໝັ້ນຄົງຂະໜົງແກ່ນໄປຊົ່ວກາລະນານ. |
 | ຍສໝ - ຄະນະປະຕິບັດງານຂອງສະມາຄົມມິດຕະພາບ ລາວ-ຫວຽດນາມ ແຂວງ ເຊກອງ (ລາວ) ໂດຍທ່ານນາງ ບຸນຮຽງ ບຸນຈິດ ປະທານແນວລາວສ້າງຊາດ ແຂວງ ເຊກອງ, ປະທານສະມາຄົມມິດຕະພາບ ລາວ-ຫວຽດນາມ ແຂວງ ເຊກອງ ໄດ້ມີການໄປຢ້ຽມຢາມ ແລະ ເຮັດວຽກກັບສະມາຄົມມິດຕະພາບ ຫວຽດນາມ - ລາວ ແຂວງ ກວາງນາມ. |
ມີງດຶກ
