 | ທະຫານຊາຍແດນແຂວງ ແທງຮວ໋າ: ຊ່ວຍເຫຼືອວັດຖຸໃຫ້ກອງບັນຊາການທະຫານແຂວງ ຫົວພັນ (ລາວ) |
| ແຂວງ ເຊີນລາ ສສ. ຫວຽດນາມ ມອບຜ້າອັດປາກ ໃຫ້ແຂວງ ຫົວພັນ ແລະ ແຂວງ ຫລວງພະບາງ ສປປ. ລາວ |
ຕາງໜ້າການນຳແຂວງ ແທງຮວ໋າ, ທ່ານ ໂດ໊ຈ່ອງຮຶງ, ເລຂາຄະນະພັກແຂວງ ໄດ້ໃຫ້ການຕ້ອນຮັບຢ່າງອົບອຸ່ນຕໍ່ ສະຫາຍ ຄອນປະພັນ ເລືອງສີຈັນທອງ ແລະ ຄະນະຜູ້ແທນສະພາປະຊາຊົນແຂວງ ຫົວພັນ ມາທີ່ ແຂວງ ແທງຮວ໋າ ເພື່ອເຂົ້າຮ່ວມກອງປະຊຸມແລກປ່ຽນບົດຮຽນການເຄື່ອນໄຫວວຽກງານລະຫວ່າງສະພາປະຊາຊົນສອງແຂວງ. ສະຫາຍ ເລຂາຄະນະພັກແຂວງ ໄດ້ຊົມເຊີຍບັນດາຜົນສຳເລັດໃນການພັດທະນາເສດຖະກິດ-ສັງຄົມຂອງແຂວງ ຫົວພັນ ໃນໄລຍະທີ່ຜ່ານມາ, ພ້ອມທັງຢືນຢັນຄວາມເຊື່ອໝັ້ນວ່າ: ພາຍໃຕ້ການນຳພາຂອງອົງຄະນະພັກ, ລັດຖະບານ ແລະ ຄວາມມານະພະຍາຍາມຂອງປະຊາຊົນ, ແຂວງ ຫົວພັນ ຈະສືບຕໍ່ບັນລຸໄດ້ບັນດາຜົນສໍາເລັດທີ່ຍິ່ງໃຫຍ່ ແລະ ມີຄວາມໝັ້ນຄົງໃນພາລະກິດແຫ່ງການປ່ຽນແປງໃໝ່.
 |
ທ່ານເລຂາຄະນະພັກແຂວງ ໂດ໊ຈ່ອງຮຶງ ໄດ້ແຈ້ງໃຫ້ຄະນະຄະນະປະຕິບັດງານ ສະພາປະຊາຊົນແຂວງ ຫົວພັນ ຊາບກ່ຽວກັບບັນດາໝາກຜົນທີ່ພົ້ນເດັ່ນທີ່ແຂວງ ແທງຮວ໋າ ບັນລຸໄດ້ໃນ 5 ເດືອນຕົ້ນ ປີ 2024, ແບ່ງປັນບາງປະສົບການທີ່ພົ້ນເດັ່ນໃນການເຄື່ອນໄຫວຂອງສະພາປະຊາຊົນແຂວງ ແທງຮວ໋າ ແຕ່ຕົ້ນວາລະທີ XVIII ມາຮອດປະຈຸບັນ, ພິເສດແມ່ນວຽກງານການກໍ່ສ້າງ, ປະກາດໃຊ້ມະຕິ ແລະ ການເຄື່ອນໄຫວຕິດຕາມກວດກາ. ທ່ານເລຂາຄະນະພັກແຂວງ ໄດ້ສະແດງຄວາມປາດຖະໜາວ່າ ທີ່ກອງປະຊຸມແລກປ່ຽນປະສົບການການເຄື່ອນໄຫວລະຫວ່າງສະພາປະຊາຊົນແຂວງ ແທງຮວ໋າ ແລະ ສະພາປະຊາຊົນແຂວງ ຫົວພັນ, 2 ຝ່າຍຈະແລກປ່ຽນຫຼາຍເນື້ອໃນທີ່ມີປະໂຫຍດ, ຮ່ວມກັນປຶກສາຫາລື ເພື່ອຊອກຫາວິທີການແກ້ໄຂ ແລະ ການຈັດຕັ້ງປະຕິບັດໜ້າທີ່ຢ່າງມີຄຸນນະພາບ ແລະ ປະສິດທິຜົນທີ່ດີກວ່າ. ຄຽງຂ້າງງນັ້ນ, ໝາກຜົນຂອງກອງປະຊຸມຍັງຈະປະກອບສ່ວນຊຸກຍູ້ການພົວພັນຮ່ວມມືຮອບດ້ານລະຫວ່າງ 2 ແຂວງ ບົນຈິດໃຈບັນດາເນື້ອໃນທີ່ໄດ້ລົງນາມໃນເອກະສານສັນຍາການຮ່ວມມືໄລຍະ 2021 – 2025.
ຕາງໜ້າຄະນະປະຕິບັດງານຂອງສະພາປະຊາຊົນແຂວງ ຫົວພັນ, ສະຫາຍ ຄອນປະພັນ ເລືອງສີຈັນທອງ ໄດ້ສະແດງຄວາມຂອບອົກຂອບໃຈຕໍ່ການຕ້ອນຮັບອັນອົບອຸ່ນ ແລະ ສະໜິດສະໜົມ ຈິງໃຈຂອງສະຫາຍ ໂດ໊ຈ່ອງຮຶງ ເລຂາຄະນະພັກແຂວງ ແລະ ພະນັກງານການນຳແຂວງ ແທງຮວ໋າ ທີ່ມີຕໍ່ຄະນະຜູ້ແທນ. ທ່ານຮັກສາການປະທານສະພາປະຊາຊົນແຂວງ ຫົວພັນ ກໍ່ຊົມເຊີຍບັນດາໝາກຜົນທີ່ໜ້າປະທັບໃຈໃນການພັດທະນາເສດຖະກິດ - ສັງຄົມຂອງແຂວງ ແທງຮວ໋າ ໃນຊຸມປີຜ່ານມາ; ພ້ອມກັນນັ້ນ, ກໍ່ສະແດງຄວາມຂອບອົກຂອບໃຈບັນດາການຊ່ວຍເຫຼືອອັນໃຫຍ່ຫຼວງ ແລະ ມີປະສິດທິຜົນຂອງອົງຄະນະພັກ, ອຳນາດການປົກຄອງ ແລະ ປະຊາຊົນແຂວງ ແທງຮວ໋າ ໃຫ້ແຂວງ ຫົວພັນ ໃນຕະຫຼອດໄລຍະທີ່ຜ່ານມາ.
 |
| ສະຫາຍເລຂາຄະນະພັກແຂວງ, ປະທານສະພາປະຊາຊົນແຂວງ ໂດ໊ຈ່ອງຮຶງ ໄດ້ຕ້ອນຮັບຄະນະຜູ້ແທນສະພາປະຊາຊົນແຂວງ ຫົວພັນ ຢ່າງສະໜິດສະໜົມ. |
ກ່ອນໜ້ານັ້ນ, ຕອນບ່າຍໃນວັນດຽວກັນ, ຄະນະຜູ້ແທນການນຳສະພາປະຊາຊົນແຂວງ ແທງຮວ໋າ - ຫົວພັນ ກໍ່ໄດ້ມາຖະຫວາຍທູບທຽນຢູ່ເຂດວັດທະນະທຳອານຸສອນ ປະທານ ໂຮ່ຈິມິນ ຢູ່ນະຄອນ ແທງຮວ໋າ ໂດຍສະແດງຄວາມຮູ້ບຸນຄຸນເປັນຢ່າງສູງຕໍ່ປະທານ ໂຮ່ຈີມິນ, ຜູ້ນຳທີ່ຍິ່ງໃຫຍ່ຂອງ ພັກຄອມມູນິດ ຫວຽດນາມ ແລະ ປະຊາຊົນ ຫວຽດນາມ, ເພິ່ນໄດ້ຮ່ວມກັບປະທານ ໄກສອນ ພົມວິຫານ, ປະທານ ສຸພານຸວົງ ແລະ ບັນດາການນຳການປະຕິວັດວຸ້ນກ່ອນຂອງ ພັກ ທັງສອງຝ່າຍ, ໄດ້ຮ່ວມກັນກໍ່ສ້າງ ແລະ ເພີ່ມພູນຄູນສ້າງສາຍພົວພັນມິດຕະພາບແບບພິເສດ, ຄວາມສາມັກຄີ, ຄວາມສະໜິດຕິດພັນລະຫວ່າງ ຫວຽດນາມ - ລາວ ໃຫ້ “ຂຽວສົດງົດງາມ, ໝັ້ນຄົງຂະນົງແກ່ນຊົ່ວກາລະນານ”.
 | ຫົວພັນ ແລະ ແທັງຫວ໋າ ຮ່ວມມືກັນປົກປັກຮັກສາປ່າ ທ້າຍອາທິດທີ່ຜ່ານມານີ້, ພະແນກກະສິກຳ ແລະ ປ່າໄມ້ແຂວງຫົວພັນຮ່ວມກັບພະແນກກະສິກຳ ແລະ ພັດທະນາຊົນນະບົດແຂວງແທັງຮວ່າໄດ້ຈັດກອງປະຊຸມສະຫຼຸບການຈັດຕັ້ງປະຕິບັດແຜນການຮ່ວມມືວຽກງານປົກປັກຮັກສາປ່າໄມ້, ປ້ອງກັນ ແລະ ດັບມອດໄຟໄໝ້ລາມປ່າເຂດຊາຍແດນຫົວພັນ-ແທັງຮວ່າປີ 2019 ແລະ ວາງທິດທາງການຮ່ວມມືປີ 2020 ຢູ່ທີ່ຫໍວັດທະນະທຳແຂວງຫົວພັນໂດຍການເຂົ້າຮ່ວມຝ່າຍແຂວງຫົວພັນ |
 | ກອງບັນການທະຫານຊາຍແດນແຂວງເຊີນລາ ແລະ ກອງຮ້ອຍທະຫານຊາຍແດນ 231, ປກຊ ແຂວງ ຫົວພັນ ຈັດກອງປະຊຸມສ່ອງແສງ ຍສໝ - ວັນທີ 12 ເດືອນມິຖຸນາ, ກອງບັນຊາການທະຫານຊາຍແດນແຂວງເຊີນລາ ແລະ ກອງຮ້ອຍຊາຍແດນ 213, ປກຊແຂວງຫົວພັນ, ສປປ ລາວ ໄດ້ຈັດກອງປະຊຸມສ່ອງແສງການຈັດຕັ້ງປະຕິບັດວຽກງານ ກ່ຽວກັບການຄຸ້ມຄອງ ແລະ ການປົກປັກຮັກສາຊາຍແດນ ໃນ 6 ເດືອນຕົ້ນປີ 2019. |
ມິງດຶກ
